علشان تعرفوا ان التنسيق ظالم

[روميو العاطفي@الشرقاوي]

السلام عليكم

ازيكم يا جماعه

انا روحت انا ومجموعه من المنتدى زي متفقنا الساعه عشرة وفعلا اجتمعنا

واول مروحنا شوفنا حاجه غريبه جدا كنت بحسب هنبقى لوحدنا واتفاجأنا كان حوالي تلت الاف واحد زيينا

واولياء امور بيبكوا وناس مزهوله من اللي حصل قلنا لازم نعمل حاجه

دخلنا مكتب مبنى رقم 2

مفيش حد رد علينا واللي كان موجود قلنا كلمه غريبه((انا بواب))يعني ايه؟؟

وطلع مدير مكتب التنسيق ودخلت الشرطه لاننا احتجزنا الراجل ده وجت الصحافه وصوروا اللي بيحص

ودخلنا لوكيل الوزاره على امل انه يفيدنا

لكننا اتصدمنا فيه كلامه زيه زي قلته بيحكيعني في المحكي يعني

بعد كده اتلطعنا فالشمس من غير اي سبب مستنيين الفرج من عند ربنا

وبعد 3ساعات من الوقوف فالشمس روحنا لوكيل الوزاره تاني قالنا استنوا لما يطلع الحد الادنى وتعالوا يوم الاحد نتفاهم

يعني ايه نتفاهم

المهم طلع الحد الادني عبط فعبط حد يقولي ازاي؟

اقولكم ازاي قالوا زي مفي الكتاب احنا بناخد رقمين بعد الفاصله والمجاميع واخدين فيها رقم واحد من غير تقريب حتى يعني ايه الكلام الفاضي ده

انا واحد من الناس اللي ضايعتهم الحكايه ديه

انا جايب 414.09

والطب واخد 414.1 ازاي؟؟؟؟:confus ed:

حد يرد عليا حراااااااااااام ولا لا

يضيع الطب عليا على واحد من ميه ليه ليه ليه حراااااااااام والله ظلم ظلم

واحد من ميه يعني اقل من ربع درجه

وجالي صيدله ازااااااااااااااااي؟؟؟؟؟؟؟؟؟؟؟


حسبي الله ونعم الوكيل

[روميو العاطفي@الشرقاوي]

انا رايح يوم الاحد اشوف ايه النظام لازم اخد حقي ده ظلم واللهي

[كفايا كده طب]

روميو انت سالت هو ينفع التحويل من كلية في بلد لاخر انا اخويا فرقة معاه على واحد من عشرة يعني نص درجة ويجي بلده هو الفكرة او الطريقة ايه في التحويل وهينفع او لا نحاول ولا كل سنة وانت طيب

[jeme.89]

[
b]حراااااااااااااااااااااااااااااااااااااااااااااااا اااااااااااااااااااااااااااااااااام عليكو الله [/b]

[روميو العاطفي@الشرقاوي]

روميو انت سالت هو ينفع التحويل من كلية في بلد لاخر انا اخويا فرقة معاه على واحد من عشرة يعني نص درجة ويجي بلده هو الفكرة او الطريقة ايه في التحويل وهينفع او لا نحاول ولا كل سنة وانت طيب

اهلا بيك بص يا باشا انا سمعت وكيل الوزاره بيقول التحويل حسب المحموع اللي انته واخده بمعنى لو مجموعك يجيب مثلا جاب صيدله الزقازيق وانت فالمنصورة بتدخل على الحد الادنى لكليه صيدله المنصوره لو لقيت ان مجموعك يجيبها تقدر تحول

يعني من الاخر بيعدلوا رغباتك بس يارب تكون فهمت حاجه مني

حرااااااااااااااااام اللي بيحصلنا ده بعد الغربه والقرف نتظلم في بلدنا حراااااااااااام يا ريتني مكنت رجعت

[nonog]

معلش يا روميو ان شاء الله هتاخد حقك متخفش ما دام ربنا شايفلك ان طب فيها خير ليك هتروحها ولو حتى الوزير اعترض على كده واانا بدعيلك والله اصلى حاسة بيك لاننا هندسة كانت فرقت معاى على نص درجة بس الحمد لله

[invisble_girl]

يا جماعه كنت عايزه اسألكم على حاجه انا ليه واحد صاحبتى جالها هندسه الفيوم وهى عايزه تغير يعنى مكان قريب لان هى من كفر الشيخ
المهم راحت مكتب التنسيق قالولها تدفعى 500 جنيه وتكتبى 5 رغبات تانى وتستنى يا تجيلك يا متجيش فلو حد عنده حل يا ريت يقولو انا مش عارفه هما بيعملو معانا كده ليه
حسبى الله ونعم الوكيل

[روميو العاطفي@الشرقاوي]

المشاركة الأصلية كتبت بواسطة invisble_girl

يا جماعه كنت عايزه اسألكم على حاجه انا ليه واحد صاحبتى جالها هندسه الفيوم وهى عايزه تغير يعنى مكان قريب لان هى من كفر الشيخ
المهم راحت مكتب التنسيق قالولها تدفعى 500 جنيه وتكتبى 5 رغبات تانى وتستنى يا تجيلك يا متجيش فلو حد عنده حل يا ريت يقولو انا مش عارفه هما بيعملو معانا كده ليه
حسبى الله ونعم الوكيل

بصي انا ن معلوماتي اللي على قدي: بقول ان الكلام ده لو مجموعها يدخلها هندسه كفر الشيخ او حته اقرب بتعمل كده بس لو ميجبهاش يبقى ملهوش لازمه

وهي مصر كده اددفع وبس حرااااااااااااام

[روميو العاطفي@الشرقاوي]

معلش يا روميو ان شاء الله هتاخد حقك متخفش ما دام ربنا شايفلك ان طب فيها خير ليك هتروحها ولو حتى الوزير اعترض على كده واانا بدعيلك والله اصلى حاسة بيك لاننا هندسة كانت فرقت معاى على نص درجة بس الحمد لله

ربنا يخليكي احنا ش هنقول غير حسبنا الله ونعم الوكيل

وشكرا على تعاطفك معايا

[love_queen_emy]

انا كمان يا روميو روحت إمبارح وقعدنا في الشمس لغاية الساعه تلاته لما والله ما كنت قادرة بس قولت أستحمل علشان مستقبلي وقالولنا إستنوا الحد الادني وإستنينا وروحت النهارده تاني وقالولنا المسنتفذين يكتبوا رغبه واحده علي حسب المجموع كتبت هندسة منوف ولو بعد الشر مجتليش والله ما هسكت أصله يبقي ضياع بضياع بقي وأروح هناك وأعتصم وإللي يحصل يحصل أصلي بإذن الله إن شاء الله مش هتنازل عن حلمي مهما حصل
وإنت ربنا يوفقك وتعرف تعمل أي حاجه وتلحق طب أصل حرام علي واحد من ميه تروح صيدلة بس هنقول إيه ما إحنا بنتعامل معامله في بلادنا ولا معاملة اليهود وربنا يوفقك يا احمد

[روميو العاطفي@الشرقاوي]

ميرسي يا ايمي يبقى اكيد انا شوفتك هناك

وانا كمان رايح يوم الاحد وضياع بضياع

وحقي مش هسيله واللهي مهسيبه مهما حصل

حسبي الله ونعم الوكيل

واللي يحصل يحصل معدنا يوم الاحد احنا ضايعين ضايعين

[MR.cobra_PSD]

انا كمان رايح مكتب التنسيق يوم الأحد

واما نشوف اخرتها ايه .... ويا ويلهم لو كانوا بيلعبوا بينا ...

[love_queen_emy]

يمكن انا كمان شوفتك بس إنت هتروح يوم الحد مكتب التنسيق ومش هتروح الكليه ؟
انا عن نفسي هروح الكليه إللي علي مزاجي وهدرس فيها بالعافيه هههههههههههههههه
أصل مادام مجموعي جايبها محدش هيقدر يبعدني عنها وإللي يعملوه يعملوه أنا خلاص مبقتش اخاف والله هعمل كده فعلا يوم الحد وزي ما قلتلك ضياع بضياع مش فارقه كتير بس الواحد يعمل حاجه من نفسه

[كفايا كده طب]

ياجماعه حد يفهمني يعني ينفع ادفع واكتب رغبات تاني
اخويا فرقت معاه على واحد من عشرة بين طب بنها وطب طنطا يعني برنامجهم ده وهو كان كاتبها بس مش جتله يعني بجد حرام جت عل واحد من عشرة يعني نعمل ايه يتعب كل ده وواحد من عشرة تغربه وياريت كمان بنحلم نجيبه بلده المنصورة احنا بس عايزين نقربه شوية حد عنده فكرة هينفع ولا لا افيدونا وانا كمان هروح يوم الاحد ويارب نشوفكم جميعا ناجحين وموفقين في الكليات علشان مش ندخل الكلية وببعدين نبقى ولا حاجة يعني تشدوا حيلكم كمان في الكلية ويارب اشوفكم علطول ناجحين

[روميو العاطفي@الشرقاوي]

ههههههههههه

هي العافيه بتجيب نتيجه يا ايمي قشطه كده يبقى كل واحد هياخد اللي هو عايزه ههههههه

انا رايح يوم الاحد ان شاء الله

وشعارنا هوه ((يا وزير قول الحق انت ظالمنا ولا لأ

ميرسي يا جماعه واللي هيروح الاحد يكلمني

noureal-islam@hotmail.com