سؤال لفامبير

[today_2011]

بص بسرعة كدة انا اولى تجارة قاهرة ودخلت لقيت كل الدكاترة بيقولوا متشتروش ملازم والا هنسقطكم !!

ومفيش اي حاجة ازاكر منها ولا فاهم اي حاجة اعمل ايه بجد انا قرفان جدا !!

[bloodyman]

نفس الكلام اللى اتقلنا وانا كمان مفيش ادامى غير الكتب مش عارف اعمل ايه

[ملك عاشقة الرياضيات]

حاجه بسيطه كده ايه اللى بتقولوه ده هو مش فيه محاضره بتتشرحلك وبيكتبها وبتفهمها سيان الدكتور حلو وحش قول لو حلو بتخرج فاهم من 80%الى 90%او حتى كمان 100% لو بقى الدكتور وحش اى نعم مفيش كده لان انته على الاقل بتلقطلك كام كلمه سورى يعنى ده لو متخلف عقليا هيلقط كام جمله مش كام كلمه يعنى قول حوالى من 40الى 50% احنا لسه فى الاول واكيد دفعتوا تمن الشنطه 25 جنيه الكتب يعنى وهتنزل الاسبوع الجاى هتقررا الكلام ده تانى ولعلموكوا الدكتور الوحش انا مش بعتقد ان فيه وحش اصلا بس اهو بيبقى كتابه حلو على ما سمعت انتوا بقى عايزين ملازم ليه اقسم بالله وحياه ربنا اصحابى اول مخرجوا من المحاسبه اول امبارح ايه القرف ده انا مش فاهمه ولا كلمه والكل هاص والهبل ده لان الكل كان داخل ومهئ نفسه ان الدكتور ده معفن وبكل صراحه لكن واللهى هو طيب ولو ركزت معاه هتفهم ده كفايه انه بيسمع تريقته والشتيمه وواقف يكمل يعنى حرااام بجد ده لو كلب مش هيقبل ده دكتور واحنا بالنسباله ولا اى حاجه اصلا واللى عنده اصحاب فى مجموعه الف اكيد عرف ايه حصل فى محاضره المحاسبه النهارده يوم التلات يعنى وبرضه هرجع لكلامى تانى اصحابى اشتروا الملازم اللى بتتوزع نفس الكلام اللى انا كاتبه من دكتور محمد شوقى بشادى ده مكتوب فى الملازم بالنص ايه الفايده بقى وبجد انتوا هل دكتور فعلا قالها بصريح العباره كده هسقطكوا معتقدش دكتور مصطفى عبد الغنى هو اللى اتكلم فى النقطه انها فيها اخطا وبما ان دى مصدرك الوحيد مش هتعرف الصح من الغلط اكيد وهتجاوب غلط والدكاتره عارفه المعلومه دى منين فبالتالى سوف تسقط يعنى وفليه كل ده حتى لو دكتورك وحش ده اقتراحى وهعمله ان شاء الله واذا كنتم ناوين على المذاكره والتزام وكده مش رايحين تتجولوا فى الجامعه شوفا دكتور الناس بتشكريه وشوف جدوله واحضرله كانه بتاعك بالظبط ولكن احضر لبتاعك انت كمان اللهم بالغت اللهم فاشهد الدكتور ده ممكن يلغى حاجات وانت لا لكن احضر وشوف الجو قادر تجمع وماشى خلاص معرفتش يبقى خلاص المحاضره والكتب انا طولت عليكم بس كان محروق دمى من اللى حصل النهارده فى مدرج العيوطى بس ربنا يوفقنى ويوفقكم وكل امه المسلمين امين يارب العالمين

[vampire1188]

فكك واشتري ونفضله تنفيضة السنييييييييييين

هوا بص .. كتعليم صح .. لازم تحضر المحاضرة وتتعلم وخصوصا في المحاسبة

يعنى لو على المواد النظري اتس اوكي زيط يا معلم في الملازم وفكك من اي دكتور

لكن العملي بالذات نصيحتى ليك تحضر وتستحمل عشان تفهم

لان محاسبة اولي دي هيا مفتاح فهمك لكل المحاسبات في كل السنين الجايه

وغير كدا خد بالك ان انت هايبقى عندك محاسبة في الترم التاني بالانجليش

هاتبقى هيا هيا المحاسبة المالية بس بالانجليش ..

فلو فهمت العربي كويس هايبقى الانجليش دا بالنسبالك حاجة تافهه

لكن لو نفضت هاتتعب فيها في الترم التاني