علاقة الموساد الاسرائيلى بامتحانات الثانوية العامة فى مصر مهم للغاية ياريت كله يخش

[وحوح العظيم]

ياريت تقرا ومتسبوش ويا ريت اسمع الردود سريعا

اولا السلام عليكم نحن وحيد كامل من الشرقية علمى رياضة واقتصاد واحصاء وجايب فى تانية 96 ونص وكان نفسى اخش الهندسة انا الاسرة مش بعيد تنهار خالص لو مجبتش هندسة انا بتكلم الى علمى رياض واحصاء هما اللى حاسين بيا لو سكتنا هنضيع لازم نعمل اى حاجة الحكومة مستحيل مستحيل تمنع الجميع من عمل اى انقلاب مضاهرة اى حاجة كاعتراض صريح ضد الفساد والفاسدين (الجمل وام سريع) لو سكتنا مش هيبقى لينا مكان فيها واولياء الامور سكتوا كدا خلاص فين الشكاوى والاعتراضات والانقلاب ضد هذا الضلم بلا حدود وخاصة لرياض واحصاء مش لازم نسكت لازم نصحى الشعب اللى متخدر دا مش هندننا نعمل زى النسوان نتحسبن وخلاص واستغفر الله العظيم طبعا الله هو حسبى ونعم الوكيل فين الراى العام فين الريس المحترم مبارك انتوا عارفين ان الموساد الاسرائيلى بيتكلم عن امتحانات ثانوية مصر ذنب مريهان اللى انتحرت فى رقابتكم يا كلاب التربية ههه امال مش تربية

[romeo_20063]

بص , مش لازم الكل يخش هندسة
و طالما مش قدها و مجبتش مجموعها متعملش لبش على الفاضي
و فرصة الحكومة تنضف الجامعات
لما يبقى في هندسة دفعتها 1700 واحد
و انا بتكلم على هندسة الزقازيق
دفعتها 1700 منهم 1000 مش فاهمين التور من الطحين , عشان سياسة المجموع المتخلفة اللي عندنا
و 400 بيكافحوا , وبيجتهدوا
و 300 عباقرة مظلومين بسبب ان معاهم 1400 بيشاركوهم في امكانيات الكليات اللي لا تذكر
انا مع ان دخول الجامعة يكون بامتحانات قدرات
و يا رب ميكونش في محسوبية
و ان يبقى ربنا رحمك لو مدخلتش هندسة الزقازيق
لاني في الفرقة التانية كهرباء فيها
و لو يرجع بيا الزمن بسبب الاستهتار الحكومي و الجامعي بسبب سياسة المجموع اللي دخلت اللي بيفهم و اللي مبيفهمش هخش تجارة انجليزي واريح دماغي

[zico2078]

المشاركة الأصلية كتبت بواسطة romeo_20063

و طالما مش قدها و مجبتش مجموعها متعملش لبش على الفاضي

بالذمة دى طريقة ترد بيها على حد ايه الاستفزاز ده وانت يا جامد جايب كام لما هو مش قدها معلهش ربنا يشفى ربناع معاك يا وحوح يا عظيم وانت يا عم روميو اركن على جنب عشان مش نقصاك

[abeeedooo]

و يا ترى حضرتك يا أخ روميو من ال 1000 و لا من 400 و لا من 300.

[Ra2oF]

بقلك انا معاك في الكلام ده و انا كنت عايز اقول بس قلت محدش هيقف معايا احنا المفروض نعمل حاجة علشان السبب الفي الشعب المصري """" هو السكوت و لو سكتنا هيضيع حقنا ::: و انت شوفت انهم مستقصدين علمي رياضة ازاي ::: علشان الجامعات الخاصة كلها فيها هندسة ::: و لازم تشتغل ::::: بجد لازم نعمل حاجة بس امتي و فين ؟! ديه الانا مش عارف احددها

و للاخ روميو يجيبوا الامتحانات صعبة اوكي بس مش في كل المواد و مش بالصعوبة ديه :::::::

مش كل واحد ددخل هندسة و امتحن امتحان عبيط سنتهم و جتلهم الرياضيات و الفيزياء و الاحصاء بمبي × بمبي هيجي و يعمل علينا البرت انشتين :/!!!!!!!!!!!!

[وحوح العظيم]

انا هسيب رجالة علمى رياضة واحصاء يردوا عليك

[C A N D Y]

المشاركة الأصلية كتبت بواسطة Punk Princess

بس للاسف منقدرش نغير حاجه في اللي انتي قولتي عليه زي ما قولتي دي مش بلدنا
بس المصيبه انا رياضه 2 يعني مستقبلي ضاع بنسبه 150%

ان شاء الله نقدر نغير كتيير .. احنا مش اقل من اللى غيرو كتير قبل كدة
و بعدين اللى مكتوب ليك هتاخده بدام عملت اللى عليك .. انا معدتش فارقة معايا طب من تجارة .. المهم النجاح مش مهم فى اى فرع و انت ان شاء الله ربنا يوفقك و تدخل هندسة

و بعدين متكرهش مصر اكره الناس اللى بوظوها و اولهم رئيسنا المستقبلى جيمى و اكره الناس السلبية اللى واقفة تتفرج بس
انا كنت بفكر نعمل اعتصام بعد الامتحانات قدام وزارة التعليم.. حد معايا؟؟؟؟ ( متخافوش انا بهزر بس ليه لأ ؟؟؟؟؟؟)

اعتصااااام يا جماعة قدام وزارة التربية و التعليم..ايه رأيكوا؟؟؟ العمال و الموظفين و الاطباء و دكاترة الجامعة و اللى اعتصموا فى الاسكندرية لما البيت وقع .. كل دول ما سكتوش و خدوا حقهم .. نسكت احنا ليه؟؟؟؟؟

[Ra2oF]

و الله انا كنت هعرض الفكرة ديه بس امتي و عازين اكبر عدد علشان منرحش اتنين و نضرب :::::
او ممكن كل شباب في محافظة يطلعوا قدام المحافظة :::::

[C A N D Y]

يعنى على يوم 3-7 كدة .. اكون لحقت انام شوية بس انا مش بيتهيقلى ابدا ان فى حد مستعد يعمل اى حاجة
و على فكرة انا مش معترضة ع الامتحانات الصعبة .. انا معترضة ع النظام الهابط اللى بيسموه تربية و تعليم

[Ra2oF]

المشاركة الأصلية كتبت بواسطة Punk Princess

يعنى على يوم 3-7 كدة .. اكون لحقت انام شوية بس انا مش بيتهيقلى ابدا ان فى حد مستعد يعمل اى حاجة
و على فكرة انا مش معترضة ع الامتحانات الصعبة .. انا معترضة ع النظام الهابط اللى بيسموه تربية و تعليم

لا انا بقول بعد التنسيق ::: علشان نعرف في ايه بالزبط !!!! علشان لو منزلش اكتر 2 % لعلمي رياضة يبقي اكيييد :::::: في حاجة غلط و الجامعات الخاصة ليها دخل
علشان انا سمعت انهم بيقليلوا العدد علشان قال ايه التعليم الخاص ياخد نصيبه و كلام عبيط كيده :::::

[C A N D Y]

هيقللوا العدد عشان الجامعة الخاصة اللى عاملها مبارك و بعدين يدخلوا الناس خاص ليه اذا كانت الشهادة الخاصة مش معترف بيها و مش بيشغلوا اللى معاهم شهادات خاصة

عامة بعد التنسيق هتبقى فكرة جاااامدة .. كل اللى مش عاجبه الكلية بتاعته يروح هناك ..هتلاقى الدنيا اتملت

[Ra2oF]

المشاركة الأصلية كتبت بواسطة Punk Princess

هيقللوا العدد عشان الجامعة الخاصة اللى عاملها مبارك و بعدين يدخلوا الناس خاص ليه اذا كانت الشهادة الخاصة مش معترف بيها و مش بيشغلوا اللى معاهم شهادات خاصة

عامة بعد التنسيق هتبقى فكرة جاااامدة .. كل اللى مش عاجبه الكلية بتاعته يروح هناك ..هتلاقى الدنيا اتملت

و هو ده المطلوب :D:D:D

[no_woman_no_cry]

بصراحه ومن غير زعل
انا شايفة ان الامتحانات لمل تيجي صعبه هتقيس مستوي الطلاب المحترمين
وادينا صفنا امتحانات سهل زطلبه عمالين يجيبوا 100% وهما والله ما يستاهلوا 70%
انا معاكم ان موضوع الغش في الامتحانات وتسريبها وصمه عار علي جبين الوزاره
ولكن انا من انصار ان الامتحان يكون يقيس المستوي الحقيقي
بس لهم حق يشتكم مه الثانويه بتاخد من 175 وده بيخلي الي يسوا والي ميسواش يدخل الثانويه ويشتكي
واخيرا احب اقول ان الامتحانات لما تكون صعبه يبقي فيه عدل
مش رياضه اتنين ينطحوا في الرياضه والفزياء والاحصاء
والادبي باسم الله ما شاء الله ميغه في الامتحانات
والاحياء مفيش غير الفزياء بس
كده الظلم بعينه
وده مجرد راي

[د/ ماجدولين]

المشاركة الأصلية كتبت بواسطة no_woman_no_cry

بصراحه ومن غير زعل
انا شايفة ان الامتحانات لمل تيجي صعبه هتقيس مستوي الطلاب المحترمين
وادينا صفنا امتحانات سهل زطلبه عمالين يجيبوا 100% وهما والله ما يستاهلوا 70%
عندك حق فى ان الامتحانات تيجى تقيس مستوى الطالب بس لازم يراعوا الوقت بتاع الامتحان
انا معاكم ان موضوع الغش في الامتحانات وتسريبها وصمه عار علي جبين الوزاره
اكيييييييييييييد ودة بيرفع التنسيق ع الطلبة اللى تستاهلها:
ولكن انا من انصار ان الامتحان يكون يقيس المستوي الحقيقي
بس لهم حق يشتكم مه الثانويه بتاخد من 175 وده بيخلي الي يسوا والي ميسواش يدخل الثانويه ويشتكي
واخيرا احب اقول ان الامتحانات لما تكون صعبه يبقي فيه عدل
مش رياضه اتنين ينطحوا في الرياضه والفزياء والاحصاء
والادبي باسم الله ما شاء الله ميغه في الامتحانات
والاحياء مفيش غير الفزياء بس
مين اللى قالك ان بتوع الاحياء مطحنوش فى الاحصاء؟؟؟؟؟؟؟؟ وبعدين بالنسبة لامتحان الاحياء السهل دى حاجة وحشة لان دة مش حيقلل تنسيق طب زى ما بنتمنى بعد الفيزياء دة غير انهم كل شوية عاوزين يقللوا طلبة الطب عكس الهندسة اللى عمرنا ما سمعنا عنها الكلام دة يعنى فى النهاية الحكاية بتعك علينا
كده الظلم بعينه
فين الظلم هم لما طلبة ادبى يجيبوا مجاميع عالية حيقوللوا عاوزين الهندسة
كل شعبة تنسيقها بيتناسب مع مجاميع طلبتها فقط وليس مع طلبة الثانوية ككل
وده مجرد راي
انا أرى ان من الاخر كدة النظام التعليمى فى مصر نظام فااااااااشل بكل المقاييس وان التعليم دة الدولة معتبراة حاجة ترفية وحاطاة فى اخر اولوياتها
اذا كان للدولة اولويات اصلا غير مصالح ال................ ولا بلاش

تقبلوا مرورى
وربنا يكرم الجميع

[reda_mafia50]

هى كلمه واحده

تعيش مصر حره مستقله