رياضة 2 ولا احياء بلببببببببببببببز

[zamalek1]

يا جماعة ارجوكم تفيدونى انا جبت 88% فى تانية ثانوى ضيهت يعنى المهم دلوقتى انا نفسى فى كلية علوم اسكندرية فمن الافضل للمذاكرة فى ثالثة ومين الاقل فى التسيق افيدونى ارجوكم حتى احاول انقاذ ما يمكن انقاذه فى ظل الظروف الصعبة التى امر بها
يعنى من النهاية احياء ولا رياضة 2

[comboy]

المشاركة الأصلية كتبت بواسطة zamalek1

يا جماعة ارجوكم تفيدونى انا جبت 88% فى تانية ثانوى ضيهت يعنى المهم دلوقتى انا نفسى فى كلية علوم اسكندرية فمن الافضل للمذاكرة فى ثالثة ومين الاقل فى التسيق افيدونى ارجوكم حتى احاول انقاذ ما يمكن انقاذه فى ظل الظروف الصعبة التى امر بها
يعنى من النهاية احياء ولا رياضة 2

الاقل فى التنسيق اى الحد الادنى لكليات العلوم بتكون من نصيب العلمى علوم والرياضة بتكون اعلى منها
بس اسكندرية او قاهرة او المحافظات دى بتبقى فيها من العلمى علوم اكتر من العلمى رياضة
فلو عاوز تتضمن انك تدخل كلية علوم ووممكن بعدها تحول لعلوم اسكندرية ادخل علمى علوم ودى الاقل فى الحد الادنى للتنسيق

[كيميائي طبي2011]

المشاركة الأصلية كتبت بواسطة comboy

الاقل فى التنسيق اى الحد الادنى لكليات العلوم بتكون من نصيب العلمى علوم والرياضة بتكون اعلى منها
بس اسكندرية او قاهرة او المحافظات دى بتبقى فيها من العلمى علوم اكتر من العلمى رياضة
فلو عاوز تتضمن انك تدخل كلية علوم ووممكن بعدها تحول لعلوم اسكندرية ادخل علمى علوم ودى الاقل فى الحد الادنى للتنسيق

ع فكره ع حسب السنه
يعني مثلا السنه دي
اقل علوم من علمي علوم كانت 90.9
واقل علوم من علمي رياضه كانت تقريبا 88.5
ده بردو زي سنه 2004 وزي 2005 زي 2007 تقريبا كانو في الحدود دي
وفيه سنين بردو العلمي علوم بتقل عن العلمي رياضه زي 2009 و2008

المهم شوف انت بتحب اية الاحباء ولا رياضه اتنين
لان سواء دول للي هيؤهلك لاقسام معينه في كليه علوم

[frygl]

لو بتحب الرياضة أدخل علمى رياضة بس لو ملكش فى الرياضة بلاش أحسن (رياضة 3 غير رياضة 2 خااااالص )

[the spider mido]

رياضه2 لذيذه في مذاكرتها مبتاخدش وقت يعني لكن فيه بعض الدرو هتشد شعرك منها

[zamalek1]

انا الصراحة بحب الاحياء عشان اسهل هههههههه
طب قسم البترول والغاز الخاص بياخد من علمى علوم ولا علمى رياضة ولا من الاتنيين

[كيميائي طبي2011]

المشاركة الأصلية كتبت بواسطة zamalek1

انا الصراحة بحب الاحياء عشان اسهل هههههههه
طب قسم البترول والغاز الخاص بياخد من علمى علوم ولا علمى رياضة ولا من الاتنيين

من الاتنين

[Ńîvëâ]

نفس الى كونت بفكر فية
ربنا معاك يا صاحبى

[اميره نور]

لو عايز رايى ونصيحتى يبقى رياضه2 هى هتتعبك فى الاول لكن واللهى لذيذه خالص وحلوه انا على فكره فى اول سنه علوم وكنت علمى رياضه وفى تانيه برضو اضربت ضربه جامده وكنت جايبه87% وبعدين الميزه فى علمى رياضه انه متاح لك قدر اكبر من الكليات بالمجموع ده

[mohamed sabri]

ممكن اعرف انتي عملت ايه في ثالثه احسن انا كمان مضيع في ثانيه جبت 90

[اميره نور]

المشاركة الأصلية كتبت بواسطة mohamed sabri

ممكن اعرف انتي عملت ايه في ثالثه احسن انا كمان مضيع في ثانيه جبت 90

اهم حاجه انك تنسى ماضى تانيه وتتعلم منه صح واتحدى نفسك وان شاء الله هتوصل انا فى البدايه رياضه2 كنت خايفه منها اوى وتعبتنى فى الاول بس مع المذاكره وحل الامتحانات وانا كنت عامله حاجه كده لنفسى ريحتنى اوى اوى اخر السنه وايام الامتحانات وهى انى كنت بلخص القوانين وكل قانون عليه سؤال يذكرنى بيه وباستخدامه ودى كنت عاملاه فى كل الفروع وكنت بابص فيها لما اخل نماذج امتحانات او فى المراجعه وكمان فى يوم قبل الامتحان وساعدتنى اوى لان القوانين كتيره وممكن تنساها المهم شد حيلك وذاكر وحل امثله كتير وباذن الله ربنا هيوفقك

[اميره نور]

وعلى فكره انا جبت 49,5 فى رياضه2 وضيعت النص فى تبديل ارقام كده

[zamalek1]

انا دخلت رياضة 2 بس محضرتش رياضة من الاول والمدرس اللى عندى ابتدا بالاستاتيكا وفتنى فيها اكثر من 3 او 4 دروس بس حسيت بعد الحصة الثالثة انى ابتديت اندمج بس مش عارف اعمل ايه فى اللى فاتنى انا بقول احول افهم الكم الدرس الباقيين واشيل الاستاتيكا على جنب وابتدى الفرع الجديد بروح جديدة عشان انا مكملتش اسبوعين وابتديت اتعقد منها وبدور عندنا على كتاب لامى او المعاصر عشان احاول افهم اللى فتنى مش لاقى ومن جوايا عايز اعمل واجبات واحل كتير بس متكتف جدا جدا بس الحمد لله المواد التانية مش معايا زى الفل بس انا هموت على ربع درجة عشان ادخل العلوم