اداب ولا حقوق ؟ ساعدونى

[sama_es]

انا بجد الحيره هتموتنى انا كان نفسى ادخل كليه اداب والحمد لله قبلت فيها لكن المشكله والحيره ان كل ما اقول لحد دخلت اداب يقولى دى كليه تافهه ومالهاش شغل وحقوق وتجاره احسن منها 100 مره لدرجه انى بفكر اغير بس بجد مش عارفه اعمل ايه مع العلم انى ناويه ادخل قسم علم نفس او فلسفه ياريت تساعدونى برايكم

[bibo.bibo]

انا عن رايي لااااااا

انا مرحله تانيه وكاتب الاول تجاره انتساب وبعدين اداب واداب النتساب وبعديهم القاهره

وعلفكره انا ناوي ان شاء الله لو دخلت اداب ادخل يا فلسفه يا علم اجتماع تقريبا مفيش قسم علم نفس يعني مدرس علم النفس متخرج من علم اجتماع

متسمعيش لكلام حد وشوفي انتي حابه ايه وبعدين هو في حد دلوقتي لاقي شغل دول بتوع طب وهندسه مش لاقيين شغل

ادخلي اللي انتي حباه وسيبيها علي الله

[mohamed 140757]

والله انا بحب كلية الاداب لانى بحس ان فيها متعة عقلية عن الى سمعته عن الحقوق وصعوبتها

[sama_es]

عالعموم ميرسى اوى على ردكم واتمنى لو اى حد عنده اى حاجه يعرفها يقولهالى والف شكر ليكم

[mohamed 140757]

بيقولو الحقوق اصبحت اسهل شويه دلواتى عن زمان

[بوبوسا]

طبعا في قسم علم نفس في اداب وفي قسم علم اجتماع كل واحد منفصل عن التاني وفي قسم فلسفه هي الاداب دراسته حلوه ومتعمقه اما الحقوق دراستها جامده شويه بس ماقدرش اقول عن التجارة علشان ما اعرفش اي حاجه عنها الاحسن صلي صلاة استخارة وبعد كده حددي الكلية