|
||||||
| حوارات ومسابقات ققسم خاص بالحوارت واللقاءات والموضوعات الخفيفة و المسابقات و الألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
05-08-2009, 12:14 PM
|
||||
|
||||
كنت بتعمل ايه ؟! .. احكيلنا ..
السـلامــ عليكمــ *** اكيد كلنا بتكون لينا مواقف لذيذة واحنا صغيرين فيه حاجات بنفتكرها طول عمرنا وكل ما نفتكرها بنقول .. يااه لو الايام دى ترجع تانى *** فيه حاجات مش بنفتكرها واحنا صغيرين اوى بس اهلنا بيحكولنا عليها وبرضو بنضحك أوى لما نسمعها *** كل مرحلة ليها ذكريات معينة   .. فيه منها الحلو ..  .. فيه منها الوحش ..  .. فيه اللى ضحكنا ..  .. وفيه اللى بكانا ..  .. فيه اللى اتفاجئنا بيها ..  .. فيه اتنرفزنا منها .. بس كل دول لما بيعدوا بيبقوا حاجات جميلة اوى بجد  *** دلوقتى بقى .. ممكن تحكيلنا عن ذكرياتك لما كنت قد ده ..  طيب وانت قد ده ..  ولما كبرت شوية وبقيت قد ده ..  طب وذكريات المدرسة دى لوحدها حاجة تانية خالص كنت بتحب المدرسة وانت صغير  كنت بتحب المدرسين ولا كانوا عاملين كدة   احكيلنا على كل حاجة واحكيلنا على احساسك دلوقتى لما بتفتكر الحاجات دى ممكن ؟ *** في كل مرة هنستضيف ضيف هيحكي لينا ذكريات طفولته و بس و يعرضها كلها حلقة واحدة و هنستضيف مرة ولد و مرة بنوتة استنونااا
__________________
 أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، آخر تعديل بواسطة ..Just Stop ، 18-08-2009 الساعة 11:36 PM |
|
#2
05-08-2009, 12:19 PM
|
||||
|
||||
|
أكيد الموضوع ده موضوع مني Souhaits
بس هي طلبت حذفه و أنا أعمل نسخة جديدة أبتدي بيها من تاني حقوق الطبع و النشر و التوزيع تابعة لـ Souhaits و الانتاج لـ Прекрасный
__________________
أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، |
|
#3
05-08-2009, 03:23 PM
|
||||
|
||||
|
متابع
وان شاء الله يبقي موضوع جميل يخليني اثبته غصبن عني
__________________
|
|
#6
05-08-2009, 04:42 PM
|
||||
|
||||
|
متابعة
ان شاء الله يبقى موضوع كويس و هو فعلا شكلة كويس بالتوفيق فى رعاية الله آخر تعديل بواسطة super hero 1991 ، 05-08-2009 الساعة 05:55 PM |
|
#7
05-08-2009, 05:40 PM
|
||||
|
||||
|
اقتباس:
إن شاء الله و غصبن عنك هتثبته شكراً يا أحمد اقتباس:
 مستنياكِ يا ميرو و اللي اتفقنا عليه اقتباس:
قريب إن شاء الله مستنية الولد اللي اختارته يفتح الرسايل و البنوتة تدخل المنتدى حتى  و اللي هيرد منهم أول هو اللي هينزل حلقة بكرة و التاني بعدو و هتبقى يومية شكراً يا كتكوت اقتباس:
منتظرة متابعتك
شكراً يا قمر
__________________
أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، |
|
#8
05-08-2009, 06:59 PM
|
||||
|
||||
|
اقتباس:
طيب يلا اخلصي فعليه يلا هنقعد سنه عقبال ما الموضوع ما يتفعل يعني ولا ايه؟؟ 
__________________
|
|
#9
05-08-2009, 07:01 PM
|
||||
|
||||
|
اقتباس:
ايه الغضب ده كله
لأ خلاص أعلنت عن أول واحد طفولة مشردة بإذن الله قصدي حلقة كويسة
__________________
أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، |
|
#10
05-08-2009, 07:07 PM
|
||||
|
||||
|
اقتباس:
حمش انا  اول ما زعقت بعديها بثانيه علي طول تم تفعيل الموضوع عاما علي كده بكرة انا هموت من كتر الضحك علي محمد (ههههههههههههههههههههههههههههههههههه)
__________________
|
|
#11
05-08-2009, 06:59 PM
|
||||
|
||||
|
السلام عليكم --- كيف أحوالكم إن شاء الله بخير و تمااام الحمد لله فطرت و جيت أعلن عن العضو اللي هنستضيفه غداً ليسرد لنا شريط ذكريات طفولته و هو عضو محبوب أوي من معظم الأعضاء هو . انزلو وراكو حاجة تلاقيكو فاضيين انزلو انزلو هو
ELL0RD أيوون محمد هييجي هنا و يسترجع شريط ذكريات طفولته على مدار اليومين بكرة وبعدة و من أول ما يبدأ لحد ما يخلص و مش عايزة حد يقاطعه إلا لما يخلص الحلقة كلها و إلا مش هنخلص  وبعد اليومين للاعضاء يوم تعليق على الحلقة يللا مستنيينك و إن شاء الله طفولة مشردة رائعة قصدي حلقة كويسة يعني نلقاكم غداا
__________________
أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، |
|
#13
06-08-2009, 12:03 AM
|
||||
|
||||
|
اقتباس:
أوكي شكراً على المرور اقتباس:
فيه شبه من قصة عضو
أه فعلاً بس هنا ذكريات طفولة و بس يلا يا ولوءتي هنستضيفك ذات مرة مش هسيبك لازم أستضيفك مرة شكراً على المرور في رعاية الله
__________________
أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، |
|
#14
06-08-2009, 12:28 AM
|
||||
|
||||
|
مساء الخير
انا شايف اسمى منور وفية واحد عبيط بيتريق اسمة احمد هيرو هتشوفو الى عمركم ما شفتوة بكرة اقعدو بالعافية
__________________
لا اله الا الله ... محمد رسول الله
|
|
#15
06-08-2009, 03:25 AM
|
||||
|
||||
|
السلام عليكم ورحمة الله وبركاتة اتمنى ان ربنا يوفقنى واقدر اكتب كل الى افتكرة وينال رضاكم يارب انا هقسم كلامى بطريقة غريبة شوية هبدأ أكلم عن طفولة محمد الاول بصفة عامة بس ربنا يسهل والوقت يسمح بعيدا عن المقدمات دى انا اسمى محمد الشربينى احمد من دكرنس / دقهلية اتولدت فى المنصورة يوم 6/10/1991 فى نفس اليوم دة وعند نفس الدكتور اتولد واحد اسمة محمد حمدى فتحت عينى على الدنيا بعد اهلى عليه هوة وهوة زى بالظبط بدأنا نلعب مع بعض وكان بيتهم جمب بيتنا على طول كانو بيقولو اننا توأم فى كل حاجة سبحان الله والله حتى الشكل المهم انا بطبيعتى اجتماعى اكتر بعكس محمد خالص ودا الاختلاف الوحيد الى بينا فى الفترة دى اتعرفت على كريم صاحبى عن طريق قرايبى وقاريبة وبعده عرفت حلمى وفضلنا احنا الاربعة الحمد لله احنا الاربعة كان متوفر لينا كل حاجة اننا نتربى فى بيئة كويسة مكناش محرومين من اى حاجة من الاخر يعنى كنا مشهورين جدا فى المنطقة لاننا كنا بنحب بعض جدا رحنا فى يوم بيت كريم كان هناك ست قريبتة من بعيد كدة فكنت انا ومحمد بس فقالت ياختى شوفى العيال شكل بعض وحلوين ازاى بقى دول لسة عيال صغيرة واصحاب كدة يا حلوتكم مش تشوفو الموكوس ابن بنتى محدش يعرفة ولا يعرف حد سبحان الله تانى يوم اتخانقت انا ومحمد وكل واحد مشى فى طريقة تقريبا اسبوع انا بيحكولى انى مكنتش بعمل اى حاجة غير انى اعيط ومحمد بعدها تعب جامد جدا ودخل المستشفى واتحجز هناك يومين احمد اخويا اخدنى ورحنا نزور محمد فى المستشفى والحمد لله خف وطلع كويس تقريبا بعدها باسبوع او اسبوعين حاجة زى كدة بدأنا نلتزم شوية فدخلونا الحضانة انا ومحمد وكريم وحلمى اتعرفنا على محمود واحمد وناس كتير اوى لسة معايا لحد دلوقتى الحمد لله كانت الحضانة دى احسن حضانة فى المنطقة كلها فى الفترة دى وكانت لسة جديدة كان فيها كمبيوترات واحنا منعرفش دا اية اصلا احنا كان اخرنا اتارى فى يوم بنلعب فى الحوش فكان فية مراجيح والكلام دة فانا بتمرجح ومحمد بيزقها كل واحد شوية كدة فانا اقولة زق اوى وهوة يزق كل شوية يقولى مش خايف اقولة لا فعملت فيها سبع رجالة فى بعض وهوة بيزق جامد قلت لة يابنى دا سهلة طب اسيب ايدى واوريك قالى اة ورينى لسة بسيب ايدى ملقتش نفسى غير تحت المرجيحة كان فية فرق بين المرجيحة والارض لان اصلا الحضانة كانت لسة جديدة ومش متظبطة فانا بقى نزلت فى الفرق الى بين المرجيحة والارض دة انا بابا تاجر مواد بناء وكدة فلما عرف جاب اسمنت وحاجات وظبط الحتة دى وباقى الحوش كمان كان عندنا دادة فى الحضانة عشان محدش يقول انى ابن وزير لا دا فى الحضانة اسمها طنط ام محمود كنا كل يوم الصبح انا ومحمد وحد من عندنا او من عندهم يودينا واحنا راجعين لو محدش جية ياخدنا يا اما طنط ام محمود بتروحنا كلنا يا اما الابلة ايمان بتروحنى انا ومحمد فى ايدها دى كانت الابلة بتاعتى طول فترة الحضانة طول الفترة دى حلمى وكريم مش قريبين مننا اوى بعدها قربنا من حلمى وكريم اوى اوى اوى فى يوم لقيت محمد بيقولى كريم بيتخانق فى الحوش فرحنا فلقينا عيال كتير اوى بيضربو فية كانت اول خناقة فى حياتى واحنا فى الحضانة
المهم اضربنا عشان العيال كانو كتير رحنا عند الابلة ايمان كانت بتحبنى فبتقولى احكيلى الى حصل معرفتش ارد ولا اى حد مننا عرف يرد بس العيال التانية كانو ازكية اكلمو وطلعونا غلطانين واحنا كل الى نقولة لا والله كذاب ومش عارفين نقول غير كدة هههههههههههههه المهم الابلة ايمان ضربتهم كلهم الا انا ومحمد فبابا العيال دول جم الحضانة وقعدو يزعقو ويشتمو وكدة وحصل شوية مشاكل المهم خلص الموضوع دة واتنقلنا الابتدائى اولى ابتدائى كنت باخد معايا 2 سندوتش ومحمد كذلك وكنت باخد جنية مصروف ومحمد كان كدة كل يوم واحنا مروحين بنرمى الساندوتشات فى جمب  وكان فية اكتر من كانتين بس كل واحد وزوقة المهم كان موجود عم حنفى بيعمل حلاوة من الى هيا اول ما تتحط فى البوق دى مش بتلاقيها عارفينها ولا اجيب لكم صورة ؟ كنا بنبقى مبسوطين اوى عشان اول ما ناكلها مش نلاقيها كان بيبيع الواحدة بربع جنية الحرامى  ام هند بدأ حوار الدروس اناكنت باخد درس مش خصوصى بس خارج المجموعة فكان يجى المدرس يقول هنسقطكم لو مجيتوش المجموعة المهم بابا وبابا محمد عملو شكاوى والكلام دة ومحدش كان بيستقصدنا تانى واتظبطنا اوى من بعد الشكاوى دى فى المدرسة كان حارس الامن قريب حلمى ويعرفنا وكدة المهم كنا كل يوم نروح لة عاوزين نطلع ميرضاش فجينا فى يوم اتفقنا اننا نسرق المفاتيح دى هههههههههههه طب نعمل اية انا ومحمد هنقف تحت نراقب الطريق وكريم وحلمى هيطلعو يجيبوة من الشقة بتاعتة مكنش حد فيها على اساس بقى انهم لما هيعرفو ان المفاتيح اتسرقت هيقولو خلاص سيبو البوابة مفتوحة المهم تانى يوم لقينا القفل بتاع البوابة متغير فى يوم رحت اعمل البتاع الى هوة وحدة صحية ولا مش عارف اية دة عشان اخرج يعنى بدرى فالمدير قالى انت مدفعتش المصاريف تقريبا كنت فى تانية ابتدائى او تالتة ياخبر على الى حصل انا مدفعتش فضييييييييييييييييييييحة قعدت اعيط لحد ما روحت تانى يوم احمد اخويا وبابا جم بجد بهدلو المدير لان انا كنت دافع وكدة المدرسة عندنا كانت متقسمة زى حزبين كدة المدير والشلة بتاعته الى واخدنها بالصدر والمدرسين المحترمين المهم انا ابن عمى مدرس عربى فى المدرسة وكنا قاعدين فى الفصل سمعنا زعيق جامد برة طلعنا لقينا اتنين مدرسين توأم بيضربو فى ابن عمى دة اعمل اية اعمل اية كان فصلنا فى الدور الارضى فمحمد قالى بص همسك ايدك وانت تنزل لحد ما تطول الارض وحلمى هيشدنى عشان منزلش انا معاك قلت لة طيب وفعلا نزلت كانت اول مرة اهرب رحت جرى على البيت انا اخويا جزار قلت لة الاستاذ محمود بيتخانق مع الاستاذ حسينى والاستاذ حسن وبيخر دم كان فاتح المحل قام منادى على ابنة وقالة خليك هنا واخد الشاطور وراح على المدرسة مسك الحسينى وحسن قال لهم ورونى بتضربوة ازاى بقى وكانت المدرسة كلها بتتفرج وانا اضحك اخويا بقى بيضرب الاستاذ معتش هيقدر يكلمنى وجت الشرطة وكان وقتها عمى لسة فى القسم بتاعنا المهم ظبط المحضر بتاع احمد وخرج ومحصلش اى حاجة جينا لـ 3 ابتدائى فى الامتحانات كانو المراقبين بيجو لينا من بلد الاسطورة يعرفها اسمها ميت مجاهد فالبلد دى لينا قرايب فيها وانا طبعا فاشل واصحابى افشل فبعتنا لقرايبنا اسماء المراقبين الى جاين وكانو بيظبطوهم اقسم بالله لحد النهاردة فيهم واحد اسمة الاستاذ طلعت بيقابلنى يقولى فاكر 3 ابتدائى هههههههههههههههه كانو بيجو يكتبو لينا والله فى الورقة المهم الحمد لله كنا بننجح جت فى 5 ابتدائى كان عندنا انجليزى ومدرس اسمة البحيرى بقى دا اسم دة ودى سبب عقدتى فى الانجليزى من البداية سالنى اسمك اية بالانجليزى معرفتش ارد كان معاة خرزانة كبيرة اوى ضربنى على كتفى جاب دم والله فبقولة والله لهقول لاخويا قالى ينعل ابوك لابو اخوك المهم سكت لما الحصة خلصت جية محمود ابن عمى كان عندنا عربى فحكيت لة وكانت ايدى بتجيب دم جامد وعاوزة تتخيط فاخدنى خرجنى رحت لاحمد كان القميص كلة دم فبيقولى اية دة قلت لة الاستاذ ضربنى قالى استاذ مين قلت لة البحيرى فاخدنى ورحنا للدكتور مكنتش محتاجة خياطة اوى ربطها وظبطها وبابا راح لاخو البحيرى دة لان باباة ميت اخوة قالة هوة مش هيجيبها لبر وكلمتة بيقل ادبة فى الكلام احمد اخويا كان واقف قالة طب لو دخل المدرسة تانى انا هدبحهولك وراح تانى يوم وقف دام المدرسة وطبعا مجاش تالت يوم جية واحمد جية بعدة اتقابلو فى الشارع كان احمد اخويا معاة الى شغال معاة المهم مسكو البحيرى دة خبطوة علقة صح ومن بعدها البحيرى دا انقطع اخبارة سافر السعودية باين واحنا اتنقلنا الاعدادى بقى كدة انا اكلمت بصفة عامة عن الطفولة كلها لحد الابتدائى لسة ليا رد او اتنين ان شاء الله ربنا يسهل الحال يارب معلش طولت عليكم والكلام مش مترتب بس والله انا مش مجهز الى كنت بفتكرة كنت بكتبة طفولة متشردة تصبحو على خير
__________________
لا اله الا الله ... محمد رسول الله
آخر تعديل بواسطة MoHaMeD ELsHeRbEnY ، 06-08-2009 الساعة 03:33 AM |
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 05:23 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
