موضوع مهم لكل طالب وطالبة دخلوا حاسبات.. كله يجمع

[همس]

بسم الله الرحمن الرحيم

السلام عليكم ورحمة الله وبركاته

بدايةً الف مليون مبارك لكل طالب وطالبة دخلوا كلية الحاسبات في جميع اقطار الجمهورية
وان شاء الله بداية سعيدة ومرحلة جديدة في حياة كل واحد فينا ربنا يجعلها كويسة على الجميع بإذن الله

*********

انا اختكم في الله همس المشاعر .. والحمد لله ربنا كرمني ودخلت حاسبات اسيوط.. بس انا من المنوفية وان شاء الله هحاول أحول .. دعواتكم بقى ( كفاية رغي ) وليا أخت خريجة حاسبات الحمد لله (هو انتي هتكتبي السيرة الذاتية)
معلش يا جماعة بس انا هقولكم سبب الرغي دا ايه

بما اننا في الاجازة وكدا .. والحمد لله بتعدي على أغلبنا بدون أي فائدة

انا قلت بما اننا قاعدين كدا حاطين ايدينا على خدودنا ... ان شاء الله هنعمل موضوووووع يساعدنا في بداية الدراسة جدا جدا جدا

الاقتراح كالآتي ..

كل واحد فينا يحاول يجيب أسماء المواد الي هيدرسها في سنة اولى في أي مكان دخله سواء عين شمس او منوفية او اسيوط .. الخ

طبعا هيلاقي أسماء مواد غريبة ومش هيفهم هي ايه .. وممكن اول لما تبدأ السنة يجيله احباط من اسماء المواد والحاجات الجديدة
ومنعا لان دا يحصل ان شاء الله

كل واحد يشوف اسماء المواد بتاعته ايه .. وانا عندي استعداد تام بمساعدة أختي ان شاء الله اني اديكم فكرة عن المادة دي واسمها بالانجلش ايه لانكم هتلاقوا المواد مكتوبة بالعربي ...انا طبعا زيي زيكم الحمد لله ابيض يا ورد

بجد لما نعمل كدا اول لما ندخل جزء من الصعوبة الي هتواجهنا هينزاح ان شاء الله ويتحل ..

لانك هتكون داخل عارف كل مادة بتتكلم عن ايه ..

طبعا عندي اقتراحات تانية .. بس واحدة واحدة كدا ان شاء الله مع بعض

ولما الاقي تفاعل وان فيه ناس محتاجة فعلا الموضوع


وانا تحت امركم يا جماعة


...

وان شاء الله انا في الرد القادم هنزل لينكات لجميع مواقع كليات الحاسبات في الجمهورية كلها

لانها بتكون مهمة

وبتقدر تجيب منها الجداول ومعلومات عن الكلية

أتمنى اكون هفيدكم

ياريت تقولوا رأيكم في الاقتراح

وانا تحت امركم


وكما قال الشاعر

لنا الله

[همس]

ما شاء الله عدد المشاهدات 17 والردود صفر

هههههههههههههه


المهم انا حاليا بجمع لينكات كليات الحاسبات


وهنزلهم كمان شوية بإذن الرحمن


اي حد عنده استفسار انا تحت أمركم

[sahoorra]

its agooooooooooooooood idea

[dr/snowwhite]

its agooooooooooooooood idea

[همس]

جزاك الله خيرا على الرد


تابع معايا الموضوع وان شاء الله هتستفيد جداً

[LA STELLA]

السلام عليكم ورحمة الله وبركاته
======
بداية احب اشكرك جدا جدا جدا ع مبادرتك الجميلة
ربنا يكرمك ان شاء الله

كل واحد فينا يحاول يجيب أسماء المواد الي هيدرسها في سنة اولى في أي مكان دخله سواء عين شمس او منوفية او اسيوط .. الخ

ان شاء الله اول لما ندخل الكلية او اعرف حاجة هبلغكم

عموما
انا عين شمس
======
عموما ادى مواقع كليتنا
http://cis.shams.edu.eg/Default.aspx

وواضح طبعا من الموقع ان الاقسام عندنا
عددها خمسة اقسام



http://cis.shams.edu.eg/landscape.aspx

=========


كملى يا همس
واحنا معاكى ان شاء الله
===

بداية موفقة ان شاء الله

[LA STELLA]

كلية الحاسبات والمعلومات
جامعة القاهرة
http://www.fci-cu.edu.eg/
======
بعد اذنك بقى يا همس ،، هساعد معاكى معلش

[همس]

نورتي يا باشمهندسة بيبو


ليا الشرف انك تساعديني

انا النهاردة كنت خلاص بكتب رد جديد فيه اللينكات كلها لكل الحاسبات وفجاة كل حاجة اتمسحت للأسف

ان شاء الله هنزلهم بكرة لاني دلوقتي مرهقة جدا


بجد سعيدة اوي ردك في الموضوع يا قمر


واتمنى اني افيدكم ان شاء الله

[همس]

بسم الله الرحمن الرحيم


انا بفضل الله قدرت اجمع لينكات مواقع كليات الحاسبات في مصر كلها

طبعا المواقع دي مهمة لان بعض الجامعات بتنزل الجدوال بتاعتها على السايت بتاعها ونتائج الامتحانات ان شاء الله وحاجات تانية


اتمنى اني اكون افدتكم ولو بقدر بسيط بإذن الله

1-موقع حاسبات ومعلومات(عين شمس)

http://cis.shams.edu.eg/

2-موقع حاسبات ومعلومات(القاهرة)
http://www.fci.cu.edu.eg/

3-موقع حاسبات ومعلومات(حلوان)
http://web.helwan.edu.eg/cs/index.html

4-موقع حاسبات ومعلومات(المنوفية)
http://mufic.com/mufic/

5-موقع حاسبات ومعلومات(أسيوط)
http://fci.aun.edu.eg/

6-موقع حاسبات ومعلومات(المنصورة)
http://csimu.mans.edu.eg/

7-موقع حاسبات ومعلومات(الزقازيق)
http://www.zu.edu.eg/foci/default.html

8-موقع حاسبات ومعلومات(الفيوم)
http://www.fayoum.edu.eg/ComputersInformation/

9-موقع حاسبات ومعلومات(المنيا)

http://www.minia.edu.eg/doHtml.aspx?FacID=11&Page=faculties/computer.htm

10-موقع حاسبات ومعلومات(بنها)
http://www.benha-univ.edu.eg/site/colleages/comp/index.html

11-موقع حاسبات ومعلومات(قناة السويس_ الإسماعلية)
http://scuegypt.edu.eg/faculty/index.php?faculty_id=22

بس ملاحظة : موقع حاسبات اسيوط في مشاكل حالياً ومش بيفتح بس هو ان شاء الله هيتصلح

موقع حاسبات المنيا المعلومات الي فيه قليلة اوي .. يكاد يكون مش ليه لازمة للأسف انا استغربت انهم مش مهتمين بيه بس برده قلت احطه وخلاص يمكن يطوره بعد كدا

اتمنى اكون ساعدت ولو بجزء بسيط

وبالتوفيق جميعا بإذن الرحمن

[LA STELLA]

بس ملاحظة : موقع حاسبات اسيوط في مشاكل حالياً ومش بيفتح بس هو ان شاء الله هيتصلح

عادى
بتاع عين شمس كان كدة من فترة ومش بيفتح وبقى بيفتح دلوقتى
=====
تسلم ايدك
فعلا هما دول كل حاسبات مصر ال11
=====
عقبال لما بقية القسم يتملى ان شاء الله بمواد الكلية

وليكن هذا الموضوع تعريفا بالكلية
وتصحيح المفاهيم الخاطئة يا بشمهندسة اكيد فاهمة النقطة دى كويس

منتظرة مشاركاتك

بس هو مش ممكن تقدرى تجيبى عدد الطلبة فى كل جامعة بيبقى فى حدود اد ايه ؟؟

[همس]

المشاركة الأصلية كتبت بواسطة hkk-happy

عادى
بتاع عين شمس كان كدة من فترة ومش بيفتح وبقى بيفتح دلوقتى
=====
تسلم ايدك
فعلا هما دول كل حاسبات مصر ال11
=====
عقبال لما بقية القسم يتملى ان شاء الله بمواد الكلية

وليكن هذا الموضوع تعريفا بالكلية
وتصحيح المفاهيم الخاطئة يا بشمهندسة اكيد فاهمة النقطة دى كويس
منتظرة مشاركاتك

بس هو مش ممكن تقدرى تجيبى عدد الطلبة فى كل جامعة بيبقى فى حدود اد ايه ؟؟
هحاول ان شاء الله أشوف الموضوع دا يا بيبو ...

حاضرا ن شاء الله تحت امرك يا بيبو ... بداية هتكلم ان شاء الرحمن عن الكلية والدراسة فيها وكدا والاقسام وكل قسم بيتكلم عن ايه ان شاء الله.. بس محتاجة شوية وقت عشان اقدر اجمع اكبر قدر من المعلومات

[s.hero39]

السلام عليكم

والله فكرة حلوه وانا مستعد واهو نساعد بعض لو فى ابحاث تقارير مشاريع ...الخ وكلّو بثوابه

[همس]

المشاركة الأصلية كتبت بواسطة s.hero39

السلام عليكم

والله فكرة حلوه وانا مستعد واهو نساعد بعض لو فى ابحاث تقارير مشاريع ...الخ وكلّو بثوابه

ربنا يكرمك ... ايدك في ايدنا بقى وكل الي عنده معلومات يحطها هنا

وياريت كل الي دخلوا حاسبات وعدوا على الموضوع يتفاعلوا معانا .... عشان نساعد بعض كلنا

ربنا يوفق الجميع

[الاسطورة]

فكرة جميلة وانا معاكوا طبعآ بس عايز اعرف ايه اللى ها احتاجه فى الكلية
وايه مدى احتياجى للكمبيوتر مثلآ (يعنى مثلآ المحاضرات ممكن نجيبها على فلاشة مثلآ ..الخ )
نظام المحاضرات فى الجامعة بالنسبة للكمبيوتر
هل ها احتاج حاسب شخصى (لاب توب) ولا جهاز عادى بس ولا مش ها احتاج خالص

ومعلومات عن كل اللى ممكن نحتاجه بالنسبة للكلية

منتظر وجزاكى الله كل خير يا همس المشاعر

[همس]

المشاركة الأصلية كتبت بواسطة الاسطورة

فكرة جميلة وانا معاكوا طبعآ بس عايز اعرف ايه اللى ها احتاجه فى الكلية
وايه مدى احتياجى للكمبيوتر مثلآ (يعنى مثلآ المحاضرات ممكن نجيبها على فلاشة مثلآ ..الخ )
نظام المحاضرات فى الجامعة بالنسبة للكمبيوتر
هل ها احتاج حاسب شخصى (لاب توب) ولا جهاز عادى بس ولا مش ها احتاج خالص

ومعلومات عن كل اللى ممكن نحتاجه بالنسبة للكلية

منتظر وجزاكى الله كل خير يا همس المشاعر

ايه دا محمود وصل يا جماعة منور الموضوع والله أنا كنت بدأت اشك انك دخلت معانا حاسبات هههههههههه بعيد الشر منور يا باشمهندس

هسألك على الأسئلة الي انت سألتها وأقولك بس انا قلت لازم ارحب بيك الاول في موضوعي المتواضع

منوريييين يا جماعة انا هقوم احط الشاي على النار والله كدا العدد زاد ما شاء الله هههههههه