كارنيه نقابة المعلمين

[sobhy333]

أنا معايا كارنيه (نقابة المعلمين ) بس فيه عبارة مكتوبه مش عارف معناها ايه ومش معقول احمل كارنيه معرفشى اللى مكتوب فيه ، مكتوب (د. محمد كمال سليمان) حد يعرف مين هذا الدكتور ؟ وايه علاقته بالكارنيه اللى معايا ؟وهل هو فى التربية والتعليم ؟ولا صاحب المصنع اللى صنع الكارنيه المميكن هذا ؟ وشكل هذا الدكتور ايه؟ هل هو شاب؟ ام على المعاش؟ ومن اى بلد ؟وهل مقيم بمصر ؟ وهل يحمل مؤهل تربوى ؟ أم انه مثل الوزراء كلية هندسة؟ ......؟؟؟؟؟؟؟؟ اللى يعرف اى معلومه ميبخلشى علينا بيها ارجوكم ، يمكن ييجى سؤال فى اختبارات الكادر القادمة حتى نضمن 3كارنيهات قصدى 3درجات .

[مبارك]

السلام عليكم أستاذنا الفاضل
السيد الدكتور محمد كمال سليمان هذا ، هو الأمين العام لنقابة المعلمين المعلميبن شبه المجمدة ، وهو عضو سابق بمجلس الشورى ، وهو المتحكم فى جميع موارد النقابة التى لا نعلم عنها شيئا ، وهو الذ من أجل خاطره تم تجميد النقابة لعدة سنوات متتالية ، هذا والله أعلم
ادع له بطول العمر وراحة البال ، وأن يحنن قلبه على جموع المعلمين الغلابة ويهدى عليه بتوع النقابة المستقلة بتاعت اليومين دول
والسلام ختام

[سارة محمود سليمان]

الاستاذ / مبارك بعد الشكر اود أن أخبرك بأن الأستاذ / صبحي333 يعلم جيدا من هو صاحب التوقيع علي الكارنيه .

ولكن الخلاصة انه

هو صاحب دكان فيه مكنه بتغلف كارنيهات التامين الصحي للمدارس وبطاقات التموين والرخص وخلافه

[aboyoussef]

ما الفرق بين الكارنية القديم والجديد؟؟؟

[algazzr]

امين عام النقابه منذ 100 عاما تقريبا
قياده رشيده فعاله تحفه فريده لامثيل لها
والله اعلى واعلم

[سامى الجنانى]

هذا الرجل الله يسامحه فهو ممن خرب النقابة ووصلوها لما نحن فيه الان نقابة للسرقة وعلى الورق فقط

[هويدا على]

ممكن اعرف اية الفرق بين الكارنية القديم والجديد

[خالد قاسم]

البقاء والدوام لله توفت نقابة المعلمين

[Ahmed Salah kaseb]

شكلله اثرى يعنى

[sobhy333]

ياريت معلومات اكتر يعنى هو مؤهله ايه طب مثلا ولا سياحه وفنادق ولا هندسه ابن اختى بيسألنى لما شاف الكارنيه فى ايدى (ياخالى مين محمد كمال سليمان ده ) قلتله مش عارف . يا أساتذه ليه الأستاذ ده مش بيظهر فى برامج التليفزيون زى( سمير زاهر ) كده بيظهر فى كل الاحوال منتصر كان أو مهزوم او ممكن يشيلوا صورتنا من الكارنيه ويحطوا بدلها صورت حضرته

[mr_asute]

إلي الأستاذة هويدا / الفرق بين الكارنيه القديم و الجديد هو :
إن الكارنيه القديم قديم أما الكارنيه الجديد فهو جديد
أرجو اني أكون وفقت في شرح الفرق الجوهري بين الكارنيهييييييييييين وشكرا.

[صادق علي]

محمد كمال سليمان صاحب مدارس خاصة بالمنيل وورث نقابة المعلمين باللي فيها بس سؤالي هو له ابن اصل انا خايف يكون له ابن يورثنا من بعده اصل ولا مؤخذه قطار التوريث انطلق من قصر عابدين ومش عار ف المحطة الجاية ايه وسلم لي على النقابة والف مبروك الكارنيه

[elbltagy78]

الجديد كمبيوتر

[محمد السيد غريب]

حسبى الله ونعم الوكيل

[مسترسمير إبراهيم]

ربنا يولى من يصلح
ويد الله مع الجماعة وماحدش يزعل ماأنت فى مصر المحروسة