هندسة ولا فنون جميلة عمارة؟؟ ،، بالله عليكم ردوا بسررررعة

[dr_nero]

السلام عليكم:
لو سمحتم يا بشمهندسين انا طالبه منكم استشاااااارة مهمة جداااا...( لمهندسين العمارة)
اخويا بيقدم فى تنسيق الثانوية العامة ومجموعه جايب هندسة وجايب فنون جميلة عمارة وجايب لائق فى القدرات وهو عايز يبقى مهندس معمارى، هو قلقان انه ميجبش تقدير فى اعدادى هندسة وميلحقش عمارة ، لكن فنون جميلة هو عمارة من اعدادى ،بس فى نفس الوقت هو محتار ما بين هندسة وفنون عمارة(ملحوظه:هما الاتنين تبع نقابة المهندسين والاتنين بيتخرجو مهندسين معمارين ) هو مش عارف انهى احسن فى الدراسة وفى فرص الشغل بعد ما يتخرج
بليييييييييييز عايزه نصيحة من غير تحييييييز حد يكون عارف الكليتين كويس ويتكلم بصراحة من غير تحيز لكليته
شكرااااا يا بشمهندسييييين ،،ياريييت الرد بسرعة عشان بنسجل الرغبات

[fire king]

اعتقد ان الاولى هندسة (وبيكون لهم الاولوية في الشغل)
وبعده الفنون الجميلة

مع اني افضل انه يكتب حاسبات بعدها
للاسف في بلدنا مفيش تقدير للمواهب
يعني لو اتخرج وملقاش شغل (لا قدر الله) هيبيع مواهب ؟!
خليه في المضمون

[همس الرومانسيه]

لا طبعا طالما هو يلحق يدخل هندسة فاكيد هندسة طبعا من غير تفكير او تردد لانه ممكن وهو جوه هندسة يدخل اقسام تانية كويسة بردوا او بمعنى اصح تكون كل الفرص قداااااااامه ومتاااحة بشكل كبير ....
لكن لو مفيش قدامه هندسة متاحة في التنسيق يبقى طبعا المدخل الوحيد للالتحاق بنقابة المهندسين من بره كلية الهندسة الحكومية هو ( فنون عمارة ) انا اعرف ناس في الاتنين لكن التاكيد ديما ان هندسة طبعا من الناحية الاكاديمية والعلمية وتنوع التخصصات جواها اعلى طبعا ومن ناحية سمعة الخريج خاصة لو كانت كليات هندسة وعمارة ليها اسم وسمعة بره مصر قبل جوه مصر زي عين شمس والمنصورة والقاهرة واسكندرية ... وطبيعة شغلها وتدريبها حتى خلال السنين وطبيعة خرجيها بيكون مؤهل اكتر من فنون وكمان بيكون الجانب الهندسي عنده اعلى من فنون اللي بيكون فيه الجانب الفني اكبر شوية ...
لكن في نفس الوقت خريج فنون جميلة زي ماقولت بيدرس مناهج جيدة وخاصة الجانب الفني عندهم عالي وليهم فرص عمل خاصة لو معاهم البرامج والخبرة المطلوبة في السوق ... وفيه منهم دكاترة بتدرس في اقسام العمارة في كليات الهندسة بردوا والعكس صحيح ...
وربنا يقدمله اللي فيه الخير ان شاء الله

[issac-newton]

ياريت يكتب هندسة ,