|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
27-06-2008, 02:02 AM
|
||||
|
||||
اضحك مع امتحان اللغة العربية
السؤال الأول: التعبير
اكتب ما لايقل عن 650 سطر فى أحد الموضوعات التالية لم يجد الطفل غير الشارع ملجأ نظرا لحالة البلد الهباب.. فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز بعد انتشار ظاهرة أكل لحم الكلاب والحمير..من وجهة نظرك تكلم عن هذه الظاهرة ومن المتسبب فيها بدون غلط..الورق متراقب ــــــــــــــــــــــــــــــــــــــــــــــــــ ـــــــ السؤال الثانى: القصة من قصة ' وعهد الله ما انت داخل الانتخابات' .. اقرأ القطعة وأجب عن الآتى ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة.. مش كفاية بتاكلوا لحمة ومستورين.. عايزين إيه تانى؟ ما هى اللحمة؟ أو على الأقل حدد أقرب معنى خيالى لها مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت لماذ ضربه الرجل بالجزمة وليس بالعصى مثلا؟؟ أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة بس مش فى الضرب.. افهم انت بقى اختر حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا ــــــــــــــــــــــــــــــــــــــــــــــــــ ــــــــــ السؤال الثالث القراءة من موضوع ( الزعيم..والفنان.. والقدوة) اقرأ القطعة وأجب وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟ ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟ دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟ أكيد معزوم – طبيعى معزوم – وربنا معزوم.. اختر على أن تضع إيدك على المصحف وانت بتحلف للمراقب بتاع اللجنة ــــــــــــــــــــــــــــــــــــــــــــــــــ ــــــــــــ السؤال الرابع النصوص أجب عن أحد النصين الآتيين من نص ( ماشربتش من نيلها)..اقرأ ثم أجب ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر.. ما المقصود بنيلها فى النص؟ المسيسبى - الأمازون – يونج يانج هذا النص من نصوص الحزب الوطنى والدليل وجود اسم مهم من قيادات الحزب فى النص. استخرج الاسم..وبوسه من بُقـُّه ورجَّعُه مكانه أكمل الأبيات إلى آخر كحكة فى الكليب قوبل النص بانتقادات بسبب بعده عن الواقع.. وضح من النص ما يتفق مع القول المأثور اطبخى ياجارية .. كلف يا سيدى ــــــــــــــــــــــــــــــــــــــــــــــــــ ـــــــ من نص (حين ميسرة)..أجب عن الآتى اذكر اسم مصيبة واحدة محصلتش فى النص الأسود ده وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى فى نصى ويجا وخيانة مشروعة وضح خالد يوسف هستيريا الجنس فى الطبقات الغنية.. وفى نص حين ميسرة وضح خالد يوسف هستيريا الجنس فى الطبقات الفقيرة.. عشان خطرى.. اذكر مع كامل البيانات أماكن هذه الهستيريا فى المعادى سبب وجود الشرطة كل خمس دقائق فى النص موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص اختر ــــــــــــــــــــــــــــــــــــــــــــــــــ ـــــــــ السؤال الخامس النحو أعرب ما تحته خط.. لو مالقيتش القطعة أصلا ..اتصرف ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا لا تروح في داهيه كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده فُرِضت الضرائب علينا ببشاعة ..أعرب الجملة .. وارفع الضرائب أبوس إيدك ــــــــــــــــــــــــــــــــــــــــــــــ السؤال السادس الخط كوز المحبة انخرم..طرطش على كمى.. ياحبيبى بطل جفا وارحم عذاب امى اكتب الجملة السابقة ثلاث مرات بثلاث خطوط.. موبينيل وفودافون واتصالات.. كما يمكن التحويل من خط لخط بنفس الرقم.. فقط اتصل بخدمة العملاء انا عارف ان الموضوع ده مكانه مش هنا بس مش عارف المفروض مكانه فين ياريت ادارة المنتدى تنقله للمكان الصح |
|
#2
27-06-2008, 11:33 AM
|
||||
|
||||
:D:D:D أحلى حاجة فى الشعب المصرى انه بيضحك فى مواجهة اشد الازمات :D:D:D
|
|
#4
27-06-2008, 05:27 PM
|
||||
|
||||
|
جميل جداااااااااااااااااااااااااااااااااااااا
|
|
#6
28-06-2008, 02:17 AM
|
||||
|
||||
|
هو ده كان امتحان عربي ولا امتحان application لدخول ليمان طره
هههههههههههههههههههههههههههههههههههههههههههههه
__________________
Tiger, Tiger, burning biright
in the forset, in the night |
|
#7
28-06-2008, 02:21 AM
|
||||
|
||||
فعلا مصر بخير
هو ده كان امتحان عربي ولا امتحان application لدخول ليمان طره
هههههههههههههههههههههههههههههههههههههههههههههه
__________________
Tiger, Tiger, burning biright
in the forset, in the night |
|
#8
28-06-2008, 03:42 AM
|
||||
|
||||
|
فى ظل الثورة التعليمية الحادثة فى مصر أنا أتوقع ان ده امتحان 2009
__________________
 TO BE OR NOT TO BE *أذا لم تكن لقمتك من فأسك لن تكون كلمتك من رأسك*
|
|
#9
28-06-2008, 05:26 AM
|
||||
|
||||
|
nice topic
mokr2r
__________________
قالوا سكتُّ وقد خوصمتُ قلتُ لهم إنَّ الجوابَ لبابِ الشرِّ مفتاحُ والصمَّتُ عن جاهلٍ أو أحمقٍ شرفُ وفيه أيضاً لصونِ العرضِ إصلاحُ أما تَرَى الأُسْدَ تُخْشى وهْي صَامِتة والكلبُ يخسى لعمري وهو نباحُ 
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 08:56 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
