شارك و انصر دينك

[راجى شفاعة الحبيب]

بسم الله الرحمن الرحيم

قال تعالى :"وادع الى سبيل رك بالحكمة و الموعظة الحسنة" .
و باذن الله احنا لازم يكون لنا موقف
انا اقصد احنا لازم نعمل حاجه لديننا ولا احنا هنفضل عايشين كده يعنى؟؟؟
طيب نعمل ايه؟؟؟
انا جتلى فكره كويسه و بفكر انفذها بس انا طبعا مش هقدر اعملها لوحدى
فأنا محتاج مساعدة حضراتكم
حد يسأل و يقول ايه هى الفكره دى
انا باذن الله ناوى اعمل جروب ع الفيس بوك يكون بهدف الدعوة الى الله والى الاسلام وده هيكون عن طريق ايه بقى؟؟؟
يعنى مثلا اول حاجه نعرف الغرب مين هو محمد (صلى الله عليه و سلم) و نعرض في الجروب ده مواقف من حياته (صلى الله عليه و سلم) و ازاى كان رحمة للعالمين _و منه كمان نصره للنبى عليه الصلاة و السلام و زيادة الخير خيرين_
و بعدين مواقف عن الاسلام عامة و الغزوات _علشان نرد على اللى بيقولوا ان الاسلام انتشر بحد السيف _ و كمان لازم نحط نماذج من الصحابه و السلف الصالح و نقول ازاى الاسلام رباهم لعند اما بقوا قاده حكموا الدنيا ..
بس ايه رأيكم: نسمى الجروب ده ايه؟؟؟؟؟؟؟؟
انا لقيت اسم كويس و هو اسم كتاب العلامه ابو بكر الجزائرى"هذا هو الحبيب"
ولو فى اسم احسن عند حد يبقى مشكور لو يقوله.......
طيب ايه الشروط؟؟؟؟؟؟؟؟
اولا : يكون عندك اكونت ع الفيس بوك
ثانيا : تكون بتتكلم انجليزى كويس جدا _لان الموضوع هيكون للاجانب_ و طبعا اللغات التانيه لو موجود حد يترجم لها يبقى مشكور و لو مفيش مش مهم اوى_طبعا اتمنى يبقى موجود_ بس الانجليزى اهم طبعا لان معظم بلاد العالم هو اللغه التانيه لها
طيب و اللى مالوش فى اللغات ....... طبعا ممكن يكون معانا
احنا برده يبقى عيب علينا نبذل الجهد ده للاجانب و ننسى اخواتنا فى العروبه
فممكن نخلى الموضوع ده قسمين(عربى و انجليزى)
و طبعا انتم مش محتاجين انى اقول لكم لو ربنا اكرمنا وواحد بس اسلم على ايدينا الخير اللى هنكسبه قد ايه
و الله بالدنيا و ما فيها ... و نطمع باذن الله يكون مش بس واحد لأ كتييييييييييييييير
ثالثا: باذن الله اللى هيحط موضوع او حديث او خاطره او قصه لازم يكون متأكد منها_مش عاوزين فضايح قدام الاجانب _
رابعا: يكون لبق فى الكلام و عنده خلفيه كبيره بامور الدين و ممكن كمان نطلب ان يكون عنده سرعة بديهه لان اكيد باذن الله فى ناس هيراسلوك _ده باذن الله لما يقتنعوا بكلامنا_
ان شاء الله هنبدأ امتى؟؟؟؟
ان شاء الله يوم 26/6/2010 ليه اليوم ده بالذات؟؟؟
ده اليوم اللى باذن الله هخرج فيه بكفاله من سجن الثانويه بكفاله لعند اما سنه 3 تيجى
و من هنا لما اليوم ده ييجى ياريت اللى يحب يشترك يكتب مشاركه و يبدى رغبته و مرحبا بكم جميعا
وطبعا الدعوة عامة_شباب و بنات_
و ده اميلى للى يحب يراسلنى شخصيا
R3mind
ولو فى اى مقترحات ياريت تقدموها
و ربنا يوفقنا لما يحب و يرضى
على فكره الايميل ده ع الهوت ميل
اخوكم
احمـــــــــــــد

[راجى شفاعة الحبيب]

طبعا اللى عنده خبره فى الفيس بوك يعرف ان مفيش اقسام جوه المجموعات لكن انا عندى فكره للتنظيم علشان الدنيا نتبقاش سايحه و ان شاء الله هتعجبكم
و هقولها باذن الله بعدين
بس يا جماعه ان شاء الله عاوز عشرين واحد_انا واحد منهم_ علشان الفكره دى
انا طبعا بتكلم على اللى هيكتبوا باللغه الانجليزيه
اما الجماعه اللى هيكتبوا بالعربى العدد مفتوح
.................................................. ..................
و على فكره هما هيبقوا 2 جروب مش واحد
واحد للعرب
وواحد للاجانب
يا جماعه باذن الله عاوز اخلص امتحانات الاقى ناس كتير معايا
الله معايا و معاكم

[راجى شفاعة الحبيب]

على فكره الموضوع ده انا حطيته فى قسم الشاب المسلم
وانا ان شاء الله هتابعه من هناك
و برده موجود باذن الله ع الميل
عاوز مشاركه معايا