لو سمحت حد يرد عليا ضرورى بليز

AHMED MORO · #1 13-09-2011, 10:52 AM

السلام عليكم ورحمة الله وبركاته
انا طالع تالتة ثانوى انا فى تانية كنت علمى وان شاء الله هحول ادبى السنة دى علشان مجموعى مش ولا بد انا جايب 82 % وعايز استفسر ان انا ممكن ادخل تجارة انجلش ولا لا يا ريت حد يرد عليا بليز ويكون بسرعة والى يرد عليا يقولى على كل الحاجت المهمة يعنى يعرفنى على نظام التنسيق ويقولى التجارة انجلش بتاخد من كام والتنسيق بينزل من كام وعالفكرة انا جايب فى الانجلش 21 بليز حد يرد عليا فى اقرب وقت ممكن وشكرااااااااااااااااااااااااااااااااا

شهيره طارق · #2 13-09-2011, 11:29 AM

بص يا احمد تجاره انجليش بتاخد من فوق ال86 وحلوان اللى قابله من86 تمام لكن لو اقاليم اكيد طبعا المجموع بيقل شويه .....ونصيحه خد مستوى رفيع انجليزى لان دا اللى بيتحسب لكن اى ماده تانيه لا حتى لو جيبت ف الانجليزى8من10 مثلا اهو بردو الكام درجه دول ينفعوا.......و ع فكره كل الجامعات بتقبل من 40 فيما فوق لكن جامعه اسكندريه بس هيه اللى بتقبل من فوق 42.5 وشد حيلك وان شاء الله هتزود ودرجتك كويسه جدا وان شاء الله هتزيد ف تالته وهتوصل باذن الله متقلقش انت مش جايب درجه وحشه انا كنت علمى وحولت وجيبت79 والحمدلله جيبت ف تالته87.5 ودخلت تجاره انجليزى حلوان...........وربنا يوفقك

AHMED MORO · #3 13-09-2011, 11:53 AM

ميرسى على ردك ليا بجد انتى ريحتينى خالص انا ان شاء الله هظبط نفسى فى الانجلش بس عايز اعرف حاجة انتى كنتى جايبة كام فى الانجليزى والى انا سمعته ان الجامعة بتاخد من فوق 45 فى الانجلش وده الى مقلقنى وعالفكرة انا واخد مستوى رفيع انجلش علشان بحب المادة دى اوووووووووى بجد شكرا ليكى

same7 8 · #4 13-09-2011, 06:54 PM

لالالا بص انا تجارة انجلش المنصورة جبت ف تانية 75 وف تاتلة 95 انا كنت ادبى ومخدتش دروس ف تالته كانت احلى سنة ف حياتى
انت شد حيلك و3 ف ادبى سهلة جدا وسهل تجيب 90 وربنا معاك

بنت الشاطئ1 · #5 14-09-2011, 04:44 PM

شوف انت مجموعك كده كويس بالنسبة لانك تحول ادبى و على فكرة ادبى سهل بس بالمذاكرة و حفظ مع فهم عندك تاريخ و علم نفس و فلسفة كل ده لذيذ مع العلم ان انا علمى علوم كمان بس كل حاجة بالمذاكرة بتبقى حلوة و ان شاء الله تجارة انجليزى تلحقها بس انت حاول تجيب مجموع اكبر من مجموعها عشان تضمنها السنادى تقريبا من 86 بس انت حاول تجيب اكتر من كده عشان متندمش و محدش ضامن الظروف و التنسيق و ربنا يوفقك

شهيره طارق · #6 14-09-2011, 10:53 PM

ع فكره انا كنت جايبه ف الانجليزى ف تانيه21.5 وف تالته22.5 يعنى44 من 50 و والله هيه ف جامعه حلوان والقاهره وعين شمس لازم الانجليش فوق الاربعين بس لكن زى ما قولتلك اسكندريه فوق ال42.5