قرار تغيير المسمى وصل الالف مبروك للجميع التخلص من هذا المسمى الذى همشنا سنوات طويلة

[mostafa20_100]

بشرى سارة لكل أخصائيين المنوفية بعد تقدمنا والحمد لله بشكوى الى النيابة الادارية بمماطلة قسم التطوير بالمنوفية فى تغيير المسمى الوظيفى الى مدرس حاسب الى وصل اليوم فاكس الى رؤساء قسم التطوير بالادارات يطلب طلبات تغيير المسمى واخذ اقرا على من يريد وسوف يوزع فى بوسطتة الغد على جميع المدارس لان محدد موعد 10 ايام للتقدم الف مبروك للجميع التخلص من هذا المسمى الذى همشنا سنوات طويلة

[biba200577]

اقرار ايه!!!!!!!!!!!!!!!!!!!

[ابوجبريل]

لوسمحت لى انا غيرت المسمى الوظيفى من اخصائى تكنووجيا الى معلم لغة انجيزية ولم يتم اخلائى بسبب العجز ما الحل انا تعيين 2004 ومضونى على اقرار عدم الاخلاء لحين سد العجز ممكن طلب من المحافظ ممكن اتواصل معاك على الفيس وك Abdel salam

[ابوجبريل]

المشاركة الأصلية كتبت بواسطة biba200577

اقرار ايه!!!!!!!!!!!!!!!!!!!

ارار عدم الاخلاء لحين سد العجز تربية نوعية قسم تكنولوجيا تعيين 2004 وحصلت على آداب انجيزى

[abdorajb]

بِسْمِ اللهِ الرَّحْمَنِ الرَّحِيمِ
﴿رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ﴾(النَّمْل:19)

[محمود صديق]

الف مبرووووووك لكل الزملاء فى المنوفية وارجو من الأخوة افدتنا لأننا فى الدقهلية يتعنتون معنا فى التغيير فدلونا على الطريق جزاكم الله خيرا

[tam222]

على فكرة هما فى التطوير بيلمو الطلبات وكمان تقريربنسب العجز والزيادة علشان يبعتوها للمحافظ فارجو من الجميع تنسيق ميعاد للذهاب للمحافظ حتى نسبقهم ونهدم خططهم

[اسماعيل 1972]

ارجو معرفه الخطوات التى قمتم بها لى نعمل مثل ما عملتم وشكراً أرجو الرد والافادة

[سنيورة بورسعيد]

ممكن نشر صورة من القرار

[KRAHMED]

الف شكر علي المجهود الرائع

[aboyara2]

ما هو انت لو حاسس بقيمتك ولك دور فى المدرسة اللى انت فيها وعضو مؤثر كنت تظل على مسماك انما انت والكثيرين منكوا عملوا زى اللى رقصوا السلم انت مش فالح انك تكون اخصائى هتفلح وتبقى مرس حاسب الى

[mostafa20_100]

اظن حضرتك مش من حقك انك تقول الكلام دة مع ان دة وجهه نظرك وعلية انى احترمها بس المفروض فى رأينا اننا مش نجرح حد بالكلام لانك مش تعرف ان كنت هفلح او مش هفلح ودى حرية شخصية لية وشكرا جدا على ذوقك

[mostafa20_100]

استاذى العزيز رئيس مركز التطوير بسيناء للأسف انا عرفت انتا قولت الكلام دة لية ومش استغربت منه لانة نفس راى رئيس مركز التطوير اللى عندنا انتا خايف على كرسيك اللى قاعد علية بس صدقنى هتسيبة هتسيبة سواء بمزاجك او غصب عنك خايف مش تلاقى حد تفرض علية كلامك ودى الحقيقة بترد بطريقة وحشة عشان ليك مصلحة اننا نفضل زى محنا صدقنى مش عارف لية الناس مش بتحب الخير لبعض على العموم متخفشى هيبقى فية مشرفين نشاط كتير يخافوا منك ويسمعوا كلامك وفى النهاية مش هقدر اقولك سلام وهتسيب كرسيك برضة

[عمادالجزار]

السلام عليكم ورحمة الله وبركاته
والله ياأخي
انا أعمل أخصائي تطوير من حوالي ست سنوات
مش عارف إحنا وظيفتنا إيه والله الفراش عارف وظيفته عنا
انت امن واشراف واحتياطي وملف انجاز وكتابة أوراق وغيره ولو قلت لأ تقع السماء عليك والتوجيه يقول مش متعاون والمدرسة كمان
ولو معملتش حاجة كله يقول ما انت فاضي مش بتشتغل مش بتاع شغل اعمل المصلحة دي ودي
لذلك احنا واللي مثلينا درسنا كمبيوتر كتيييييير ومعانا شهادات وخبرات وشهادتنا تكنولوجيا التعليم أو غيرها
يبقى نقعد بدون شغل ليه والتوجيه ميجيش يقول ده كذا وده كذا والمعمل مش نظيف وخلافه
لذلك اللي عايز يكمل اخصائي يكمل واللي عايز ينقل كمبيوتر محدش يقلل من شأنه أو يهبط من عزمته
وبالله عليك يعني ايه اخصائي تطوير دا احنا بنشغل الكمبيوتر ونقعد في الظلمة والحر في الصيف والشتاء
لكن معلم كمبيوتر معروف يعني ايه ولها قيمة
ربنا يصلح الأحوال

[رانيا2011]

طيب ليه ياجماعة متحاولوش تطوروا نفسكم وتعملوا شغلكم المطلوب منكم وبس وتتعلموا تقولوا لا مدام ده حقكم هو مش كل واحد مش لاقي له شغلانه فى المدرسه يرمى باى شغلانه على الاخصائى