المعاكسات صداع كل يووم بنت وولد

[يوسف الشوري]

السلام عليكم :


انا بطرح المناقشه لموضوع المعاكسات اللى بتحصل للبنات فى مصر
فياريت مشاركه ايجابيه والرد على الاسئله بكل وضوح وصراحه واللى عاوز يجاوب اجابه بره الاسئله براحته مفيش مشاكل
المهم الاجابه او الراى يكون موضوعى وياريت يكون فيه مصداقيه يعنى موقف حصل قدامك من اى حد تعرفه او متعرفوش
او شفته فى اى مكان ولو عاوز تطرح اسئله جديده تجاوب عليها مفيش مشاكل


الشباب :


1-انت فعلا شايف ان البنت المحترمه مش حتتعاكس ؟؟(مش من حضرتك طبعا انما فى العادى)

2- لما بتشوف بنت حد بيعاكسها ممكن تعمل ايه ؟؟ بيكون ايه رد فعلك ؟؟

3- ازاى ممكن نعالج موضوع المعاكسه ؟؟

4-مين السبب برأيك ؟؟البنت ولا الولد ؟؟؟


5- هل ممكن تعاكس بنت محجبه اه ولا لا ولماذا؟؟؟؟؟؟؟؟؟؟؟؟؟


6- لما بتعاكس بنت عمرك تخيلت اختك مكانها او زوجتك او خطيبتك؟؟؟؟؟؟؟؟؟؟؟؟؟


7-مين السبب فى موضوع المعاكسات هل هى البيئه ولا الاسرة ولا المجتمع والا النظام التعليمى ولا الوعى الدينى
ولا الاعلام؟؟؟؟؟؟؟؟؟؟


8-ايه نوع المعاكسات ؟؟؟؟؟؟؟؟؟

9-ايه الالفاظ اللى الشباب بيقولها فى المعاكسات؟؟؟؟؟؟؟؟؟؟




**********************************

البنات :


1- انتى من وجهه نظرك شايفه المسئوليه تقع على مين ؟؟

2- و هل فعلا لو بنت محترمه محدش حيعاكسها ؟؟؟

3-هل البنت المحجبه بتتعاكس اقل ؟؟؟

4- مين الفئه العمريه الي بتعاكس اكتر؟؟

5-هل التعليم والتربيه ممكن تقلل من ان الولد يعاكس البنت

6- هل البنات كمان بتعاكس الصبيان؟؟؟


7 -ايه الالفاظ اللى بتسمعيها فى المعاكسات؟؟؟؟؟؟؟؟؟؟؟؟؟؟؟


8-لو حصل واتعاكستى فى الشارع فى الجامعه بتعملى ايه (بتردى ولا مش بتردى ولا بتزعقى وتلمى عليه الناس ولا ممكن
توديه القسم ولا الطيب احسن دى شقاوة شباب مع ابتسامه حلوة لو الكلام عجبك -لو هتعملى حاجه تانيه قولى)


وشــــــــــــــكـــــــــــــــــــــرا .....

:a v4056bb7jp3::sti ckjo4:

[nanes]

البنات :


1- انتى من وجهه نظرك شايفه المسئوليه تقع على مين ؟؟

على الولد والبنت كمان

2- و هل فعلا لو بنت محترمه محدش حيعاكسها ؟؟؟

لأ بتتعاكس بردو

3-هل البنت المحجبه بتتعاكس اقل ؟؟؟

معظم بنات مصر محجبات .. اكيد بردو المحجبه بتتعاكس

4- مين الفئه العمريه الي بتعاكس اكتر؟؟

يعني من 17 ل 23 ده اعتقادي

5-هل التعليم والتربيه ممكن تقلل من ان الولد يعاكس البنت

لأ القيم والأخلاق والتربيه الصح بجد

6- هل البنات كمان بتعاكس الصبيان؟؟؟


اانا سمعت عن كده بس مشفتش بعنيا

7 -ايه الالفاظ اللى بتسمعيها فى المعاكسات؟؟؟؟؟؟؟؟؟؟؟؟؟؟؟

ملوش اي لزمة السؤال ده على فكرة

8-لو حصل واتعاكستى فى الشارع فى الجامعه بتعملى ايه (بتردى ولا مش بتردى ولا بتزعقى وتلمى عليه الناس ولا ممكن
توديه القسم ولا الطيب احسن دى شقاوة شباب مع ابتسامه حلوة لو الكلام عجبك -لو هتعملى حاجه تانيه قولى)

لو كلمة ومشي من نفسه .. خلاص انا مش همشي اتشاكل مع طوب الأرض .. لكن لو زودها .. برد عليه .. وبلم عليه اسكندريه كلها ...


لو كنت فاضيه كنت هفتح شوية في المناقشه .. بس الدنيا مشاغل

[hazem_ayman]

احترم نفسك
لكل واحد بيتعدي على حرية الاخرين
لكل واحد شايف نفسه على البنات
لكل واحد بيضايق بنت في الشارع... بكلمة..بنظرة
المهم ان خلاص بقى مش هنسكت
عشان لسه فيكي رجالة يامصر



فى استفتاء اتعمل بين الشباب عن رد فعلهم ايه لو شافو ولد بيعاكس بنت


14 % منهم قال ماليش دعوة

34 % قال هتدخل لكن بشرط تكون محترمة !

20 % قال لو شكلها مش محترم هعاكس معاهم




يا تري النتايج دي تطمن ؟ ؟؟؟؟؟؟؟؟؟؟

.
.
.




عايزين البنات تتعلم إزاي تتصرف لو حد ضايقها في الشارع

نفكر كلنا في طرق مبتكرة تحمي بيها البنت نفسها

عايزين الولاد يعرفوا قد إيه الحكاية دي مؤذية لكل بنت

نرجع تاني نخوة ولاد البلد لما كان واحد يشوف بنت بتتعاكس

عايزين الأهالي تعلم بناتها إزاي تتصرف ويكون ليها رد فعل لو اتعرضت لأي حاجة في الشارع

عايزين الأهالي تفهم ان البنت ضحية مش عشان اتعاكست يبقي لازم تكون هي السبب

عايزين قانون واضح ضده عشان من حقنا كلنا نعيش بحرية

ويمكن نتستغني عن ده كله لولقينا من تاني نخوة ولاد البلد
........................................

وشكرااااااااااااااا على موضوعك

[..Just Stop]

شكرا على الموضوع لكن للاسف مكرر
دمتم فى رعاية الله