الامتحان مش صعب وكفاية تهويل

[khaledosman]

انا مستغرب من اللى بيقول ان الامتحان صعب واللى بيقول صدمة لطلاب تانية ثانوى، انا شايف ان امتحان تانية ثانوى النهاردة من النادر انه يتكرر بنفس السهولة دى تانى وانا شخصيا مكنتش اتوقع ولا احلم انه يكون بالسهولة دى لان امتحانات تانية دايما معروف عنها انها بتيجى صعبة وتحرم الطالب من الدرجات العالية واللى مش مصدق يراجع امتحانات السنين اللى فاتت باستثناء مرة واحدة من كام سنة جه امتحان تانية سهل وغير كده كلها كانت امتحانات صعبة. ولو حسبنا درجات الاسئلة اللى المستشارة اتفزلكت فيها او كانت من منهج تالتة القديم هنلاقيها كلام فاضى المهم انه اغلب الطلاب هيجيبوا درجات عالية فى الامتحان وكتير ان شاء الله هيجيب النهائية. لكن السنين اللى فاتت كان قليل جدا اللى بيجيب الدرجة النهائية فى تانية واغلب الطلاب كانت درجاتهم منخفضة. وكمان اغلب الامتحان موجود فى الورك بوك والجمل بنفس النص ودى حاجة مش بتحصل كتير وكنا دايما نتهم الامتحان انه مش بيجى من كتاب المدرسة. اعتقد ان الطلبة النهاردة امهاتهم داعيالهم والمفروض عليهم يشكروا ربنا على الامتحان ده واحنا كمان بلاش نهول الموضوع واللى مش عارف ياريت بلاش يفتى بدون علم.

خالد عثمان - بنى مزار - المنيا

[marwa.m]

سهل ازاى وكل واحد خارج با اربع خمس غلطات

[mody_greek]

ازاى هيجيب درجة نهائية وهو فى 3 جمل غلط ارحونا بقى

[hishamahmed]

شكلك بتاع نجاح بس

[mahmoud elmarawany]

أساسا المنهج اتغير السنة اللي فاتت كفاية نوم بقه

[amr_king3]

حرام عليك يا راجل يا ظالم دا امتحان سهل دانتا فعلا بتاع نجاح
انتا اذا كنت طالب ولا مدرس فانتا متستحقش اصلا تكون فى ثانوية عامة لانك مش فاهم

وبمقارنة الامتحان بسوابقه فحضرتك بتفهم وتقدر تميز كويس بين الصعب والسهل والا غير ذلك
انا اسف لانى منفعل

[مارك مجدي]

بامانة انت مش فاهم حاجة ولا عارف حاجة امتحان ايةاللي سهل احنا كنا عاوزين امتحان مستواة متوسط في المجمل و فية بعض الحاجات للطالب الممتاز دة امتحان من منهج 3ث القديم يعني حاجات مش علينا اصلا في المنهج هو احنا هننجم و نخترع في اللغة
و بعدين كلة كوم و الquatation كوم تاني دي حاجة مش طبيعية محدش قالها لحد
و بعد كل دة جاي تتكلم يا راجل روح اقعد بعيد

[ebrasim]

اصلا المناهج اتغيرت من السنة اللى فاتت وكل امتحانات قبل كدة ملهاش علاقة بينا
انا خارجة من الامتحان المتخلف دة بـ 7 غلطات دة طبعا غير اللى هنقصه فى البراجراف والترجمة
وعندى سؤالين فى القصة غلط بتاع الكوتيشن وبتاع المدينة انا مش عارفة هما عايزين مننا ايه؟
حسبى الله ونعم الوكيل

[مستر طاهرغزاله]

امتحان متووووووووووووووووووووسط جدااااااااااا امال كنتوا بتعملوا اية في الدروس الخصوصية لازم من الاطلاع علي كل شئ
اما الامتحااان عادي وخيرها في غيرها

[محمد كريم وحيد]

المشاركة الأصلية كتبت بواسطة مصطفى ب2

انت عبيط يلا ولا ايه بظبط اظاهر انك كنت بتمتحن امتحان غير بتاعنا

طيب أنت فى تالته إعدادى أيش عرفك سهل و ألا صعب
بعدين أيه اللى دخل الدروس الخصوصيه فى الموضوع
مش ناقصه يا شاطر

[sosomaya]

ربنا يستر هو ايه الاستهبال ده حلوة دي ال سهل ااااااال


الدنيا كلها بتقول صعب ورخم واكبر دليل انه خارج عن المنهج وانتو حضراتكو بتتفلسفو وتقولو سهل

ليه خير ؟؟

مش معقول للدرجة دي احنا متخلفين لا مؤاخذة مش بنفهم وحضرتك الي بتفهم الراي راي الاغلبية

ده الامتحان فيه غموض كتير واسئلة بره المنج وتقولي سهل

ربنا يرحمني برحمته الواسعة بس



الي شايفه سهل ميدخلش يتكلم ربنا يوفقه ويجيب ال full mark


لان احنا اعصابنا بايظة خلقة ومن غير حاجه مش ناقصين بقى قرف

[محمد كريم وحيد]

ده ردى على كلامك
خالف تعـرف مش ناقصه

صدمه جديده لطلبه المرحله الأولى فى اللغه الإنجليزيه
ذهول و حيره و إستغراب

إضغط هنا و أتفرج على صور ضحايا الثانويه العامه

[mrhamed]

هل طلاب مصر كلهم يتدلعون
اطيب يالى بتقول سهل
انت فى سنة كام

[Ala'a Eldin]

الامتحان فعلا ليس صعب إنه تافه جدا
ولكننا نتحدث عن أخطاء فنية من واضع الإمتحان
كما أنها أخطاء متعددة وخطيرة وليس خطأ واحد
ثلاث جمل من منهج الصف الثالث القديم (لايتم تدريسه الآن)
ثلاث جمل من وحدات محذوفة
خطأ فى وضع سؤال الأقتباس
تلك الأخطاء مجتمعه تفقد أى طالب ثلاث درجات ونصف (كفيلة بتحطيم مستقبل الطالب وتغيير أحلامه فى المنافسة على كليات القمة)

وباقى الإمتحان تافة ولا يقيس أى قدرات لدى الطالب

[هانى جواد]

المشاركة الأصلية كتبت بواسطة ala'a eldin

الامتحان فعلا ليس صعب إنه تافه جدا
ولكننا نتحدث عن أخطاء فنية من واضع الإمتحان

المشاركة الأصلية كتبت بواسطة ala'a eldin

كما أنها أخطاء متعددة وخطيرة وليس خطأ واحد
ثلاث جمل من منهج الصف الثالث القديم (لايتم تدريسه الآن)
ثلاث جمل من وحدات محذوفة
خطأ فى وضع سؤال الأقتباس
تلك الأخطاء مجتمعه تفقد أى طالب ثلاث درجات ونصف (كفيلة بتحطيم مستقبل الطالب وتغيير أحلامه فى المنافسة على كليات القمة)

وباقى الإمتحان تافة ولا يقيس أى قدرات لدى الطالب

ده كلام مدرس أهو

وبعدين الامتحان صعب على الكل ..