مخزون سلعى

[احلامعمرى]

ارجو المساعدة فى عمل المخزون السلعى

[احلامعمرى]

ارجو الرد السريع عملت مخزون سلعى لكتب ولسه ما بطلش استخدامها فيها مشكلة

[طلال سلومه]

الحقيقة انا أول مرة اسمع مصطلح المخزون السلعى ده فى مجال المكتبات ؟؟ رغم عملى لأكثر من 20 سنة فى المجال ده
ياريت توضح المطلوب عشان اقدر افيدك

[احلامعمرى]

المخزون السلعى ده لما يكون فى كتب منهجية اتت من الادارة ومش مكفية الطلبة المكتبة بتاخد نسبة 5 كتب من كل كتاب وتسجلهم فى اليومية المنهجية ولما استلمت المكتبة لقيتهم كثير قوى رحت مطلعاهم مخزون سلعى كتب لم تعد تقرا فيها مشكلة ولا لا

[طلال سلومه]

المشاركة الأصلية كتبت بواسطة احلامعمرى

المخزون السلعى ده لما يكون فى كتب منهجية اتت من الادارة ومش مكفية الطلبة المكتبة بتاخد نسبة 5 كتب من كل كتاب وتسجلهم فى اليومية المنهجية ولما استلمت المكتبة لقيتهم كثير قوى رحت مطلعاهم مخزون سلعى كتب لم تعد تقرا فيها مشكلة ولا لا

إذا كانت الكتب قديمة ومر عليها ما يسمى بالتقادم الزمنى زى مثلا الكتب ال المنهج بتاعها اتغير بتعملى بها كشوف من أصل 3 و 3 صور بتوقيعك انتى واعضاء لجنة المكتبة وكمان موجه المكتبات فى محضر رسمى بده وتسلمى الكتب دى بالكشوف لأمين التوريدات ويمضى انه استلمها وهو بدوره بيرجعها للمخازن تانى . ومفيش أى مشكلة فى ده ... وبعد اعتماد الموجه الفنى ممكن تنزليها من اليومية .

[احلامعمرى]

انا بسال انا طلعت كتب لسه منهجها بيستخدم زى كتب النكنولوجيا و المجال الصناعى و الاقتصاد المنزلى و المجال الزراعى

[طلال سلومه]

المشاركة الأصلية كتبت بواسطة احلامعمرى

انا بسال انا طلعت كتب لسه منهجها بيستخدم زى كتب النكنولوجيا و المجال الصناعى و الاقتصاد المنزلى و المجال الزراعى

نفس الكلام طالما فيه زيادة فى اعدادها داخل المكتبة ... اعملى كشوف بيها واعتمديها وأمين التوريدات يستلمها وبدوره يسلمها للمخازن ومفيش داعى لأنه تبقى فيه زيادات فى الكتب الدراسية داخل المكتبة يكفى بس 5 نسخ من كل كتاب

[احلامعمرى]

انا طلعت ال5 كتب دول من اليومية المنهجية وانا اخليت طرف من المدرسة يقد=روا يجيبوا على جزاء بعد ما تركت المدرسة انا شلت الكتب من اليومية وهما كانوا 5 كتب من كل عنوان

[طلال سلومه]

المشاركة الأصلية كتبت بواسطة احلامعمرى

انا طلعت ال5 كتب دول من اليومية المنهجية وانا اخليت طرف من المدرسة يقد=روا يجيبوا على جزاء بعد ما تركت المدرسة انا شلت الكتب من اليومية وهما كانوا 5 كتب من كل عنوان

المهم تكون الكتب اتحذفت بالطرق الفنيةوالإدارية الرسمية وما تكونش مجرد شطب فقط واقصد بالطرق الفنية والادارية انه يتعمل بها محضر وكشوف ويتم اعتمادها من لجنة المكتبة و موجه المكتبات ويكون تم تسليمها بصورة قانونية لأمين التوريدات .

ما أعتقدتش أنه الأمر ممكن يوصل لجزاءات وكده خصوصا ان الكتب كتب دراسية .

[احلامعمرى]

شكرا جزيلا يا استاذ ربنا يخليك يا رب