تخيل معايا ان معاك مليار جنية

[aymanaly2003]

تخيلت ان معايا مليار جنية و رحت حطتهم وديعة في البنك لقيت انة يطلع لي في السنة حوالى 120 مليون جنية ففكرت ازاي اصرفهم و اعيش
مصروف البيت في الشهر يالا 3 مليون تبقي السنة 36 مليون يبقى فاضل معايا 87 مليون
طيب ازاي اخلصهم اوزع على اخواتي كل واحد 5 مليون يبقى فاضل 57 مليون
اشتري شقة على البحر ب 5 لا بـ 7 مليون و افرشها مش قادر اخلصهم
طيب حوزع فلوس على العيال اللي بياخدوا عندي درس كل واحد 10000 جنية واطلع زكاة المال .....برضة الفلوس مش عايزة تخلص ....... على الرغم المليار الاصلي لسة زي ما هو في البنك و السنة اللي جاية حلاقي 120 مليون تاني على الرغم المليار الاصلي لسة زي ما هو في البنك
طيب اللي معاة 70 مليار دولار يعني ما يقرب من 420 مليار جنية حيعمل بيهم ايه و حيخلص ارباحهم امتى

[هيما2010]

هههههههههههههههههههههههههههههههههههههههههههههههههه ههههههههههههههههههههههه

[emaad_1185]

يا أخي أرباح المليار اللي تعبينك دول اعمل بهم زي أنا ما عملت ، اتبرع ببعضهم لمستشفى سرطان الأطفال والباقي اتبرع بهم لسداد ديون مصر ، ولو فضل معاك باقي اشترى بهم طماطم واعملها صلصة وخزنها علشان ثمن الكيلو وصل 8 جنيه :0 28ja7:

[aymanaly2003]

يا استاذ عماد اقرأ الموضوع لاخرة !!!!

[توني القمر]

يا أخي أرباح المليار اللي تعبينك دول اعمل بهم حاجات كتيرة اوي
اولا اروح الحج ان و عائلتي كلها
اشتري كل اللي نفسي فيه من سيارة شقة
نفسي ينقى ما فيش فقر
مافيش جوع
نفسي اشترك مع عمرو الليثي وكل واحد محتاج حاجة ادهالوا
نفسي اسلف اللي عليز من غير ما استنى منه انه يرد الفلوس
تصدق إني لو عملت كده الفلوس عمرها م تخلص ابدا
بس أنت حكمني علي المليار وشوف اللي هاعملو

[tatateto]

المشاركة الأصلية كتبت بواسطة توني القمر

يا أخي أرباح المليار اللي تعبينك دول اعمل بهم حاجات كتيرة اوي
اولا اروح الحج ان و عائلتي كلها
اشتري كل اللي نفسي فيه من سيارة شقة
نفسي ينقى ما فيش فقر
مافيش جوع
نفسي اشترك مع عمرو الليثي وكل واحد محتاج حاجة ادهالوا
نفسي اسلف اللي عليز من غير ما استنى منه انه يرد الفلوس
تصدق إني لو عملت كده الفلوس عمرها م تخلص ابدا
بس أنت حكمني علي المليار وشوف اللي هاعملو

ههههههههههههههههههههههههههههههههههههههه
والله ما هتعمل حاجة من دي لان الفلوس بتغير النفوس احمدوا ربنا علي نعمة الفقر وعيشوا كدة احسن
لو بسط الله الرزق لعباده لبغوا في الارض ودي حكمه من حكم المولي
علي رأي نجيب الريحاني : ربنا عايز كدة

[sobhy333]

عارف نفسى فى ايه يبعتوا لنا مليار جنيه المدرسة ويعتبروها وسيلة تعليمية نشرح عليها رياضيات لأن الطلبة وجعوا دماغنا المليار يا استاذ اد ايه اقله يابنى ألف مليون يقولى طيب لو جالى سؤال بيقول حجم المليار اد ايه يبقى القانون ازاى ويتم التعويض ازاى فالأحسن يبعتوا لينا مليار نشرح عليه عملى ويعتبروه عهده وكل ما واحد فى المدرسة يتزنق ويتخنق من العيشة واللى عيشينها وتدنى المرتبات نبقى نخده زيارة لغرفة العهدة ونكتب عليها من بره لافته نصها حجرة ( بانوراما المليار جنيه) لرفع الكبت .وموجه الوسائل التعليمية يبقى كل اسبوع ييجى يتصور جنب المليار ويكتب زيارته ان المليار نظيف جميل متطور وممكن المدرسة تاخد الجودة . جوده جوده ياجوده الا حد بالمناسبه يعرف فين مجدى قاسم مدير الجوده اللى كان مع نظيف مش بنسمع عنه حاجه اليومين دول وياترى حد يبشرنا خير بالغاء تستيف الورق اللى بيسموه جوده ده ياريت حد يبشرنا خير

[emaad_1185]

المشاركة الأصلية كتبت بواسطة sobhy333

عارف نفسى فى ايه يبعتوا لنا مليار جنيه المدرسة ويعتبروها وسيلة تعليمية نشرح عليها رياضيات لأن الطلبة وجعوا دماغنا المليار يا استاذ اد ايه اقله يابنى ألف مليون يقولى طيب لو جالى سؤال بيقول حجم المليار اد ايه يبقى القانون ازاى ويتم التعويض ازاى فالأحسن يبعتوا لينا مليار نشرح عليه عملى ويعتبروه عهده وكل ما واحد فى المدرسة يتزنق ويتخنق من العيشة واللى عيشينها وتدنى المرتبات نبقى نخده زيارة لغرفة العهدة ونكتب عليها من بره لافته نصها حجرة ( بانوراما المليار جنيه) لرفع الكبت .وموجه الوسائل التعليمية يبقى كل اسبوع ييجى يتصور جنب المليار ويكتب زيارته ان المليار نظيف جميل متطور وممكن المدرسة تاخد الجودة . جوده جوده ياجوده الا حد بالمناسبه يعرف فين مجدى قاسم مدير الجوده اللى كان مع نظيف مش بنسمع عنه حاجه اليومين دول وياترى حد يبشرنا خير بالغاء تستيف الورق اللى بيسموه جوده ده ياريت حد يبشرنا خير

مساء لجودة والمتانةيا أستاذ صبحي ، حلوة حكاية التبرع للجودة دي ، وبالمناسبةد/ مجدي عبد الوهاب زي ما هو في الجودة رئيس الهيئة

[حنان حلوة]

يصراحة الاحلام ببلاش

[rashadbaker]

احلم برحتك يمكن تتحقق فى يوم

[فاطمة الزهراءمحمد]

المشاركة الأصلية كتبت بواسطة aymanaly2003

طيب اللي معاة 70 مليار دولار يعني ما يقرب من 420 مليار جنية حيعمل بيهم ايه و حيخلص ارباحهم امتى

ربنا هيحاسبه من اين اكتسبه وفيم انفقه

فعن كعب بن عَجْرَة: أنَّ النبيَّ - صلى الله عليه وسلم - قال له: ((يا كعبُ، لا يَرْبُو لَحْمٌ نَبَتَ من سُحْتٍ؛ إلاَّ كانت النار أوْلى به)).

[دكتور/ ياسر زكريا]

هستقيل من التربية والتعليم ، بس صعب قوي أحلم بمليار قرش وأنا في التربية والتعليم ، ممكن لو في أي وزارة تانية ، إنما التربية والتعليم صعب قووووووووووووووووووووووووووووووووووووووووووي ، بس بجد لو ربنا كرمني أول حاجه هعملها هستقيل من التربية والتعليم ، وأرفع قضية على الحرامية إلي في وزارة التربيةو التعليم وأولهم البيه الوزير ورضا أبوسريع وكمان أي حد حزب وطني .

[mabed]

حجم المليار حيتغير لو كانت الفلوس عشرينات ولاعشرات ولا خمسينات ولاميات ولا متين جنيه
عموما المليار عند ربنا مش بعيد واللي معاه النهارده مليون بكره يبقي معاه مليار

[الرعب3250]

هشتري ونش واهد المدرسة بتاعتي هههههههههههههههههههههه

[الرعب3250]

ممكن اتشل من اول الف جنيةةةةةةةةةةةةةة