|
أرشيف المنتدي هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
|
#1
|
||||
|
||||
![]() ــ (( السلام عليكم ورحمة الله وبركاته )) ــ أزيكم ياجماعة أخباركم ايه يارب تكونوا بخير وفى الجنة جميعا ان شاء الله انا قولت اكتب عدة حلقات عن العلاقة بين الأباء والأبناء لو عجبكم الموضوع ده ياجماعة ياريت تقولى ليه واللى عنده فكره برضه للموضوع او مشكلة معينة عايز يتكلم فيها ياريت يقولى وأنا هظبطلة حلقة ان شاء الله المهم الحلقة اللى فاتت اتكلمنا فى موضوع المناقشة بين الأباء والأبناء (بين الأباء والأبناء1) النهاردة هنتكلم فى موضوع ممكن البعض ميفهموش كويس بس بيتهيألى الموضوع ممكن يكون مهم للبعض وهو (الإهانة من الأباء للأبناء) طبعا ياجماعة الأهل هما اللى بيصرفوا علينا واحنا عارفين كويس انهم بيدبحوا فى المصاريف بس اللى مش كويس ياجماعة لما احنا نتهان لما نعمل غلطة صغيرة بالمصاريف دى يعنى مثلا لو انا عمل مشكلة مع اهلوا هيقعدوا بقى يتخانقوا ويفضلوا يطلعوا لبعض الجديد والقديم والأم والأب يقعدوا بقى يقولوا احنا بنصرف عليك ودفعنا دم قلبنا وبتاكل وبتشرب وتنام ومش عارف ايه ومدرك ايه وكلام يندى له الجبين ويحسسوك بقى انهم جابوك الدنيا غصبن عنهم وتحس انك مش ابنهم والله ياجماعة الواحد بيكون بيحس انه بيتهان شر الإهانة وده طبعا بيعمل مشاكل نفسية للأبناء يعنى الإبن مش بيستحمل الإهانات الزائدة عن الحد دى والشتيمة والزعيق فبيضطر يهرب من البيت ويروح يتصاحب على اى شلة من أصحاب السوء ويشرب وفى الأخر الواد يضيع والإبنة بقى لو اتعرضت للإهانة دى والزعيق فى البيت ليها طول الليل والنهار فبتكون عايزة تخلص من البيت واى عريس يجى يلا موافقة وهيصة فى زمبليطة والبنت متعرفش تتعامل مع جوزها وضيع هى كمان والله ياجماعة الكلام ده بيحصل بجد وأنا شوفت نماذج كتير من كده ولما نيجى نبص للموضوع من ناحية تانية نلاقى ناس بتستحمل الإهانة دى علشان حاجة واحدة بس انهم أقوياء وعايزين يحققوا طموحهم وفى النهاية بيشتغلوا وظيفة كويسه بس للأسف بينسوا الأب والأم علشان هما كانوا قاسيين عليهم قوى ممكن يكون كلام البعض مش عاجبنى بس ياجماعة المشاكل دى بتحصل وحاجات واقعية جدا وفى خمس أسئلة ياريت تجابوا عليهم :ــ هل من حق الأبناء اذا اهانهم الأباء ان ينحرفوا؟ وهل من حقهم اذا حققوا هدفهم ان يتخلوا عن الأباء؟؟ وهل يستمر مسلسل اهانة الأباء للأبناء؟؟؟ ليه بيتضايقوا من حاجات احنا شايفينها صغيرة اوى ومش تضايق ؟؟؟؟ ليه كل شوية بيفكرونا باللى بيعملوه معانا واللى بيستحملوه عشاننا؟؟؟؟؟ وأترك لكم المناقشة والسلام عليكم ورحمة الله وبركاته مع تحيات أحمد2025 أكتب لأعبر وليس لأتكلم
__________________
أشوفكم فى الجنة ان شاء الله
آخر تعديل بواسطة أحمد2025 ، 27-08-2008 الساعة 08:21 AM |
#2
|
|||
|
|||
![]()
موضوع جميل وال 3 اسئله اجابتهم لالالالالالالالا بس بجد فيه ابهات وامهات صعبه جدا والاولاد بيطروا يعملوا حاجات مش كويسه غصب عنهم بس مش معنى كدا كل ما الاب او الام يقول كلمه اروح اشترى علبة سجاير يعنى فى حاجات لابد للاب يقف عندها واى بيت فيه الكلام ده بس باختلاف الدرجات وباختلاف الفكر والثقافه
|
#3
|
|||
|
|||
![]() لاء طبعا لان الاهانة دى مش بتيجى من فراغ الابن لازم يدور الاول على السبب ويشوف هو عمل ايه غلط عشان يتعمل فيه كدة وهايلاقى انه يستاهل فعلا وحتى لو الكلام كان بعصبية ومن غير ما يكون فيه حاجة غلط جامد الابن عملها ده مش مبرر ابدا انه يروح لسكة غلط ومش عشان الاب والام بيتعصبوا مرة ننسى كل حاجة وننسى كل اللى عملوه عشاننا مش كدة ولا ايه ؟! اكيد لاء ومهما حصل لان لما انا كنت محتاجاهم جنبى كنت بالاقيهم ف لازم اكون جنبهم .. وماخليهمش محتاجين اى حاجة طول ما الابن بيغلط
لازم ياخد على دماغه :D |
#4
|
||||
|
||||
![]() اقتراح :D :كبر الخط لانى خلاص والله معنتش شايفه حاجه والنيو لوك بتاع المنتدى هيخلصو عليا
نيجى للمفيد:بص يا احمد تحت اى ظرف من الظروف مفيش مبرر للفشل والانحراف انا عارفه ان مش هيتفق معايا ناس كتير بس ده رايي ومهما ابوك وامك عملو انت هتفضل خدام ليهم طول عمرك ياما مشاكل بتحصل وياما مشاكل هتحصل بس عمرى مهسيب البيت فى يوم من الايام تحت اى ظرف من الظروف ده بيتى اللى يتخلى بقى عن بباه او مامته او حد فى عيلته يبقى بجد شخصيه زباله ومناتمنوش ع حاجه ابدااا اما بالنسبه للمسلسل:D فهيستمر عادى خليهم يزعقولنا شويه ده بيتحملو كتير عشنا ده رايي المثالى ..بكره او مدب خناقه مع حد من العيله :D هاجى اغير اقوالى ![]() |
#5
|
||||
|
||||
![]() اقتباس:
طبعا أكيد زى ما أنت بتقول مينعش كل ما الأب أو الأم يقول كلمة أروح اشترى علبة سجاير بس أنت قولت حاجة حلوة قوى أى بيت فية اختلاف فكر وثقافات وفى ناس بتعرف تتفاهم مع ولادها كويس وفى ناس بتخلى بايظين خالص شكرا على مرورك الجامد جدا اقتباس:
بصى يامنى أنا مش بتكلم علشان علشان الأب والأم اتخانقوا معاه مرة لا انا بكلم علشان لما موضوع الإهانة ده يزيد عن حد طيب هقولك حاجة انا اعرف حد مامته قعدت تتخانق معاه ليلة امتحان الجيولوجيا والواد مبقاش عارف يعمل ايه ومش عارف اصلا مامته بتتخانق معاه ليه طيب بالزمة ده كلام طيب شتان وشتان الإبن ده يعمل ايه؟؟ وأنت قولتلى حاجة حلوة الأب والأم كل مانحتاج ليهم بنلاقيهم فلازم نكون جنبهم ونحل المشاكل بتعتنا معاهم شكرا على مرورك الجامد جدا اقتباس:
كلام جميل يابنوته فعلا والله لازم نكون خادمين ليهم طول عمرنا والوجه الأخر لكده انهم لازم يحسسونوا بالحنان نحيتهم وميبقوش قاسين علينا شكرا بنوته على مرورك الجامد جد
__________________
أشوفكم فى الجنة ان شاء الله
|
#6
|
|||
|
|||
![]() اقتباس:
انا مش قادرة استوعب ان ده ممكن يحصل يعنى ايه ام بتزعق لابنها من غير سبب اكيد كان غلطان حتى لو هو مش حاسس بالغلط ده --- احنا ممكن نبص للموضوع من جهة تانية يعنى ليه الاباء بقوا ف منتهى العصبية ؟ عشان ظروف الحياة بقت صعبة اوى مش بس الظروف المادية لكن كل حاجة واى حاجة ممكن تيجى ف دماغنا وهما مضغوط عليهم اوى ومش لاقيين حد يساعدهم ومستنيين يلاقوا مننا الحنان اللى احنا اخدناه منهم كتير اوى من واحنا صغيرين ليه بيتضايقوا من حاجات احنا شايفينها صغيرة اوى ومش تضايق ؟ عشان زماننا غير زمانهم وعشان احنا اعصابنا ف تلاجة وهما كل حاجة بياخدوها على اعصابهم لان مفيش تفاهم !! لاننا كبرنا والمفروض نكون عرفنا الصح من الغلط ولما يحاسبونا عشان غلطنا واحنا عارفين ان اللى عملناه غلط غير لما يعاتبونا بالراحة عشان احنا لسة صغيرين ومش عارفين حاجة وهما شايفين اننا كبرنا ليه كل شوية بيفكرونا باللى بيعملوه معانا واللى بيستحملوه عشاننا ؟ عشان حاسين اننا نسينا ده غلطاتنا المتكررة بتحسسهم بكدة مثلا لما واحد يزعق ف وش مامته او باباه .. اكيد ده عمره ما فكر هما عملوا ايه عشانه !! --- معلش انى طولت ف كلامى بس بجد الموضوع يستاهل ![]() آخر تعديل بواسطة Rien ، 27-08-2008 الساعة 05:24 AM |
#7
|
||||
|
||||
![]() هل من حق الأبناء اذا اهانهم الأباء ان ينحرفوا؟ لا طبعاً لو اهانهم مش هيهينه كدا اكيد فى سبب واكيد غلط فى فى التربية وبكدا يبدا العقل الباطن يفرز ويوهم ويترجم وهل من حقهم اذا حققوا هدفهم ان يتخلوا عن الأباء؟؟ يبقى معندوش دم لا الاب والام اكيد مش هتلاقى زيهم ولا حد يخاف عليك زيهم وهل يستمر مسلسل اهانة الأباء للأبناء؟؟؟ ما احنا قولنا حسب التربية وحسب الانطباع واللى اتربى عليه واكيد مش هيهينه للمرة التانيه من فراغ اكيد فى سبب معلل
__________________
قالوا سكتُّ وقد خوصمتُ قلتُ لهم إنَّ الجوابَ لبابِ الشرِّ مفتاحُ والصمَّتُ عن جاهلٍ أو أحمقٍ شرفُ وفيه أيضاً لصونِ العرضِ إصلاحُ أما تَرَى الأُسْدَ تُخْشى وهْي صَامِتة والكلبُ يخسى لعمري وهو نباحُ ![]() |
#8
|
||||
|
||||
![]() بص
حكاية ان الاباء تقعد تجيب فى الماض والحاضر والمستقبل كمان لو ينفع:D بتتعمل يعنى فى البيت من نفسهم كده كل سنة مرة لازم يتعمل حفلة معايا:D كل اللى نفسه فى كلمة بيقولها حتى الابناء(اللى هما اخواتى) بس بصراحة انا بنفض بحس انى لما اسيب اللى قدامى يتكلم ببقى (ضربت عصفورين بحجر) اهوا منه ميبقاش الغلط راكبنى ومنها اللى قدامى بيولع اكتر:D بس المثل ده مش بينطبع على (الاباء) على الابناء بس(اللى هما اخواتى) :D وده مش ضعف بالعكس (القوى منكم من يتملك نفسه عند الغضب) لان الرد سهل بس انا مش بحب ارد على الغلط بغلط زيه واكبر منه نيجى بقى لحكاية الفلوس وكده بص انا مش كنت بحس بالموضوع ده لكن لما اتعملتلى الحفلة بتاعة السنة دى حسيت فعلا بالكلام ده اتجابتلى الزكرياااااااااات واللى حصل فى الثانوية العامة وكده لانها كانت دمار فعلا لكن لما نتعرض للموضوع ده هتلاقينا منقسمين فى اتجاهين اتجاه هيقولك انه هيرد ومش هيسيب حقه علشان ميحسوش ان اللى قدامهم ضعيف وهيفضلوا يتكلموا كتيير وهيقول انا طهقت وزهقت والكلام ده وانه هيسيب البيت او انه يشتغل علشان محدش (يكسر عينه) واتجاه تان هيقول لا دول برضه مقدرش اقولهم لا بالعكس انا عليان دين لازم اردهلهم والمفروض ماردش دول مهما كان برضوا (الوالدين) والدين نهانى عن كده بس بغض النظر عن الدين (علشان الزمن الجميل اللى احنا عايشيين فيه) ![]() والمفروض ان كلنا نبقى تبع الاتجاه التانى وانا بصراحة تبعه علشان حتة معينة انى فعلا عليا دين مش هقدر اوفيه حتى ولو جزء منه ....... لكن مهما كان الام والاب بيقولوا كلام ده ميكنش سبب ان الابن او الابنة بسرحوا بعقلهم بعييد ويكونوا فى دايرة الهلاك وبرضه ده مش سبب انهم لما يحققوا هدفهم يبعدوا عن الاباء بعد ما تعبوا وربوا يتعمل فيهم كده يتخلى عنهم الابناء بمجرد ما الفرصة تجيلهم صراحة اللى بيسبب الكلام ده هما الاصدقاء ناس هتعارضنى فى الكلمة دى بس هى دى الحقيقة الاصدقاء هما اللى بيعملوا كده ممكن مثلا واحد او واحدة يحكى لصاحبه او صحبتها مشكلة او حاجة مثلا انا مش بخرج فى الحتة دى علشان ماما او بابا مش عاوزانى تو عاوزنى اخرج انا مش بعمل كذا علشان عندى مش موافقين انا حصل معايا ........... ومش عارفة اعمل ايه فى وسط الكلام ده كطبيعة بشرية فى الانسان لما بيكون فى المواقف دى تفكيره ممكن يختل شوية بيكون مع احساسه بيبقى عاوز يسمع نصيحة او عاوز يتكلم مع اى حد والسلام وفى الوقت ده ممكن الاتجاه التان(الصديق) يكون هو السبب فى المشكلة دى والكلام ده انا مش بقوله من خيال ده اللى انا بلاحظه وبشوفه ومحدش يضحك على نفسه مش شرط الصديق انا اقصد اى حد ...... استنى شوية بقى فاضل سؤالين هرد عليهم بس اجمع فكرى علشان اعرف ارد لحسن باين عليا هنجت فى النص:D
__________________
![]() عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
#9
|
||||
|
||||
![]() اقتباس:
اولاً : شكرا ليك يا احمد على المواضيع الجامدة دي
ثانياً : 1 لا طبعا لان اهانة الآباء وان كانت تزيد عن الحد في بعض الاوقات فهي حفاظا على مصلحة الابن و حرصا عليه من تكرار اخطاؤه مرة تانية 2 لا طبعا لان مهما كانوا هم اللي ربوا وكبروا و شربوا و نيموا و و و 3 انا قلت لك ...... الاهانة ليها هدف بس مش لازم تبقى اهانة بالمعنى المحدد ممكن تبقى سياسة ثواب وعقاب او باسلوب تربوي (:Dسوري يا مدرسين :D)شوية عن كدا 4 السؤال دا بقى للاسف مش عارف اجابته .... بفكر فيه كتييير اقعد اقول انا عملت ايه يتاهل كل دا :Dبس مش عارف بتوصل في البنهاية مع نفسي و اقول يا واد يا سمسم دول ابوك و امك يعني اكييد قلبهم على مصلحتك و يمكن هم شايفين ان الخطأ دا مش ينفع تعمله تاني او تكرره مع حد غيرهم في الدنيا العجيبة دي 5 عشان يبقى عندنا دم :D و نحس بيهم و نعرف ان هم مهما كان بيحبونا و مش لازم نفتكر في يوم من الايام ان الاهانة دي لمجرد الاهانة و ان لما نحقق هدفنا نفتكر ان الاتنين دووول مهما كان في يوم من الايام عملوا كذا و كذا و كذا دي كانت اجابات الاسئلة من وجهة نظري و من رؤيتي للامور دي بيني وبي آبائي :D وان كان البعض زي ما قلت يا احمد بيعملوا اهانات شديدة يبدا للاسف النسان يحس ان في كره مش حب من جانب الوالدين و كان في جمله حلوة اوي في مسلسل حضرة المتهم ابي كانت بتقول "لما الام يكره ولادها يبقى مفيش حد بيحب حد" ..... دا بيدل على ان احساس عدم الحب من الوالدين بيفقد الابناء المشاعر تماما في الحياة في النهاية اسف على الاطالة و شكرا ليك مرة تانية يا احمد على الموضوع
__________________
![]() |
#10
|
||||
|
||||
![]() اقتباس:
اه أكيد فى سبب معلل شكرا على مرورك يامصطفى اقتباس:
بجد انت ضيفتى حاجات مهمة جدا يامنى
شكرا على اضافاتك الرائعة جدا
__________________
أشوفكم فى الجنة ان شاء الله
|
#11
|
||||
|
||||
![]() اقتباس:
يعنى هقولك ايه ياترافل ارحمينا بقى شوية من ردودك بس بجد رد مقنع جدا جدا جدا أسعدنى وجودك فى الموضوع كثيرا اقتباس:
والله كلامك تمام
شكرا ياسمسم على مرورك الجامد جدا ولى بقية ان شاء الله وتعليقات أخرى على الردود
__________________
أشوفكم فى الجنة ان شاء الله
|
#12
|
||||
|
||||
![]()
الله ينور يا احمد بصراحة موضوع ف الصمييييييييييييييم وانا معاك ف كل كلمة واكتر حاجة تغيظك يا لما الواد ييجى يتجوز طالما ان ابوك حيساعدك يبقى لازم تسمع كلامه وتشوف العروسة اللى هم عيزنها والله احنا بنشوف حاجات غريبة اليومين دول بس حنقول ايه قدر ومكتوووووووووووووووب وبصراحة الواحد مش عارف يعمل ايه ولا يغير تفكيرهم ازاى بس حنعمل ايه بقا....الرد ع الاسئلة:-شور طبعا مش من الابناء انهم ينحرفوا لان دة قلة ايمان ودين ومفيش حاجة اسمها بابا زعق لى اقوم انحرف لالالالالالالالالالالالالا طبعا..وطبعا ما ينفعش يتخلوا عن ابائهم لانهم هم اللى ربوهم وخلوهم يوصلوا للى هم فيه..والمفروض مسلسل الاهانة دة يتوقف وبعدين الاهانة ايه يعنى يشتمك ولو الموضوع كبر يضربك يلله مش مشكلة علقة تفوت ولا حد يموت هههههههههههه..وبيضايقوا من الحاجات الضغيرة لانهم اصلا مش مستحملين اى حاجة لاكبيرة ولا صغيرة يمكن اللى بيشوفوه ف الشغل بيخليهم مش طيقين نفسهم فعشان كدة نخلى عندنا دم وما نزعلهمش..كل شوية بيفكرونا باللى عملوه معانا لانهم ناس فاضية مش لقيين حاجة يعملوها ههههههههههه..لا بجد هم بيفكرونا عشان نخلى عندنا دم وما نعملش كدة تانى بس احنا باردين وبنعمل تانى عيال رخمة بقا تقول ايه..وبجد والله يا احمد موضوعك جمييييييييييييييييييييييييييييييييييييييييييل جداااااااااااااااااااااااااااا وعاجبنى جداااااااااااااااااااا لانه موضوع واقعى ولازم كلنا نناقشوه مع بعض لان دى مشكلتنا احنا مشكلة الابنااااااااااااااااااااااء الجيل المهبب على رايهم ههههههههه...وكل سنة وانت طيب يا مان واتجدعن بقا ف رمضان فاضل كام يوم اهو ....يلله بييييييييييس وميرسى ع التوبيك الجامد دة
__________________
ممنوع التعرض لأي مشرف بالإهانة تم وقف العضوية اسبوع |
#13
|
||||
|
||||
![]()
وفى خمس أسئلة ياريت تجابوا عليهم :ــ
هل من حق الأبناء اذا اهانهم الأباء ان ينحرفوا؟ اكيد طبعا لا لانك هتضر نفسك وهل من حقهم اذا حققوا هدفهم ان يتخلوا عن الأباء؟؟ اكيد طبعا بردو لا لانهم مهما كان اهلك وهل يستمر مسلسل اهانة الأباء للأبناء؟؟؟ طبعا نعم هما الاباء بيبطلوا اهانة فى عيالهم ليه بيتضايقوا من حاجات احنا شايفينها صغيرة اوى ومش تضايق ؟؟؟؟ عشان خايفين عليك ليه كل شوية بيفكرونا باللى بيعملوه معانا واللى بيستحملوه عشاننا؟؟؟؟؟ عشان تحس بقيمتهم
__________________
|
#14
|
|||
|
|||
![]() عندك حق ياأحمد فعلا بيحصل كثير هل من حق الأبناء اذا اهانهم الأباء ان ينحرفوا؟ وهل من حقهم اذا حققوا هدفهم ان يتخلوا عن الأباء؟؟ وهل يستمر مسلسل اهانة الأباء للأبناء؟؟؟بس برضوا مهما يعمل الاب هيفضي هو رمز من رموز العطاء والام برضوا لان حبهم بيجري ف دمنا ومش نقدر نبعد عنهم عشان بنحبهم اوي بس لو احنا بصينا وشفنا هم بيضغضوا علينا كدا ليه هنشوف ان دا كله عشان مصلحتنا بس مش معني كدا الاهانه دي حتي المثل بيقول ان كبر ابنك خويه لازم يكون فيه اسلوب للتعامل اول حاجه الهدوء والعقل والنقاش بس ع فكره فيه ابناء مش بيجوا بكده عشان كدا الابناء بيستخدم اسلوب تاني بس ف الوقت دا يبقي ليه حق هو عايز يحافظ ع ابنه الاول يكلموهم لو مش اتعدلوا يستخدموا الاسلوب التاني مش معقول ان الابناء يقدوا يتخلوا ع الاباء دول حته مننا لا طبعا كل لما المجتمع يتغير كل لما الشيء يتغير ليه بيتضايقوا من حاجات احنا شايفينها صغيرة اوى ومش تضايق ؟؟؟؟ عشان هم اكتسبوا خبره مش عندنا واحنا مش هنعرف كدا اللي لما نبقي زيهم ع فكره احنا ممكن نكون بنعمل كدا فعلا مع اخواتنا اللي اصغر مننا بس مش حاسين ان هو دا زي دا يعني فيه حاجات انا بعمها اهلي بشفوا انها تافها ولما اقول لحد ف سني يقولوا دي عاديه خالص دي سنه الحياه ليه كل شوية بيفكرونا باللى بيعملوه معانا واللى بيستحملوه عشاننا؟؟؟؟ عشان نحس شوية لان بجد هو بيتعبوا والله فعلا ساعات بيعلموا كل حاجه عشان يسعدونا ف الاخر احنا مش بنقول حتي شكرا شكرا ع موضوعك
__________________
والحب له قوانين آخري..!
|
#15
|
||||
|
||||
![]() اقتباس:
هنعمل ايه بقى يادودو شوفتى القدر كان كاتب لينا ايه بجد الواحد اتخنق اصلا شكرا ع مرورك الجامد جدا اقتباس:
اه اجابات منطقية ودبلوماسية شكرا على مرورك يا أحمد اقتباس:
الله على مرورك
بجد رائع جدا مفيش حاجة اقدر اضيفها تقريبا على كلامك بس هى دى الدنيا شكرا جزيلا على تفاعلك مع الموضوع
__________________
أشوفكم فى الجنة ان شاء الله
|
العلامات المرجعية |
|
|