رفض مكتب التنسيق التحويلات الورقية

[علاء039]

عارفين ليه مكتب التنسيق رافض التحويلات الورقيه عشان بيلجأ الطلاب لتغيير محل الإقامة فى محاولة منهم لتغيير الكلية التى التحقوا بها إلى كلية مناظرة. فهمتوا كدا فالتحويل الالكترونى مش بيكون فيه تزوير اما الورقى بيتزور من الطلبةواولياء الامور يارب المزورين يفهموا ولو صادق قدم الكترونى مش تروح تزور محل اقامتك وتقول حقى بطالب بيه

[princess reem]

ومحدش هياخد غير نصيبه

[abdelrhmanahmedsayed]

يا جدعان بالله عليكم محدش يرد ع الشخصيه الناقصه دى
متدولوش اكبر من حجمه وتتناقشوا معاه فككوا منه !

[د. مرعى]

عندك حق هوا شكله عاوز يقلق فينا وخلاص

[To Be Is To Do]

المشاركة الأصلية كتبت بواسطة علاء039

عارفين ليه مكتب التنسيق رافض التحويلات الورقيه عشان بيلجأ الطلاب لتغيير محل الإقامة فى محاولة منهم لتغيير الكلية التى التحقوا بها إلى كلية مناظرة. فهمتوا كدا فالتحويل الالكترونى مش بيكون فيه تزوير اما الورقى بيتزور من الطلبةواولياء الامور يارب المزورين يفهموا ولو صادق قدم الكترونى مش تروح تزور محل اقامتك وتقول حقى بطالب بيه

هو حضرتك لسه موجود هنا !! لا إله إلا الله ,, سُبحان الله ونفس الكلام برده بنفس الطريقه ,, طب غيّر شويه ,, التجديد مطلوب برده .

تعرف إن شاء الله التحويل الورقى يتفتح مش عشان الطلبه تحول .. لأ .. عشان بس حضرتك تهدى كده شويه وتريح بالك شويه ,, إبقى ريح نفسك شويه من المنتدى يا فندم ؛ حضرتك بتتعب جداً هنا ولازم ترتاح شويه كده ,,

مش هقولك أكتر من " إتقِ الله فى كلامك مع الناس ,, فلتقل خيراً أو لتصمت "

[ÇàŹáЙοvã]

مش انت يا علاء بتاع انك كانوا رفضوا التحويل الالكتروني وحكومه الانقلاب وكده

لا حول ولا قوه الا بالله

ممكن بجد تركن علي جنب لان الواحد فاض بيه ولو انفجر ممكن يعورك

فأقعد ساكت وهااادي كده لما نشوف ايه اللي هيحصل

لعل التأخيير ده فيه خيير لينا وان شاء الله التحويل الورقي هيفتح ان شاء الله

علشان الناس تعرف تحول

وربنا يهديك

[ahmee77]

سبحان الله

[Hossam Halem]

الواد ده حاجة فصيلة ومبيتمناش الخير لحد
تحص انه حاجة ملهاش وصف
انت يا ابنى مبسوط يعنى !!! روح اكسف احسن استغفر الله العظيم يا رب

[علاء039]

ديما الحقيقه بتالم وتوجع اما الفهلوة والتزوير بنفرح بيها ونشجعها وعلى اى حال كل اناء ينضح بما فيه

[To Be Is To Do]

المشاركة الأصلية كتبت بواسطة علاء039

وعلى اى حال كل اناء ينضح بما فيه

تمام ربنا يفتح عليك انت بقى كده بتتكلم عن نفسك عشان انت بكلامك بتضايق ناس كتير حتى لو ملغى متفضلش كل شويه تكتب نفس الكومنت فى 100 موضوع وبعد كده تعمله موضوع جديد

مش شايف انك غريب شويه ,, او حتى على الاقل انت شاغل بالك ليه بالتحويل والتزوير وغيره هو حد بيناقشك اصلاً فى الموضوع ده عشان تفضل تردد كلام كل شويه

تانى " إرتقِ ؛ فالقاع قد إزدحم "

[علاء039]

أكد الدكتور احمد فرحات رئيس قطاع التعليم والمشرف العام على التنسيق، إعلان نتيجة تحويلات تقليل الاغتراب للمرحلتين الأولى والثانية، لطلاب الثانوية العامة، يوم الاربعاء الموافق 4 سبتمبر 2013.

وأشار "فرحات" إلى ألغاء نظام التحويلات الورقية بين الجامعات والمعاهد لجميع الطلاب المستجدين، وقال أن وزارة التعليم العالى لن تقبل أية تحويلات ورقية ولن يعتد بها.
http://gomhuriaonline.com/main.asp?v_article_id=108993

[علاء039]

ننشر نظام التحويل بين الكليات غير المناظرةمكتب التنسيق يلغى التحويلات الورقية للطلاب المستجدين20/08/2013 01:38:50 مصورة ارشيفيةخاص - الجمهورية للخدمات التعليمية يبدأ موقع التنسيق الالكتروني إعتباراً من غداً الأربعاء الموافق 21 أغسطس وحتى يوم الأحد الموافق 25 أغسطس مرحلة تقليل الاغتراب لطلاب الثانوية العامة من المرحلتين (الأولى والثانية).

صرح بذلك الاستاذ الدكتور أحمد فرحات رئيس التعليم والمشرف العام على مكتب التنسيق، وأكد على ألغاء نظام التحويلات الورقية بين الكليات المختلفة لجميع الطلاب المستجدين، وقال أن وزارة التعليم العالى لن تقبل أية تحويلات ورقية ولن يعتد بها.

وبالنسبة للتحويل إلى كلية غير مناظرة داخل النطاق الجغرافى الواحد أكد "فرحات" أنه يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت.

على أن يتم قبول التحويلات في حدود النسبة المئوية (10%) التي حددها المجلس الأعلى للجامعات وطبقاً للإمكانيات الاستيعابية للكليات.

معنى ذلك أنه يجوز للطالب الذى تم ترشيحه مثلاً فى كلية التجارة بجامعة القاهرة بالتحويل إلى أحدى كليات جامعة عين شمس أو حلوان، غير كلية التجارة، أو يجوز لطالب تم ترشيحه مثلا بكلية الآداب جامعة عين شمس بالتحويل إلى أحدى كليات جامعة القاهرة أو حلوان غير كلية الآداب ويأتى ذلك بشرط حصول الطالب على الحد الأدنى لمجموع الدرجات الذي قبلته الكلية المطلوب التحويل إليها
http://gomhuriaonline.com/main.asp?v_article_id=106193

[Elyano Nome]

والكلام اللى حضرتك بتقوله ده بيطبق بردو على اللى عايزين يحولوا فعلا للمدينه اللى ساكنين فيها لتقليل الاغتراب وتقليل النفقات على الاسره

[اللاعيب2008]

يا عم علاء انت تعبان ليه .. ايه الي مدايقك يعني في حاجه تعباك يا نجم مالك انت بتلغي ولا يولع .. اهدي كده بس يا عسل .. انت تقرب للوزير مهو حاجه من الاتنين يا اما انت الوزير ماسك عليك زله او انو ماسك عليك زله عشان شغال في كل المواضيع عمال تكتب وتعيد وتزيد .. نصيحه مني روح شوفلك حاجه مفيده تعملها بدل الرذاله دي يا رذيييييييييييييييييييل

[abdelrhmanahmedsayed]

يا جدعان اقسم بالله ده شخصيه ناقصه فككوا منه ولا تدولوا اهتمام