|
||||||
| كليات المجموعة العلمية (الطب البشري - طب الأسنان - الطب البيطري - العلوم الطبية التطبيقية - العلاج الطبيعي - الصيدلة - التمريض - العلوم - الزراعة) |
 |
|
|
أدوات الموضوع | انواع عرض الموضوع |
|
|
|
#1
15-08-2011, 10:57 PM
|
|||
|
|||
استكشف بنفسك يعنى ايه طب بيطري ؟
بســم الله الـرحمــن الرحيــم
انتهي الكابوس المزعج  ....الثانويه العامه  ....قاعد مع اهلي مستني النتيجه  .....اه مجموع كبير الحمدلله الحمد لله  ...طب ان شاء الله....الوالد:لا يابني خش اسنان احسن واسهل.... الاخ:لا يابني صيدله هتجبلك فلوس حلوه خشها احسن...... وفجأه جيب ترتيبك (او تستني التنسيق لو انت مش مركز)... ايه ده (طب بيطررررررررري).... ايه ده دي حاجه مكنتش اتوقعها.... ملحقتش حتي علاج طبيعي........ طبعا ده سيناريو اكتر من نص البيوت المصريه وطبعا مع الاعتذار للكل فيه عدم ادراك من شعبنا الجليل.....الوالد والوالده نفسهم دكتور بشري مش مهم الابن اللي هيطلع عينه بعد كده...الوزالد عايزك دكتور بشري زيه...مش مشكله البهدله بعد كده.... والولد او البنت يقعد يعيط يومين عشان بيطري....طب انت الاول عارف بيطري دي ايه؟؟؟؟؟ عارف هتتخرج منها هتشتغل فين؟؟؟؟؟ عارف ايه هي قيمتك الفعليه للمجتمع؟؟؟؟؟؟ انت في افضل كليه ليها مستقبل (طبعا المستقبل بايد ربنا)..... ازمه انفلونزا الخنازير و بعدها الطيور شفت عملت في العالم ايه؟؟؟؟ شفت عملت في مصر ايه؟؟؟؟؟ مكانه الطبيب البيطري ترتفع يوم بعد يوم انت نايم في العسل.... التكليف رجع بقرار من مجلس الشعب........ نقص في اعداد الاطباء البيطرين..... قبل مادخلك في موضوع كليتنا نشوف انت كنت عايز تدخل ايه.... الطب البشري.....كليه تعتبر من اعلي واسمي الكليات-6 سنين دراسه+سنه امتياز(7 سنين سلق) -التكليف للبنات (قنا وما قبلها)...للولاد(مابعد قنا ....الوادي الجديد والواحات) اتبهدل -التعيين قانون جديد للاطباء الجدد مرتب 225 جنيه شهري0جيب بيهم ترمس (نابتشيات هيكملولك 800 جنيه )برضه ترمس طب الفم و الاسنان -نفس الحال الصيدله -المعروف عن الصيدلي انه طبيب غير معالج و..... معروف طبعا الباقي مع الاعتذار طبعا للمهن التلاته ولكن هذا هو الوضع في مصر.... دلوقت بقي نشوف كليتنا ايه.....يلا ابدأ معايا... بعد السلام .... اهلا بيك يادكتور ياصغير  (علي فكره مش هتسمع الكلمه دي الا بعد ماتتخرج ودلوقتي بس)طبعا سعيد انك داخل كليتنا العظميه ...متقولش انا شايف في عينك ...لكن بالرغم من شعورك ناحيه الكليه الا انك جيت خلاص... نتكلم جد بقي .... الكليه دي اول ماجتلك زعلت ويمكن نمت يومين ماتكلمش حد ...لكني اعتقد ان شعوركم غير شعورنا بالكليه احنا جيل جه الكليه وهو جايب اعلي مجموع كنا جايبين 97% واكتر وزعلنا لما عرفنا اننا جينا الكليه لكن ... بعد ماعرفنا يعني ايه طب بيطري ناس كتير منا كان نفسهم في (طب يشري وصيدله واسنان) عرفوا ان مفيش فرق (انا مجبتش سيره هندسه) انا الان عارف ان طب بيطري = طب بشري = اسنان الفرق ان الطب البيطري مستقبله احسن 100 مره من التانيين انا اولا هاصحبك في جوله داخل الكليه وسنه اولي خاصه وبعدين نشوف ايه هي الكليه....  انا هتكلم عن الدراسه فيها ....وهيكون بالشكل الذي يفهمه طالب الثانوي الجديد  مواد الكليه مشابهه كثير لمواد الطب البشري فيما عدا بعض المواد الخاصه اكثر بالحيوانيعني اول تلت سنين اكاديمي(يعني histology,biochemistery,physiology,pharmachologyوه كذا... والرابعه والخامسه كلينيكال يعني باطنه وجراحه وولاده وتناسليات وتخدير اشعه وهكذا...) ثانيا:مواد الكليه هذكر بعض المواد كنبذة مختصرة للطلاب الجدد المواد : تشرح خيل  equinanatomy تدرس في المنهج الاطراف حيث تدرس fore limb و hind limb عظام القوائم الاماميه وعظام القوائم الخلفيه حيث تدرس العظام الخاصه بهم العضلات الخاصه بهم الشرايين والاورده والنيرفات(لا يوجد دراسه جراحيه في الانتومي) نظام الدراسه في الماده هو حضور المحاضرات في الكليه وايضا السكاشن في المشرحه الكتاب هو كتاب القسم الي جانب بعض ورق او كتب الاساتذه في القسم تشريح خيل واجنه 2 ANATOMY AND EMBRYOLOGY :  هتدرس في هذا الترم لبطن والصدر ABDOMEN AND THORAX ده هتدرس كل الاعضاء اللي في الجسم جوه وعظام الضلوع والعمود الفقري وعضلات الصدر والبطن والامداد الدموي والنيرفات الدراسه من كتاب القسم وبعض الاوراق الموجوده في المكتبات طبعا مهم اوي حضور السكاشن والمحاضرات الهستولوجي histology :  تدرس فيها الخليه واشكال الخلايا ويكون بدايه او اساس لهستولوجي 2 الذي تدرس فيه الانسجه في اقسام الجسم المختلفه نظام الدراسه حضور المحاضرات والسكاشن في المعمل الكتاب كتاب القسم هوه كبير بعض الشئ ولكنها ماده سهله هستولوجي 2 HISTOLOGY :  هتدرس شكل الخلايا في مناطق الجسم المختلفه وفي الحيوانات المختلفه مثل OESOPHAGUS URETER UTERUS وهكذا وطبعا هتدرس اختلاف شكل الخلايا في نفس المناطق في الحيوانات المختلفه الدراسه من كتاب القسم وانصحك لو ناوي تذاكر ذاكر من الكتاب بس واطلس الرسومات رعايه الحيوان (السلوكيات) animal management : هي اقرب مواد الترم الي الحياه العمليه تدرس فيها اساس التعامل مع الحيوان التلجيم وهي ماده سهله جدا يحاول اساتذه القسم منحها حيز كبير نظام الدراسه حضور المحاضرات والسكاشن في القسم حيث يتم التعامل المباشر مع الحيوان الكومبيوتر computer : ماده لاتستحق الكلام عنها الانجليزي والمصطلحات العلميه ENGLISH : ماده سهله اللي بيعدي من جنب المدرج بينجح دي كانت مواد الترم الاول التي تدرس داخل الكليه مواد الترم الاول خارج الكليه (في كليه العلوم) البيولوجي BIOLOGY : ماده جميله تنقسم الي BOTANY و GOOLOGE ودي النبات والحيوان الحضور المحاضرات يتم في كليه العلوم وكذلك السكاشن في معامل كليه العلوم المذاكره من كتاب القسم والاوراق التي سوف تنتشر في الدفعه الفيزياء الحيويه BIO PHYSICS :ماده سهله تعتبر فيزياء يتم الحضور في كليه العلوم السكاشن والمحاضرات المواد: ماده جامعة القاهرة فقط اللي بتدرسها وكتاب صغير بس صعب شويه دي مواد داخل الكليه..... مواد خارج الكليه (في علوم وزراعه )......غالبا يوم السبت والاحد (علوم) زيزم الاثنين (زراعه) و طبعا باقي الايام في كليتنا(ركز معايا).. مواد كليه العلوم Chemistry الكيمياء  ماده لذيذه هتدرس فيها الكيمياء الاورجنك و الفيزيائيه وطبعا لازم تحضر كل السكاشن لان في كل سكشن بتاخدوا الكشف عن مركب معين والمره دي بجد هتحس انك دكتور وانت عمال يتفرقع معاك الانابيب و شكلك يضحك  الدراسه ممكن لوعايز من كتاب القسم او من ورق الدروس المنتشر في الدفعه مواد كليه زراعه : الوراثه : احصاء حيوي :  ماده من زراعه لذيذه موت (للي بيعشق الرياضه زي حالاتي)قريبه جدا من احصاء ثانوي وماده النجاح فيها سهل جدا.. كده اتكلمنا علي نظام الدراسه اول سنه ...دلوقتي انت بتسأل انت ايه؟ ج:دكتور بيطري بيأدي خدمات للمجتمع له تقديره في جميع البلدان الاوربيه والمتقدمه له درايه علميه كبيره بمجال علمي كبير وهو الطب له مجالات عمل واسعه يعني هتتخرج هتشتغل قبل ماشهادتك تتطلع بمرتب محترم المجالات شركات الادويه   معامل التحاليل  المزارع بجميع انواعها ( حصنه دواجن ارانب عجول ....)  المستشفيات ذات الخدمات البيطريه  وزاره الصحه قسم الرقابه علي الاغذيه ممكن تدخل اكاديميه شرطه اوجيش وهتبقي دكتور ظابط (اكتر طلبه بيطلبوهم البيطري) بتتخرج ملازم ازل كمان ومجالات اخري .... يعني مستقبل مضمون ان شاء الله س :لماذا يقل الي حد العدم عدد الطلاب الراغبين بالالتحاق بكليه الطب البيطري؟ ج: ادلااك شعبنا باهميه الطبيب البيطري ضئيل نحن من دول العالم التالت في اوربا الترتيب من حيث الاجور كما يلي طبيب الاسنان طبيب البيطري طبيب البشري الصيدلي المدرس... يجب عليك ان تعرف اهميتك لا ان تنتظر احد يعرفك اياها انت مطلوب في اماكن عديده..... س: كان نفسي ادخل طب بشري او صيدله او اسنان ؟ ج: لنقل انك الان في طب (هيه بس اين المستقبل اغلب اصحابي في كليه الطب يعانون الامرين من الدراسه وخوفا من المستقبل المظلم... س:نظره اصحابي واقاربي ليا وحشه وكلامهم تريقه كله ؟ ج: اولا هذا الكلام سيختفي مع مرور السنين بمجرد التخرج ويلاقوك راكب عربيه احسن موديل هيعرفو ا يعني ايه دكتور بيطري وبعضهم الان يعرف ذلك جيدا س:بيقولوا الكليه صعبه اوي ؟ ج:يابني مفيش حاجه صعبه مش كل سنه ناس بتنجح انت عقليتك اقل منهم فيه حاجه اسمها مذاكره ثم لو الدراسه بالانجليزي هي المشكله بالنسبه لك والله هتتحل بعد شهر واحد وهتبقي فلونت في الانجليزي اخيرا شكرا انا الان سعيد باني ساصبح طبيب بيطري اخدم مجتمعي............ صدقني مش هتلاقي ناس تساعدك بجد اد الناس في كليتنا لنا كلنا اسره واحده... الموضوع ده عملته للناس اللي بتشكك في وطنيتي ..قصدي حبي للكليه منقول للإفادة ملحوظة هامة جدا : مواد كلية العلوم ( الكيمياء العامة والفيزياء الحيوية والبيولوجى ) إتلغت فى جميع الكليات اللى بتتبع النظام الجديد و لكنها لازالت موجودة فى جامعة القاهرة ولها نظامها الخاص (الساعات المعتمدة) وأحب أضيف معلومة أخيرة أعزائي الكرام , الإخوة والأخوات الأطباء البيطريون الكرام, أود أن أعلم سيادتكم بأن مهنة الطب البيطري التي قد يقلل منها البعض هي المهنة رقم واحد في ( أستراليا ونيوزيلاندا ) وهي المهنة رقم 3 في ( أمريكا وكندا) حيث يكون متوسط ساعة الصيدلي بأستراليا هو 35 - 40 دولاراً أسترالياً والطبيب البشري 60-70 دولاراً أسترالياً وطبيب الأسنان 70-80 دولاراً أسترالياً , أما الطبيب البيطري فمتوسط ساعته علي الأقل 200 دولاراً أسترالياً. مع تحياتى المصدر: إتحاد طلبة وخريجى الطب البيطرى 
|
|
#2
16-08-2011, 12:26 AM
|
|||
|
|||
انا جايب 97.3 فى تانيه بس نفسى ادخل بيطرى ولا طب ولا صيدله انا حاسس ان دى احسن كليه فى الوقت اللى احنا فيه بس طبعا زهقت من التريقة طبعا اكيد سمعتها دكتور حمير ودكتور بهايم وكده يعنى بس انا طبعا مش هاغير رايى وهما زهقوا منى خلاص وهابقى ان شاء الله دكتور حمير قصدى بيطرى معلش على الاطالة
|
|
#3
16-08-2011, 12:39 AM
|
|||
|
|||
|
بيطرى طبعا
انا جايب 97.3 فى تانيه بس نفسى ادخل بيطرى ولا طب ولا صيدله انا حاسس ان دى احسن كليه فى الوقت اللى احنا فيه بس طبعا زهقت من التريقة طبعا اكيد سمعتها دكتور حمير ودكتور بهايم وكده يعنى بس انا طبعا مش هاغير رايى وهما زهقوا منى خلاص وهابقى ان شاء الله دكتور حمير قصدى بيطرى معلش على الاطالة
|
|
#4
16-08-2011, 12:50 AM
|
|||
|
|||
|
بيطرى طبعا
انا جايب 97.3 فى تانيه بس نفسى ادخل بيطرى ولا طب ولا صيدله انا حاسس ان دى احسن كليه فى الوقت اللى احنا فيه بس طبعا زهقت من التريقة طبعا اكيد سمعتها دكتور حمير ودكتور بهايم وكده يعنى بس انا طبعا مش هاغير رايى وهما زهقوا منى خلاص وهابقى ان شاء الله دكتور حمير قصدى بيطرى معلش على الاطالة
|
|
#5
16-08-2011, 12:08 PM
|
|||
|
|||
|
بدال مقتنع بيها اجتهد وربنا يوفقك سيبك من الناس الجهلة دكتور حمير اللى بيقول كدة هو اللى حمار والناس الجهلة متستحقش حتى نتكلم معاها مطلعين على كل كلية اسم بتوع طب جزارين وصيدلة بياعين واسنان يييييييييييع وعلاج طبيعى مدلكاتية ناس جهلةوكلها كليات مجموعة طبية دكاترة والناس اللى بتقول كدة مبتكونش طايلة الكلية اساسا فبيتريقوا
|
|
#6
16-08-2011, 01:01 PM
|
||||
|
||||
|
اقتباس:
 معاكي حق يا نورا .. انا على فكرة في كلية علوم بس كنت داخلة اعلق على حكاية كلام الناس دي .. بصو مصر هي اكتر بلد الكلام فيها كتييييييييير لا ينتهي وتحس كده ان هم عايزين يتريقوا على اي حد وخلاص بس بصراحة المغزى من كلامي انك لو اتفرجت على اي فيلم او مسلسل اجنبي بتشوف اسلوب مختلف تماما يعني على سبيل المثال لو انت رحت بقالة في مصر وطبعا تبقى تحت بيتكو واكيد البقال عارف انك كنت في الثانوية لازم يسألك ها يا حبيبي انت كنت علوم ولا رياضة .. طبعا انت تتخنق  وتقولو يا عمو كنت علوم يقولك آآىه أكيد دخلت طب صح أنا عارفك طول عمرك شاطر ... حاجة تشل وتنقط على أساس ان طب للشاطرين والناس البليدة اللي مابتذاكرش هم الل بيدخلو الكليات التانية .. انما انت لو كنت هناك في اي دولة اجنبية اولا هناك مبيتحشروش في شئون غرهم زائد انهم معندهومش نظرة عنصرية يعني سواء طب بشر او بيطري او حتى صيدلة فده مبمثلهومش حاجة غير انك بتخدم البلد فصدقني والله كلام نورا صح مبيسيبوش حاجة الا ويحبطو الواحد فيها معلش طولت عليك بس على فكرة انا مجموعي كان يجيب بيطري بس انا فضلت علوم لانها ميولي وزي ما قولتلك المستقبل في إيد ربنا لكن اختار اللي انت حبه حتى لو مش عاجب الناس وروق كده وخليها على ربنا 
__________________
ربنا ظلمنا أنفسنا وإن لم تغفر لنا وترحمنا لنكونن من الظالمين
|
|
#8
16-08-2011, 04:14 PM
|
|||
|
|||
|
انا ان شاء الله ناوى على طب بيطرى واظن ان فى يوم من الايام هيبقى البيطرى اعلى كليه فى التنسيق وعلى فكرة انا مش بزعل لما حد يقولى هاتبقى دكتور حمير هو حد طايل
|
|
#9
16-08-2011, 04:20 PM
|
||||
|
||||
|
مش عشان تشكر في كليتك يبقي تقلل من قيمة باقي الكليات
اكيد كلية طب بيطري كليه حلوه بس برده صيدله وطب واسنان حلوين وفي النهايه كل واحد وميوله
__________________
عن ابى هريرة رضى الله عنة ان رسول الله صلى الله عليه وسلم قال (اقرب ما يكون العبد لربه وهو ساجد فأكثروا من الدعاء)
|
|
#11
17-08-2011, 12:26 PM
|
||||
|
||||
|
وايه نظرة المجتمع ليهم؟؟؟
كلها تقدير واحترام علي فكره سواء طب او صيدله او اسنان
__________________
عن ابى هريرة رضى الله عنة ان رسول الله صلى الله عليه وسلم قال (اقرب ما يكون العبد لربه وهو ساجد فأكثروا من الدعاء)
|
|
#12
17-08-2011, 02:31 PM
|
||||
|
||||
|
الحقيقه ان الناس مش زى بعضها يعنى اللى بيقدر قيمه البيطرى او غيره دا انسان متعلم وبيفهم غير كدا جاااااااااااهل <<<<<<<<<<<<<<<<<<<<<<<<<< ولازم كلام الناس دى ولا يأثر فينا ولا نهتم بيه اساسا وطبعا دى مصر أم الدنيا ( الا اللى بيفهم ) !!!!!!!!
__________________
عِندَمِآ يَخرُج شَيءً مِنْ حَيآتِك لآ تَحزَنْ بَلْ إنظِرْ إلَىْ آلسّمآءْ . . {وَ} قلْ عَوضنيّ يـآ رَبْ بخَيرً مِنهْ ♥
|
|
#13
17-08-2011, 07:35 PM
|
|||
|
|||
|
اقتباس:
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 11:12 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
