|
||||||
| كليات المجموعة العلمية (الطب البشري - طب الأسنان - الطب البيطري - العلوم الطبية التطبيقية - العلاج الطبيعي - الصيدلة - التمريض - العلوم - الزراعة) |
 |
|
|
أدوات الموضوع | انواع عرض الموضوع |
|
|
|
#1
01-08-2009, 08:19 PM
|
|||
|
|||
يبقى انت اكيد اكيد فى صيدله(تم اضافه حاجات جديده )
السلام عليكم ورحمه الله و بركاته .................................................. ........................ ازاى تكون متاكد 100 % انك فى كلية الصيدلة؟؟؟ .................................................. .  لما تبقى ريحتك *chemicals تقرف و الناس فى الشارع تبعد عنك و انت طالع من سكشن organic ولا الـ analyticalالـ و انت يا عينى مش عارف ليه  !!...يبقى انت اكيد اكييد فى صيدلة  ................................... لما ايدك تبقى ألوان الطيف كلها و صوابعك محروقة ..  يبقى انت اكيد اكيد فى صيدلة ...................................... لما يبقى البالطو بتاعك * "dirty" ( موضة يا اهبل  )من كتر الالوان اللى بتقع عليه, و يا سلام بقى لو مخرّم من الـ conc sulphuric مع انك مشتغلتش بـــيه اصلا !!! يبقى انت ايييييييييه؟ شاطر  باين عليك ف صيدلة............................................ لما تشوف وردة... بدل ما تشمها زى البنى ادمين ولا تقول سبحاااان الله... تقوم..( لأ مش تاكلها )تفكّر ياااا ترى دى من انهى family  ؟؟ و ياااا ترى ايه هو الـ active constituent بتاعها ؟؟ طب ممكن تيجى فى الامتحان؟؟؟ يبقى انت اكيد بتمووووت فى الـ cognosy  ......................................... لما تمتحن 55 مرة فى الترم..  عملى و نظرى و نظرى عملى و عملى عملى ..  لغاية ما تنسى ايه هى المواد اللى بناخدها اصلا.......  .. يبقى انت اكيد فى ( نسيت و الله ) .................................................. ... لما تمتحن نظرى نص السنة فى 28 يوم مع ان المواد 5 بس  !!! يبقى انت اكيد فى صيدلة .................................................. ........ و لما تقرر انك تتوب و تذاكر جامد جدا جدا و تدخل الامتحان  .. انك تفتكر كلمة!!! .  ... ابقى قابلنى..  و لو ربنا فتح عليك و افتكرت .. تطلع م الامتحان مزقطط و تعزم اصحابك على حاجة ساقعة ( طبعا الصيادلة مشهورين بالكرم  ).. يجيلك واحد رزل يراجع معاك (و انت مبسوط بقى)تكتشف ان كل حلولك غلط تديله بالازازة على دماغه ولا يحصله حاجة  !!! ... يبقى انت وهو ....اكيد اكييييييد فى صيدلة ............................................... لما ييجى دكتور يقولك ** فيه كلام هنسى اشرحه فى المحاضرة موجود عندك فى الكتاب.. حضرتك مطالب بيه فى الامتحان ... و فيه كلام هنسى اقوله فى المحاضرة و نسيت اكتبه فى الكتاب ... برضه سيادتك مطالب بيه !!!  يبقى انت اكييييد اكيد فى صيدلة!! .................................................. ........... و لما ييجى دكتور تانى ( من المفترض انه محترم يعنى ) يقول فى (وسط) المحاضرة : " ***** يا ......." (الرقابة حذفتها )يا اخى ده فى تجارة و حقوق اخرهم يقولوا للواد يا حمار  !!! يبقى انت اكيد اكيد فى محاضرة الدكتور ..... ( برضه الرقابة حذفتها ) معلش ................................... و اهم حااااجة بقى لما تكون علطووول.... مشمئنط لأ و كمان حاسس باشمئنااااط مفيش بعد كده و تحس ان الدكاترة و المعيدين كلهم مشمئنطين منك ... ................ الموضوع موجود ف جروب ع الفايس بوك الجروب فيه حاجات جامده كتير هنزلها ان شاء الله تابعوا معانا ف الردود و كان موجود هنا م فترة قولت اجيبه تانى للطليه الجداد اللى زى حلاتى مش قصدى احبط حد والله
دى كليه لذيذه جدا مع انى مجربتش لسه بس يلا ع رأى تيته ربنا يديها الصحه مفيش حلاوة م غير نار
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
آخر تعديل بواسطة Bent 3bdo ، 02-08-2009 الساعة 03:51 AM سبب آخر: بظبط حجات 
|
|
#2
01-08-2009, 09:41 PM
|
||||
|
||||
هههههههههههههههههه
مش عارفه كل اللى بيدخلو صيدله جديد مصريين ينزلوا التوبيك دا ههههههههههههه بصى بجد افتكرت التوبيك دا مره وانا خارجه من معمل تحليليه البالطو كان لونه ازرق هههههههههههه وريحته ماشاء الله وايدى ربنا مايوريكى جامد يانغم بس مش للدرجادى اوى اوى يعنى مره فى السنه بس
__________________
|
|
#3
01-08-2009, 10:30 PM
|
|||
|
|||
|
اقتباس:
بس التويك عاجبنى م ساعه م قريته السنه اللى فاتت ناويه انزل بتاع طب كمان و ف حبه اشعار لبتوع صيدله انزلهم بالمرة علشان نبقى داخلين ونفسنا مفتوحه
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#5
01-08-2009, 11:32 PM
|
|||
|
|||
|
اقتباس:
منورة التوبيك انا صيدله عين شمس
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#6
01-08-2009, 11:36 PM
|
|||
|
|||
|
اقتباس:
محدش عجبه حاله انا جايبه طب وعاايزنى اخش طب وانا مش عاوزة اقتباس:
بس ماتخبططتش ف اسنان قبل كده
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#8
01-08-2009, 11:23 PM
|
||||
|
||||
|
ههههههههههههه
والله توبيك جامد ياريت بأه بتاع طب الأسنان كمان
__________________
لا يحمل الحقد من تعلو به الرتب ,, ولا ينال العلا من طبعه الحسد ! ,
|
|
#9
01-08-2009, 11:50 PM
|
||||
|
||||
|
التوبيك يجنن ياقمر فعلا نفسنا نخش الكلية ونفسنا مفتوحة انا شفتة على الفيس بوك وفى حاجات تانية كتير حلوة علية والف شكر على تعبك معانا
|
|
#10
02-08-2009, 12:46 AM
|
|||
|
|||
|
اقتباس:
ده م ذوقك وولا تعب ولاحاجه هنزل الحاجات التاننبه بس واحده واحده مراعاه للحاله النفسيه للطلبه الجداد اللى انا منهم
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#11
02-08-2009, 12:35 AM
|
|||
|
|||
|
ابتسم انت في كليه الصيدلة !!!
عندما تعلم ان لديك محاضرة الساعة 8 صباحا و جميع الكليات حولك تبدا محاضراتها الساعة 10 او 11 ..... ابتسم انت في كليه الصيدلة عندما تستيقظ كل يوم و تعلم ان لديك حفنة من المحاضرات وغيرك بياخد 3 ايام اجازة فى الاسبوع غير الجمعة و العطلات الرسمية..... ابتسم انت فى كلية الصيدلة
عندما تقول لسائق التاكسى كلية الصيدلة فينظر لك نظرة حاسد و حاقد ( على ايه يا حسرة ) ثم يو صلك مشوار الاتنين جنيه و يقولك عشرة ابتسم انت فى كلية الصيدلة عندما تطلب احد اصدقائك فتجده نائم لا تحزن.... ابتسم انت فى كلية الصيدلة عندما تدفع فى الكتب ما يساوى تمن جهاز عروسة...... ابتسم انت فى كلية الصيدلة عندما تحسب بالجمع دون الطرح مدة تعليمك فتجدها تحقق المعادلات التالية: مدة تعليمى الاجمالية = مدة التعليم الاساسى + التعليم الجامعى +التحابيش -------------- (1) و علما بان التعلم الاساسى = التعليم الاساسى + التعليم الثانوى اذن التعليم الاساسى = التعليم الابتدائى + التعليم الاعدادى + الثانوى -------------- (2) و علما بان التعليم الجامعى = سنوات اكاديمى + سنة امتياز -------------- (3) و علما بان التحابيش = دبلومة + ماجستير + دكتوراة-------------- (4) و بالتعويض من 2 و 3 و 4 فى 1 اذن مدة التعليم الاجمالى = الابتدائى+الاعدادى+الثانوى+اكاديمى جامعى + الامتياز + دبلومة + ماجستير + دكتوراة مدة التعليم الجمالى = 6+3+3+6+1+2+4+4=29 سنة مع الشغل و النفاذ (بفرض عدم الدبلرة) ....... اذن ابتسم انت فى كلية الصيدلة مما سبق نستنتج انك سترى اللحظات التالية فى حياتك: انت بتدرس و صاحبك اللى ف تجارة خلاص بيشتغل...... ابتسم انت فى كلية الصيدلة انت فى الجيش و صاحبك بتاع اداب بيتجوز...... ابتسم انت فى كلية الصيدلة انت بتبدا حياتك و صاحبك بتاع خدمة اجتماعية اتجوز و خلف 3 عيال وسافر برة يشتغل و رجع بعد طول غربة...... ابتسم انت فى كلية الصيدلة. عندما تحضر كل السكاشن و تذاكر المحاضرات و تاكل الكتب و بعدين تجيب جيد نظرا لرخامة الامتحانات ابتسم انت فى كلية الصيدلة عندما يعاملك الدكاترة كانها بتنتقم منك..... ابتسم انت فى كلية الصيدلة عندما تجد كليتك المستشفيات ومدارس التمريض والمشارح...... ابتسم انت في كليه الصيدلة. عندما تكون وانت فى حفلتك قاعد جوة المدرج سامع خطبة لعميد الكلية ..... ابتسم انت فى كلية الصيدلة. عندما تحسب امتى هتتجوز فتجد ان و قتها هتلاقى كل البنات اتجوزت والللى ما اتجوزشى كانوا معاك فى الكلية مايفتحوش النفس و اللى مش معاك منهن مش هترضى بيك بسبب كثرة الدراسة ..... ابتسم انت فى كلية الصيدلة عندما يصاب الشباب بالصلع فى سنة 3 و البنات بالتجاعيد..... ابتسم انت فى كلية الصيدلة. لو انت و صلت فى القراءة لحد هنا..... اكيد انت فى كلية الصيدلة محسور ؟؟؟؟؟؟؟؟؟؟؟؟؟؟؟؟؟؟؟ لا تتحسر !!! بل ابتسم انت فى كلية الصيدلة علشان اللى فاته دخول كليه الصيدلة مايزعلش ونحمد ربنا على كل حال منقوووووووووووووووووووول ويارب يوفقنا جميعا
|
|
#12
02-08-2009, 12:51 AM
|
|||
|
|||
|
اقتباس:
عايزة حاجه لوجع البطن
 بطنى وجعتنى ده انا مدخلتش طب علشان كده تعقدوهالى ف صيدله كمان شكرا ع الاضافه احنا كده هنعمل اكتئاب للطلبه قبل ماتخش ولسمه لما انزل بقيه الحاجات انا بفكر اضيف للعنوان ممنوع الدخول لطلبه صيدله حفاظا ع صحتكم
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
آخر تعديل بواسطة Bent 3bdo ، 02-08-2009 الساعة 01:14 AM
|
|
#13
02-08-2009, 01:08 AM
|
|||
|
|||
الى كل الصيادله الغلابه
الى كل الصيادلة الغلابة ... ارى في حالكم عجبا عجابا تمرمطنا وولى العز عنا ... سذاجتنا السبب او قل خيابة تدحدر حالنا يا ابني كثيرا ... واصبح وضع مهنتنا هبابا و يكفي لبهدلتنا ان لدينا ... نقابة بفقرنا مغرم صبابة فغض الطرف انك صيدلي ... فلا طبّا بلغت و لا ادابا ولا تتفشخرن ولو ليوم ... فاني اراك اغلب م الغلابة تظل لخمس اعوام حمارا ... و تفني فيها مالك و الشبابا عليك من المنهاج حجم فيل ... وراسك ديه في حجم الذبابة وياتيك امتحان لست تدري ... اهل هذا سؤال ام اجابة فتجذب شعر راسك يا صغيري ... و تفقد وقتها يا ابني الصوابا فلا تقلق اذا اتجننت يوما ... فلا لوم عليك ولا عتابا و تسحب للمعامل كل يوم ... لحب , انت لا تخشى الغيابا و كم من معمل احرقت فيه ... يديك و شعر راسك و الثيابا و تدفع دم قلبك في كتاب ... حرام ان نسميه الكتابا تودعك الدراسة في نفور ... فتلقاك المصحة في رحابة يا عيني كم رايتك مكفهرا ... عبوس الوجه مليان اكتئابا فلا علما في راسك تدخره ... ولا مالا فمن حولك ديابة ارى السباك افضل منك حالا ... و ما يشتهي يصبح مجابا ولا يحميك ان تحمل شهادة ... فلن تفتح لك الشهادات بابا فبياع ببالطو د انت طبعا ... دا حتى البالطو قد فقد المهابة يقف ف الاجزخانة كل شخص ... يجيد بس القراءة و الكتابة و دع شهرين بعدها هتلاقيه ... طبيبا مالي مركزه مهابا فذو الدبلوم يؤخذ اما انت ... فتخرج م الملاعب للاصابة ولو تحلم بان تاكل كبابا ... فسوف تسف من جوعك ترابا ولو تحلم بان تاخذ قروضا ... هتتجرجر يا سيدي الى النيابة فدنيانا اسنت لك سيوفا ... و اعملت الاسنة و الحرابا فبادر و اشتر "توك توك" بسرعة ... تاهل و اغتني و افتح حسابا او اذهب فاشتغل كوافير حريمي ... او اعمل يابني رئيس عصابة دا افضل م الجلوس جوار امك .... بتعزف لحن خيبتك ع الربابة فبعد تخرجك من اين تاتي ... مصاريفك ؟ فلن يعطيك بابا و اني ناصح فعساه قولي ... يعيد لعقلك الفاضي الصوابا فاخوف ما اخاف عليك صار ... خرابا و اضطرابا و اغترابا القصيدة منقولة من الشاعر الصيدلى د/محمد عبد الجواد كلية الصيدلة جامعة القاهرة رابعة حديث
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#14
02-08-2009, 01:11 AM
|
|||
|
|||
(وصف هزلي لطلبة صيدلة "الأولاد")
(وصف هزلي لطلبة صيدلة "الأولاد")
((((( By :Hussam Mostafa))))) حاطط قلم في بقه و لابس نضارة لابس جزمة بمبي و فيها صفارة ولو في يوم عليه عزمت بسيجارة تلاقيه ياخدها و يكتب عليها معادلة او اشارة كل شيء مذاكرة و الضحك ده صياعة و السكشن و المحاضرة هما اغلي بضاعة و الحب و البنات عنه حاجات متباعة و لو شفته تلاقيه ماشي و مكشر و لو سألته ليه يقوللك تتأثر يقولك عاوز اجيب نمر اكتر و لو في يوم كلمته عن بنت حلوة مرتاحة و كنت بتوصفله فيها بكل صراحة حاجات تخللي الأعمي يبص بكل بجاحة تلاقيه يقوللك السبب هو التفاحة اللي وقعت علي نيوتن و هو في استراحة يا ريتني ابقي زيوه و القي علاج للكساحة 
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#15
02-08-2009, 01:15 AM
|
|||
|
|||
دى بقى أجمد واحده
طول عمري بحب التعليم
أصل أنا واد في العلم قديم كان مجموعي في الثانويه حاجه بتاع سبعه و تسعين في الميه قلت يا صيدلة أما بلاش شغلانه غيرها ما تنفعناش أول سنه كان كلي حماس قافل علي نفسي الترباس أحضر سكشن أسلم شيت كنت بنام زي الكتاكيت أول ترم عدي عليا أتمنيت أرجع ثانويه أخد نجمه وأغني بلادي أخد فسحه وألعب عادي بس يا عيني مش وقت رجوع أنا عيني خلاص عالمجموع أول سنه عديتها نضيف والمجموع كان برضه ظريف جبت يا دوب سبعين في الميه راحت فين أيام ثانويه؟ ومن يوميها أنا أتجنيت ولا عمري في حاجه عديت بكتب أسمي و أطلع تاني تعمل أيه لو كنت مكاني؟ حبه بحبه بقيت بلاص بس يا ناس مرفوع الراس أخد الصفر وأحاول تاني أنا يائس كده ليه وبعاني نفسي أجيب لو يوم مقبول حد يقولي مين مسئول؟ أن أحنا في ساقيه بنتعلم ولا راضي حد يتكلم خلينا مشيين جنب الحيط عاشقين أوي فن التخبيط حاول تفهم مني كلامي ولو ما فهمتش حعيد من تاني (((( By: dr.fido hakim )))))
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 09:20 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
