هم يضحك .. وهم يضحك ..

madozz · #1 18-07-2009, 12:27 AM

بعد 3 سنين مرار وتعب وقرف ومصايب وبلاوي سودا وزرقا وبيج وكاروهات وخناق وزعيق وضغط اعصاب ما فيش منه اتنين .. يجي يقولك بكل سهولة الحد الادني وصل 98 % .. بكل سهولة أحلامي تتبخر وطموحاتي تتكسر المهم هو يكون سعيد بأن الحد الادني وصل 98 % .. بعد وفاة أبويا الله يرحمه "اتوفي السنة دي" اللي كان حلم عمره يشوفني "دكطور" قد الدنيا في "كولية التيب" وكنت هأموت وأحققله الأمنية علشان يرضي عني يجي هو يقولك الحد الأدني 98% .. قرايبي كلهم ضاغطين ضغط رهيب علي اعصابي طول السنة علشان أبقي أول "طور" في العيلة ونرفع اسم العيلة باسمي يجي هو ويقولك الحد الأدني 98% .. بعد سنة شوفت فيها زمايلي وهما ماسكين البالطو الابيض كل صبح رايحين "الكولية" وأقول هأبقي زيهم .. سنة بحالها قاعدها كلها علي مادة واحدة علي أمل ان التنسيق يبقي زي السنة اللي فاتت يجي برضه هو هو ويقولك الحد الأدني 98 % .. بعد دموع أمــــي وفرحتها بيا أني أنا عديت الكيمياء صافي تماما يجي ويقولك الحد الأدني 98% .. بذمتكم مش هم يضحك .. وهم يضحك ..

ضرورى · #2 18-07-2009, 12:31 AM

و الله عندك حق

نظام تعليم ..................................................

هم يضحك

احنا فى الهوى سوى

حنان الزيبق · #3 18-07-2009, 12:46 AM

انتوا جايبين كاااااام

حيران في الثانويه · #4 18-07-2009, 12:51 AM

انتا جايب كام ؟

howareyou · #5 18-07-2009, 01:00 AM

يا اخويا قول الحمد لله علي اللي جابه ربنا وبلاش التشاؤم مش ممكن تدخل طب وبعدها تموت
والله كل اللي يجيبه ربنا خير وقول الحمد لله

ahmed5005 · #6 18-07-2009, 01:13 AM

البلادي كدا وهتفضل طول عمرها كدا طول ما احنا ساكتين انتوا تعملوا مظاهره احسن حاجه ,,,,,,,,,,, ههههههههههههه

صحيح هم يضحك وهم يبكى

A7MODA · #7 18-07-2009, 01:16 AM

انا معاك والله ف الحكاية دي

ربنا معانا

modamedia · #8 18-07-2009, 01:20 AM

افتكر ان كنت ممكن تجيب اقل من كدا
و ممكن دا يكون فيه خير كبييييير ليك
و لو علمتم الغيب لاخترتم الواقع

sa3eeed · #9 18-07-2009, 01:21 AM

ياعم الدنيا ماتستاهلش كل ده والله
كل الناس عندها بلاوى ومشاكل مش انت بس لوحدة ( وانا منهم )
انا اعرف اب طرد ابنه و مراته عشان ابنه جاب اقل من 90
وانا زيك اهو مش هحلق ولا هندسة ولا حتى الحاسبات
فرقت معايا 0.2
وبعدين ياعم عندك اسنان وصيدلة وعلاج طبيعى كويسين
فى الاخر مش هتاخد اكتر من نصيبك

madozz · #10 18-07-2009, 11:33 AM

اقتباس:

المشاركة الأصلية كتبت بواسطة sa3eeed

فى الاخر مش هتاخد اكتر من نصيبك

الحمد لله .. ان شاء تيجي تجارة حتي زي الفل

sa3eeed · #11 18-07-2009, 11:45 AM

اقتباس:

المشاركة الأصلية كتبت بواسطة madozz

الحمد لله .. ان شاء تيجي تجارة حتي زي الفل

انا ادخل حاسبات ومعلومات اسرائيل بس مدخلش تجارة
ايه ياعم مالك