|
||||||
| كليات المجموعة العلمية (الطب البشري - طب الأسنان - الطب البيطري - العلوم الطبية التطبيقية - العلاج الطبيعي - الصيدلة - التمريض - العلوم - الزراعة) |
 |
|
|
أدوات الموضوع | انواع عرض الموضوع |
|
|
|
#1
07-09-2015, 03:26 PM
|
|||
|
|||
ندااااء لكل طلبة اسنان اعمل ايه عشان اطلع الاولی ع الدفعة
ممكن استفيد من خبراتكم وترشدوني لطريق اني أكون الأولی ع الدفعة بالأضافة الی دراسة وتشرب علم طب الاسنان بحيث يؤهلني لأكون طبيبة ممتااااااازة
ارجووووووو المساعدة وفقنا الله وإياكم 
|
|
#2
07-09-2015, 08:53 PM
|
||||
|
||||
الأولى على الدفعة مرررررة واحدة
شوفى مبدئيا أنا أقدر أقولك على خطوات أنك ترتبى على الدفعة (انما الأولى فده صعبة) القاعدة رقم واحد :ذاكرى أول بأول اوعى تأجلى حاجة بحجة هلم فى الأخر (صدقينى أنت للى هتتلمى مش المادة) المنهج فى الكلية كبير جدا وأى حاجة بتتساب مش بتقدرى ترجعى ليها القاعدة رقم اتنين : احفظى كتشييييييييييير رغم انك طب أسنان لكن لازم تعرفى أنك مش هتهربى من مواد طب اللعينة للى للأسف (أينعم هى فهم ) لكن لو عايز تجيب فيها تقديرات لازم تصم وتحفظ أنتم دراستكم بتتقسم الى ثلاثة حجات الاعدادى : دى مواد علوم (ثانوية عامة بالانجليزى ) لازن تذاكيرها أول بأول وأغلب للى أعرفهم قالوا لى أن دكاترة المواد العباقرة رمز التفوق عندهم هو الببغاء باقى السنوات : عندك نوعين من المواد مواد طب :أغلبها كلام نظرى كتيييير هو فهم لكن الحفظ أساسى لو عايز تعدى مواد أسنان: معرفش عنها كتير بس العملى عندهم كتير جدا والتدريب اليدوى هو الأهم (سمعت مرة أن معيد علشان يتعلم يعمل سنة صح عمل قبلها 365 سنة غلط) قاعدة رقم تلاتة: المحاضرات والدروس (كورسات يعنى ) والتسجيلات فى الجامعة عندك مليون مصدر تسمعى له محاضرات كورسات تسجيلات لا زم تحددى هتمشى على ايه ومن الأول ونصيحة خليك على المحاضرات أساسى بجانب التسجيلات ليه؟ المحاضرات للأسف بعض الدكاترة بياخدوا فيها غياب ومش كدة وبس لو دخلتى له الشفوى وعرف أنك مش بتحضرله هينقصك جامد هيعرف ازاى ؟ أول حاجة ممكن بسال من حاجة قالها فى المحاضرة أو يسألك مين للى بيدجى مثلا الجزء بتاعه (علشان يشوف أنت حضرتى ولا لا وممكن يسال عن أجزاء تانية لدكاترة تانيين) غير كمان أن المحاضرات هى المكان الوحيد الموثوق للى تعرف ايه المهم وايه للى مش مهم كلام المحاضرة للأسف كلام بالنسبة لهم طبعا كلام مقدس(يعنى لو المعلومات غلط ) عليك بالسمع والطاعة والا أنت حرة قاعدة رقم أربعة: كتب القسم وعليك بالسمع والطاعة حتى لو كتب القسم زبالة وشرحها وحش (أغلب الدكاترة للى بتصحح بتصحح بالنص وفيه للى بيصحح بالشبر كمان يعنى للى يكتب أكتر ياخد درجة أكبر ومش الكل طبعا) كتب القسم حفظ اجبارى (ممكن تجيبى كتب تانية لو عايزة بس استحملى للى يحصلك ) قاعدة رقم مش عارف كام : الدرجات مهمة جدا بمعنى أى امتحان صغير عليه درجات لازم تجيبى فيه أعلى درجة ممكنة ولو تقدرى تقفليه (أشك ) اعمليها والقاعدة دى بالذات هيا للى بتفرق تقدير الامتياز عن أول الدفعة أول الدفعة الدرجة بتفرق معاه جدا جدا جدا قاعدة للى بعد مش عارف كام :امتحانات العملى تتقفل لأن الامتحانات دى بتضيع فيها درجات كتير قاعدة للى بعد بعد مش عارف كام :الشفووووووى الشفوى ده بالذات حظظظظظظظظظ والله العظيم حظ ممكن تدخلى لدكاترة يسألوك سؤال سهل ويدولك الفل امارك ممكن تدخلى لدكتور يديلك الفول مارك قبل ماتدخلى ويسالك هو براحته ممكن تدخلى لدكتور يطلع عين اهلك وأنت تجاوبى وتاخد الفل مارك برضه ممكن تدخلى لواحد يطحنك أسئلة وينقصك ممكن تدخلى لدكتور محضرتلوش ويديك صفر ممكن تدخلى لدكتور من بتوع الأزهر (بالذات دول) ويديلك الصفر هو مستريح ممكن يكون الدكتور مراته منكدة عليه عيشته ويبقى كدة عليه العوض الحل الوحيد أنك تذاكرى كويس وبس أخر حاجة بقى :امتحان الفاينال (ده بالذات ) لازم تكونى حافظة المنهج صم وفاهمة كويس جدا جدا واوعى ثم اوعى ثم اوعى تسيبى حاجة (صفحة شابتر حاجة زى كدة) لان غالبا االامتحان هيجى منهم (أه والله وانت حرة لو مسمعتيش الكلام) بالمناسبة الكلام ده للى عايز يرتب لكن أول الدفعة بالذات مركز مش مضمون وأحب أقولك أن المركز ده للأسف بيجى بالحظ (يعنى واحد نفذ الكلام ده ولعبت العملية معاه ) خلى بالك الكلام ده للاسف هيطلعك دكتور حافظة مش فاهمة حاجة وللأسف تمن أنك تفهمى الحاجة كويس أنك هتضيعى درجات كتير يمعنى كتب القسم السيئة (مش كلها طبعا ) تروحى انت تشرتى كتاب خاجرى وتلاقيه كويس وتجاوبى منه وتذاكرى منه والنتيجة أنت وحظك ممكن الدكتور يقتنع بكلامك وممكن لا مثلا لو قررتى أنك متحضريش محاضرات وتعتمدى على الدكاترة للى بتفهم كويس (يبقى ادعى ربنا أن الشفوى يعدى على خير ) غير كمان أن بعض الدكاترة بتنقض درجات غياب على المحاضرات أناشخصيا حاولت اوازن بين الاتنين (أنك تكون طالب بيدرس صح وتجيب تقدير ) هتنجح بس مش هتجيب الترتيب للى أنت عاوزه (أنا مثلا طلعت الأربيعن على دفعتى ) ونصيحة أخيرة : فكرى انك تتدربى كويس على العملى بتاع المواد لأن ده هو للى هتشتغليه مش الكلام النظرى نظام التعليم المصرى فى أغلب الكليات للأسف تعليم عقيم جدا وبعد ماتشوفه كلكم هتزدادوا زهدا فى درجات أنتم أعلم يقينا أنها ملهاش أى لازمة غير أنك ممكن تتعين فى الجامعة ودى برضه مش مضمونة لأن ممكن متتعينش وأغلب اوائل الدفع بيكونوا نظام الطالب الببغاء للى ممكن ميكونش فاهم حاجة حافظ وخلاص حاجة كمان : الواسطة اوعى تزعلى منها لأنه للأسف هتشوفيها كتير وخاصة فى أسنان (سمعت أن الكوسة جامدة فيها ) أنا كتبت ده على حسب خبراتى كطالب طب بشرى على أساس أن الداراسة متشابهة بين الكليتين الى حد ما
__________________
|
|
#3
08-09-2015, 10:48 PM
|
|||
|
|||
|
اقتباس:
بس سؤال لو سمحت انا لو فضلت ماشية ع كلام المحاضرات وكتب القسم بمعنى إني اكون "ببغاءة" مفيش أمل إني أفلح بعدين ف شغلي وأكون "دكتورة شاطرة"؟؟!!!
|
|
#4
09-09-2015, 06:46 PM
|
||||
|
||||
|
طالما جيتى للنقطة دى فاسمعى بقى
أنا اولا ما عممتش على أن كتب القسم مثلا والمحاضرات كلها وحشة على العكس فى محاضرات بتلاقى المدرج مليان على أخره والدكاترة بتشرح كويس وفى العكس وكذلك الكتب فى كتب بتكون كويسة لدرجة تغنيك عن الكتب الأجنبية أو الخارجية وفيه العكس برضه كله بعتمد على الجامعة للى أنت فيها هل دكاترة كويسين ؟ طيب هل الكتب للى بتعملها الأقسام كويسة؟ هل القسم متعاون كدكاترة ولا كل دكتور بيكيد للتانى ؟ هل انتم كطلاب بتفهموا من العملى والمعيدين بيشرحوا كويس ؟ وهل الكلية مثلا واخدة اعتماد الجودة ؟ وهل وهل وهل مليون سؤال علشان نقدر نحدد بالضبط على أى أساس نمشى المحاضرات ولا كورسات ولا تسجيلات مذكرات القسم ولا كتب من برة وهكذا لكن العامل المشترك فى أنك تكون دكتور كويس هو1- تذاكر الكلام النظرى لأنه مهم (ومعنى كلمة تذاكر يعنى تفهم وتحفظ ) 2-تطبق الكلام العملى صح (وده الأهم من النظرى لأان العملى هو للى هتشتغلوه بعد كدة مش النظرى )
__________________
|
|
#5
15-09-2015, 12:04 PM
|
|||
|
|||
|
اقتباس:
طلب أخير : ممكن حضرتك تديني فكرة عن سنة الأعدادي واتعامل معاها ازاي من حيث : المذاكرة . اللغة . اذاكر منين . مين هيقدر يفيدني . تنظيم الوقت وده من تجربة حضرتك واكرر شكري ليك يا دكتور
|
|
#6
15-09-2015, 01:19 PM
|
||||
|
||||
|
هى دى بقى المشكلة
زى ماقلت لك أنا طالب طب بشرى يعنى ممكن أعرف نظام الأربع سنين الmedical عندكم لكن الاعدادى فصراحة لم أجرب نظامها بس للى أقدر أقولهولك أن المذاكرة أول بأول هى الحل الدراسة قى الكليات الطبية عاملة زى معجون الأسنان (للى بيطلع منه مش بيرجع ) وعندنا للى بيترمى ومش بيتذاكر النهاردة مش بيتعوض برده
__________________
|
|
#7
18-09-2015, 09:04 PM
|
|||
|
|||
|
نظام الاعدادى , اتلغي ف اغلب الجامعات
الدكتور , معاه حق , كله حفظ الفهم قليل , لازم تذاكرى اول باول مش تهملى حاجه اشتغلي بايدك كتير , مش تيأسي عندنا الامتحانات بعدد صوابع ايديكى في الاسبوع امتحاناتنا كتير جدااا , عشان كده كل درجه مهمه فلازم تذاكرى اول باول كويس فكك من كتب الاقسام الا ف المواد اللى الدكاتره يجددوها ذاكرى اللى يتقال في المحاضره مش اللى ف كتب القسم !
__________________
Im faded
|
|
#8
21-11-2015, 08:40 AM
|
|||
|
|||
|
شكرا ليكم يا دكاترة وربنا ييسر الامور ويوفقنا
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 11:57 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
