افضل وظائف السياحة والفنادق

[sympathique]

1- قسم ادارة فنادق (دراسات فندقية)


تعد الدراسة فى قسم ادارة فنادق من وجهة نظرى المتواضعة من افضل الدراسات بانسبة للاقسام لان مجال العمل بالنسبة لقسم ادارة فنادق واسة بشكل كبير اوى.

حيث ان الحاصل على بكالوريوس سياحة وفنادق قسم ادارة فنادق

يستطيع العمل فى اى قسم من اقسام الفندق المختلفة .

ويحق للحاصل على بكالوريوس السياحة والفنادق شغل الوظيفة الشاغرة بدلا من الحاصل على المعاهد الخاصة للسياحة والفنادق وبمرتب اعلى .

ومن مجالات العمل :
1- العمل فى المطعم والتدرج فى الوظائف الى ان توصل لمدير مطعم او مدير قاعة او مدير حفلات .
2- العمل كوظف فى المكاتب الامامية ويشترط ان تكون متمكن فى اللغة الانجليزية بشكل رئيسى ولغة اخرى على الاقل ويفضل ان تكون لغة منفردة كالروسى او الاسبانى او اى لغة اخرى حيث ان ذلك يوفر عليك كثيرا فى التدرج فى الوظائف داخل الفندق وفى القسم الذى تنتمى اليه؟

3- العمل كطاهى فى قسم المطبخ(شيف) وذلك يشترط ان تكون على قدر من السرعة فى الاداء ومتمكن فى عمل الوجبات وللعلم الكلية بتقوم بتدريب الطالب على كل ذلك وبيكون عنده خلفية كبيرة اوى عن جميع الاصناف .

4- room service

قسم دراسات سياحية


قسم الدراسات السياحية بياهل الطالب او الطالبة للعمل فى شركات السياحة وشركات الطيران كموظف لحجز التذاكر وايضا كوكيل سياحى وموظف بيع رحلات وايضا الطالبة ممكن تشتغل فى خطوط الطيران كمضيفة وايضا يشترط اللغة فى ذلك والحصول على كورس اماديسو وجاليلو وللعلم شركات الطيران المصرية بتعمل بنظام جاليلو.
وياجماعة دى وظائف جميلة اوى اوى .


قسم ارشاد سياحى


طبعا الجميع بيتمنى دخول هذا القسم نظرا للاسم اولا القسم جميل اوى اوى والضغط بيكون عليه كتير اوى
والوظيفة اللى ممكن تعمل بها بعد حصولك على البكالوريوس هى انك تعمل كمرشد سياحى وده اللى بيتمناه الجميع .

فيه اشياء عايز اوضحها لكم وللطلبة اللى عايزين يدخلوا الكلية

قسم الارشاد السياحى :
بعد حصولك على البكالوريوس بيكون هناك اختبار فى نقابة الارشاد السياحى والاختبار ده بيكون تحريرى وشفوى للحصول على كارنيه النقابة .

وبتحصل على الكارنيه لمنطقة محددة بعينها مثل منطقة الاهرام فى القاهرة او ممكن المعابد فى الاقصر او اسوان او وادى الملوك وغيرها من المناطق الاثرية فى مصر.

بمعنى انه بعد حصولك على الكارنيه لمنطقة الاهرامات لايجوز لك العمل فى الاقصر او اسوان والاتعرضت للمساءلة القانونية.
ولكن عندما تكون الشركة فى حاجة الى مرشدين سياحين لتغطية الافواج السياحية تقوم بعمل تصريح للمرشد بالمنطقة بعينها وذلك منعا للتعرض للمساءلة القانونية.

ولا بد ان تكون مجيد للغة الانجليزية بشكل رئيسى بس ياجماعة فيه حاجة عايز اوضحها احنا دلوقتى بندرس انجليزى اكثر من 11 سنة يعنى المفروض مش هقول ان احنا نكون تمام اوى فى الانجليزى بس المفروض نكون كويسين فيه ونعرف نتكلم ونحاور الاخرين يعنى بصراحة انا بنصح باخذ لغة تانية + الانجليزى لانه الاساس.

قسم الدراسات السياحية :
الحصول على دورة icdl واتقانها وذلك ضرورى للعمل فى مجال شركات الطيران والسياحة بالاضافة الى اللغة والاشياء التى ذكرتها سالفا.

قسم ادارة فنادق:
القسم ده بيحظى باهتمام كبير اوى فى الكلية بس فيه حاجة عايز اوضحها ان دراسة المطبخ اساسية فى هذا القسم بمعنى ان الطالب اللى مش بيحب المطبخ ميدخلش القسم ده؟
ويقوم قسم المطبخ فى الكلية بعمل الوجبات امام الطلاب ومشاركتهم فى العمل وعمل جميع الاصناف من لحوم واسماك وخضار وارز وحلويات وغيرها .

وايضا هناك المطعم وبيتم التدريب على اكمل وجه فى المطعم ومعرفى طريقة التقديم المناسبة للمطعم حيث ان هناك الخدمة على الطريقة الامريكية والخدبمة بالسرفيس الفضى وخدمو الجريدون وغيرها من الخدمات ولكل منها خصائصها.


ثم ان الكلية بتقوم بتدريب الطلاب لمدة شهرين كل سنة بعد انتهاء الامتحانات وذلك يتيح للطلاب معرفة وطبيعة العمل فى مجال السياحة واكتساب الخبرات ؟

اكرر مرة اخرى فيه وظائف كتيرة اوى .

[Eslam_Tourism]

الله عليك بجد .

يا ريت تشاركنا علطول .

وياريت اى حد عنده معلومة يحطها عشان كلنا نستفيد .

[sympathique]

ياريت ياجماعة تشاركونا بالرد علشان نعرف هل فيه نا معانا ولا لا

وهل فيه ناس فى الكلية دى ولا لا

مش معقول نكتب مواضيع ومحدش بيرد ويقول لنا رايه ويعرفنا معلومات تانية

[Eslam_Tourism]

اللى فى كلية السياحة هنا كتير بس ببيخشوا المنتدى قليل .

بس بعد نهاية امتحانات الثانوية العامة هتلاقى قسم الجامعات كله اتملى .

[sympathique]

المشاركة الأصلية كتبت بواسطة eslam_tourism

اللى فى كلية السياحة هنا كتير بس ببيخشوا المنتدى قليل .

بس بعد نهاية امتحانات الثانوية العامة هتلاقى قسم الجامعات كله اتملى .

والله انا بتمنى ده لان انا كمان فيه حاجات تانية عايز اعرفها د
لان اكيد هما عندهم معلومات تفيدنا

[reda_mafia50]

انا رايح تانيه وداخل قسم درسات فندقيه

[sympathique]

ايوة يارضا انا معاك فى 3 دراسات فندقية

وشكرا على مرورك الطيب

[ebrahim kamal]

انا داخل 3 ارشاد سياحى
وبالنسبة للكلام على موضوع المقبلة علشان كرنية النقابة دا
اكيد اللى هيشتغل فى مجال الارشاد دا هيكون اللغة عندك كويسة جدا علشان دا كل التعامل بتعتة هتكون عن طريق اللغة الاولة بتعتة وعلى فكرة انا اعرف مرشد سياحى قريبى كان الانجليزى بتاعة مش كويس اوى بس كان اللغة الاولة بتعتة هى الالمانى وعملولو انترفيو باللغة الاولة بتعتة اللى هيشتغل بيها وهى الالمانى
فأكيد يا اسراء اللى داخل علشان ياخد كرنية النقابة ويشتغل مرشد اكيد هيكون اللغة بتعتة كويسة جدا
ونصيحة للى دخلين قسم الارشاد يحولو يخدو كورسات بدرى علشان يعرفة يخلاصو اللغة بدرى ويكونو كويسين جدا فى اللغة قبل التخرج واكيد لما يخرجو لمناطق اثارية ويحولو يكلم السياح اللى بيتكلم مفس اللغة اللى بيدرسوها دا هيفدهم جامد

[riham_eg]

انا مش بحب المطبخ ولما ان شاء الله لما اقبل فى الكليه واخلصها مش عايزه ابقى ريسبشنست او روم سيرفس طبعا او مضيفه
يبقى المفروض ادخل قسم ايه
وعايزه اعرف لو انت مثلا قدمت فى مكان معين انت اللى بتختار ممكن تشتغل ايه ولا بتروح حسب احتياجات المكان اللى انت مقدم فيه
ولا بيكون حسب المتاح والوظيفه اللى قدامك وخلاص

[sympathique]

فيه دراسات سياحية وفيه ارشاد سياحى زى ماقولنا

اما بالنسبة للو ظائف فدى بتاعتك انتى حسب اللى معاكى وتاهيلك لنفسك

[memo 4 ever]

انا لسه رايح اولى وبجد محتاج خبرة الناس ال ف الكلية و ال اتخرجو منها

[سياحة وسفر]

للعلم شركات الطيران المصرية بتعمل بنظام جاليلو

تصحيح بسيط خطوط الطيران الوطنية مثل مصر للطيران والخطوط السعودية ... الخ تستخدم نظام اماديوس وهو النظام المنتشر حاليا في مصر والدول العربية ياتي بعده جاليليو ثم سيبر وورلد سبان

متابعينك بكل حب

[حسناء2012]

ممكن الى يعرف معلومات عن معهد سياحة وفنادق يقولى هو بيقبل من كام وهل ممكن التحق بالكلية بعد المعهد ولا بشتغلى وهل ممكن اشتغل فعلا بعد المعهد ياريت حد يفيدنى

[elalmy25]

طب هو التخصص من سنة كام

[محمد طارق 1]

حلوان من اولي