هــــام وعــاجل لمعالى وزير التربية والتعليم : الكمبيوتر الى أين.....

[آدم البرنس]

نرجو من سيادتكم الاهتمام بمادة الكمبيوتر فى المرحلة الاعدادية والثانوية
وعيب قوى لما يكون الكمبيوتر ( لغة العصر ) واللى بنطلب من المعلمين ضرورة الحصول على شهادة icdl يكون عليه ( 20 درجة ) فقط على مدار الترمين ونصفهم ضايع فة الانشطة يعنى المحصلة ( 10 درجات ) يعنى ولا حاجة وعايزين ولادنا يهتموا بالكمبيوتر وينموا عقولهمش وهما عارفين ان المادة على الهامش .
أما المرحلة الثانوية للأسف لا يوجد منهج ولا كتاب ( اسف يوجد كتاب بس فاضى ( فارغ) من حيث المحتوى )
ولا يضاف للمجموع يعنى سد خانة
فنرجو من معالى الوزير الذى يسير على خطى التصحيح ( وربنا معاه ويوفقه ) ان معاليه يلقى نظرة على هذا الموضوع ويحاول يرفع درجات الكمبيوتر اكثر من كدة لان ده الوقت اللى لازم نعلم فيه ولادنا الكمبيوتر .
وارجو لكل مدرسى الكمبيوتر أن يشاركونى وتعاونوا معايا فى هذا الموضوع .

اخوكم أحمد ( بنى سويف )

[آدم البرنس]

نرجو من سيادتكم الاهتمام بمادة الكمبيوتر فى المرحلة الاعدادية والثانوية
وعيب قوى لما يكون الكمبيوتر ( لغة العصر ) واللى بنطلب من المعلمين ضرورة الحصول على شهادة icdl يكون عليه ( 20 درجة ) فقط على مدار الترمين ونصفهم ضايع فة الانشطة يعنى المحصلة ( 10 درجات ) يعنى ولا حاجة وعايزين ولادنا يهتموا بالكمبيوتر وينموا عقولهم وهما عارفين ان المادة على الهامش .
أما المرحلة الثانوية للأسف لا يوجد منهج ولا كتاب ( اسف يوجد كتاب بس فاضى ( فارغ) من حيث المحتوى )
ولا يضاف للمجموع يعنى سد خانة
فنرجو من معالى الوزير الذى يسير على خطى التصحيح ( وربنا معاه ويوفقه ) ان معاليه يلقى نظرة على هذا الموضوع ويحاول يرفع درجات الكمبيوتر اكثر من كدة لان ده الوقت اللى لازم نعلم فيه ولادنا الكمبيوتر .
وارجو لكل مدرسى الكمبيوتر أن يشاركونى وتعاونوا معايا فى هذا الموضوع .

اخوكم أحمد ( بنى سويف )

[آدم البرنس]

الى الاخوة الاساتذة اللى بيطالبوا بتغيير منهج الصف الثالث الاعدادى يسكتوا احسن ........ لأن بجد الواحد لم يشعر انه مدرس إلا بهذا المنهج لانه يحتاج الى تفكير سواء من الطالب او المدرس ونلاحظ مدى اهتمام الطلاب بالمادة فى الوقت الحالى ........ على عكس منهج الصف الاول الاعدادى والثانى اللى الواحد بيخلصه فى حصتين وتشعر فيه بالملل وعدم الابتكار فهو عبارة عن مجموعة خطوات يتم تطبيقها دون ابتكار اى شىء.

المـهـــــم

لازم نقف وقفة جامدة ( مش علشان تغيير المنهج ) ولكن لزيادة درجات المادة الى ( 40 درجة ) على الاقل لان عيب لما يكون اكمبيوتر عليه ( 20 درجة ) ونصفهم على ملف الاهمال يعنى المحصلة ( 10 درجات ) على مدار الترمين .... يعنى كلام فاضى أليس ذلك أفضل

على فكرة محدش يزعل منى والاختلاف فى الرأى لا يفسد ............

وارجوكم أن تساعدونى فى هذه الفكر
منتظر الرد

اخوكم أحمد بنى سويف

[ismibra]

وانا معاك فى هذا الرأى
ويفضل ان يكون الدرجة من 40 وهذا هام جداَ وان يكون تطبيق الملف يؤهل لدخول الامتحان فقط

[boba 11]

شكرا لكك

[آدم البرنس]

بالله عليكم الاخوة اللى بيطالبوا بتغيير المنهج واللى بيسئلوا عن تغيير المنهج يسكتوا بجد وأسالهم سؤال واحد لو نرجع بالذاكرة من ثلاث سنوات قبل ما يضاف هذا المنهج VB.Net كان يوجد تواصل مثل هذا ولا كان فى حد من الطلاب بيعبر حد فينا كان دورنا فى المدرسة مجرد سد خانة فقط وكمالة حصص لكن تعالى اليوم قبل الطلاب احنا نفسنا كمدرسين بنسأل بعضنا ونستفاد من بعض ونمى افكارنا فما بالكم بالطلاب .

كل ده وعايزين نغير المنهج ......... أحنا لازم نقف مع بعض ضد أى محاولة لتغيير المنهج حتى لو الوزارة نفسها

ونطالب بزيادة درجات الكمبيوتر الى 40 درجة

لكل من قرأ هذه الرسالة يشاركنى الرأى

[kittty75]

والله العظيم ما حد مضيع المادة الا لجان ومراقبين الشهادة الاعدادية منهم لله وحسبى الله ونعم الوكيل فيهم دنيا واخرة - بيخلوا اللجان زى سوق التلات والغش الجماعى علنى وعلى عينك ياتاجر -مش بس فى مادة الكمبيوتر والله العظيم فى كل المواد - دى توصل الى حد اذا الطالب معرفش يحل بالغش بيجيبولوا الاجابة - حسبى الله ونعم الوكيل فيهم - بيضيعوا مجهود الطالب المجتهد والمدرس المجتهد - اتحدى اى طالب جايب درجات عالية يكون بمجهودة فقط - والله العظيم اتحدى - كله بالغش .

[MR : ABO BATTA]

نحن بالفعل يا مستر احمد طالبنا بزيادة درجات المادة الى 40 درجة وزيادة عدد الحصص كمان ودا هتلاقيه في احد المواضيع في هذا القسم وطالبنا الاستاذ سيف سالم موجة المادة ومشرف في هذا القسم
وانا اضم صوتي الى صوتك وربنا يصلح حال المادة

[حسام صبرى]

جزاك الله عنا خيرا اخى الكريم وشكرا على حرصك على زيادة المادة ولكن كل ما نفعله من مطالبه لا يفيد الا من خلال وقفه قوية امام المسئولين نطالب منهم عرض الموقف على السيد الوزير ارجو ان تعرفونا بالمسئولين على عرض القضية على السيد الوزير وبعدها نقوم بالتحرك اليهم ومخاطبتهم من ثم عرض الموضوع على السيد الوزير
ووفقنا الله الى ما يحبه ويرضاه

[نورا منير]

اعتقد انها ليست المرة الأولى التى يطرح فيها هذا الموضوع ولكن كله كلاااااااااااااااااااااااااااااااااااااااااااااااا م فقط
هل من خطوة ايجابية
للعلم مادة اللغة العربية من 80 درجة من 300 اى حوالى الثلث
والبقاء لله فة مادة " لغة العصر"

[gharbeyya]

يا جماعة التصحيح بيجي واحدة واحدة يعني أنا بصراحة مكنتش أحلم أن يبقي فيه مادة حاسب آلي بتتضاف للمجموع أصلا ولا إني هدرس في إعدادي فيجوال بيسيك دوت نت كمان دا انا كنت لسة من كام سنة لسة بتعلمه

بس خطوة مهمة ولازم كلنا كمدرسين حاسب آلي نتكلم ونعبر عن رأينا و لأولي الأمر الرأي النهائي حيث بنشكرهم علي جهودهم الجبارة في العلم و العملية و التعليمية

محمد مصطفي غربية
محافظة دمياط

[حسام صبرى]

اتمنى ان يكون هناك فائده من كلامنا ده
ويفهموا ان الحاسب الالى اهم مادة الان وهو لغة العصر
وشكرااااااااااااااااااااااااااا

[mrk206]

اضم صوتي الى صوتكم ، درجات المادة تحتاج الى تعديل ، ولتكن من 40 وزيادة الحصص اكثر وخصوصا العملي في المدارس

[أمبراطور الليل]

انا مع الأستاذ أدم

[mrk206]

انا لله وانا اليه لراجعون ،،، مادة ايه اللي من عشرين درجة ،، يا ريت يتم رفع درجتها او يلغيها من الاساس اصلا