حد يلحقني

[نانسي وسلمي]

يا جماعة انا معرفتش اذاكر كويس من اول السنة كان في ظروف جامدة ودلوقتي احنا ف شهر 1 مش عارفة اذا كنت هلحق الم المنهج ولا لا ولامدخلش الامتحانات ولا ايه انصحوووووووني عشان انا محتارة وخصوصا ان انا عاوزة اجيب مجموع كبير عشان نفسي ادخل اسنان اوووي

[mera_mar21]

لا ان شاء الله تلحقى بس شدى حيلك دلوقتى اوى ولو كنتى خلصتى مناهج ابءى راجعى ومتضيعيش وقت وامتحانت ايه الى مش عايزة تدخليها ؟توكلى على الله

[نانسي وسلمي]

ميرسي ليك يا اجمل ميرا ف الدنيا والله طمنتيني

[امل00]

انتى ممكن تكثفى وقت مذكرتك و ذكرى بتركيز

[daisy rose]

لسا بدرى وتقدرى
سيبيها لله

[نانسي وسلمي]

والله شكرا يا جماعة بجد ليكو ساعات بنبقي محتاجين حد يوقف جمبنا وشكررررررررررا ليكو انكو رديتو عليا وهعمل بنصيحتكوا

[x19]

بوصى ياناسى انتى وسلمى اهم حاجه التوكل على الله ثم الاخذ بالاسباب
يعنى لازم لازم تشدى جامد اوى تذاكرة جزء جديد وجزء قديم من المنهج
يعنى ساى مثلا ماده العربى تذاكرى درس جديد ودرس قديم بكده ممكن تلمى المنهج كله ان شاء الله
وربنا معاكى
و انا عاوز احجز بقى علشان سنانى بتوجعنى عاوزك تشوفيهاالى يادكتورة

[وميض الايمان]

الوقت قدامك ممكن تلحقى بس بتركيز وانا بدكى فكرةتجيبى ورقة وتكتبى عليها( طب اسنان والا فلا) وتعلقيها قدامك وتبصى عليها كل ما تحاولى تفقدى تركيزك وان شاء الله توصلى لهدفك

[نانسي وسلمي]

اولا شكرا ليك يا x19وان شاء الله هنفذ اللي انت قولت عليه وع العموم ربنا يكرم ان شاء الله وادخل اسنان واشوفلك سنانك ومش هاخد منك فلوس والدوا كمان ع حسابي وصحيح نانسي وسلمي ده اسم منتدي بس اسمي الحقيقي راندا
ثانيا شكرا لوميض الايمان وفعلا كتبت الورقة وهعلقها وشكرررررررا بجد ليكو رقم واحد عشان رديتو ع ليا ورقم 2 عشان رجعتولي الامل والثقة بنفسي وشكرا ع اني اخدت من وقتكو وربنا يكرمكو لو انتو ف ثانوي تجيبو مجموع كبير وتدخلو اللي نفسكو فيه ولو ف كليه ربنا يكرمكو وتمشو فيها كويس

[x19]

اولا الشكر لله يا راندا وانا كنت عارف ان اسمك مش سلمى ولا نانسى انا كنت بزاول كالعاده يعنى ده المعروف عنى
ثانيا بالنسبه لفكرة الورقه ديه انا فعلا عاملها بجد بس انا مش كاتب لاهندسه ولا طب ولا اى حاجه انا كاتب عليها
what about suicide؟
يعنى ماذا عن الانتحار؟ ومعلق هيكى عظمى جنبها اعتقد ان اى حد يشوفها يقول ان انا متشائم وكده بالعكس
انا هدفى من الورقه ديه الانتحار فى المذاكرة علشان احقق اللى انا عاوزة يعنى ب*** نفسى لكن يلا محدش واخد منها حاجه
اه نسيت بالنسبه لتمن الدوا انا هابقى اسدد تمنه بالتقسيط بقى العين بصيرة وانا نظرى ضعيف
هههههههههههه تشرفت يارندا

[هاجر 2009]

السلام عليكم

راندا انت لازم زي ما قال x19 لازم تذاكري درس قديم ودرس جديد
يعني لو انت بتاخذي دروس الدرس الي هتاخذي النهارده مش لازم تذاكري ثاني انت طبقي على طول بأسئله لانك هتكوني لسه فاكره الشرح اما الدرس القديم ذاكري بعد كده طبقي عليه اوعي تدخلي على الاسئله على طول لانك مش هتعرفي تحلي وهتفقدي الامل وده شيء مش مطلوب دلوقتي
مع كل تحياتي

[x19]

ايووووووووون بالظبط

[(wanted)]

ان شاااااااااااء الله هتلحقي
بس اتعبي علشان ربنا يوفقك
ربنا مبيضيعش تعب حد

وان شااء الله اول متفتحي العيادة انا اول زبون بس اكرميني

[نانسي وسلمي]

شكرا بجد ليكو وان شاء الله ربنا يسهل ويكرمني وادخل اسنان واول ما افتح العيادة هبقي اقولوكو اهو ضمنا زباين ومتخافوش هتبقي مجانا يعني هتدفعو 300 ف المية

[التائبة الى ربها]

ربنا يكرمك ان شاء الله والحمد لله ان ظروفك عدت على خير يارب انا ارضى عن نفسى ومذاكرتى ادعولى كلكم بالله عليكم