ده مش اسلوب دكاترة ..

[عمر المختار1]

السلام عليكم
ازيكم يا دكاتره
مينفعش خالص اللى بيحصل فى المنتدى من مشادات وشتايم بيننا بسبب ان كل واحد متعصب للكلية اللى هو فيها و بيطلع عيوب فى باقى الكليات ...ده اسلوب مش حضارى خالص..
انا شايف ان كل الكليات ليها قيمتها فى المجتمع و المجتمع يستحيل انه يستغنى عن طلابها ...ايا كانت الكليه ..
وأى طالب يدخل المجال اللى هو بيحبه ويجتهد ويتفوق فيه مهما كان هو ده الطالب الناجح (مش اللى داخل كلية قمة بس) ..
اهم حاجه اننا نكون بنحب المجال اللى هندخله ..

وعشان كده لازم اللى غلط يعتذر للتانى ..
ومفيش حاجه اسمها ان بتوع طب شحاتين وجزارين
وبتوع صيدله بقالين
وبتوع علاج طبيعى مدلكاتيه

ده كلام تخلف ....اى انسان بيحب مجاله هيبقى ناجح و متفوق فيه
فبلاش اى حد يفضل يقنع الناس بكليته وانها افضل كليه ؟؟؟؟؟
كل انسان ليه ميول!!!!
وبالتوفيق ان شاء الله لينا كلنا

[marim sayd]

السلام عليكم ورحمة الله وبركاته هو ده الكلام الصح وفعلا اى طالب هدخل كلية معينة ايا كانت قمة ولا اي حاجة تانية واجتهد فيهاو هينفع بلده يبقى احسن من اى طالب فى كلية القمة وفاشل لازم ندور ان احنا نكون فى قمة النجاح والالتزام والجد حتى نحقق احلامنا ونرتفع بالبلاد فى جميع المجالات (الطب والصيدلة والعلاج الطبيعى والاسنان والهندسة والحقوق والتجارة .......الخ) كل ده محتجة ناس مجتهدة حتى تصل للقمة

[alfars215]

طبعا ده الكلام الصح والمفروض ف المجتمع المتقدم كل مهنة ليها احترامها مفيش فرق بين واحد والتانى وطبعا كل واحد بيبقى شايف ان كليته الاحسن يبقى الافضل لما يتكلم يتكلم عن مميزاتها وميعيبش ف الكليات التانية

[محمد السيد الحلم]

السلام عليكم ورحمة الله وبركاته
اللهم صل وسلم وبارك على سيدنا محمد وعلى اله وصحبه أجمعين صلاة مباركة دائما أبدا الى يوم الدين
أهلا يا دكاترة
كل كلية ليها المميزات ولا يمكن اننا نستغني هن واحدة فيهم
يعنيي الدكتور البشري لو تعب مش ساعتها عيحتاج للصيدلى
ولو لا قدر الله اصيب وعمل عملية مش التأهيل عيحتاج دكتور علاج طبيعي ولما ربنا يرزقه ويفتح مشتشفى مش عيحتاج مهندس ومحاسب وخريج خدمة اجتماعية وغيره
كلنا بنكما\ل بعض مش المهم احنا في كلية ايه ولكن المهم احنا عنتستفيد من علمنا فيها ازاي
دكتور . محمد السيد
صيدلة الاسكندرية

[asma semo]

انا بيحصل معايا العكس كل واحد ف كليته كارهها وقاعد يطلعلى فيها القطط الفطساانه