رداً على مقاطعة الأخوان لنا و لمطالبنا العادلة

[icdl_man]

ليه ما نبقاش صرحاء و نسمى الأشياء بأسمائها

1- الأخوان و السلفيين ضحكوا علينا فى الاستفتاء و قلنا نعم علشان الإسلام و بعدين اكتشفنا أنها صفقة مع الجيش و اللى أحنا فيه دلوقت من نعم بتاعتهم اللى ملهاش علاقة بنصرة الإسلام و لكن نصرة المجلس

2- الأخوان ضحكوا علينا لما سموا نفسهم معلمين بلا نقابة و اخترناهم على أساس أن ليس لهم أنتمائات حزبية و لا سياسية و لما فازوا قالوا أنهم الأخوان المسلمين برغم أنهم حلفوا مرارا و تكراراً أنهم ليسوا من الأخوان

3- الأخوان بحزب الحرية و العدالة بيضحكوا علينا للمرة الثالثة بحزب الحرية و العدالة الذى هو الأخوان المسلمين و مش حيضكوا علينا بحملة تطعيم أو بيع كراسات بسعر الجملة ما هى بسعر الجملة أيوه بس الجملة دى بتكسب مش شوية

4- ضكوا علينا بأسم واحد اسمه الحلوانى تفاوض مع الوزير فى السر و وصل لمكاسب على حد قوله و من نظرناً هى حقوقنا المشروعة و بعدين شافوا إن الإضراب بيعطل البلد طيب يوم 10 / 9 قبل الإنتخابات مش كنتوا معانا فى المظاهرات أمال يوم 15 / 9 بعد الأنتخابات بقت المظاهرات حرام و لا خلصت حاجتى من جارتى

5- ضحكوا علي أخواننا فى الصعيد لما خلوا أولياء الأمور تهيج عليهم.

6 استخدموا منابر الجوامع للقيام بهجمة شرسة كتى يكونوا هما الحلوين الأمامير اللى الناس تنتخبهم فى مجلس الشعب.

7- المنشورات و الورق الذى وزعوه بكميات فى الانتخابات ياترى جاء وقت لم ثمنه من دمنا.

8- ضحكوا علينا لما قالوا لينا أن كل من يعارضهم هوا فلول أو شيوعى أوكافر أمال لو صلتم للحكم حتعملوا فينا ايه

و لكن عفواً يا سادة قد أنتهى وقتكم و لن يضحك علينا بعد الآن

و شكراً تقولوا فلول تقولوا شيوعى تقولوا اللى تقولوه أنا حأقول لكم أنا معلم مصرى مكوى بنار الأسعار و بنار الكذب و بنار اللى عايزينا سلمة لأغراضهم

و شكراً

[icdl_man]

ليه ما نبقاش صرحاء و نسمى الأشياء بأسمائها

1- الأخوان و السلفيين ضحكوا علينا فى الاستفتاء و قلنا نعم علشان الإسلام و بعدين اكتشفنا أنها صفقة مع الجيش و اللى أحنا فيه دلوقت من نعم بتاعتهم اللى ملهاش علاقة بنصرة الإسلام و لكن نصرة المجلس

2- الأخوان ضحكوا علينا لما سموا نفسهم معلمين بلا نقابة و اخترناهم على أساس أن ليس لهم أنتمائات حزبية و لا سياسية و لما فازوا قالوا أنهم الأخوان المسلمين برغم أنهم حلفوا مرارا و تكراراً أنهم ليسوا من الأخوان

3- الأخوان بحزب الحرية و العدالة بيضحكوا علينا للمرة الثالثة بحزب الحرية و العدالة الذى هو الأخوان المسلمين و مش حيضكوا علينا بحملة تطعيم أو بيع كراسات بسعر الجملة ما هى بسعر الجملة أيوه بس الجملة دى بتكسب مش شوية

4- ضكوا علينا بأسم واحد اسمه الحلوانى تفاوض مع الوزير فى السر و وصل لمكاسب على حد قوله و من نظرناً هى حقوقنا المشروعة و بعدين شافوا إن الإضراب بيعطل البلد طيب يوم 10 / 9 قبل الإنتخابات مش كنتوا معانا فى المظاهرات أمال يوم 15 / 9 بعد الأنتخابات بقت المظاهرات حرام و لا خلصت حاجتى من جارتى

5- ضحكوا علي أخواننا فى الصعيد لما خلوا أولياء الأمور تهيج عليهم.

6 استخدموا منابر الجوامع للقيام بهجمة شرسة كتى يكونوا هما الحلوين الأمامير اللى الناس تنتخبهم فى مجلس الشعب.

7- المنشورات و الورق الذى وزعوه بكميات فى الانتخابات ياترى جاء وقت لم ثمنه من دمنا.

8- ضحكوا علينا لما قالوا لينا أن كل من يعارضهم هوا فلول أو شيوعى أوكافر أمال لو صلتم للحكم حتعملوا فينا ايه

و لكن عفواً يا سادة قد أنتهى وقتكم و لن يضحك علينا بعد الآن

و سنعمل بمبداً ثابت لديكم من ليس معنا فى هذا اليوم فهو علينا ( و تذكروا أن أصغر من فينا يستطيع ايصال حقيقتكم لعقول مئات من الطلاب هما الأصوات الأنتخابية للغد)

و شكراً تقولوا فلول تقولوا شيوعى تقولوا اللى تقولوه أنا حأقول لكم أنا معلم مصرى مكوى بنار الأسعار و بنار الكذب و بنار اللى عايزينا سلمة لأغراضهم

و شكراً

[حسن السويسى]

الحمد لله أن وجههم الحقيقى ظهر قبل الانتخابات البرلمانية ليعلم الجميع أنهم لا يسعون الا وراء مصالحهم الخاصة

وليس لهم أى ولاء إلا لمرشدهم الذى يحركهم مثل الدمى

وحسبنا الله ونعم الوكيل

[ashraf ram]

المشاركة الأصلية كتبت بواسطة حسن السويسى

الحمد لله أن وجههم الحقيقى ظهر قبل الانتخابات البرلمانية ليعلم الجميع أنهم لا يسعون الا وراء مصالحهم الخاصة

وليس لهم أى ولاء إلا لمرشدهم الذى يحركهم مثل الدمى

وحسبنا الله ونعم الوكيل

ولماذا لا تقول ولا ءهم لله ثم للمصلحة العامة وليس المصلحة الشخصية الضيقة
وبحسبة بسيطة نقول ان الاخوان تعداد المعلمين فيهم يقترب من 50 الف يعنى كتلة لا يستهان بها
ثم انها لها نفس الدخول المادية لنا جميعا فلماذا يتركون مصلحة تدر عليهم وضع مادى محترم وهم اقدر الناس على تحريك الشارع التعليمى معهم شئنا ام ابينا بدليل فوزهم فى النقابة وفى الاعادة بعد شن الحملة ضدهم
ولا يعيب الاخوان ابدا انهم منظمين ولهم مواقف واحدة ام تراك تحب ان يكونوا متشتتين وباراء مختلفة لن يحترمهم احد ولن يهابهم احد ولن تكون هذه الضجة حولهم اليوم
هون عليك وتكلم بموضوعية

[غفرانك اللهم]

المشاركة الأصلية كتبت بواسطة حسن السويسى

الحمد لله أن وجههم الحقيقى ظهر قبل الانتخابات البرلمانية ليعلم الجميع أنهم لا يسعون الا وراء مصالحهم الخاصة

وليس لهم أى ولاء إلا لمرشدهم الذى يحركهم مثل الدمى

وحسبنا الله ونعم الوكيل

اوجزت فاوفيت اخي الحبيب انا عندي في المدرسة واحد اخواني كان زمان متواضع ومحبوب دلوقتي نجح في انتخابات النقابة وبيقي الغرور راكبه وفاكرين البلد بقيت بلدهم وانت ماشي في الشارع تلاقي الواحد منهم بيبص للناس بقرف والله انا بقدر ما كنت متعاطف معاهم بقدر ما انا بكرههم لانهم خونة وزي ما قلت هيرجعوا مع الفئران مرة اخرة بمجرد ان يكون هناك رئيس للبلاد

[ashraf ram]

المشاركة الأصلية كتبت بواسطة غفرانك اللهم

اوجزت فاوفيت اخي الحبيب انا عندي في المدرسة واحد اخواني كان زمان متواضع ومحبوب دلوقتي نجح في انتخابات النقابة وبيقي الغرور راكبه وفاكرين البلد بقيت بلدهم وانت ماشي في الشارع تلاقي الواحد منهم بيبص للناس بقرف والله انا بقدر ما كنت متعاطف معاهم بقدر ما انا بكرههم لانهم خونة وزي ما قلت هيرجعوا مع الفئران مرة اخرة بمجرد ان يكون هناك رئيس للبلاد

والله برافو عليك شفت نظرة القرف ازاى
انت لازم تدخل موسوعة جينز للكذب والحقد والتدليس

[ashraf ram]

يا سيدى الفاضل المحترم انا لا اعرف ايه مشكلة حضرتك الحقيقية مع الاخوان
كل ما ذكرته انهم ضحكوا عليك مرارا وتكرارا لا يتناسب مع الاخوان اولا ولا مع حضرتك
لانه لايلدغ المؤمن من جحر مرتين
حضرتك تحمل الامور ما لا تحتمل وتخلق اشياء هى فى مسار الظن وفقط وليس حقائق على الارض ولا تتناسب مع ثقافة الاختلاف وادارته بطريقة متحضرة وديمقراطية
خلط الاوراق والاشخاص والمواقف واضح جلى فى كلام حضرتك وتركيبها لتخرج لنا بنتيجة انه لا امان للاسلاميين ولا وثوق فيهم وانهم خانوا العهد والوعد ولا يعملون الا لمصلحتهم الشخصية
كل هذا كلام مرسل لا دليل مادى قوى عليه غير الظنون والشكوك وسياسة التخوين
اعلم اننا لم نتعافى بعد من 60 سنة تجهيل وارساء قيم سلبية فى حياتنا
لكن انتظر من حضرتك ان تكون من الذين يبنون لا يهدمون
احب ان اقول لك من السهل ان تجلس متفرجا فى مباراة كرة قدم مثلا تسب هذا وتلعن هذا وتكون لهذا انه اعمى لايرى الشبكة التى امامه
لكن اطلب من سيادتك ان تنزل 10 دقائق فقط ارض الملعب لترى ان ساقيك تلتف حول بعضها وانك لا تستطيع ان ترى الكرة لا ان تلعب بها
ما اقصده انه من السهل جدا ان تجلس امام النت لتنتقد المواقف كلها اليمين والشمال لكن من الصعب ان تكون فى موقع مسئولية تتخذ مواقف فى اطار متغيرات وعوامل كثيرة تؤثر وتتأثر بقرارك
طبعا ربما تقول لى اننى بعدت عن الموضوع الاصلى وتكلمت فى امور بعيدة او ...........
اقول لحضرتك ان اتكلم فى اصل ما نعانيه كلنا وربما ما يشغل حضرتك هو مشكلتك الضيقة التى لو وصلت لها عن اى طريق ستستريح ولا يعنيك اى امر اخر انا اقول ربما وهذا تفكير المصلحة والمنفعة التى تربينا عليها سنين طوال وصعب جدا ان نتنازل عنها

[ashraf ram]

ثم مسألة الابتزاز بالا نتخابات لا يتناسب مطلقا مع العقل والمنطق
يا سيدى من يتخذ موقف ما يعرف انه لن يتفق عليه الجميع
ولو تكلمنا بسياسة الانتخابات وحصد الاصوات ستكون عملية خاسرة من طرفك
وممكن اثبت لك بالدليل من دراسة طبيعة الشعب ودراسة الواقع
واسوق لك دليل مادى واحد فقط
فى انتخابات الاعادة للمعلمين مثلا فى محافظة الفيوم التى جاءت بعد شن حملة ضد الاخوان
ماذا حصل هل خسر الاخوان الانتخابات
بالعكس اكتسح الاخوان تلك الانتخابات بنسبة 100%
وبعدها فازت قائمة الاخوان فى نادى الشمس الرياضى لاول مرة فى التاريخ والجغرافيا
يعنى معلمين ومجتمع
لا احب ان ادخل معك فى مهاترات من هذا النوع لمن ما يحزننى فعلا ان يتحدث بعض المعلمين بسذاجة تدلل اننا فقدنا قيمتنا فى المجتمع ولم نصل الى االمحامين ولا الصحفيين ناهيك ان نصل الى مستوى القاضى الذى نقول اننا افضل منه لاننا الذين ربيناه وعلمناه
يا سيدى الفاضل ما اود قوله اننا نحتاج الى وقفة مصارحة لكى نخرج من وضع متدنى للمعلم فى اذهان المجتمع نحن اول المسئولين عنه لاننا للاسف نفرط فى احترامنا لانفسنا فكيف يحترمنا الناس

[حسن السويسى]

لله الامر من قبل ومن بعد وحسبنا الله ونعم الوكيل في كل من يخون المعلمين ويبيع نفسه من اجل البرلمان والصفقات السياسية المشبوهة أيا كان انتماؤه

[أحمد على فارس]

بارك الله فيك إنك فضحت هؤلاء بس أحسن حاجة إنك طرحت فكرة رائعة لضرب هؤلاء الخونة بس
المشكلة يا أخى إن مش بس الإخوان كمان النقابات اللى بتقول مستقلة هى كمان باعت المعلم ودول كمان عاوزين توعية بين المعلمين عشان محدش يضحك علينا تانى

[ragab hassan]

الدنيا مصالح وقت مصلحتك اللى مخاصمه تصالح وعجبي على اللى تخلى عن المعلمين

[algazzr]

يا راجل
كل ده فى الاخوان
لااله الا انت سبحانك انى كنت من الظالمي عدد ما كان وعدد ما يكون وعدد الحركات والسكنات
لااله الا الله عدد ما كان وعدد ما يكون وعدد الحركات والسكنات
اختلاف الرأى احيانا يعمينا عن حق الاخر فى ان يختلف
او يقول رأى
الاخوان لم يشتركوا
ولو اشتركوا لتحققت كل المطالب بلا جدال
وهذا يقينى واعتقادى
ام انهم لم يشتركوا ربما غرر بهم فلم يشتركوا
لذلك ضاعت قيمة مطالبنا
لان الطلبات ينبغى ان تكون باخلاص
لالا للاستعراض
والانانيه
وحب الظهور
من قام ولم يفلح فى تحقيق مطالبه يتهم الاخر انه افشله
وهذا منطق غريب
منطق بوشى قديم اما ان تكون معى او ضدى
وانهت هذه السياسه الحمقاء منذ زمن
فينبغى ان يسعى كل منا الاخر ان يقبله ولعله خير ما حدث
ولعل للاخوان وحهة نظر فد تكون خطأولكن تحترم
وللخرين وجهاتنظر تحترم
ولكنى حزنت لعدم مشاركة الاخوان وانا منهم
وكنت اود ان يشتركوا لكى يتم تحقيق المطالب والمظالم التى وقعت علينا
فلسنا اقل من الشرطه او البنوك
ولله الامر من قبل ومن بعد
وهذا قدرنا

[حسن السويسى]

سبحان الله انظر لرد فعلهم عندما يتعلق الامر بمصالحهم الشخصية:

جريدة اليوم السابع:

الإخوان يهددون بالتصعيد لمنعهم من دخول نقابة المعلمين

[smsmale]

اعتقد من الصواب ان كل معلم اخوانى لا يتكلم باسم الدين ويتكلم عن فكر جماعه لها مرشد وتنظيم سياسى فقط لاننا نعرف ديننا كويس واللى زعلان من كلمه كتبت على الاخوان الايام جايه مش رايحه وستثبت للشعب المصرى حقيقى الاخوان الزائفة وانهم يسعون للسلطة وان شخصيا سانتخب اى حد الا الاخوان لانهم منافقون وربنا يحاسبنى على ما اقول واعرف معظمهم وخلينا ساكتين احسن

[teacher_2]

http://www.thanwya.com/vb/showthread.php?t=378190

شوف اللى كانو بيقولو
بلاش اضرابات
ولا اعتصامات
وعجلة الإنتاج
عاملين ايه دلوقتى ؟