اللى بدأ دروس خصوصية يدخل بسرعة ويقول

[اسامه سنجر]

اللى بدأ دروس خصوصية يقول هو بدأ جبر ولاهندسة واسم الدرس ممكن من المدرسين المحترمين يرود علشان فى ناس كتير مش عارف ممكن الرد بسرعه

[الاستاذ سعيد سالم]

انا بدات جبر درس الاسس

[البرهان الرياضى]

أنا مدرس وبدأت بدرس القوى الصحيحة السالبة للأعداد الحقيقية
بس مش متأكد إنى كده صح ولا لأ

[ابراهيم العبد]

انا بدات تدريس هندسة موضوع الدائرة

[jakomixn]

انا متفق مع العضو ابراهيم العبد نبدا بالدائرة

[اسامه سنجر]

وان متفق نبدأ بدائرة لانه مضمونه

[ابو احمد النمر]

الدائرة مضمونة و الأسس لازم
و الاستعجال مرفوض 0( المراجعة للأساسيات أفضل )

[lader1970]

انا فعلا بدأت بدرس الدائرة لانه مهما يغير في طريقة العرض للدروس الا ان المعلومات و المفاهيم ثابته

[خلف الله محمد حسين]

بس ياخوانا فى دروس مهمة قبل درس الدائرة مثل البعد بين نقطتين مثل اثبت ان حميع النقط الاتية تقع على الدائرة مركزها م مشه هتحل الا بدرس البعد

[مصطفى النحاس باشا]

الدائرةأو الأسس
الرياضية مفيهاش خسارة بأي وضع

[الرائد1]

الدائرة أضمن والباقى مش مضمون

[رنوما]

احسن حاجة نبدأ بالدائرة و الأمر لله

[احمد الديب ( ابو زياد )]

والله فعلا ربنا يستر الواحد بدون كتب خارجيه التي كانت تتميز بقوة مصدرها في الحصول علي المعلومات الأكيده والدقيقه للمناهج المختلفه بأمثلتها وتمارينها وشرح النظري بكل روعه اصبح الوضع مشوشر ؟؟؟؟


فلنهلل كلنا لنرحب بفكر السيد الوزير ومرحبا بكتاب الوزاره



هذه اول حسنه نجنيها من كتاب الوزاره


والله العظيم تلاته لو الوزاره تمنع طبع ونشر الكتاب المدرسي يبقي أفضل ألف مره ونوفر علي الدوله ملاااااايين



وأقولكم علي حاجه فعلا فعلا اللي يعيش ياما يشوف

[abedmm]

ياجماعة القرش اللى حتاخذة بالطريقة دى فيه شبهة لان دى فهلوه وبعد عن الحقيقة والاصل ان التلميذ جيلك درس علشان تشرح له المنهج اللى عنده مش ضربة معلم وتخمين وبس انا عن نفسى صارحت الاولاد وقلت لهم مافيش منهج وحابدء درس من بداية شهر سبتمبر و لو منزلش منهج حاظل على مبدئى و رزقى مش حينقص منه شيئ علما بان ربنا رزقنى بدل المجموعة مجموعات ولكن اكتسبت احترام التلاميذ و ابائهم والحمد لله

[تامر الشافعي]

الافضل مراجعة علي ما سبق دراستة مثل جمع و طرح المقادير الجبرية و اساسيات الاسس و حل المعادلات من الدرجة الاولي وهذه ارضية حتنفع الاولاد في المناهج اي كان محتواة دون التعرض لاي موضوع من مواضيع المنهج حتي لا تفقد احترام الطلاب عند شرح جزئية تم حذفها او عدم شرح جزئية تم اضافتها مجددا و الله اعلم و انا حعمل كدة