ماذا عن الساعات المعتمده في مودرن اكاديمي

[ابمن محمد سعد]

ياجماعه دلوقتي انا كنت محتار ادخل ايه
ف فكرت في مودرن اكاديمي شعبه هندسه
بس لما جيت اكتبها في الرغبات لقيت مكتوب جنبها نظام ساعات معتمده 325 للساعه الواحده + 502 مصاريف اضافيه
عايز افهم بقي ايه الساعات المعتمده دي
ياعني قصر الكلام هتاخد قد ايه ف السنه كده
انا مش فاهم حاجه ف موضوع الساعات المعتمده دي
ياريت التوضيح جزاكم الله كل خير

[mido13216]

بص ياسيدى نظام الساعات دا كويس جدا لانك بتختار الجدول الدكاترة المواد وكمان مش هتعيد السنة لو شيلت اكتر من 3 مواد وعن الدراسة فمودرن فهى جد ومفيش هزار لو ناوى تذاكر ادخل لو ناوى تعتمد انك بتتعلم بفلوسك يعنى هتنجح هتنجح اتكل على الله وروح اكاديمية طيبة وبالنسبة لمصاريف مودرن فهى 12500 جنية بتدفعهم على مرتين دا غير مصاريف الكتب وبتبقى حوالى 600 جنية ولو عايز تشترك فى الباص مصاريفه تقريبا 800 جنية وانا تحت امرك فى اى استفسار

[ابمن محمد سعد]

المشاركة الأصلية كتبت بواسطة mido13216

بص ياسيدى نظام الساعات دا كويس جدا لانك بتختار الجدول الدكاترة المواد وكمان مش هتعيد السنة لو شيلت اكتر من 3 مواد وعن الدراسة فمودرن فهى جد ومفيش هزار لو ناوى تذاكر ادخل لو ناوى تعتمد انك بتتعلم بفلوسك يعنى هتنجح هتنجح اتكل على الله وروح اكاديمية طيبة وبالنسبة لمصاريف مودرن فهى 12500 جنية بتدفعهم على مرتين دا غير مصاريف الكتب وبتبقى حوالى 600 جنية ولو عايز تشترك فى الباص مصاريفه تقريبا 800 جنية وانا تحت امرك فى اى استفسار

اولا شكرا لمرورك
ثانيا انا كده فهمت نص الحوار
بس النص التاني مش واضح
اللي هوه هل كل السنين هاتبقي 12500 جنيه ؟
ولا بتقل او بتزيد ؟
لان كده الدراسه بساعات الماده
فا اا ممكن يكون عندي السنادي 5 مواد بس السنه الجايه 7
يبقي السعر اختلف عن 12500
صح كده ولا انا غلطان ؟
ياريت معلومات اكتر عن الاسعار في السنين وهل ممكن اول تاني سنه لاي معهد
وشكرا لحضرتك

[mido13216]

بص ممكن اكيد تحول لاى جامعة خاصة او معهد خاص بعد كدا وبالنسبة للمصاريف هتبقى تقريبا نفس الفلوس كل سنة والزيادة والنقصان هيبقوا قليلين

[ابمن محمد سعد]

الموضوع معقد
المشكله ان انهم بيختاروا التخصص من اول سنه
وكامن ماعندهومش مدني
وانا عايز احول تاني سنه السلاب
ومش عايز فرق مواد كتير
ياعني ماشيلش اكتر من ماده لما احول السلاب
زي التحويل من العريش للسلاب بيشيل حاسبات لانه مابيكونش خدها ف العريش
انا متلخبط ومش عارف اعمل اييييييييييه
انا جايب 83.5 وعايز معهد خاص قريب من المنصوره او مش ف العريش ياعني

[nonaaz]

انا اتصلت على السلاب قالو بنقبل التحويل من اي معهد بس يكون نظام الترم يعني مش الساعات انا قدمت اكاديميه الصفوه نفس التخصصات بتاعت السلاب

[hamada966]

يعنى ايه اتحبسنا فيها ومش هنعرف نحول خلاص لا اله الا الله سترك يارب اللى اتكتب اتكتب هنعمل ايه قل لن يصيبنا الا ما كتب الله لنا اللى ليه نصيب فى حاجه هيشوفها

[mohamed13gamal]

طاب حد يعرف حاجه عن قسم اتصالات فى مودرن .لان الشروق مش عايزه اتصالات السنه دى

[شاب 1]

بص يابني من اوسخ الكليات هندسة مودرن كلها شفط فلوس حلب فلوس ورئيس المعهد دة قليل الادب وغير متعاون طوسون والورش باللغة الانجليزية وهي والانتاج مواد معقدة جداا باللغة الانجليزية الفيزياء ضخمة جدا جداا والسقوط فيها ايةةةةةة نار يابني خش الشروق خش امبابة اي معهد الا المودرن انجليزي واقسام سيئة جداااا انتاج عمارة اتصالات دة غير العقد النفسية بتاعت الفنية العسكرية مواطن غير عا دي اهربوا اهربوا بسرعة فلوسك حتضيع اشتري بلاطي 600 جنية تشيل مادة 2000 جنية تنجح في مادة تدريب صيفي 3000 جنية ولاهي سرقة والنجاح في الساعات المعتمدة من 65 في المية يانهار اسود وبيعاملك علي انك اية خبير المجمع اللغوي في اللغة الانجليزية