|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
28-09-2008, 08:41 PM
|
||||
|
||||
قصة حب غريبه.. محتاجه مساعدتكو
السلام عليكم ورحمة الله وبركاته
القصه دي حصلت لصاحبتي وهي مش عارفة تعمل ايه؟؟ القصه بدات في رمضان الماضي بان اتبعتتلها رساله ب5 جنيه فهي بحسن نيه بعتت الرساله تاني لنفس الرقم وياريتها مبعتت المهم فضل الرقم دا يتصل بيها وهي مبتردش وبعتلها رساله عالعيد الصغير بس معبرتوش وبعت تاني في العيد الكبير فردت ووقالتله انت مين وعايز ايه بالضبط فرد عليها وعرفها بنفسه وقالها انه عايز يتعرف بيها قالتله انا مبكلمش شباب وبحترم اهلي كويس شوفلك واحد غيري تلعب بيها قالها والله دي مش معاكسه لانه حس بامانه منها في موضوع الرصيد المحول ليها غلط وانها بتحترم اهلها وان مفيش زيها كتيير المهم فضلت تتخانق معاه برسايل وهو ياقسملها ان نيته صافيه فحكت لقريبتها فقالتلها كلميه وشوفي عايز ايه المهم كلمته وفي اول مكالمه اتخانقت معاه وقالتله انت لعبي عايز مني ايه ولو كنت اعرف ان ال5 جنيه هتعمل كده مكنتش هبعتها قالها يعني انتي ندمانه عشان كلمتيني وقفل السكه (كانهم بيكلمو بعض بقالهم سنين)  وبعدين بالليل بعتلها رساله قالها انتي مش هتندمي عشان عرفتيني  وبعد كده بداو يتكلمو اول ماتكلمو سالته لو عنده تجارب عاطفيه قالها اه قالتله احكيلي قالها لازم يعني قالتلي اه قالها انه كان بيحب واحده لمده 5 سنين وكان اهله و اهلها عارفين وكانو بيخرجو مع بعض دايما لحد ماجه في يوم وقالتله ان في عريس متقدملها وان اهلها موافقين قالها طيب ليه انا كنت هتقدملك بعد لما اخلص وسابته واتخطبت لمستشاار وطبعا كان الموضوع دا مدايقه قوووووي بس هي الحمد لله صحبتي خففت عنه وقالتله دي كانت فترة مراهقه قالها انا عمري ماكنت مراهق( يا سلاااام علي الثقه  ) قالتله مش شرط انت ممكن هي لان البنت في السن دا بيكون نفسها تعيش قصه حب جميله زي اي بنتالمهم هو ارتاح لكلامها قووي بس انا عايزة اسال سؤال هو فعلا دي ممكن تكون فترة مراهقه والحب دا يتنسي ولو هي حاولت ترجعله هيرجعلها ولا لا والمشكله انها قبل جوازها بشهر اتفسخت خطوبتها بس دي كانت في الفترة اللي كانو بيتكلمو فيها (هو وصحبتي) وكانو حبو بعض خلاص صاحبتي خايفه انه يرجعلها تاني المهم خلينا نكمل احسن صاحبتي سافرت القاهرة في اجازة نصف السنة وخرجت هي وقريبتها وصدفت انه كان هناك وشافو بعض في موووول المهم فضلو يتكلمو بعدها كتيير وقالها انه بيحبها وهي كمان حبته بس المشكله ان كان دايما بينهم خلافات ومشاكل هو مكنش بيحب انها تخرج مع اصحابها خاالص ولو عايزة تخرج يكون مع اهلها بس ولو خرجت مع اهلها يفضل يرن عليها كتيير وطبعا هي مش معرفه حد من اهلها فطبعا كان بيبقي احراج ليها كان بيدايق قووي لو رن عليها او بعتلها مسجات ومردتش علطول اهم المواقف اللي كانت بينهم: يوم في اجازة اخر السنة سافرت اسكندرية المشكلة ان الموضوع دا مدايقة قوووي وقالها انتو هتسافرو ليه وهتقعدو فين ومتروحيش البحر وكلام من دا يعني وكل شوية يسالها انتي فين دلوقتي ولو قالتله انا هخرج يسالها بالضبط هتروحو فين؟؟ هم عندهم شقة هناك بس انا عايزة اعرف ايه اللي وحش قووي في اسكندرية مخليه مخنووووووووووق قووي كده وحصل منه كذا موقف بين كده  المهم اول ماوصلو اسكندرية كان موبايلها دايما بيدي غير متاح كلمها كذا مرة ولاقاه غير متاح فاتخنق قووي وقعد يتخانق المهم الموبايل اتصلح وبقي كويس بعد كده تاني يوم من يوم ماوصلو بعتلها رساله وقالها (انسيني وياريت متزعليش من كلامي دا بس احنا مش هينفع نتكلم تاني) البنية يا عيني صعقت من الرسالة دي ومردتش عليه  فضل يرن عليها كتييير بس مردتش لانها كانت واثقه انه هو ومكنتش عارفة هو عايز ايه هو مش قال انسيني يبقي بيرن ليه  بعتلها رساله قالها انا لازم اكلمك وعشان خاطري متزعليش مني انا مش هقدر علي فراقك طبعا هي مش عارفة تعمل ايه وايه الشخصية الغريبه د ي شوية يقول انسيني وشوية متزعليش  المهم كلمته وصالحته بعبطها لانها كان لازم تاخد موقف جامد لان اللي عمله دا مش بسيط وفضلو يتكلمو بس طبعا بوجود خلافات بس بصراحة هايفة قووي المهم خلينا في الموقف التاني صحبتي كانت لسه في اسكندرية لما كلمها يوم وقالها هترجعو امتي بقي انا محتاج اقابلك واتكلم معاكي قالتله مقابله لا وبعدين احنا اتكلمنا في الموضوع دا قبل كده وانا قلتلك قراري قالها لا انا لازم اقعد معاكي واكلمك في حاجات كتيير لازم اعرفها وحطي نفسك مكاني المهم كلامه ده حسسها انه بيلعب بيها وان مش كويس زي اغلبية الشباب وقررت تبعد عنه وقفلت موبايلها لمده شهر هو طبعا كان هيتجنن ومكنش عارف ايه اللي حصلها كل اللي جه في باله انها اتخطبت (ياربي علي تفكير الشباب دا)  المهم صاحبتنا بقي كانت قلقانة قووي وطول الفترة دي كانت بتعمل استخارة وبتدعي ربنا جامد انه لو خير يقربه منها ولو شر يبعده عنها دعت وقالت(يارب لو هو خير ليا قربه مني ويارب لو هو عايزني وشاريني يعمل اي حاجه احس منها انه كويس وانه خير ولو وحش ابعده عني) وفعلا تاني يوم لقته واقف قدام البيت ويبص ويدور ويلف كل شوية بالعربية ونفسه يشوفها وفعلا شافو بعض واول ماشافها ولاقاها كويسه ومطنشاه زعل قووي وبصلها بصه كلها زعل وقهر وغضب وبعدين مشي المهم استنته يجي بالليل بس ماجاش فحكت لقريبتها كل ده المهم قريبتها حست ان الموضوع هيقلب عكننه فقررت تتصل بيه وكلمته قالتله انت ازاي تروحلها قدام البيت مكنتش خايف حد من اهلها يشوفك ساعتها مكنش هيكون كويس لاليك ولا ليها قالها انا كنت هعمل اكتر من كده قالتله والله كان ناقص تروح تشد شعرها وتقولها مبتكلمنيش ليه قالها واكتر من كده كمان قالها انا عايز اعرف هي ليه بتروح اسكندريه ؟؟؟؟  المهم قريبتها ردت وقالت هما عندهم بيت هناك وبيصيفو فيه عادي زي الناس الطبيعيين المهم يعني قالتله انها قفلت موبايلها عشان موضوع المقابله ودا دايقها وحسسها انك مش كويس قالها ومصارحتنيش ليه قالتله هيا ياما قالتلك بس انت مكنتش بتريحها وبتقولها ان دي حاجه ولابد منها قالها انا اصلا كنت بختبرها واشوف هي هتعمل ايه ولو كانت وافقت واتفقنا علي مكان نتقابل فيه انا مكنتش هروح وقالها متقوليلهاش عشان مينفعش تعرف حاجة زي كده بس طبعا هي قالتلها لان هي لازم تعرف والبنت ياعيني صعقت لان هي فعلا كانت بدات تصدق كلامه ومتخيلتش ان دا ممكن يكون اختبار  وقالها خليها تفتح موبايلها عشان عايز اكلمها المهم هي فتحته بعد لما حست انه كويس وان المقابله دي كانت اختبار مش اكتر وياريتها مافتحته المكالمه كلها كانت عكننه وعييييييييييط وزعييق وخناق ربنا مايوريكو يعني وقالها انه كان عايز يعاتبها مش اكتر وانها خلاص متلزموش اساسا وان هيعيش حياته زي ماهو عايز المهم هي كانت طول المكالمه بتبررلو هي عملت كده ليه وقالها انا اصلا فكرت انك اتخطبتي قالتله انا مش سهل احب حد وادخله قلبي وبعدين ارميه واحط واحد تاني قالها بصي انك تقفلي الموبايل عشان المقابله دي حاجة متدخلش دماغ وانا مش مصدقها بصراحه المهم فضلت تدافع عن نفسها لحد ماهو هدي شوية من ناحيتها واتكلم معاها عادي وقالها انه زعل ان قريبتها دي اتدخلت بينهم قالتله انها والله مكنتش تعرف وهي كمان مبتحبش كده خالص وقالتله( انا لو كنت اعرف مكنتش خليتها تكلمك قالها بس هي اللي رجعتنا تاني البعض) وعلي فكرة هي بتخاااف عليكي وبتحبك قووي المهم انا مش هتكلم كتيييير يعني صاحبتي سالته سؤال انت ترضي تتجوز واحده زيي ( ياسلام عالصراحة) انا عمري ماشوفت صراااااااااااااااحة بالشكل دا المهم يعني هو قالها طبعا قالتله ليه قالها عشان مردتيش تبعتيلي صورتك ومردتيش تقابليني وعشان محترمة وحاجات تانية كتييير انا حسيتها فيكي ومش مهم تعرفيها دلوقتي المهم الحمد لله بقو صافي يالبن حليب ياقشطة بس دي حاجة مش بتدوم كتييير يعني الموقف التالت والنهائي بقي ده كان قبل رمضان اللي احنا في دا بيوم علي فكرة هما بقالهم سنه بيكلمو بعض دا لما رجعت الحمد لله بيتها من تاني قالها عايز صورة ليكي وخناااااااااااااااق بقي ولو مبعتليش صورة يبقي انتي مش بتثقي فيا وانا مش هقدر اكمل مع واحده مبتثقش فيا المهم زعقت ولاول مرة قالتله انا مبتهددش ومش هبعت صوري لحد سلاااااااام وقفلو مع بعض البنت يا عيني مبقتش عارفة تعمل ايه مش طايقاه وفي نفس الوقت مش هتقدر علي بعاده فقررت تقول لمامتها انا مش هقول علي اللي حصل لمامتها لان دي اكيد هتبقي صدمه لاي ام بس هي كانت محتاجه حد كبيير يساعدها ويقف جمبها والحمد لله ان مامتها سمعتها وقررت تساعدها فصحبتي بعتتله رساله قالتله انها قالت لمامتها زعقلها زعقتين من بتوعه وقالها انتي ازاي تتصرفي من دماغك انتي فاكرة نفسك انتي الراجل وان الست ولا ايه؟؟؟ انتي كان ممكن تقولي باسلوب احسن وقعد يتخانق قالتله كل ده عشان عايزة اللي بيننا يكون في النور والناس كلها تبقي عارفة قالها انتي عارفة ان انا مكنتش ضد انك تقولي لمامتك بس كان المفروض تختاري الوقت المناسب المهم هي حست من كلامه معاها انه مش مصدقها وانها بتعمل لعبه عليه عشان تشوف هيعمل ايه وطبعا مفيش راجل يقبل بحاجة زي كده وقالها انا مبتغصبش علي جوووووووووووووووووواز ومحدش عرف يغصبني علي حاجة انا دلوقتي بقرر انتي في طريق وانا في طريق المهم ردت عليه وده كان اخر رد ليها انا خلاااااااااص مش عايزة اتجوز انت فعلا كرهتني في الرجاله انا بكرهم بجد بكرههم وربنا عالمفتري ياريته سكت بعدها ومشي زي ماقال لا فضل يتخانق ويزعق لكن بعدها بيومين بعتلها رساله قالها هانت عليكي كل حاجه حلوة بيننا والله ده كان غضب مني انتي عارفة ان انا من غيرك ولا حاجة متزعليش مني يا روحي عشان اللي بيننا كبيييييير طبعا مردتش لانها خلااااااااص معدتش فاهمه حاجه خاااالص المهم والدتها اتدخلت وبعتتله رساله قالتله "ان الذين فتنو المؤمنين والمؤمنات ثم لم يتوبو فلهم عذاب جهنم ولهم عذاب الحريق" فرد عليها برساله يدافع بيها عن نفسه لانه كان عارف ان دي تبع صحبتي بس مش عارف مين اللي باعتها بالضبط المهم حاول يكلم الرقم دا كذا مرة بس الام مكنتش بترد عليه لحد مارن من رقم غريب فمامتها ردت لانه ممكن يكون حد من قرايبهم ولا حاجه فلقت صوت بيقول( انتي مين وايه اللي انتي بعتاه في رساله ده) فمامتها عرفت انه هو قالتله حضرتك فلان قالها مش مهم انا مين قالتله لو سمحت اتكلم معايا بادب عشان انا والده فلانه فلم الدور واتكلم كويس فقالتله لو دي اختك مثلا كنت هتقبل عليها كده قالها لو كويس ونيته كويسه هقبل قالتله وانت هتعرف منين ان نيته كويسه المهم يعني المكالمه خلصت ومحدش فيهم مريح التاني المهم بعت رساله لمامتها وقالها انه عايز يكلمها فمردتش وتاني يوم بعت برده بس مردتش تالت يوم بقي بعت واتكلمو فضل ساااااااااااااكت في اول المكالمه وبعدين قالها هي فلانه زعلانه مني (اللي هي صحبتي طبعا) قالتله انت عايز ايه بالضبط قالها بصي انا قلت لاخواتي ان انا بعد لما اتخرج هتجوز علطول ومليش دعوة بحد فمامتها قالتله انتو عندكو في العيله لازم بالدور قالها لا مش بالضبط المهم قالتله لو انت شايف ان ارتباطك بيها حاجه صعبه عليك انصحك متجيش قالها لالالالالالالالالالالا انا مقولتش كده بالعكس انا عايزها وشاريها قالتله عموما انت هتتقدم عادي خالص وبعدين نسال عليك وساعتها ربنا يسهل ولو في نصيب ليكو مع بعض ان شاء الله هيكون حتي لو العالم كله وقف قصادكو طبعا مامتها موافقتش انها تكلمه غير بعد لما لقت بنتها هتروح منها ودايما منهارة فقالت لازم تتكلم معاه وتشوف اخره ايه؟؟ المهم بعت لصاحبتنا رساله بالليل في نفس اليوم قبل الفطار بربع ساعة قالها( انا كلمت والدتي عليكي وان شاء الله لما اخويا الكبير يخطب هتقدملك رسمي انا عمري ماتخلي عنك بالسهوله دي موتي بس هو دا فراقي عنك انا كلمت والدتك النهارده وان شاء الله هيحصل كل خير بيننا) البنت فرحت قووي من الرساله بس مالقتش الفرحة دي في عين مامتها ولا قريبتها علي فكرة قريبتها دي عندها 27 سنة والفرق بين الحبيبين سنتين في الدراسه وسنه في الحقيقه يعني هي 19 هو 20 بس انا ملاحظة ان تفكيره اكبر من سنه بكتيييييييييييير المهم فضلت اسبوعين من بعد الرساله ومفيش طبعا اتصال بينهم لان مامتها عرفت وهو عارف كده ومحاولش يتصل بيها لحد ماجه من 6 ايام كده ودخل عالايميل ولاقاها فاتحه هو طبعا نفسه يكلمها بقاله اكتر من شهر مش عارف يوصلها كان كل كلامه مع مامتها فقالها كل سنة وانتي طيبه وهي ردت وقالتله وانت طيب المهم قعدو يتكلمو شوية بس ردودها عليه كانت جافة شوية هي اصلا كلمته عشان حست انه جد معاها لو كده مكنتش ردت عليه اصلا المهم قالتله انا لسه عند وعدي لماما ومينفعش نتكلم اكتر من كده وقفلو تاني يوم دخلت ودخل بعدها بخمس دقايق ياسلام علي الصدف وقالها انه مش عايزها تكون زعلانه منه وانه اسف علي كل اللي عمله وياريت تسامحه قالتله ردي مش هيفيد في حاجة قالها (انا اسف ان انا زعلت سيادتك بس انتي لازم تعرفي ان انا حكيتلك عن نفسي حاجات محكيتهاش لحد وارتحت جدا وانا بتكلم معاكي وحبيت اكلمك) وكلام تاني بقي بس مش فاكراه بقي وقالها ها ياتري سامحتيني وقبل ماترد قالها انتي ليه مبتسمعيش كلام مامتك قالتله انا بسمع كلامها في كل حاجة قالها يعني هي عارفة انك بتكلميني قالتله ماما علي علم بكل حاجه انا بعملها قالها انتي عارفة انت اكتر المشاكل بين الناس المتجوزين بتكون بسبب ان البنت بتحكي حاجات قليله لمامتها اتخيلي انتي بقي واحد بتحكي كل حاجه قالتله انا مش متجوزة قالها انا مش بقول عليكي امال هيكون بيقول علي مين يعني؟؟  ماعلينا المصيبه انه مش قادر يفهم ان اللي عمله مش قليل وانها لازم تاخد وقت عشان تسامحة المهم هي قعدت كذا يوم متدخلش عالايميل عشان مش قادرة تواجهه بعتلها رساله عالموبايل وقالها انا عايز اكلمك عالنت قالتله كلامي هيكون معاكل لما اشوفك ان شاء الله قالها ان شاء الله بس انتي حرة خليكي كده عالطول انتي اتغيرتي جوايا وانا اتغيرت فيا حاجات كتيير وقررت اعيش حياتي بدون حد يا حلااااوة المهم بعد 3 ساعات من الرساله دي بعتلها قالها انا لسه عند وعدي ليكي وان شاء الله هكلم اهلك في اقرب فرصه ده لما اكون مستعد بس دا ميمنعش ان انا زعلان منك جدا وانتي اتغيرتي جوايا وشوية كلام يحرقو الدم كده..... انا عايزاكو تساعدونييييييييييييي ياتري تعمل ايه ؟؟ وهل هو انسان طبيعي ولا فيه حاجه غلط صحبتي مش عارفة تقرر عايزة تدخل علي الايميل عشان تصارحة وتواجهه زي ماطلب منها بس خايفة تقلب عكننه بس لو مصارحتوش دلوقتي هيتخانقوا في جلسه التعارف دا لو اتقدم يعني (علي فكرة محدش يعرف غير مامتها بس) ودا مش هينفع وياتري هيتغير لو قعدو مع بعض وقربو من بعض اكتر وان هو بيطلع ارفه عليها عشان مدايق ومفيش في ايده حاجة يعملها لحد مااخوه يخطب ونفسه يبقي معاها علطول ولا في حاجة تانيه انا مش فاهماها؟؟؟؟ قولولي تعمل ايه؟؟؟؟؟؟؟؟؟ انا اسفه عشان طولت عليكو قووووي بس ده موضوع حياه او موووت ودي صاحبتي الانتيم ونفسي اخرجها من اللي هي فيه دا ومش عارفة ازاي انا عارفة ان الموضوع ده حراااااااااااااااااااااااااام وبدايته غلط فياريت اللي يرد عليا ميدخلش يقول ان الموضوع حرام وده اللي يستاهلوه انا عايزة ردود مفيده  |
|
#2
28-09-2008, 08:57 PM
|
||||
|
||||
اللى اعرفه ان العام منع القصص دى فى قوانين يعنى .. بس رايي انها فعلا انها تستاهل ومابنى ع باطل فهو باطل .. بس اعتقد ان الموضوع هيتحذف مش عارفه ليه
|
|
#3
28-09-2008, 09:00 PM
|
||||
|
||||
|
قصة صعبة اوى بجد وغريبة ...... بس لو بتحبى صحبتك بجد لازم تسعديها انها تنسى الانسان ده بسرعة لان ممكن بعد الجواز تبقا حياتها معاه جحيم بجد ......انا شايفة ان هو ممكن يكون متعلق بيها اوى بس حسيت من الكلام انه مش طبيعى خالص وماينفعش واحدة تعيش كل يوم فى حال ده مش حب خالص ده اسمه عذاب واساسا هى متعرفش اهله ولا اصله يبقا تبعد عنه احسن وكفاية بقا تجرح فى نفسها وكرامتها على اد كدا وانا شايفة انها الى حد ما لو عايزة تبعد هتبعد لانك قولتى كذا مرة انها قدرت تتحكم فى نفسها مرة بقفل الموبايل شهر ومرة انها ما كنتش بتدخل على الايميل وان شا ءالله هتقدر تنساه وهو كمان ممكن يعد يلح عليها شوية فى الاول بس هى لازم تبص لمستقبلها ولحياتها وتحكم عقلها كويس وانتى صحباتها وامانة عليكى انك تنصحيها......
وربنا يوفقك ويوفقها
__________________
رجعت للمنتدى ومش عارفة رجعت ليه بس حاجة رجعتنى وخلاص...وحشتونى
|
|
#4
28-09-2008, 09:19 PM
|
||||
|
||||
|
ماشي يا بنوته اهلاوية
انا فعلا شكلي غلطت اني حطيته بس انا كنت عايزة مساعده منكو مش اكتر ياريت الموضوع يتحذف ميرسي ليكي يا مني علي ردك وانا بحاول اساعدها وان شاء الله ربنا يعمل اللي فيه الخير 
|
|
#5
28-09-2008, 09:35 PM
|
||||
|
||||
|
اقتباس:
كملى كملى ممكن حد يلاقى حل .. بس بردو ع رايي ان ما بنى ع باطل فهو باطل
|
|
#6
28-09-2008, 09:41 PM
|
||||
|
||||
|
جارى النقل الى الارشيف
__________________
قالوا سكتُّ وقد خوصمتُ قلتُ لهم إنَّ الجوابَ لبابِ الشرِّ مفتاحُ والصمَّتُ عن جاهلٍ أو أحمقٍ شرفُ وفيه أيضاً لصونِ العرضِ إصلاحُ أما تَرَى الأُسْدَ تُخْشى وهْي صَامِتة والكلبُ يخسى لعمري وهو نباحُ 
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 12:08 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
