|
أرشيف المنتدي هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
|
#1
|
|||
|
|||
![]()
السلام عليكم
أزيكم ياجماعة؟ عاملين أيه؟ مش عارف أقولكم أيه.. لكن أنا عايز أحكليكم عن درس مريت بيه أو بالأصح شوية حاجات كده أتعلمتها من الدرس... المشكلة مش في الدرس القاسي ألي أنا خدته.. ولا في الندم ألي أنا لغاية دلوقتي حاسس بيه.. المشكلة هو ليه أحنا لما بنقول لأ بنسوف فيها نخليها لأ بكرة طيب لأ بعد بكرة أول نقطة أحب أقولكم عليها أن الواحد يشوف هوه رايح فين وجاي منين..سكة غلط أرجع ماأكملش... بلاش أن الواحد يضحك على نفسه.. والله ياجماعة بعد كده بتتقلب ندم من جواك لما تضحك على نفسك وتقول بعدين ااااااااااااه كنت فين من زمان قوي... تاني حاجة وديه حاجة شخصية أنا مخنوق منها كعبدالرحمن.. هي الطيبة والحنية الزايدة لأ بجد شوفولي حل أنا معرفش ليييييييه مش عارف أتخلص من الحاجة ديه أنا عايز تبقى بحدود ماتبقاش زايدة لكن مابعرفش زي ماتكون هي مش عايزة تسيبني كل ما أقول خلاص وهفكر بعقلي ألاقي نفسي رجعت تاني وأكون طيب قووووووي أنا عايز أعمل Shift delete لقووووي ديه لكن مش عارف قولولي أعمل أيه؟ حاجة تانية لما تحب تبدأ في حاجة أبدأ صح قوووي.. لأنه في النهاية لايصح إلا الصحيح... أول خطوة ليا تكون أصح خطوة... أول خطوة تكون بثقة وبرؤية واضحة.. وياريت مانجاملش الناس خلينا نشوف الناس على حقيقتهم.. مانقعدش نخترع أعذار نقول طيب ممكن طيب جايز.. بلاش نخدع نفسنا الوحش وحش والكويس كويس.. مفيش حاجة في النص... وإذا شوفنا حد مش كويس مانقولش بكره هيكون كويس..خلينا معاه لأ نصيحة أبعد عنه فوراً في ساعتها.. وفيه حاجة مهمة جداً جداً أتعلمتها من الدرس ده وهي أن أحنا ناخد كل خطوة لينا في حياتنا بكل هدوء وتفكير.. يعني الواحد يكون تقيل وراسي... ماتخليش المظاهر تخدعك.. ماتخليش أي كلام يوديك ويجيبك.. فكر كتير قبل ماتاخد أي خطوة في حياتك.. علشان ما ترجعش وتقول أنا كان ممكن أستمتع بحياتي أكتر من كده.. كنت ممكن أخلي طعم حياتي أحلى.. كانت اللحظات ديه ممكن كانت لحظات أكتر سعادة.. عيشوا حياتكم من قلبكم... وفيه حاجة في النهاية كان دايماً خالي بيقولها ليا قدم السبت تلاقي الأحد أنا هعلق على الكلمتين دول مالقيتش الاحد أوعى تقدم الإثنين على حس أنك تلاقي الثلاثاء وبعد كده نلاقي نفسنا قدمنا كل أيام الأسبوع وماخدناش حاجة.. لأ قدمت السبت ملقتش الأحد خلاص شكراً قووي.. أنسحب بكل شياكة وذوق.. وفي النهاية ديه دردشة حبيت أفيدكم بيها.. مش مهم الدرس كان أيه المهم أتعلمت منه أيه.. |
#2
|
|||
|
|||
![]() اقتباس:
اعتبر انى انا اللى كتبت دا
لانى مريت بدرس كان قاسى جدا عليا وكان كل الضرر عليا بس دى نفس الحاجات اللى انا اتعلمتها وخصوصا النقطة اللى فوق بالازرق دى مش عارفه ابطلها انا عارفه انها حاجه كويسة مش وحشة بس نفسى تكون بحدود مش طيبة لدرجة الهبل-مع احترامى لحضرتك انا بتكلم عن نفسى-
__________________
.. ليس كل ما يتمناه المـرء يدركه ..! .. "ارحمنى يا الله "
|
#3
|
||||
|
||||
![]() بص
أنا لما بعمل خير مش بنتظر رد فعل لأنى بعامل رب العباد مش العباد أنا كل اللى يهمنى رضا المولى عز وجل
__________________
![]() Always remember two things Don’t' take any decision when you are Angry Don’t' make any promises when you are Happy |
العلامات المرجعية |
|
|