|
||||||
| كليات المجموعة العلمية (الطب البشري - طب الأسنان - الطب البيطري - العلوم الطبية التطبيقية - العلاج الطبيعي - الصيدلة - التمريض - العلوم - الزراعة) |
 |
|
|
أدوات الموضوع | انواع عرض الموضوع |
|
|
|
#1
04-09-2009, 04:05 PM
|
||||
|
||||
ملتقى علوم أسيوووووووط ....
السلام عليكم انا بصراحة شفت هنا جروبز كتير لعلوم في جامعات محافظات تانية .. وعاملين مع بعض شغل جامد وطبعا علوم اسيوط مش اقل من اي احد   قولت بقا نعمل جروب احنا كمان ونفيد بعض و كلنا امبارح رحنا الكشف الطبي وخدنا الدليل وفي بقا شرح للأقسام وكدا .. ونظام الساعات المعتمدة  انا عن نفسي ناوية اتخصص في قسم علوم الحاسب ان شاء الله .. ( انا علوم رياضة ) يالا بقا اي حد في علوم اسيوط يقولنا ناوي على قسم ايه ان شاء الله وايه اللي فهمه من الدليل ومخطط مستقبله ازاي في كليتنا الحلوة دي  ؟؟؟وطبعا مفيش مانع ان الناس الخبرة اللي في الكلية ( تانية وتالتة ورابعة ) يدخلوا ويشاركوا بالعكس اكيد مشاركاتكوا هتفيدنا جدا  ..وفي رعاية الله
 آخر تعديل بواسطة أميرة الحب ، 04-09-2009 الساعة 04:35 PM 
|
|
#2
04-09-2009, 04:10 PM
|
||||
|
||||
|
بالنسبة لنظام الساعات المعتمدة
انا كل اللي فهمته في النظام ده ان كلمة ساعة معتمدة معناها محاضرة او نشاط عملي او كدا .. وبيبقا على حسب مدة الساعة دي .. يعني ممكن ساعة او ساعتين او تلات ساعات وفهمت ان ممكن الطالب بشطارته يخلص الساعات المعتمدة اللي عليه بسرعة بدري ويخلص دراسته في الكلية في اقل من اربع سنين بس بصراحة مش فاهمة بقا ازاي ننظم الموضوع ده ياريت اللي فاهم كويس يقولنا بطريقة بسيطة كدا وانا لسة هدور دلوقتي في مواضيع المنتدى ولو لقيت حاجة تفيدكوا هكتبها هنا إن شاء الله
|
|
#3
06-09-2009, 11:07 PM
|
||||
|
||||
|
و عليكم السلام و رحمة الله و بركاته انا كمان علوم أسيوط و ان شاء الله ناوى على قسم علوم الحاسب , اما بالنسبة للدليل فأنا مفتحتهوش اصلا هقراه و اكتب ايه اللى فهمته منهانا كمان عايز اعرف ايه هو نظام الساعات المعتمدة لأنه فهمته بس مش اوى ياريت اى حد يوضحه كويس و شكرا على الموضوع الجميل
|
|
#4
08-09-2009, 05:58 AM
|
||||
|
||||
|
اقتباس:
ويلكم بيك معانا
 .. وان شاء الله نفيد بعض كلنا بإذن اللهبس مش عارفة ليه لغاية دلوقتي محدش غيرك دخل الموضوع رغم ان اسيوط مغرقة المنتدى انا طبعا مش بقلل من مشاركتك اكيد نورت الموضوع آخر تعديل بواسطة أميرة الحب ، 08-09-2009 الساعة 06:00 AM
|
|
#5
08-09-2009, 06:20 AM
|
||||
|
||||
|
بما إني من اسيوط قلت ادخل اعمل منظر هنا
 وبما إن كلية علوم مبتسبش كلية في حالها فاكيد ممكن استفيد معاكو هنا على الاقل في التعرف على الدكاترة ونظامها محمد - هندسة اسيوط
__________________
It was over 3 years since my last visit 
|
|
#6
08-09-2009, 06:44 AM
|
||||
|
||||
|
اقتباس:
ماشي يا محمد نورتنا .. وإن شاء الله تستفادادعي بس معايا الناس تدخل الموضوع ويدخلوا يعملوا منظر زيك كدا ميرسي على مشاركتك ونشكركم على تعاونكم معنا آخر تعديل بواسطة أميرة الحب ، 08-09-2009 الساعة 06:50 AM
|
|
#7
08-09-2009, 05:04 PM
|
||||
|
||||
|
السلام عليكم و رحمة الله و بركاتة الف مبروك لكل طلاب اولى علوم اسيوط و يا رب الكلية يكون وشها حلو علينا و نحقق كل اللى بنتمناه فيها الموضوع جميل يا اميرة الحب و شكرا على طرحه و اعتذر انى مكنتش اول المشتركين انا علمى رياضة و محتارة فى اختيار القسم لان كل الاقسام مغرية جدا بالنسبة ليا اكيد هنروح كلنا علشان نعرف معلومات عن كل قسم و ده هيساعدنا فى الاختيار للقسم المناسب لقدرتنا نظام الساعات المعتمدة انا اللى فهمتة انها ساعات المفروض نقضيها فى الجامعة و موزعة على الاربع سنين و ليها نسبة غياب اكيد هنفهم معناها لما نروح بعد العيد و ربنا يوفق الجميع و ياريت طلاب علوم اسيوط يشاركوا فى الموضوع ويكون تجمع خاص بينا يناقش كل حاجة عن الكلية و يرد على كل الاستفسارات و نفيد يعض و منبخلش على بعض بالمعلومات السلام ختام و فى رعاية الله و ان شاء الله هكون متواخدة بشكل مستمر كل سنة و انتوا طيبين و اتهنوا بالاجازة قبل الدراسة و متعتها ان شاء الله فى كلية علوم اسيوط
|
|
#8
10-09-2009, 04:53 AM
|
||||
|
||||
|
اقتباس:
نورتينا يا أماني بجد
وأهلاً بيكي ..وإن شاء الله ربنا يوفقنا كلنا بإذن الله ونبقا حاجة كويسة في الكلية دي شكراً على مشاركتك الجميلة .. آخر تعديل بواسطة أميرة الحب ، 10-09-2009 الساعة 05:22 AM
|
|
#9
10-09-2009, 05:07 AM
|
||||
|
||||
|
اقتباس:
اقتباس:
.. انتا افدتنا جدا جدا جداًوبالنسبة بقا لحكاية قسم الحاسب .. فإنتا كدا هتخليني اعيد حساباتي  ممكن افكر تاني واغير رأيي .. وممكن بردو افضل زي مانا بس انوي اني اموت نفسي بقا في المزاكرة آخر ماكنت اتخيل اني هزاكر جامد في الكلية <_< .. ايه المهذلة دي  يللا نصيب ... ربنا يكرمنا جميعاً إن شاء الله ويوفقنا للإختيار المناسب وشكراً جدا اوي بجد على مشاركاتك الجميلة المفيدة دي .. ربنا يبارك فيك وياريت تتابع معانا كدا على طول ومتحرمناش من مشاركاتك وجزاك ربي كل خير ... ربنا يوفقك
|
)|
#10
08-09-2009, 05:49 PM
|
|||
|
|||
|
السلام عليكم
انا بقى خريج علوم اسيوط دفعة 2008 فيزياء خاصه و 2006 رياضيات خاصه و ممكن افيدكم بجد واى حد عنده ى سؤال عن الكلية انا جاهز شوفو بالنسبه لنظام الساعات المعتمده دا موجود فى اماكن كتير لكنه فى اسيوط افضل ، لو تعرفو فيه دكتور اسمه ( د0صلاح مخلوف ) فى قسم الفيزيا تلاقو مكتبه فى الدور الخامس ، كنا مره عنده فى الايام الاخيره ، وقالنا انهم بيجهزو فى موضوع الساعات المعتمده دا ، وقال انه النظام ببساطه يعنى انه كل ماده بتتاخد فى عدد ساعات معين ، وفيه كذا دكتور بيديها ، كل طالب بإمكنه انه يحضر السعات دى مع اى دكتور يختاره الصبح ولا باليل ، اول الاسبوع او اخره يعنى انتا اللى هتختار جدولك بمزاجك ، طبعا فيه ناس هتجرى ورا الدكاتره السهلين وفيه ناس هتدور على الفهم ، براحتك ، المهم ان الغياب لا يتعدى محاضرتين فى كل ماده ولو زدت عن كدا تحرم من دخول الامتحان بشكل نهائى ، ولو جبت عزر طبى يبقى برضه تحرم من دخول الامتحان ولكن تمتحنه السنه الجايه بعزر ، المهم اللى لازم تعرفه نه كلية علوم اسيوط هى الكلية الحكوميه الاولى فى مصر ، ودا كلام مجلس الوزراء لما كانو بيعملو مشاريع دعم الكليات ، وفيها استاذه مستواهم عالى جداااااااااااا فيه اتنين فى قسم الكيميا معاهم دكتوراه فى العلوم ( د، ياسين , د0( معلش اسمه راح منى دلوتى مع انى اعرفه كويس اوى بعد الفار افتكره ) المهم الدكتور التانى دا واخد دكتوراة العلو مسنة 2000 وكان سنة 1972 و 1973 بيشتغل باحث فى معمل فى جامهة المانيه وكان المشرف عليه هيزنبرج بتاع مبدأ عدم التحديد لو فاكرينه ، وانا شفت صوره معاه ، المهم تفهمو انه مش علشان علو م اشيوط فى الصعيد تبقى اى كلام ، لا بالعكس دا العكس صحيح لانها مثلا بتمتاز عن جامعات بحرى ان الكورسات فيها نادره جدا وفى الخفاء وللمعيدين فقط بعكس بحرى الكورسات فيها عينى عينك والدكتاره كمان بيدو عادى ، بس مشكلتها انها حازمه جداااااااا ، المه تشدو حلكم وتحضرو ولو فيه حد ناوى يدخل فيزيا خاصه او رياضه خاصه يكلمنى وانا افيده
|
|
#11
08-09-2009, 05:55 PM
|
|||
|
|||
|
بالنسبه لللى عايز يدخل علوم حاسب لازم يعرف انه علوم حاسب مستقبلها كله اكاديمى ، يعنى يجيب جيد جدا و يحاول يتعين معيد فى الكليه او يدور على شغل معيدين فى الجامعات الخاصه ، اما انه يشتغل فى مجال الكمبيوتر برا فمع الاسف مش هينفع لانه هيلاقى ان الصينايعيه احسن منه وكمان مش هيعرف يشتغل فى شركات لان خرجين هندسة حاسبات واكيلن الجو عليه ، يعنى من الاخر خريج علوم حاسب زى اللى رقصو على السلم لاهوا طال علوم ولا هندسه ، لان دراسته كلها فى اساسايات مش هيلاقيها برا فى الشغل ،
انا ليا اصحاب كتير دخلو حاسب واشتغلو معيدين فى جامعات خاصه ، بالنسبه للاخت الخريجه من علمى رياضه مفيش فرق بين علمى رياضه وعلمى علوم غير فى الشهرين الاولنين بس المهم لو انتى بتحبى الرياضه والفيزيا يبقى تدخلى علوم فيزيائيه ولو بتحبى الاحياء ادخلى بيولجى ودى غالبا مناسبه للبنات ومعظمها بنات ولو بتحبى الجيولجيا ادخلى جيولجيا ودى مش هتلاقى فيها ناس كتير اصلا لو رحتى تسالى فى الاقسام ماحدش هيفيدك مش اكتر من انهم يقولولك المواد اللى هتدرسهيا لان المضووع يتوفق على ميولك ورغباتك وطموحاتك انتى وبس
|
|
#12
08-09-2009, 05:55 PM
|
||||
|
||||
|
انا كمان داخلة اعمل منظر
انا مش من اسيوط اصلا  بس داخلى ارخم عليكى يا ميرو 
__________________
 يظن حين أتحدث عن ذكرياته اننى لازلت احبه .. و يظن حين اكتب عنه بعين الرضا اننى لازلت اتمنى عودته .. ولا يدرك اننى منذ أن فارقته " عددته ميتاً ".. فحديثى عنه لا يعد الا امتثالا بحديث المصطفى " اذكروا محاسن موتاكم "
|
|
#13
10-09-2009, 05:10 AM
|
||||
|
||||
|
اقتباس:
هههههههههههههههههه ماشي يا ستي رخمي براحتك ليكي يوووووووووم  بس نورتي الموضوع بردو
|
|
#14
10-09-2009, 05:37 AM
|
||||
|
||||
نظام الساعات المعتمدة .. منقول عن العضو ( محمد.فوكس )
بالنسبة لنظام الساعات المعتمدة ..
في مشاركات لعضو ممتاز من علوم الاسكندرية .. ( محمد.فوكس ) موضح نظام الساعات المعتمدة كويس جداً .. هوا كلام كتير .. بس هتقروه واحدة واحدة هيفدكوا جداً في فهم النظام ده إن شاء الله انا اقتبستها هنا عشان كلنا نستفيد .. وربنا يبارك فيه المشاركة كالتالي : معيار الساعة المعتمدة معمول عشان نقارن المقررات ببعضها...يعني في مقررات تقيلة و طويلة و في مقررات صغيرة بسيطة.. فعشان كده بنقول المقرر ده ساعة واحدة معتمدة و ده ساعتين و ده تلات ساعات...و انت عشان تتخرج من الكلية لازم تنجح في مقررات مقدارها يساوي140 ساعة معتمدة(ما تخافوش مش معناها مقررات كتير ده فيالترم الاول هتاخدو 15 ساعة يعملوا سبع مواد يعني ميخضكوش عدد الساعات).
النظام بيحتوي على كذا نوع من المقررات.. في اول حاجة اسمها متطلبات كلية و دي 25 ساعة معتمدة لازم تاخدها في اولى مفيهاش اختيار و كل شعبة من التلاتة بتختلف عن التانية في المقررات و بيشتركوا في بعص المقررات زي مقررات الكيمياء. في حاجة اسمها متطلبات جامعة. .و دي بتبقى مواد ثقافة عامة مش علمية..و متطلبات الجامعة دي جزئين ..جزء منها اجباري و جزء منها تختار من بين كذا مادة. الجزء الاجباري سبع ساعات ساعات (ساعتين لغة انجليزية-ساعتين لغة عربية-ساعة حقوق انسان-و ساعتين حاسب الي). الجزء الاختياري بتختار 3 ساعات ساعات من بين مقررات كتير زي (مدخل قانون-مبادىء ادارة- محاسبة-مقدمة في علم الاثار-علم نفس-فسلفة..ألخ). في حاجة كمان اسمها متطلبات القسم العلمي و دي بقى اهم و اكبر متطلبات..و هنا لازم تعرف انك هتتخصص في تخصصين واحد رئيسي و التاني فرعي يعني مثلا كيمياء/فيزياء يبقى كيمياء رئيسي و فيزياء فرعي بتدخل الرئيسي في تانية و الفرعي في تالتة.(و في حاجة اسمها شعبة خاصة او سبيشيال و دول الاوائل بقى بيتخصصوا حاجة واحدة بس و بتبقى مركزة على علم واحد). نرجع لمتطلبات القسم العلمي و دي فيها تلات حاجات.. مقررات التخصص الرئيسي 66ساعة معتمدة منه42 اجباري و 24 انت بتختارهم من مقررات التخصص... مقررات التخصص الفرعي 30 ساعة فيهم 18 اجباري و 12 بتختارهم من مقررات التخصص.. و اخر حاجة من متطلبات القسم العلمي حاجة اسمها مسار حر (يعني انت بتختارها بنفسك و مش شرط تكون علمية ولا شرط تكون في تخصصك لكن يستحسن انها تكون تخدم تخصصك). آخر تعديل بواسطة أميرة الحب ، 10-09-2009 الساعة 05:51 AM
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 06:34 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
