انا نادمة انى دخلت الكادر هذا العام

[nermeen68]

المدرسين استفادوا من الاسئلة بتاعة اليوم السابق يبقى كان الأفضل ننتظر للعام التالى حتى نستفيد من تجربة هذا العام وخصوصا اننا حصلنا على الاسئلة يوم بيوم من المنتدى . يبقى حرام والله ان اللى دخلوا هذا العام يتساووا بالذين سيدخلون العام القادم . ولا ايه رايكم؟ ياريت تردوا على

[mahroking]

والله يا نرمين كله فى النهايه متساوى وربنا يقدم ما فيه الخير

[برجاوى]

ولا يهمك السنه اللى جايه تدخلى وانتى عندك خبره

[e_a]

نعم نكرة الحكومه نعم نكره الظلم نعم نكره الحياه في هذا البلد كادر ايه الي ها تناقشه ما خلاص المدرس انفضح واصبح مصدر للسخريه دلوقتي الي عايز يسخر او يقول نكته بيقول علي المدرس الي راح امتحان الكادر وهو واخد معاه ورقه نتيجه كرتون يسند عليها...المدرس انتهي واتحدي ان هيبه المدرس ترجع تاني مهما حصل حتي لو وصل مرتبه عشره الاف جنيه ..نعم نجحت الحكومه في القضاء علي ماتبقي في العمليه التعليميه برافووووووووووووو حكومه الظلم

[e_a]

مش كادر يادكتور.. حاجة تكسف . لامانع من التطوير ,ولامانع من الاصلاح ,لكن اى اصلاح .صحيح هناك البعض من المدرسين معدومى الضمير ,ولكن هذه ليست قاعدة تعمم على المدرسين .فكل الوظائف فيهامن المنقى ياخيار (كمكا يقول المثل)ولكن الحكومة بتدارى خيبتها فى المدرسين ,والدروس الخصوصية .ما تشوفوا المناهج الغبية ـ المتخلفة التى تدرس فى المدارس.

[greatmaster]

يا ستى ربنا يوفقك وتنجحى من الدور الاول (السنه دى)

كل عام وانتم بخير

[soma20202000]

أوعوا تكونوا صدقتوا المسلسل البايخ بتاع الكادر ده .................. كله بطيخ

[nermeen68]

عمركم شفتو امتحان مش عارف هتذاكر له ايه؟ ولا درجة النجاح من كام؟ ولا هيحصل ايه للى هيسقط فيه؟ عشان كدة انا نادمة انى دخلته لانى حاسة كأنى منصوب لى فخ وربنا المستعان

[فاتنة]

عندك حق انا كمان نادمة انى دخلت بعد المهازل اللى شفناها فى الامتحان اقصد امتهان الكرامه
وحسبنا الله ونعم الوكيل

[محمود عيطة]

إن شاء الله خير و لاوقت للندم وشهر الطاعة و الغفران و الرحمة على الأبواب
أعتقد أن الالتحاق و التثبيت على الكادر ليست هي النهاية و ربنا يستر على مابعد التثبيت
إ

[D.Ayman Hassan]

معلش يمكن فيها الخير

[مرمر مجدى]

يمكن كلة ينجح هذا العام لاثبات نجاح التجربة

[tahaeg]

اصدق التحايا للجميع وكل عام وانتم بخير

[رمضان كريم]

انا غير موافق ياجماعة احنا دخلنا السنه دى وعرفنا ايه اللى بيحصل فى اللجان وده كان تدريب للعام القادم يعنى دخلين دخلين امتحانات اغسطس يعنى داخلين ونعتبر نفسنه ان احنا جبنا ملاحق وهنمتحن مع الدور الثانى للثانويه

[marodewedar]

قدر الله و ما شاء فعل

اختي في الله لا تحزني علي شيء قد مضي

و استبشري دوما خير