قسم خاص بالمدرسين المتعاقدين

[Observer]

هذا القسم يتناول كل ما يهم المتعاقدين من أخبار جديدة وآراء ومقترحات وموضوعات

ويناقش هموم المتعاقدين ومشكلاتهم والمواقف التى تقابلهم وكافة القضايا التى تثير

إهتمامهم كإمتحانات الكادر والتثبيت وخلافه ...

بإختصار هذا القسم سوف يكون بمثابة نقابة رسمية للمتعاقدين فى هذا المنتدى

وساحة مفتوحة للنقاش والحوار وإبداء الرأى والمناقشة

وركن يجمع آمالهم وآلامهم أيضاً ، وكل ما يخصهم من أخبار ....

فرجاء كل من لديه سؤال أو إستفسار أو خبر أو رأى أو معلومة حول مدرسى التعاقد
فى مصر أن يطرحه هنا

وشكراً ..

[أ/ هشام العيسوى]

وانا معاك استاذ كوماندا
لازم يكون لنا قسم يلمنا بدل ما حنا متبعثرين فى المنتديات
ويكون له مشرف همام ياتى بالاخبار قبل صدورها!!!

[(هند)]

السلام عليكم
فكرة رائعة ياريت بجد تتنفذ

[سها أحمد شوقي]

[يااريت لو عندك تقارير التقييم للموجه ومدير المدرسه
تبعتيهالي

[ممدوح مصطفى الانصارى]

مستر / محمد فوزى( komanda)
شكرا جزيلا على اهتمام حضرتك
باخبار الزملاء المتعاقدين ومشكلاتهم
خالص التحيات والتقدير

[الشوربجى112]

اخوكم احمد الشوربجى من الشرقيه متعاقد فى 2/7 مدرس عربى ليسانس دراسات اسلاميه
طبعا مدرس فى التربيه والتعليم مش فى الازهر
انا مرتبى قبل زيادة مايو 322 جنيه بس بيقولوا ن فى القهليه المرتب 348 جنيه ارجو تاكيد المعلومه :f riendsxs3:
الشوربجى للاعلان الراقى باولادصقر شرقيه

[الأستاذ حمدي]

جزاك الله خيراً .. فكرة رائعة !
لكن أين هو القسم الجديد أم أنك تقصد هذا الموضوع ؟

[(هند)]

السلام عليكم
مبروك التثبيت يارب نبدا بقه انا هروح المديرية بكرة ان شاء الله واتى لكم باول خبر ان شاء الله

[العروبة2]

أولاً شكراً على فكرة الصفحة الخاصة بنا
وشكراً للأستاذ هند ويا ريت فعلاً تأتي لنا بالخبر اليقين وجزاك الله خيراً

[salama201043]

السلام عليكم
فكرة رائعة ياريت بجد تتنفذ

[Observer]

طب يلا يا جماعة كل واحد فينا يبدأ بتقديم نفسه

عشان نعرف بعض أكتر ويكون فى تفاهم وتواصل أكثر بين الجميع

وهابدأ بنفسى

أنا محمد فوزى مدرس لغة إنجليزية متعاقد بالأزهر 2006

خريج تربية الأزهر بالقاهرة

وعندى عقدة متعقدة من التعاقد

ياريت كل واحد يدخل يكتب عن نفسه عشان نعرفه أكتر

وأهم حاجة يشارك فى الموضوع دة ولو بكلمة

اتفضلوا يا جماعة ...

[مسيو عاطف]

فكرة حلوة
انا اسمى / عاطف عبدالشافى احمد
سوهاج- البلينا
تربية فرنسى
متعاقد 2007 بس فى الابتدائى(ههههههههههههههههههههه)
اقوم بتدريس عربى وحساب والعاب لتالتة ابتدائى(جسبى الله ونعم الوكيل)

[ممدوح مصطفى الانصارى]

المشاركة الأصلية كتبت بواسطة مسيو عاطف

فكرة حلوة
انا اسمى / عاطف عبدالشافى احمد
سوهاج- البلينا
تربية فرنسى
متعاقد 2007 بس فى الابتدائى(ههههههههههههههههههههه)
اقوم بتدريس عربى وحساب والعاب لتالتة ابتدائى(جسبى الله ونعم الوكيل)

ولا يهمك يا مسيو
وبأمر الله ربنا يفرجها على حضرتك
وكل الزملاء قريبا .
اللهم نسألك الفرج وحسبنا الله ونعم الوكيل .

[أبوطالب82]

فكرة جميلة بس مقترحاتنا توصل للمسئولين

[Observer]

أنصح إخوانى المدرسين المتعاقدين باستغلال أجازة الصيف وعمل شهادة
ICDL
لأنه اكيد هنحتاجها فى يوم من الأيام سواء فى شغل أو سفر للخارج لمن يريد السفر و احتمال كبير يطلبوها فى حالة التثبيت.

أنا شخصياً عملت ال skill card بتاع الإختبار ويوم الثلاثاء إن شاء الله هدخل اختبار اول موديول فى ال ( IT ) بس ادعولى ربنا يسهل ، وياريت أى حد عمل الشهادة دى يقول عملها فين وازاى ويدل باقى الزملاء على المكان المعتمد اللى عملها منه ..

عليكم بال ICDL قبل الزحام وفوات الأوان
وشكراً ...