|
||||||
| كليات المجموعة الرياضية (الهندسة - الحاسبات والمعلومات - التجارة & التجارة إنجلش - الفنون التطبيقية والجميلة) |
|
|
أدوات الموضوع | انواع عرض الموضوع |
|
|
|
#1
03-08-2009, 01:20 AM
|
|||
|
|||
اللى دخل هندسة المنصورة بس يخش الموضوع ده!!!
السلام عليكم ده بالظبط نفس عنوان الموضوع الى انا كنت عامله من سنة بالظبط لما دخلت المنصورة ....ياااه الوقت عدى بسرعة والموضوع للأسف اتمسح المهم........... مبرووووك لكل الى وفقه ربنا ثم عمله و عرف يخش الكلية دى (من اعلى الهندسات فى التنسيق) وان شاء الله تقضى احلى ايام حياتك وانت فى الكلية العظيمة دى
ودى اول خطوة ليك فى الكلية قبل التقديم الموضوع ده علشان تتعرفوا على بعض و تكونوا صداقات ان شاء الله تستمر سنين طويلة انا عن نفسى من الموضوع الى كنت عملته السنة الى فاتت عرفت ناس كونت معاهم صداقة قوية جداا و مازلت لليوم اعتز بهم فياريت الكل يدخل و يعرف نفسه واحنا كطلاب السنة الى فاتت معاكم لو عاوزين اى حاجه او اى معلومه منغير ما اكون طولت ...من الاخر ده موضوع تعارف للطلبة الجداد وان شاء الله هنزل فيه برده اى اخبار جديدة عن معاد التقديم و مكان الكشف الطبى و الخطوات و الورق وكده فياريت بس الكل يتعاون و نشوف فعلا طلاب السنة دى الى خلوا المنصورة اعلى هندسة فى التنسيق مستنى ردودكم يا باشمهندسين فى امان الله
__________________
 آخر تعديل بواسطة masternew ، 03-08-2009 الساعة 01:24 AM سبب آخر: سورى مكنتش عارف اعمل موضوع كل شوية بيجى رسالة خطأ فى المنتدى |
|
#2
03-08-2009, 01:25 AM
|
||||
|
||||
|
منور يا بشمهندس شكلي دخلت غلطت
 معلش استغربت في اللى اتكتب في الاول بس 
__________________
It was over 3 years since my last visit  آخر تعديل بواسطة BaNZeR ، 03-08-2009 الساعة 01:27 AM سبب آخر: تم تغيير الرد بناء على تغيير الموضوع :) |
|
#3
03-08-2009, 09:04 AM
|
||||
|
||||
|
ان شاء الله حكون معاكوا فى هندسة المنصورة السنة الجاية
و شكرا على حسن تعاونكوا من البداية معانا و بالنسبة للتقديم بيقولوا الاسبوع الجاى أو 10/8 بالظبط و مطلوب شهادة النجاح و شهادة الميلاد الالكترونية و 8 صور شخصية و بالنسبة للأولاد مطلوب كمان استمارة 2 جند تجبها من مكتب الاتصال العسكرى خلف مركز الحساب العلمى و بالنسبة كمان للتحويل الجغرافى حيبقى يوم 8/8 حساب ما نشر فى جريدة الأهرام بس أنا سألت قالوا تانى يوم بعد نتيجة المرحلة التانية على النت يعنى يوم الأربع بإذن الله (يمكن يكون 8/8 ده فى مركز التنسيق فى الجامعات جايز ) و الأولوية للبنات و للأقل فى الدرجات عن الكلية اللى هوه عايز يحولها و بالتوفيق آخر تعديل بواسطة etisalat__011 ، 03-08-2009 الساعة 09:08 AM |
|
#4
03-08-2009, 09:41 PM
|
||||
|
||||
|
انا والحمد لله جالى هندسة المنصورة بمجموع96 ويارب اعرف اجيب تقدير كويس عشان ادخل القسم اللى انا عيزاة وان شاء الله نستفيد من خبراتكم بس انا خايفة اووووووووووووووووووووى من الكلية ونظامها اللى انا مش متعودة علية والدكاترة بالذات خايفة منهم موت ياريت حد يطمنى وخاصة انى لوحدى فى الكلية مش معايا اصحابى ربنا يوفقكهم ويعرفوا يحولوا
__________________
عذرا اليكم فما ضاعت مودتكم......... وما ارتضينا بغير الشوق عنوانا يا من نقشتم على قلبى محبتكم ........وكنتم فى قرار العين سكانا ابلغ اخا قد تولى الله صحبته.........إنى وان كنت لا القاه ألقاه وإن طرفى موصول برؤيته ...........وان تباعد سكناى سكناه ليته يعلم إنى لست أذكره ...........وكيف اذكره إذ لست انساه |
|
#5
03-08-2009, 11:46 PM
|
||||
|
||||
|
اقتباس:
دا انا اصل انا جايبه 95.2 فرقت معايا على درجه يارب يا ريناد اعرف احول علشان ابقى معاكى ان شاء الله لو عرفت احول هبقى اشاركم فى التعارف ده بالتوفيق للجميع |
|
#6
04-08-2009, 12:04 AM
|
||||
|
||||
|
اقتباس:
أولا مبروووووووك على الكلية يا باشمهندسة ثانيا خايفة من ايه ؟؟؟؟ الحمد لله طالما الواحد واثق فى قدراته خلاص متخفيش من حاجة أجمدى كده و خليكى على طبيعتك و الكلية و الله سهلة أسهل من الثانوية جدا بس ذاكرى أول بأول و بعدين الدكاترة دول ايه ما هما بشر بردوا ولا ايه ؟ ؟؟؟؟ و و الله أنا سمعت من كذا واحد أن الدكاترة كلهم زى العسل و محترمين جدا و بردوا فى الوحش منهم و إن شاء الله حنبقى أحسن دفعة دخلت الكلية |
|
#7
04-08-2009, 01:05 AM
|
|||
|
|||
|
كويس ان فيه تفاعل ....بس والله متخافوش مع اول محاضرة ان شاء الله هتعرفوا ان مفيش احسن من الكلية دى وان الدكاتره دول مفيش احسن منهم و ان شاء الله كل حاجه تعجبكوا
وياريت متنسوش انالموضوع ده معمول للتعااااااارف
__________________
|
|
#8
04-08-2009, 09:14 PM
|
||||
|
||||
|
اقتباس:
__________________
عذرا اليكم فما ضاعت مودتكم......... وما ارتضينا بغير الشوق عنوانا يا من نقشتم على قلبى محبتكم ........وكنتم فى قرار العين سكانا ابلغ اخا قد تولى الله صحبته.........إنى وان كنت لا القاه ألقاه وإن طرفى موصول برؤيته ...........وان تباعد سكناى سكناه ليته يعلم إنى لست أذكره ...........وكيف اذكره إذ لست انساه |
|
#11
05-08-2009, 11:13 PM
|
||||
|
||||
|
مبرووووووووووووك يا شباب
و يا رب التعاون يستمر بينا بقى فى الكلية و التقديم يوم 10/8 بإذن الله و مطلوب شهادة النجاح و شهادة الميلاد الالكترونية و 8 صور شخصية و صورة الرقم القومى (موجود فى شهادة الميلاد و اللى معاه بطاقة يصورها ) بالإضافة مطلوب من الاولاد استمارة 2 جند من مكتب الاتصال العسكرى خلف مركز الحساب العلمى بالجامعة و رسوم الكلية 200 جنيه بس و اللى عنده استفسار يقول |
|
#13
08-08-2009, 03:29 PM
|
|||
|
|||
|
نبدأ بقى؟؟!!
نبدأ .. باسم الله ______________________________________ الماده: الميكانيكا الدرجه: 125 الترم الاول 100 الترم التاني المجموع 225 الدكاتره: ا.د.وليد البشبيشي د.احمد عبدالله المعيدين: م. منى م.جلال م.وليد م.عمرو لمحه عن الماده: كتاب كبير جدا جدا جدا كلو مسائل ... بس الترم الاول تافه اووووي لازم تجيبو امتباز فيها... ازاي؟؟!!! ... 1- احضروا كل المحاضرات وتركزو على اخر 4 محاضرات الامتاحن فيها...الدكاتره شرحهم ممتاز 2- احضروا كل السكاشن هو سكشن واحد كل اسبوع... 3- زاكرو المسائل اللي بتتقال في المحاضره والسكشن بس بس بس بس 4- بعد ما تخلصو مذاكره ... روحو ليله الامتحان هاتو مزكره مراجعه ليله الامتحان للمهندس جلال هتلاقي فيها 30 مساله مثلا تاكدو ان الامتحان كلو فيها واسال مجرب... __________________________________ الماده: رياضه الدرجه: 175 الترم الاول 175 الترم التاني المجموع 350 الدكاتره: ا.د صلاح البحيري ا.د مصطقى صالح د. رضا عبده د. ايهاب مصطفى المعيدين: م.ايمن م.مصطقى العجمي م.احمد هيكل م.انتصار م. محمودعبدالهادي م.نيقين م. وليد رسلان لمحه عن الماده: سهل جدا احضرو كل محاضارت الدكاتره الدكتور صلاح انا درست عنده قمه في الاخلاص وبيشرح تمام وبيبسط المداه وبيديكم الامتحات على مدى المحاضرات...اوعو تفوتو اي محاضر...وكذلك الدكتور رضا عبده... احضر محاضراته ومتفتحش الكتاب ... والدكتور مصطفى صالح و د. ايهاب مدرستش عندهم..بس الناس بتشكر فيهم جامد.. الدكتور مصطقى محاضراته دمها خفيف وحلوه اوووي.. المهم انا درست مع المهندس احمد هيكل ممتاز وشاطر وطيب ومحترم كذلك م مصطقى الهجمي .... __________________________________ الماده: الكيمياء
الدرجه: 125 ارم واحد فقط الدكاتره:ا.د. ابراهيم جار العلم ا.د احمد الصروي د. محمد الحلواني المعيدين: د.فاروق م. محمود حنفي لمحه عن الماده: الماده كلها انجليزي والناس كلها بتتعقد منها ... بس في الاول لكن بعد كدا بتبقى سهله اووووووي... وخصوصا ان الدكاتره مبيسقطوش حد فيها الا اللي مبيحضرش خالص نسبه النجاح فيها 90% اخر الترم الدكتور هيديكم شبتر عن الاسمنت هتحقظوه صم هم 4 صفحات.. وتحلو معاهم سؤال وتنجحو... الموضوع بسيط خاااااااااااااالص... في بنات زمايلي جابو 125/125 الماده: لغة انجليزيه فنيه الدرجه: 50 ترم واحد فقط الدكاتره: د. احمد ثابت لمحه عن الماده: الماده بسيطه جدا بتحفظ مصطلحات هندسيه وتعرفها بالانجليزي.. بتزاكرها براحتك لانها عامله زي القصخ بس اللي بيسنهنر بيها بيشلها.. _____________________________________ الماده: الفيزياء الدرجه:150 الترم الاول 150 الترم التاني المجموع 300 الدكاتره: د. محب د. مرفت د. سميه لمحع عن الماده: الفيزيا اربع كتب صغيرين كل ترم كتابين 1- حراره 2- ضوء 3- كهربا 4- هواص ماده سهله جدا جدا جدا بس متفوتوش ولا محاضراه لان مفيش فيها سكاشن... فيها معامل احضروها لان فيها غياب وبتمتحنو فيها اخر الترم ________________________________________ الماده: الرسم الهندسي والاسقاط الدرجه: 150 رسم 75 اسقاط الدكاتره:ا.د. احمد مصطفى البهلول ا.د.محمد شباره لمحه عن الماده: الاسقاط ترم الاول بس ماده تافه جدا للزكي.. لانهنا كلها تخيل وماده جميله اوووووووووووي ..... بس متخلوش حد يعقدكم منها.... الرسم طول السنه... انا كنت مع العبقري د. احمد البهلول الدكتور دا عبقرررررررررري....متفوتوش ولا محاضراه لان المعيدين مبيشرحوش حاجه.. انت بتحضر المحاضر والدكتور بيديك رسمه تروح ترسمها في السكشن المعيد بس بيعلملك الماده: تكنولوجيا الانتاج الدكاتره: ا.د. توفيق توفيق الميداتي لمحه عن الماده: احلى دكتور فس الدنيا بيديكم الماده دي... واحلى محاضره في الدنيا محاضرة الانتاج...مجرد حضور المحاضره يعني جيد جدا.... على فكره المادة دي ترم تاني بس... وفيها ورشه كل اسبوع...اوعو تغيبو اي ورشه لان حضور الورش من 30 من اصل ميه يعني النجاح........ واخر محاضرتين الدكتور هيديكم الامتحان بالنص... يس ركزو... واعرفو حاجه مهمه امتحان الانتاج والفيزيا بيجو بالنص من امتحانات السنين اللي فاتت .... بيجو بالنص __________________________________________________ ___ الماده: حاسب الي الدكاتره : د.علي الدسوقي د. عايده الدرجه : 75 لمحة عن الماده : الماده دي لازم تحضر كل محاضراتها ... وتزاكرها اول باول... لانها بتدرس فيها برمجه فيجوال بيسك نت .... ولازم تحضروا كل السكاشن... هي ماده صغيره خالص... بس ممكن حد ميكونش ليه دعوه بالكمبيوتر فيكرهها....بس هي تافه.. للي بيحضر... __________________________________________________ _________________ الماده : حقوق انسان الدرجه : 50 لمحة عن الماده: مادي صغيره جدا الدكتور بيديك 10 اسئله وبيقولك هجبلك منهم 3 فالامتحان تحل منهم2 فقط فقط.... وماده جميله اوي اوي اوي..... والماده دي ماده نجاح وسقوط موش محسوبه في المجموع.. __________________________________________________ _____ الماده : الانسانيات الدكاتره : نفس دكاتره مادى الكيماء الدرجه: 50 لمحه عن الماده: المادي دي كلها بالعربي عكس كل المواد... هي عامله زي العلوم بتتكلم عن البيئه و طبقات الجو.... حاجت ممتعه جدا...لازم تجيبو فيها امتياز.... نصيحه زكروها من الكتاب ... وابقو راجعو المزكرات بتعاتها ليله الامتحان...... الماده دي حاولو ترفعو تقديركم بيها... لانها سهله وحرام متجبوش فيها تقدير منقوووول من منتدى هندسة المنصورة
__________________
|
|
#14
12-08-2009, 11:54 AM
|
||||
|
||||
|
اقتباس:
يا نهار
إيه ده يابني علي فكرة إنت كده سهلتها عليهم  زاكروا كل المحاضرات احضروا كل المحاضرات احضروا كل السكاشن بجد بجد بجد جبت جديد يا عم والله أنا أعرف ناس مبيفوتوش محاضرة و شالوا مادتين و نص و ناس والله عمرهم ما شافوا الدكاترة جايبين جيد جيدا يا شباب أهم حاجة إنكم متغلطوش غلطتي لازم تذاكروا هتقولولا ما إحنا لازم هنذاكر هقولكم لأ الجامعة عالم تاني غير الثانوي هتتفتحوا علي حاجات مشوفتوهاش قبل كده اللي هيحط في دماغة الدراسة و مش هيفكر في لعب ودلع هو ده اللي هيقدر بإذن الله و تذاكروا مش يعني تموتوا نفسكوا من المذاكرة لأ تخلصوا الجامعة و تعملوا اللي إنتوا عايزينوا و قبل ماتنموا تبيضوا اللي كتبتوا في المحاضرة أنا بقولكوا تبيضوا بس مش تذاكروا يعني تكتبوا في كشكول لواحده بخط حلو عشا نأساسا مش هتعرفوا تلحقوا الدكاترة و تيجوا يوم الرست اللي هو الخميس والجمعة عند معظمكم تذاكروا اللي بيضتوه بإيديكم مش هياخد ساعة عشان بيدوا في الأول كميات قليلة هتيجوا علي الميد ترم عارفين كل حاجة وتراجعوا بس و هتحسوا بثمرة الكلام ده في الميد ترم و إبقوا طمنونا عليكم في أمان الله
__________________
Mahmoud Wafaay
Control - Engineer Mansoura university  |
|
#15
12-08-2009, 11:37 PM
|
|||
|
|||
|
اقتباس:
و على العموم كلامك صح وكلامى صح والخلاصه just do what do you supposed to do
__________________
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 11:42 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
