عاوز تعرف الوزارة ضحكت عليك ولا أنصفتك ؟ أقولك

[sadq7]

اجمع مرتب شهر ديسمبر + الـ50% + المكافأة القادمة/12 واخصمهم من مرتب شهر يناير اللى هتقبضه فى إيدك فعلا
فإن كان الناتج ثلاثة أضعاف الخمسين فى المية مثلا يبقى الوزارة دى جدعة وبنت حلال.
ولو لقيت الناتج يقترب من ال 50% يبقى اتقرطست يا معلم لأنها هى الخمسين التانية اللى اكتسبناها بعد مظاهرات السنة اللى فاتت ويبقوا ضحكوا عليك وخدوا من دقنك وفتلولك وسحبوا البساط من تحت أقدامك وأظهروك فى الإعلام على إنك رجل ثرى ومرفه وواكلها والعة وملكش حق تفتح بقك.

[Mr...Ahmed]

740+107+200 = 1050

واللى هتقبضه ف ايدك هيعدى ال 1300 ان شاء المولى

[SAEEDS]

يعنى المكافأة سوف توزع على الشهور من يناير فما موقف الشهور الماضية من العام راحت علينا ولا ايه

[هشام الضبع]

مكافأة الـ6 أشهر الماضية وهي من 1 يوليو 2013 إلى 30 ديسمبر 2013 سيحصل عليها المعلم مرة واحدة، في موعدها المحدد لذلك، أما الفترة من 1 يناير 2014 إلى 1 يوليو 2014 سيحصل المعلم على مكافأة الامتحانات شهريا.

[عمرو حجازي]

توزيع مكافأة الإمتحانات على شهور السنة فكرة شيطانية !!!!!
فكرة إن الوزارة توزع مكافاة الإمتحانات على شهور السنة من أول يناير فكرة طارق الحصري عرضها أمامي رئيس قطاع الموازنة العامة للدولة بوزارة المالية - الأستاذ عاطف ملش - فاعترضت عليها ، وخرجت أعلنت ذلك على الزملاء المعلمين ونبهتهم إلى خطورة ذلك ، ولكن السيد الوزير والدكتور طارق الحصري نفيا هذا الكلام !!! ، وبعض من يدّعون أنهم نشطاء خرجوا لمهاجمتي مجاملة للوزير وللحصول على رضاء الوزير فقط !!! مع إنهم لم يفهموا المغزى من توزيع مكافأة الإمتحانات على شهور السنة !!! فتوزيع المكافأة على شهور السنة يهدف إلى زيادة مرتبات المعلمين شكلاً أمام الرأي العام ويُظهرهم بأنهم من أصحاب المرتبات الكبيرة حتى يتم استبعادهم من الحد الأدنى !!!! أما الأمر الأكثر خطورة هو أن الوزارة ستتعامل مع مكافأة الإمتحانات على إنها حافز شهري يتأثر بنسبة الغياب والجزاءات كل شهر أي سيتم خصمها في حالة تجاوز أيام العارضة في الشهر وكذلك في حالة توقيع الجزاء !!!! الوزارة ستخرج وتنفي هذا الكلام الآن !!! والمعلمون سيصمتون وكل سنة وانت طيب ياراجل يا طيب إنت وهو !!!!
** * و توزيع مكافاة الإمتحانات على شهور السنة مخالفة للقانون لأن المكافأة مقابل عمل أي ليست عطية من الوزارة وليست هبة من طارق الحصري !!!!
*** لكن الكارثة في قرار توزيع المكافأة على شهور السنة هي أن المكافأة يتم الحصول عليها حال إتمام ستة شهور عمل فقط أما في حالة توزيعها على شهور السنة فسيتم منحها على حساب سنة كاملة عمل فإذا حصل المعلم على أجازة إعتيادية أو أي أنواع أجازة فسيتم خصم مكافأة الإمتحانات من هذه الشهور !!! وأيضاً المعلمات اللاتي يحصلن على عمل نصف الوقت ستطير منهن نصف المكافأة شهرياً وأيضاً أجازة الوضع والأجازات المرضية !!!! وبالتالي نتيجة هذه الخصومات سيكون فائض الميزانية من المكافأة بالمليارات يحصل على 10 % من هذا المبلغ كبار رجال الوزارة وعلى رأسهم الوزير !!!! فهل علمتم لماذا طارق الحصري سعى في مثل هذا القرار بمباركة الوزير ومعهم وزارة المالية ؟ !!!!
*** وأيضاً بهذا القرار سيدخل جميع المعلمين في شريحة ضريبية أكبر مما كانوا عليها أي سترتفع نسبة الضريبة الموحدة والأجور المتغيرة وسيظل المعلمون يحصلون على مكافأة الإمتحانات على ميزانية العام السابق بعد أن كنا نطالب بأن تكون على ميزانية العام الحالي وهو الحق الطبيعي للمعلمين !!!!!! أين مؤيدو الوزير والمطبلاتية ؟ !!!!
*** العجيبة إن كل يوم أردد مثل هذه التحذيرات وكل يوم تُثبت الوزارة صدق كلامي لكن أنا في واد ياربي والمعلمون في واد !!!! طيب أعمل إيه لكم تاني ؟ !!! المشكلة إن الوزارة بتستخدم جيش من المرتزقة لمهاجمتي والتطاول عليّ وللأسف هؤلاء أيضاً معلمون !!!!
دكتور محمد زهران .... مؤسس تيار استقلال المعلمين

[جودة عبده محمد]

مع الدكتور زهران احنا اضربنا على قفانا اين روابط المعلمين
على موقع صدى البلد الوزير قرر توزيع المكافأة على شهور السنة يعنى الزيادة بتاعتنا هى المكافاة مقسمة وباقى العاملين بالدولة زيادتهم فعلية والادهى بعد ذلك انها يمكن تتعطل لعدم وجود ميزانية وخضوعها للاجور المتغيرة وضرائب نقابة اكثر احنا نستاهل اكتر من كده كلام وجعجعة ع الفاضى وفى الاخر نساق للمدارس كالانعام

[alfa]

سيدخل جميع المعلمين في شريحة ضريبية أكبر مما كانوا عليها أي سترتفع نسبة الضريبة الموحدة والأجور المتغيرة وسيظل المعلمون يحصلون على مكافأة الإمتحانات على ميزانية العام السابق

المكافأة تدخل فعلا فى حساب الضريبة الآن

[روكا دودو]

منتهى الظلم دايما للمعلم

[ظل المحارب]

فى سبيل ان الادارى القاعد على مكتب طول السنه مابينقطعش قلبه كلام وشرح ومنهده مع الطلبه حيخد المكافاة كامله لانه غير خاضع لكادر هباب ظلموا بيه المعلمين وبدل المعلم مهو اخد حقه ومميز بالكادر القعد على تخته وامتحن ولجنه ورقم جلوس واهانه وقله قيمه وفى الاخر الادارى بقى احسن وافضل منه مالكل على كده يحولوا ادارين علشان ياخدوا حقوقهم كامله منين المدرس حياخد اكتر فسبيل ان الادارى لو فرقوا المكافاه بتاعته على الشهور حيبقى احسن من المدرس

[وليد سعيد]

المشاركة الأصلية كتبت بواسطة ظل المحارب

فى سبيل ان الادارى القاعد على مكتب طول السنه مابينقطعش قلبه كلام وشرح ومنهده مع الطلبه حيخد المكافاة كامله لانه غير خاضع لكادر هباب ظلموا بيه المعلمين وبدل المعلم مهو اخد حقه ومميز بالكادر القعد على تخته وامتحن ولجنه ورقم جلوس واهانه وقله قيمه وفى الاخر الادارى بقى احسن وافضل منه مالكل على كده يحولوا ادارين علشان ياخدوا حقوقهم كامله منين المدرس حياخد اكتر فسبيل ان الادارى لو فرقوا المكافاه بتاعته على الشهور حيبقى احسن من المدرس

والله عندك حق

[heshamarabe]

المشاركة الأصلية كتبت بواسطة وليد سعيد

والله عندك حق

والله ما حد انظلم بسبب الكادر غير الاداريين يا اخي الكريم كل الاداريين في كل الوزارات قاعدين علي مكاتبهم بشاوات ما عدا اداريين التربية والتعليم شغالين شيالين في الوزارة السعيدة انت لو بتروح تجيب الكتب وتشيلها علي اكتافك زي عتالين السكة الحديد ولو بتعمل مرتبات الكشف ما فيهوش خانة واحد فاضية وكلها نسب تغيظ اصلاً ما كنتش قلت كده الاداريين اتحرموا من ال 200% علشان الاستاذ كادر ما يزعلش ثم كلام بكلام المعلم بيشتغل 5 شهور في السنة وباقي السنة قاعد بيتشمس لو كان مدرس مواد تافهة ما فيهاش دروس خصوصية أو قاعد في بيتهم بيدي دروس خصوصية يعني الباشا طالع واكل نازل واكل واتحداك لو فعلاً حولت اداري بمرتبة الهزيل واستغنيت عن السبوبة بتاعة الدروس الخصوصية يا ريت تلاقوا حد تاني غير الاداري
تغنوا عليه احنا دافنينة سوا يا باش مهندسين

[ferofero]

فيها ايه لو كنا اخدنا حد ادنى زى بقيت موظفين الدوله يعنى انا معلمه على الدرجه التالته المفروض اخد 1450 صافى زى موظفين الدوله ومن غير مكافاه الامتحان ومن غير لف ولا دوران انما بعد الزياده اللى اتوجع دماغنا بيها هنبقى زى الدرجه السادسه هنزيد عليهم بس مكافاه الامتحان وده اللى انا متاكده منه بعد محسبت المرتب والاستقطاعات ومكافاه الامتحان

[هاملت1]

حسبنا الله ونعم الوكيل

أين ايمن البيلي؟؟؟؟؟؟؟

[ferofero]

المشكله ان مرتباتنا معدومه تنحصر بين 600 و800 وبعد زياده 400 اللى بيقول عليها فى الجدول هتوصل المرتبات بين 1000 و1200 كده زى الدرجه السادسه فى الحد الادنى وفيه ناس هتبقى اقل من الدرجه السادسه انا مثلا معلم على الدرجه التالته مرتبى 800 +400 =1200 بقيت زى العامل عندنا اللى لسه متعين حديث +180 مكافاه بقيت 1380 ده اللى هقبضه حتى مش محصل 1450 الدرجه المماثله ليا فى الحد الادنى حاجه تكثف اتمنى يكون كلامى غير صحيح

[محمد بيولوجى 6]

مش صحيح زودى كمان 400 جنيه يبقا 1600 جنيه