((البنات عايزه ايه؟؟؟؟؟؟؟؟ ......))

[الناقد]

السلام عليكم ورحمه الله
سؤال لكل بنت انتي عايزه ايه؟
طيب نكون محددين شويه ممكن تقولي محتاجه ايه اكتر من زوج صالح يراعي ربنا فيكي وتكونو متفاهمين ليه بقي شقه في معرفش فين وتكون خمس غرف وخمس حمامات و3 مطابخ ايه دا وله عربية اخر استايل وله فلوس في البنك

البنات عايزه ايه؟؟؟
بصراحه انا هتجنن مش انا مش عارف اقول ايه تعالوا نكمل مع بعض ونشوفالبنات عايزه ايه؟؟

طيب انا فاض بيا وبتكلم ليه عشان حاجتين الاول
انا لسه سامع قصه تفور الدم شاب ملتزم وكويس وخطيبته تسيبه عشان الحمام مش كبير سبحان الله انا مش عارف في ايه هي هتتجوزه وله هتتجوز الحمام


والثانيه بتقول لواحده القصه وصعبان عليا تفكير البنت راحت تقول ايوة معاها حق ازاي اتجوز والحمام مش كبير والشقه مش استايل والعيله هاي والمرتب والعربيه ولازم لازم يكون بيحبني وتعالو اسمعو اخر قصص الحب يعني حب 3 سنين وجواز 4 سنين وفي الاخر طلقها وحرمها من كل حقوقها وطلع معاها اخر نداله في كل حاجه تتصورهوها وفي الاخر عريس يكون فيه وفيه وفيه


وزي ما بقول للشباب او اي حد عايز يتجوز في عيلتنا ويكون شكله او امكانياته لماديه عاديه جدا ويقولي عايز اتجوز واحده جميييييييييييييييييييييييييييييييييييييييييييييييي ييييييييييييييييييييييييييييييييييييييييييييلة قوي وتكون ملتزمه بس الشرط جمييييييييييييييييييييييييييييييييييييييييييله جدا بصراحه انا في نفسي اقول طيب ما تبص علي نفسك الاول ليه يكون الشاب عادي عادي وعايزها جميله رهيبه يعني علي اساس ايه اه صح حديث الرسول واضح بس في الاخر قال ايه قال ذات الدين ودعي كمان طيب شاب اثنين ثلاته يبقي عايزها جميله لكن مش كل الشباب دي حاجه تفرس بصراحه


كمان البنت بتتشرطي وعايزه وعايزه وعايزه علي ايه يعني متعلمه وبنت ناس في خمستلاف بنت متعلمه وتعليم عالي كمان وبنات ناس كلهم

القاعده بتقول اذا رغبت ان تطاع فامر بما مستطاع بلاش نزايد علي بعض ودا يشرط ودي تتشرط وفي الاخر تنتشر الفتنه اساسا هي لوحدها منتشره بلاش نكون عون ليها والله الاهل ملهمش ذنب قوي البنت والولد هم اللي بيتشرطو لو كل بنت او كل ولد شافو كلامي دا ووقفو وفكرو كويس مش هيكون في عنوسه يا جماعه

ربنا يهدينا ويهدي معشر البنات..........


ياريت الموضوع يعجبكم

[سبيدر مان]

الله يا ابو حميد على الموضوع الجامد دة

وربنا فعلا يهديهم علشان الشباب زهئو

[الاندلس]

المفروض ان البنات تتمني الزرج الصالح الي يحبها ويرعاها ويتمنلها كل خير وحب
لان البنات فعلا روح الحياه ودنيا بلا بنات تبقي قبور والبنت ممكن ان تكون نار ووممكن ان تكون جنه بحبها واخلاصها

[nero_310]

شكرا جدا على الموضوع

بس انتوا كلكم علشانكم رجاله وجهة نظركم واحدة

يا جماعة الحياة باقيت صعبه جدااااااااااااااااااااااااااااا

الواحدة بتفكر لقدام وازاي هتقدر تعيش

والله الحياة صعبه جدااااااااااااااااااا

[مشتاقة لرضا الله]

يا جماعه بلاش التحامل ده على البنات والله مش كلهم زى ما بتقولوا كده
فى بنات كتير مش بتتمنى غير الزوج الصالح اللى يتقى الله فيها
اما الشاب اللى بيفكر فى البنت الجميله
فعلا ممكن يلاقى بنت جميله لكن الدين اهم
ونتمنى فعلا اللى بيفكروا كده من الجنسين ربنا يهديهم
بس مش بيتهيالى ان ده السبب فى نسبة العنوسه المرتفعه والله اعلم

[شموخ مسلمة]

شكرااااااااااااااااا ع موضوعك الجميل

بس معلومة افكارك ع البنت مش شاملة كل البنات بعدين مين قالك ان البنات محور تفكيرها الزواج

[Sharp Nails]

شكرا على الموضوع
بجد الموضوع دة بقى مشكلة من مشاكل المجتمع الضخمة
ان كل بنت فاهمه نفسها بنت الامير وعاوزة تبتدى حياتها
من مكان ماانتهى اهلها
يعنى عاوزة نفس المستوى الى باباها معيشها فيه
بصراحة انا بيصعب عليا الشاب جداااااا
مش عارف يلاقيها منين ولا منين
بس على فكرة فى بنات تانية مضحية جداااااااا
علشان خاطر الشخص الى متقدملها
وعلى فكرة البنات الى انت بتتكلم عنهم دول جزء صغير من بنات المجتمع
بس شكرا على الموضوع
وجزاك الله خيرا

[ملكة زمانى]

انا اهم حاجة عندى فى اللى عايزة اتجوزة انة يكون مبيدخنش وملتزم يعنى مش متشدد اما بالنسبة للماديات مش فارقة اوى بس لازم يعنى اكون واقعية مش معقول ميكنش عندة شقة بسيطة على الاقل نكبرها وتبقى جنة بوجودنا فيها
مشكووووووووووووووووووووووووووووووووووووووووووووووو ووووووووووووووووووووووووووووووووووووووووووور على الموضوع الرائع

[mohamedhesham]

[مروج البحر]

بختصار البنات عيزه الستر في الزمن ده

والله مفيش احسن من نعمه الستر


ربنا يستر علي بنتنا اجمعين

[mohamedhesham]

والله البنات مش طلبة المستحيل وانا واحدة منهم كفاية انه يحبنى من قلبه ويخاف عليا على فكرة انا اسمى بوسى وفى تانية ثانوى عام

[mohamedhesham]

على فكرة البنت اللى سابت خطيبها علشان الحمام دى مليون فى المية مابتحبهوش بجد دى اكيد عندها عقدة طفولة من حمام بيتهم كان صغير واتلككتله علشان تسيبه

[craft fun]

هما لازم يبقوا متوافقين فى المستوى و الاخلاق والدين والتفكير عشان ميحصلش طلاق وهو ده اللى كل بنت بتطلبة غير كدة فيبقوا يستهلوا ان هما ميجوزوش خصوصاً بتاعت الحمام دى.

[MohammeD el_SadaT]

بسم الله الرحمن الرحيم
السلام عليكم ورحمه الله وبركاته

أنا أكذب عليك لو قلت إنى خلصت الموضوع لأنى بصراحه حسيت إنك متحامل على البنت جداااااً
ومحسسنى إن الشاب ده هو اللى ملاك نازل من السماء

أنا شاب ورأى إن زى ما فيه ناس ماديه فى ناس بتشترى رجاله

بس قبل ما تتقدم إسأل نفسك
هل أنا أستحق الإنسانه اللى أنا متقدملها دى
؟؟
هقدر أصونها
؟؟

بص الجواز مهوش لعبه والبنت لما تطلب وتقول أنا عاوزه كذا وكذا
بيبقو معزورين من اللى بيشوفوه شوف كام واحد طلع ندل وكام واحد باع
بقى كل واحده عاوزه تأمن مستقبلها
الحب مبقاش بيأكل عيش

أنا عاوز أقول فيه الوحش وفيه الحلو متحكمش على حاجه إنت مش جربتها
هل إنت شوفت دماغ كل البنات ولا دماغ كل الشباب
طبعاً لاء يبقى متحكمش عليهم كلهم ولا على معظمهم حتى
الناس دى من اللى بتشوفه معزوره

سلام عليكم

[amrdia]

البنات طيبين المشكلة فى الاهل ابوها و امها دايما عاوزينها تعيش ميةمية
طيب ازاى و كيلو الرز باربعة جنية .؟
اذا كانو هما نفسهم عاوزين يجوزوها علشان يوفرو
و فى نفس الوقت لازم يكون العريس مهندس ناجح يعمل بالسعودية و يمتلك بحر فى اسكندرية و تلت اهرامات فى الجيزة و لو ممكن فدانين تفاح و اربعة مانجو و سبعة كوكتيل علشان يعصروة بسرعة
يا راجل دا انا تعبت
حبيت بنت و البنية طيبة و اهلها اجارك الله
بقوللك كيلو الرز باربعة جنية و العدس بسبعة و علبة التونة اللى الامريكان بأكلوها للكلاب بتاعتهم بقت ب 4.5 جنية
طيب لما الكلب ياكل باربعة جنية و نص تونة ناكل احنا بكام تونة ؟
و الفراخ بتلاتاشر يا سلام ياريتنى كنت فرخة حمرا من اللى بتلاتاشر و نص
تعرفو انا اتمنى لو كنت دبانة كنت اعدت الف الف حولين وزراء الاقتصاد اللى بيقتصدو علينا دول لحد ما يتجنو منى من كتر الزن حوليهم و بعدين الدبان صعب نصتادو بعكس الناموس اية اللى انا بقولو دة شفتو ادينى اتهبلت