شهوات الحياة الدنيا

[DPT-Blue Phoenix]

السلام عليكم و رحمة الله و بركاته
بسم الله الرحمن الرحيم

"شهوات الحياة الدنيا"

شوف احنا ممكن نقسم من ناحيتين فى الشهوات من الأقل للأعلى يعنى من الأقل للأرقى و فى الشهوات من حيث العدد يعنى كام واحد بيحس بالشهوات دى فى حياته ؟!
تعالى نشوف انا ممكن اقدر اقسم دلوقت الشهوات ل4 انواع الى هما ايه ؟!
1- الشهوات الجسدية ... و دى هى الاكثر انتشار بين الناس يعنى الى كل البشر بيحس بيها منها شهوة الاكل و الشراب و ال*** و قول زى ما انت عايز تقول بقى طبعا لو جيت تقول لواحد انها الاقل او الاقل متعة مش هيصدق الا لو جرب الباقى ...
2-الشهوات العقلية ... شهوة العقل الا و هى العلم و القراءة و المعرفة يمكن معظم الناس مش بتحس بيها و ناس هتألس و تقولك بقى شهوة العلم و انى امسك كتاب و اقرأ و انى اعرف احسن من الشهوات الى فوق فى المتعة و الله صدقى اجمل بكتييييييييييييييييييييير فوق ما تتخيل بس الأساس انك تقرأ حاجة انت بتحبها و تعرف فى حاجة انت فعلا ميال ليها صدقنى متعتك سعتها لا يوجد مجال للمقارنة اصلا و هتفيدك اكتر من الى فوق دى ...و دى نسبة قليلة جدا من الناس
3-شهوات القلب او الشهوات العاطفية ... العاطفة او ممكن نقول الحب ... بصراحة عاطفة الحب حتى العلم لا يقارن بيها فعلا انت لو بتحب شخص او بلاش عشان الناس تنبسط لو بتحب واحدة حب خالص لا اظن ان دى تقارن بيها اى متعة من الى فاتوا يعنى الحب فعلا هو الشعور الالذ و الاجمل ... الحب الصادق فعلا نسبة اقل و اقل
4-شهوات الروح ... الايمان و الانس بالله يعنى و الله انا يمكن مرة فى حياتى و لا مرتين الى حسيت بيها ايام ما كان الواحد يقدر يقول على نفسه نقى تعرف لما تحس ان روحك مرتاحة يعنى عقلك و قلبك و جسمك و روحك حاسة بالانس بالله دى قمة الشهوة و قمة اللذة و قمة الرقى ....؟!.... اقل نسبة فى كله
فلماذا نقبل الشهوات الجسدية و نرتكب من اجلها المعاصى و الجرائم و غيرها و نفعل من اجلها كل شىء رغم انها الاقل و الشهوات الاخرى اسهل فى الحصول عليها و لكن فقط انت و انت فقط من تستطيع الحصول عليها و لكن بتغيير نفسك فقط .....؟!
الانسان يصل لشهوة الجسد .... فيرتقى و يصل لشهوة العلم .... ثم يرتقى فيصل الى قمة العاطفة و الحب و التحرر ... ثم يصل الى عظمة الخالق فى النهاية و الأنس بالله ...

#الدليل_الطفل

1- الطفل مش بيطلب الأكل او الشرب الا لما يكون جعان او عطشان و يعيط انماااااااااااا

2- الطفل دائما مش بيكون قاعد مرتاح عايز يكتشف البيئة الى حواليه طول الوقت عايز يعرف و هو دا دافع الفضول و حب الاستطلاع و هو دا دافع المعرفة و الشهوة دى موجودة فى كل واحد فينا لكن للأسف نظام التعليم القائم على الحفظ و اننا فهمنا الطفل و من هو صغير ان لو مذاكرتش هتضرب و لو محلتش هتعاقب طيب ما اقول لو حليت هجيلبك جايزة او حاجة كويسة ((***نا الدافع عند الطفل)) لكن برده الانسان عليه دور انه يبحث و يطلع ((العقل الى ربنا ميزنا بيه))

3- حتى لو الطفل عنده الاثنين دول و مش لاقى اهله جنبه و مش لاقى امه ولا والده تخيل كل دا مش هيعوضه بحاجة اذن شهوة الحب و العاطفة هى الارقى و التى يحتاجها اى انسان ((القلب))

4- بننسنا احنا ان زى ما ((القلب ليه غذاء و هو الحب و المشاعر الطيبة و الحلال)) و ((العقل له الغذاء و هو المعلومات و المعرفة و الفهم)) و ((الجسد الشهوات الجسدية الحلال + الرياضة))

#الروح و الله يا جماعة الروح محتاجة غذاء و غذائنا هو #الايمان و #الانس_بالله لازم تدى لكل حاجة حقها فى التغذية عشان تكون انسان متزن وجدانيا روحيا نفسيا جسديا و معرفيا و من جميع الجوانب .... (( اعط كل ذى حق حقه))

و الاهم تاخد مبادىء فى حياتك تمشى عليها و تحدد #هدف و تحدد #طرق عشان تمشى عليها و تحقق هدفك #دائما_قيم_ادائك و عدل دائما #التغيير_للأفضل و افتكر انت خليفة الله فى الارض و يبقى دائما

-----الأمل فى الله و فى نفسك و الايمان بالله و بالمبادىء و بقدراتك و حب الله و الناس و ما تفعل >>>>>>> طريق التغيير
Hope+Faith+Love=Change

[عزتى في دينى]

بارك الله فيكم

[DPT-Blue Phoenix]

المشاركة الأصلية كتبت بواسطة aya ramadan.

بارك الله فيكم

و بارك فيكى و جزاكى كل خير ان شاء الله