|
||||||
| كليات المجموعة العلمية (الطب البشري - طب الأسنان - الطب البيطري - العلوم الطبية التطبيقية - العلاج الطبيعي - الصيدلة - التمريض - العلوم - الزراعة) |
 |
|
|
أدوات الموضوع | انواع عرض الموضوع |
|
|
|
#1
21-08-2008, 10:00 AM
|
||||
|
||||
ممكن لو سمحت اللى دخل علوم وخلص سنة اولى يرد عليا!!؟
لو سمحت كنت عاوزة استفسر عن حاجات كتيير فى كلية علوم
انا رحت خلاص الكلية وقدمت واتقبل اول مرة رحت علشان اقدم الورق بتاعى لاقيت واحد هناك كان خلص فى سنة رابعة وكان جايب تقدير(جيد جدا) سالته شوية اساله المهم عرفت منه ان التخصص بيكون فى سنة تانية سنة اولى باخد فيها كل حاجة وحسب التقدير فيها بدخل القسم كمان سالته اخد كورس فى الانجلش ولا لأ قالى لأ الدكاترة بيتعاملوا معاكوا وعارفين ايه النظام متخديش كورس ممكن يدمرك والمهم بقى ساعة ما رحت اقدم الورق بتاعى فوجئت انهم مدينى ورق اكتب فيه التخصص بتاعى !!!!!!!!!!!!!! انا كتبت (يولوجى) بس انا مش عاوزاه انا محتارة بينه وبين فيزيا لانى بحبها اوى وفى نفس الوقت لما سالت عن القسم ده كلوا قعد يحذر منه ده صعب ودمار والكلام ده حتى مستر الفيزيا بتاعى لدرجة ان كلوا ادى انطباع عن انه (قسم اشباح) وفى البيت رافضيين ادخلوا وانا قررت انى ادخله خلاص سؤال بقى ينفع اغير كل اللى كتبته يعنى اغير (بيولوجى)اللى كتبتها الى (فيزيا) طاب وازاى؟ ....... اللى دخل قسم فيزيا ايه نظام القسم ده؟؟ هل ينفع التقدير فيه ولا ايه النظام؟؟ وحكاية الكورس دى صح ولا غلط؟ .............. المواد بتختلف من كلية لتانية؟ ............ واحدة قالتلى ان بعد التخرج وساعة الشغل بيسالوا عن الكلية اللى متخرج منها وقالت انها بتفرق الكلام ده صح؟ انا عجبتنى الكلية اللى انا فيها وقررت انى ماحولش منها رغم انها بعيدة ياترى كلامها صح؟ استنى حد يرد عليا ان امكن شكرا
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#3
21-08-2008, 10:25 AM
|
||||
|
||||
اقتباس:
انجلش علشان المناهج انجلش
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#4
21-08-2008, 10:32 AM
|
||||
|
||||
|
اهااااااا
انتى يعنى خايفة عشان الدراسة فى الكليات العلمية انجلش ؟؟؟؟؟ بصى لو كنتى هتاخدى الكورس عشان الشغل مستقبلا وكدة كنت هقولك اه ماشى دا شىء جميل لكن لو هتاخديه عشان الكلية وان دراستها انجلش يبقى مكانش حد نجح فى الكليات دى لان الغالبية مدارس عربى عادى يعنى من الاخر بلاش احسن دى مسألة وقت وصدقينى فيه حاجات هتحبيها اكتر بالانجلش ومش انتى لوحدك اللى كدة وخلى بالك انتى مقبلة ع مرحلة جديدة يعنى متحاوليش تربطيهالى بثانوى مثلا!!! زى ما انا لما جيت احول عربى حولونى بعد ما خلصت مرحلة تعليمية معينة ع اساس انى ابدأ من جديد تقريبا واخد كل حاجة ع انى اول مرة لسة بتعلمها مش عارفة فهمانى ولا لاء لكن يعنى من الاخر ودا رأيى لو كورس عشان دراسة الكلية انجلش يبقى بلاش منه مالوش لازمة لان كورس الانجلش بتتعلمى اللغة نفسها ومش هتلاقى له علاقة بالكلية لان الانجلش بتاع الكلية كمان غير الانجلش اللى هتاخديه فى الكورس انتى فى الكلية هتاخدى المصطلحات العلمية --- كلام علمى من الاخر مش كلام عام فمش هتلاقى اى ترابط لكن لو كورس انجلش عشان الشغل مستقبلا اهلا وسهلا دا يبقى كويس جدا انك تدخلى رحلة الكفاح من دلوقت ======================= ربنا يوفقك ان شاء الله  ======================= بقية استفساراتك بقى مش عندى خلفية لانى مش علوم اصلا والسلام عليكم ورحمة الله وبركاته
|
|
#5
21-08-2008, 01:48 PM
|
|||
|
|||
|
اقتباس:
لو انتي بتحبيها فعلا ادخلي القسم ولو انتي خايفة منه وفي نفس الوقت بتحبي الفيزيا في قسم مزدوج اسمه كميا فيزيا وعلي فكرة القسم ده متخرج منه احمد زويل .. وبيقولو عليه قسم حلو.. ده حسب معلوماتي ....... وانا كمان عاوزة ادخل القسم ده او قسم كميا حيوية وبعدين عاوزة اقولك حاجة قسم فيزيا منفرد مفيش شغل ليه علي مااعتقد ... ممكن مدرس لان بلدنا مش فيها امكانيات ذي بره في الدول المتقدمة علي العموم اسئلي عن قسم كميا فيزيا .. ده ممكن تشتغلي في شركات ادوية سلام
|
|
#6
21-08-2008, 01:49 PM
|
|||
|
|||
|
وبالنسبة للدراسة بالانجلش ...
اناسالت اخوية اصله كان في هندسة والدراسة بالانجلش برده.. قال ان الشرح مش كله بالانجلش .....ده الكلام دة لوبتدرسي بره...
آخر تعديل بواسطة salma@ ، 21-08-2008 الساعة 02:06 PM
|
|
#7
21-08-2008, 03:43 PM
|
|||
|
|||
|
بما أني معاكي في علوم حلوان
انا عرفت كل حاجة عن الكلية من المعيدين والطلبة بس انا زيك كنت علمي علوم ودخلت علوم بيولوجيه لان الكل حذرني من علوم الفيزيائية عشان بتخدي ميكانيكا الاربع سنين تكلمة علي رياضة 2 اللي احنا مش خدنها فأحسن حاجة لينا علوم بيولوجية وشغلها كويس جدا علي فكرة انا قدمت امبارح لما تروحي تاني ابقي قوليلي عشان اقابلك هناك والموضوع مش مستحقي كورسات للانجلش لانها مصطلحات علميه فقط ربنا معانا وبره لو لسة ماغك ناشفة وعايزة تحولي لفيزيا قالوا في شئون الطلبة اول اسبوع بس ممكت تحويلي يا رب اكون فيدتك
|
|
#8
22-08-2008, 06:00 AM
|
||||
|
||||
|
قسم الكيمياء فيزياء متزعليش مني اقل قسم في التقدير ....وقسم صعب ......انا في سنه تالته علوم القاهره قسم كيمياء ميكروبيولوجي.........اما لو تقصدي السمر كورس فده فصل صيفي لو شيلتي ماده او اتنين او تلاته بعد الشر يعني...تقدري تدفعي فلوس وتدخليها في الصيف ...ده في علوم القاهره بس.....ولو انتي في علوم القاهره او اي علوم تانيه ادامك اقسام جميله جدا وترتيبها:
1- كيمياء سبيشيال 2- كيمياء حيويه 3 - كيمياء ميكروبيولوجي 4- كيمياء حيوان 5- كيمياء بيولوجي واخر حاجه تفكري فيها كيمياء فيزياء والاقسام التانيه بقي اما بالنسبه لحكايه كورس الانجلش دي فسيبك منها خالص ، لانها ملهاش اي لازمه, الملزمات والمحاضرات بتعمل شغل جامد , صدقيني احسن.
__________________
https://www.facebook.com/islam.nasr.7
|
|
#9
22-08-2008, 06:04 AM
|
||||
|
||||
|
والكليه اللي الواحد بيدخلها صعب يحول منها لانه بيبقي اتعود عليها خالص .وغير كدا بيبقي اتعود علي نظام الدكاتره والامتحانات...يعني انا مثلا استحاله احول من علوم القاهره ...مع اني من اسكندريه.....وربنا يوفقك في علوم
__________________
https://www.facebook.com/islam.nasr.7
|
|
#10
22-08-2008, 07:50 AM
|
||||
|
||||
|
اقتباس:
انت افدتنى اوى بجد مرسى خاااااااااالص ولكل اللى دخلوا وردوا عليا انا اصلا مش عاوزة كيمياء اخويا دخلها بس حول منها (غباء ازلى) ولما ظهرت نتيجة التنسيق لاقيته بيقولى هتدخلى كيمياء ده قسم جمييل ومش عارفة ايه والكلام ده بس انا رافضة(قطعا) وفى البيت عاوزنى (جيولوجى)على هيئة الخريج بيبقى دوك/تحاليل بس انا فكرت (دوك/ تحاليل ايه فى الزمن ده) وفى نفس الوقت انا حبيت الفيزيا وحبيت الاحياء بس الفيزيا اكتر والمصيبة الكبرى انى لاقيت ان مادة اسمها (تحليل رياضى)موجودة فى كل السنين وفى كل الاقسام ومادة ميكانيكا موجودة فى قسم الفيزيا وانا كنت علمى علوم مش رياضة هتبقى فى صعوبة اكييد(صح ولا غلط) كمان فى واحدة قالتلى حاجة كده قالت ان ساعة التخرج والشغل بيسالوا انتى خريجة جامعة ايه وعلى حسب الجامعة بتشتغلى !!!!!! الكلام ده صح ولا غلط؟ معلش بقى اسئلتى كتيير بس علشان انا من ساعة ما رحت وانا متوترة وخايفة 
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#11
22-08-2008, 02:39 PM
|
|||
|
|||
|
حضرتك اعطوا اك ورقة تكتبى فيها التخصص من سنة اولى لانك علمى علوم اكيد صح , و ده عشان تحددى موقفك ان كنت هتكملى فيزيا او بيولجى لان علمى علوم ليهم قسم حيوان و نبات و غير موجود فى العلمى رياضة اللى انا منها عشان كده ما اعطونيش ورقة لتحديد المواد اللى ارغب فى درستها و كذلك كل العلمى رياضة
|
|
#12
22-08-2008, 03:03 PM
|
||||
|
||||
|
اقتباس:
لا
الورقة دى ادوها لكل الطلبة هما ميعرفوش اذا انا كنت علمى علوم او رياضة وكمان واحدة سالتنى تكتب ازاى فى الورقة اللى معاها علشان انا كتبت قبلها وعرفت انها علمى رياضة الكلام ده فى علوم حلوان معرفش باقى الكليات نظامها ايه
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#13
22-08-2008, 05:59 PM
|
||||
|
||||
|
بصي ياترافيل فكري كويس قبل ماتختاري القسم وزي ماقولتلك ادامك اهم 4 اقسام في علمي علوم،،،ومتقلقيش من حاجه ,,,,لانك بعد شهرين بالكتير من الدراسه هتعرفي ان كل حاجه سهله خااااااااالص وهتحبي الكليه جدا,,,,,,هو بس انتي قلقانه علشان داخله علي جو جديد..........وانا بردو كنت زيك في الأول ....بس جبت تقديرات جميله جدا,,,وبمنتهي السهوله
__________________
https://www.facebook.com/islam.nasr.7
|
|
#14
22-08-2008, 06:13 PM
|
||||
|
||||
|
اقتباس:
اهم حاجة انى داخلاها اصلا برغبتى يعنى حابة الكلية جدا جدا المشكلة فى الاقسام اتصدمت لما لاقيت التخصص من سنة اولى وانا مش عارفة اى حاجة فى اى حاجة قسم/بيولوجى قسم /فيزيا وانا محتارة فى الاتنين اوى لانى ميالة للفيزيا زى ما قلت قبل كده المشكلة بقى ان فى قسم القيزيا لاقيت مادة (ميكانيكا) موجودة اربع سنين وانا علمى علوم مش رياضة اعمل ايه انا بقى؟؟؟؟ وكمان مادة اسمها (تحليل رياضى) دى موجودة فى كل التخصصات وكل الاقسام مش عارفة اعمل ايه؟ ومرسى لتعبك بجد يا اسلام ولكل اللى بيردوا عليا
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#15
22-08-2008, 06:53 PM
|
||||
|
||||
|
يابنتي أفهمي بقي..........والله العظيم ماتخافي ......المواد اساميها بس ترعب شويه.......(اكتينوميستات....بكتريولوجي.....كيمياء فيزيائيه.....فسيولوجي) .........وكل ده دراسته تافهه جدا جدا جدا جدا ......يعني الميكانيكا انشاء الله هتلاقيها ماده صغيره وسهله..انتي لو حابه القسم ادخليه وانتي مطمنه ....
__________________
https://www.facebook.com/islam.nasr.7
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 03:05 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
