لو فجأة كسبت 10 مليون جنيه تعمل بيهم ايه؟؟تشتري 2كيلو كباب وكفته

[علاء سيف]

الاخوة الاعزاء كيفكم جميع افاض الله عليكم من نعمه ظاهرة وباطنة
فكرة الموضوع قد تكون بسيطة بس بتوضح اشياء كتيرة
البدايه : مشهد في فيلم يقول فيه محامي لفراش المكتب قوللي يا عم ابراهيم لو معاك 3مليون جنيه تعمل بيهم ايه وكان الراحل محمد شوقي هو الفراش فقال بتلقائية عجيبة اول حاجة اشتري كيلو كباب وكفته للعيال
فرد المحامي بسخرية :طيب ادي مليون
احلام الغلابة والبسطاء زينا تكون برضة بسيطة لانه لم يعرف في دنياه حلم اكتر من الكفته
ففكرت أعمل موضوع كل واحد يحط فيه احلامه
يمكن نكون من النوع التاني في حديث الرسول صلى الله عليه وسلم :
انما الدنيا لاربعة نفر والثاني رجل رزقه الله علم ولم يرقه مال فيقول ليت لي مثل فلان الذي رزق مال فأعمل بعمله فهما في الاجر سواء
ولكن الواد محمد الغلباوي نصحني اكبر المبلغ قال هو الثلاثة مليون هايجيبو ايه ده مايكفيش شقة في مدينتي وعربيه هامر وعلى رأي المثل ان عشقت اعشق قمر وان ركبت اركب هامر
ولاني مش هادفع حاجة من جيبي وباقول من البدايه اهه ده مجرد حلم وماتعيش في الوهم
وافقت وقلت أخليهم عشرة مليون
ياريت كل الاعضاء الغاليين يقولوا لنا احلامهم وافكارهم

وأسألكم الدعاء لمحمد ابني وكل مريض بالشفاء

[علاء سيف]

الاخوة المشرفين
لا اعرف سبب نقل الموضوع الى هنا هل لمجرد كلمة كسبت في العنوان ؟؟؟؟؟؟؟
اعرف ان القسم العام اصبح زحمة ومقدر الضغط اللي عليكم بس لي رجاء التدقيق قليلا قبل النقل