سلطنة عمان تطلب معلمين انجليزى جدد

waheed hilmy · #1 14-11-2012, 08:34 PM

السلام عليكم
انا معلم رياضيات من محافظة المنيا حاليا متواجد فى سلطنة عمان تبع المسابقة الماضية
المعلمين الاشقاء من تونس تقدم 330 منهم من معلمى اللغة الانجليزية باستقالتهم لان الراتب بالنسبة لهم غير مجزى لان الريال يساوى 4 دينار تونسى اما بالنسبه للممصرين الريال يساوى 2.6 دولار او يساوى 15.60 جنية مصرى الراتب هنا مناطق 425 ريال ومناطق اخرى 455 ريال وبالنسبة للمصاريف ممكن الواحد يصرف فى حدود 35 ريال شهريا والاتصال هنا الدقيقة فى حدود 75 قرش مصرى يعنى الكارت بريال يعطى 20 دقيقة لاى دوله فى العالم : دى كل المعلومات للى محتاج يعرف المهم التقديم من على النت الاعلان كان نازل فى جريدة زميل لى فى مصر قدم وهو اللى بلغنى اما الاستقلات دى انا متاكد منها
على فكرة هنا مفيش تعليم نهائيا والطلبه كانهم غير موجدين فى الفصل دة بالنسبة لمحافظة ظفار او صلالة والجو هنا ذى مصر بالظبط ( اقل مدرسة فى عمان بها ما لا يقل عن 20 مدرس مصرى والباقى توانسة )

ALERT · #2 14-11-2012, 09:11 PM

مشكور ولكن ممكن موقع التقديم على النت؟

naylovepoet · #3 14-11-2012, 10:57 PM

ياريت والله الموقع

عبدالرحمن سيد اللورد · #4 15-11-2012, 12:54 AM

ازززياك ياووحيد انا عبدو الفشنى وحشنى موووووووووت عايز معلومات اكتر عن الكلام دة وطمنى عليك ضروري

waheed hilmy · #5 15-11-2012, 10:06 AM

اخبارك يا حج عبد الرحمن التقديم من على نفس الموقع القديم

عبدالرحمن سيد اللورد · #6 15-11-2012, 10:48 AM

الموقع مغلق ياريت تعرفنى اسم الجريدة والف مشكور

محمد الرج · #7 15-11-2012, 04:49 PM

اخى الفاضل سؤال للاهمية هل يتم تدريس اللغة الفرنسية فى مدارس عمان لانى مدرس فرنسى وليا ناس فى عمان ممكن يجيبولى عقد والعقد بيصرف كام ؟
ارجو الرد للاهمية

waheed hilmy · #8 15-11-2012, 05:03 PM

مفيش لغة فرنسية هنا فى عمان اما بالنسبة للعقود معنديش علم لانى طالع تبع التوظيف مش خاص

shosho_muslima2000 · #9 15-11-2012, 08:59 PM

ازيك يا مستر وحيد عامل ايه انا مس شيماء اللي كنت مع حضرتك في الغرباوي مدرسة الانجليزي والله انا فرحانة جدا ان احنا اطمنا عليكو بس معلش عايزة اسالك هي المسابقة دي طالبة مدرسين فقط ولا مدرسين ومدرسات ارجو الرد ضروري

عبير الرووووح · #10 16-11-2012, 11:08 AM

اقتباس:

المشاركة الأصلية كتبت بواسطة shosho_muslima2000

ازيك يا مستر وحيد عامل ايه انا مس شيماء اللي كنت مع حضرتك في الغرباوي مدرسة الانجليزي والله انا فرحانة جدا ان احنا اطمنا عليكو بس معلش عايزة اسالك هي المسابقة دي طالبة مدرسين فقط ولا مدرسين ومدرسات ارجو الرد ضروري

ع فكره انا اسفه انى اتدخلت ف الكلام ال انتى موجهاه للاستاذ وحيد بس كانت عندى معلومه بخصوص سؤالك وده عن تجربتى بالاعلانات والمسابقات ال بتطلب مدرسين للتعاقد
ال اعرفه ان سلطنه عمان مش بتتعاقد مع مدرسات اناث للغه الانجليزيه وممكن اجيبلك كل الاعلانات لسفاره سلطنه عمان للسنين ال فاتت وتتاكدى بنفسك.... دايما عمان بتطلب تخصص لغه انجليزيه ذكور فقط لانها عندها اكتفاء دايما بتشغل العمانيات تخصص لغه انجليزيه .... ولو هتتعاقدى فى عمان يبقه مفيش غير الخاص وطبعا الخاص مش هيجيب همه
اما لو تعاقد حكومى تابع لسفاره الكويت او البحرين او الامارات بيطلبوا دايما الاناث اكتر ولو انتى مهتمه بالجانب ده انا ممكن ابلغك باى جديد من خلال الاعلانات ال انا بتابعها باستمرار لانى مهتمه جداااااااا بالموضوع ده ليا كذا سنه واخدت خبره بمواعيد وشروط الاعلانات دى....