الى الامام .. ثورة .. ثورة (مجرد رأي )

[احمد أبو الخير]

انت مدرس صح ؟
اوكي
هل مرتبك يقدر يفتح بيت ؟
ان كانت اجابتك ايوه , لو سمحت قولنا ازاي عايش بمرتبك عشان نتعلم منك الله يجزيك خير
اما لو كانت اجابتك لا , لو سمحت قولنا بتشتغل ايه تاني عشان تكفي بيتك وعندي ليك سؤال تاني ... مستعد ؟
اوكي
لما وظيفتك مش بتفتح بيت يبقا ايه لازمتها ؟ اوعى تقولي دي مهنة سامية وانها مهنة الانبياء لاننا عارفين الكلام ده كويس عارفين انها مهنة سامية .. بس احنا عاوزين ناكل عيش عشان ربنا يقوينا على مهنتنا السامية دي لاننا مش هنأكل عيالنا شعارات ولا نعشهيم مهنه ساميه ولا هنسكنهم في بيت شعر وبعدين يا جماعة الراجل صاحب العمارة بياخد 500 جنيه ايجار

شكلك نسيت السؤال .. اعيد كمان مره
لما وظيفتك مش بتفتح بيت يبقا ايه لازمتها ؟

اقسم بالله نفسي اعرف ايه السبب في ان مرتب المدرس احقر مرتب في الدوله ؟؟؟ مع انه بسم الله ماشاء الله تعليم عالي وابن ناس برضو

كمان حد يعرفني ويفهمني .. ليه كل مسئول في الدولة لما يجي يتكلم عن تطوير التعليم يتكلم عن تطوير المناهج والثانوية العامة والجوده ونبني مدارس ومش عارف ايه ولا يجرأ انه يتكلم في حقيقة مرتب المدرس , ولما ربنا يكرمه ويتكلم تكون جملة تايهه وسط كلامه والسلام

اتمنى ان كل واحد يخلص في عمله بنفس القدر اتمنى ان كل واحد ياخد حقه لان دا ظلم للمعلم والمعلم اللي يسكت عن الظلم يستاهل انه يتظلم اكتر واكتر

بس يعني انا برضو مش عارف وفي نفس الوقت مش فاهم : ازاي عيل واخد دبلوم وعنده 23 سنه مرتبه اضعاف مرتبي مع اني وبلا قخر مؤهل عالي وخبرة جامدة وعندي 35 سنه

يا جماعة انا والله هتجن .. الدنيا بتمشي بضهرها ولا ايه .. ايه العك اللي احنا فيه ده والعك ده مالوش انتهى ولا ايه

من الاسباب اللي هتخليني اتجن : ازاي مرتب المعلم اقل من مرتب عامل بوفيه في شركة محترمه وعاوزينه يشتغل ؟؟؟ ويقولك يا عم مهنتكم لا تقدر بمال .. دي مهنة الانبياء .. طيب ماهو المعلم عندو اولاد هيأكلهم طوب يعني

بس انا لقيت حل ... لاااااااااا حلووووووووووول

1- انك تعمل ثورة ودا حقك وسيبك من اللي يقولك مصلحة البلد (((ان لم يكن بلد محترم ويكرمني فلا عشنا ولا عاشت البلد)))
2- اشتغل مدرس وبعد الضهر اشتغل في أي محل ولو مالقيتش اشتغل في الفاعل
3- اشتغل مدرس وبعد الضهر اشتغل سواق تاكسي
انا بتكلم عن المدرسين اللي حظهم زفت ومش بيدو دروس , بس في ملاحظة لان الجهل كتر في بلدنا ((( نسبة المدرسين اللي بيدو دروس خصوصيه اقل من 10%))) يعني انا بتكلم عن 90% من المدرسين الغلابه اللي ساكنين في نجوع وكفور وصعيد وقرى وحالتهم مايعلم بيها الا ربنا

يا ترى عرفت هتصرف زكاتك فين السنه دي ؟؟؟

دا مجرد رأي .. اللي عاوز يشاركني فيه يتفضل

[رامي كشوح]

والله بوضعنا الزفت ده نحن نستحق الزكاة
والله بدون مبالغة مالقينا مانجهز به افطار اليوم
حسبي الله ونعم الوكيل

[عوضكو]

والله كلامك كله واقعى وينطبق على حال كثير من المدرسين اللى أنا شخصيا أرفهم ودول أصحاب مهن زى ما حضرتك قلت منهم السائق ومنهم ..................................

[أ / محمود هيكل]

صدقت أ / أحمد أبو الخير ..
والله لأجد المعلم في معظم الدول العربية الأقل أجراً بين المهن المختلفة عكس الدول الغربية والمتقدمة التي علمت قيمة التعليم والمعلم .
وإنني لأتحسر من وضع المعلم المصري فهو الأقل أجراً بلا منازع في جميع دول العالم على الرغم من تاريخ مصر ووضعها الحضاري ...
وأذكر مثال من تجربة شخصية لي
فقد عملت في السعودية فترة فوجدت المعلم يتقاضى راتب أقل بين المهن المختلفة أيضا ولكن شتان بين وضعه في السعودية وبين وضعه في مصر فراتبه القليل في السعودية يكفيه العيش بشكل كريم ويدخر منه
وقد يستطيع أن يكتفي بعمله فقط ويستطيع بإرادته لا مجبرا أن يعمل أوقات إضافية بعد العمل في الصباح لتعويض قيمة غربته ....
ولا أنسى أن أذكر تقدير الدولة لمواطنيها فوزارة التربية والتعليم في السعودية تدعم رواتب المعلمين السعوديين براتب إضافي فوق راتبه من المدرسة ليعيش حياة كريمةوهذا على مستوى المدارس الأهلية فقط
أما مدارس الدولة الحكومية ((( وهذا هو الأهم ))) فلا يقل الراتب للمعلم الجديد عن 6000 أو 7000 ريال وتزيد حسب الخبرة والبعد عن المدن والخدمات ويصل الراتب في شمال المملكة في سكاكا للمعلم الجديد إلى 9000 ريال
والخلاصة
أجد ما نحن فيه هو من سوء الإدارة
((( فالمشاريع الناجحة تحتاج لإدارة ناجحة والمشاريع الفاشلة لاتديرها إلا إدارة فاشلة ))))

ولكي أكون منصفا ً أسأل الله تعالى أن يعين الوزير الجديد على إصلاح حال المعلم أولا لينصلح حال التعليم تلقائياً ..... وشكراااااااا

[مصطفى جابر راشد]

علينا بالصبر وعدم الإستعجال

[شريف منير]

المشاركة الأصلية كتبت بواسطة مصطفى جابر راشد

علينا بالصبر وعدم الإستعجال

الظاهر ان الواحد هيفضل صابر الى أن يخرج على المعاش !

[abc123456789]

نجمع زكاة المعلمين و نصرفها على المعلمين مثل الإخوان يجمعون زكاتهم و يفعلون بها دعايتهم و مشاريعهم