سياحة وفنادق تعليم مفتوح

soley93 · #1 10-09-2010, 11:28 PM

السلام عليكم
انا عندي استفسار بخصوص كلية سياحة وفنادق تعليم مفتوح
انا جبت مجموع مش كوبس في تانية ثانوي واحتمال كبير مش الحق سياحة وفنادق انتظام
انا عايز اعرف لو دخلت سياحة وفنادق تعليم مفتوح هل هيكون في فرق كبير في الشهادة ونوع التعليم والشعل حتي بعد كده بلييز جاوبوني
وعايز اعرف المصاريف كام بالظبط للتعليم المفتوح

Oprah · #2 18-09-2010, 11:00 AM

انا قدمت السنة دى سياحة و فنادق تعليم مفتوح جامعة الاسكندرية
و عندى مقابلة شخصية "انترفيو " يوم 2/10 و خايفة جدا
اولا : اعتقد ان مفيش فرق كبير بين شهادة التعليم المفتوح و الانتظام
ثانيا : بالنسبة للشغل ادخل الموضوع ده هتلاقى كل حاجة
http://www.thanwya.com/vb/showthread.php?t=78506
المهم لو هتقدم هقولك كل حاجة بالتفصيل :
* الاوراق المطلوبة
1- اصل شهادة ميلادك
2-أصل استمارة الثانوية
3- 6 صور شخصية
4-أصل الموقف من التجنيد (بالنسبة للولاد )
5- بالنسبة للسياحة و الفنادق " الاسكندرية " لازم تجيب " عقد ايجار البحيرة" .. ده بالنسبة لجامعة الاسكندرية لكن معرفش فى باقى الجامعات بيطلبوا العقد ده ولا لاء لكن اللى اعرفوا ان فى كلية التجارة او الاعلام او الحقوق مش بيطلبوا منهم العقد ده !
-المهم لو انت من الاسكندرية يبقى هتروح تجيب عقد ايجار من المكتبة و تروح تكتبه عند محامى
انا بابا عملى عقد الايجار ده
* و فى نقطة كمان : بالنسبة للسياحة و الفنادق تعليم مفتوح فى جامعة الاسكندرية الكلية مفهاش غير قسم واحد بس هو قسم " ادارة فنادق " لكن ممكن بعد كده تاخد كورس ارشاد سياحى
* لكن بالنسبة لجامعة " عين شمس " مثلا فيها قسم دراسات فندرقية و قسم دراسات سياحية و قسم ارشاد سياحى
* المهم تروح تقدم أوراقك و تدفع 105 جنيه و تاخد ايصال عشان هتدخل به "المقابلة شخصية" هتقولك على ميعاد المقابلة أمتى
** فى المقابلة هيسألوك **
1-اخترت كلية سياحة ليه ؟ ( ارخم سؤال من وجهة نظرى مش عارفة اجاوب بأيه )
2- هيطلبوا منك تعرف نفسك بالغة الانجليزية
3- هيسألوك أسئلة عامة هيسألوك عن عواصم البلاد و العملات و عن الاماكن السياحية فى مصر و ممكن عن اسماء الوزراء و المحافظين
* و بالنسبة للمصاريف فى الترم الاول 1180 جنيه و الترم التانى حوالى 1000 جنيه

osama smsm · #3 04-10-2010, 01:46 PM

انا قدمت سياحة وفنادق وعملت الانتر فيو وانتى

osama smsm · #4 04-10-2010, 03:29 PM

هاااااااااااااااااااااى ياانسة انا لسا مقدم سياحة وفنادق تعليم مفتوح السنة دى وعملت انتر فيو يوم 2/10 حرف الالف والحمد للة ان شاء فى نصيب واتقبل معندكيش فكرة بعد مانتقبل اى اللى هيتم وعلى فكرة لما تتسالى انتى لية اخترتى سياحة وفنادق الرد بسيط جدا انك بتحبى مجال السياحة ومعايا لغات وانا اتسالتة عندك فكرة جدول المحاضرات امتى ولو فتحوا قسم ارشاد لينا الاولوية ان احنا نحول مستنى رد معالى سعتك

SARAASARAA · #5 04-10-2010, 07:32 PM

عاوزة اسال اللى قدم سياحه وفنادق تعليم مفتوح (هو اتلغى شرط قرار الخمس سنين بعد الؤهل ولا ايه)؟

osama smsm · #6 04-10-2010, 10:42 PM

انا يانسة نازل اجيب نتيجة الانتر فيو وهسالك المهم انتى عملتى انتر فيو والا لا

SARAASARAA · #7 04-10-2010, 11:53 PM

ممكن ايميل حضرتك يااستاذ اسامه عوزاك تفهمنى حاجه.بعد اذن حضرتك.

osama smsm · #8 05-10-2010, 11:14 AM

اناواللة حضرتك معنديش ايميل بصى انا قدمت وعملت انتر فيو ولسا النتيجة يوم الخميس بصى انا هقعد الساعة 11 باليل ممكن نتكلم واستفسر منك وتستفسرى منى ولو مش هيناسب حضرتك اكتبيلى رسالة وبلغينى اوك ولو تعرفى تنزلى الكلية الخميس قوليلى اوك