|
اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
|
أدوات الموضوع | انواع عرض الموضوع |
|
#1
|
||||
|
||||
مخنوق؟زهقان؟فقدت الأمل؟..خش هنا
السلام عليكم..
اخواني في الله يارب تكونوا كويسين يارب وتكون الامتحانات كويسه معاكم .. آمين في ظل بعض البؤس الي انا شايفه في عيون ناس حواليا كتير في الثانويه حبيت اقول حاجه انا عشتها لما كنت قدكم وبجد نادم عليها جداااا ومش عايزكم في يوم تعيشوها.. اليأس وطبعاً اقصد اليأس من امتحان عدي بنتيجه مش طيبه أو بتعب من المذاكره وانك مش قادر تفتح الكتاب تاني وزهقت خلاص من بعد السنه الطويله دي .. انا عشت الاتنين .. وانا هقولكم حاجه .. امتحان التفاضل بتاعنا انا خرجت منه عاكك بالمعني الحرفي والرياضه كانت اسهل ماده عندي والكيميا كنت بكرهها وقلت يومها خلاص وانا مستقبلي ضاع وبقيت بذاكر الكيميا من غير نفس "مهي باظت" سبحان الله الي يخلي الماده الي بكرهها كره العما اقفلها والماده الي بحبها انقص فيها وانا ساعتها عرفت حاجه انتو هتحسوا بيها ممكن مش دلوقتي لكن يوم النتيجه اكتر.. انا ليه شغلت نفسي بشئ متعملش اصلاً وحسابات ربنا غير حساباتنا خالص ما يمكن ربنا اداك قرصه ودن صغيره لو من غيرها كنت جيت في ماده تانيه ونقصت جداااااااا.. يمكن ربنا خلاك تنقص شويه في تانيه عشان متنامش في تالته وكله بينام في تالته وكاتبلك مجموع انت نفسك محلمتش بيه .. انا عندي زميلي والله كان جايب في تانيه 96 في تالته جاب من غير المستوي 99.8!!! تصووووور معايا يعني 204.5 في تالته! وبلسانه ان نقصانه في تانيه احسن شئ حصله لأنه علمه حجات كتير يمكن لو مكانش اتعلمها وجاب مثلا في تانيه 98 ولا 99 كان استمر ع الي بيضيع وقته "منا كدا كدا بجيب درجات من غير ما اذاكر" وبلط في تالته! فكر ديماً بإيجابيه وان ربنا مش هيكتبلك حاجه وحشه بل انه مدام من صنع ربنا فهو اجمل ما في الوجود.. ومتقولش خلاص انا عكيت في الي فات اكمل عك ابداااااا حسابات ربنا غيرنا خالص والكلام الي بتسمعوه عن ان المصحح يمكن ميقراش الغلط ده حقيقي ووالله بتحصل معجزات بس خليك مع ربنا صدقني ربنا مدام انت معاه هتخرج من اي امتحان وعندك شئ اسمه راحه البال بأن ده في ايد ربنا .. انا عندي زميل ليا في الكليه ربنا يحفظه والله والله بيدخل الامتحان ويمكن مفتحش الكتاب بجد بس تلاقيه ديماً خارج مبتسم وديماً المصحف في ايده والله ما شفته في حياتي غير وفي ايده مصحف وتلاقيه جايب امتيازات ومش العيل الي بيخبي ابداً الفكره ان بالرغم انه بيذاكر قليل بس ربنا بارك في وقته وفي عقله وفي ورقته خليك كده مش ليه يارب بتنقصني انا وانا بذاكر وبعمل وفلان لأ ببساطه لأن ربنا عالم الاحسن ليك وتعبير كليات القمه مش صح لأن كل الكليات قمه والتعبير ده طلاب الكليات الي اسمها القمه اطلقوها علي كلياتهم مش اكتر لكن والله نص الي معانا في طب بيشيلوا مواد! تصور واحد جايب 99 ولا 100 وارقام كده وبيشيل واهو في كليه قمه ! وفي المقابل واحد دخل تجاره اي شئ ورضي وذاكر واتعين معيد شوف ده هيبقي فين وده فين اما الزهق فده طبيعي ومفيش مانع تدي نفسك ريست انت مثلا قدامك احياء ولا كيميا ريح يوم وابعد عن المذاكره خااااااالص..لأن ده احسن من انك تذاكر بدون شغف بالي بتذاكره بالعكس انت لما تقضي يوم مع اصحابك وكده هترجع مشتاق للكتب وهتنجز بشكل رائع واياكم ان تفقدوا الامل"معرفش الجمله صح نحويا ولا لا" وربنا معاكم يارب ويسعد ايامكم P.S: وحشتوني وربنا بقالي كتير مدخلتش وحبيت اطمن عليكم
__________________
Dr.Mohamed Mostafa Elkady
Benha Faculty of Medicine |
#2
|
||||
|
||||
يا سلام على دا كلام
جميل جداً جداً جداً بس يا خساره جى متأخر انا ضعت ف2 وكملت مسلسل الضياع ولسه بخرجو ف3 وهنشوف الدرما بتعتو يوم النتيجه والاكشن وكل حاجه ربنا يسترها انا السنادى ضااااااااايع بمعنى الكلمه هدفى ضااااااااع حتى لو قفلت وجبت 100 فالرياضه 2 والماده الادبيه مش هوصلو موضوعك جميل يا دوك ربنا يوفقك
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
#3
|
||||
|
||||
اقتباس:
__________________
|
#4
|
||||
|
||||
اقتباس:
يعم انتا ممكن تعوض شويه فادبى انا بقى خلاااااص على العموم ربنا يوفقنا وبعدين الثانويه الراعى الرسمى لليأس
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
#5
|
||||
|
||||
ياعم قول كلام غير دة دة انا مبوظ الدنيا خالص اعوض اية ياعم الحاج بس فى مثل بيقول لا تبكى على الشكولاتة السايحة
__________________
|
#6
|
||||
|
||||
اقتباس:
حلو المثل دا سكرو زياده:]
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
#7
|
||||
|
||||
ايييييييييييييييييييييية الكلام الجامد دة انت عندك حق يا دكتور احنا نسبها على ربنا عز وجل وانت كمان وحشتنا
__________________
|
#8
|
||||
|
||||
جزاك الله خيرا وفعلا ياريت ماحدش يفقد الامل مش بس فى الثانوية ده فى كل حاجة وحتى اللى مايدخلش الكلية اللى عايزها مايفقدش الامل ويحط هدف تانى قدامه ويصمم عليه وربنا مع الجميع
|
#9
|
||||
|
||||
مهوا سهل تغيير الهدف على كده بقى لما تكون بتحلم بحاجه بقالك كام سنه ومتوصلش ليها يبقى خلاص غيرها (سهل الكلام يا ساره والله)
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
#10
|
||||
|
||||
لا مش كلام انا اصلا اهدافى كان لايمكن تتحقق لانى كنت عايزة هندسة بترول ودى مش للبنات وغيرتها وبقيت مصممة على الطب وعندى استعداد لاى حاجة لو ربنا ماارادش
|
#11
|
||||
|
||||
يا سلام من بترول الى طب (ما شاء الله عليكى)وهوا كده تغيير ربنا يديكى الصحه يا اختى بالله شدى حيلك كده وربنا يوفقك انا عندى استعداد لاى حاجه ماشى وهدخلها واثبت نفسى فيها برضو بس برضو مش هكون فرحان نفس فرحتى لما اثبت نفسى فالحاجه اللى بحبها
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
#12
|
||||
|
||||
ربنا يوفقك ويوفق الجميع وان شاء الله كله هايحقق اللى هو بيتمناه
|
#13
|
||||
|
||||
اخرتها كده
__________________
اتعلم ازاي ترضى ، تصبر ، ،تنبسط ، تصنع سعادتك بنفسك وتساعد غيرك بدون انتظار اي مقابل اتعلم ازاى تنتصر ع الالم وتقوم اقوي واشجع ومتيأسش م المحاولات عشان المحاوله تستحق ، اتعلم تعيش 😉
|
#14
|
||||
|
||||
ربنا يكرمك يادكتر ويوفقك ادعلنا بقى .
__________________
|
#15
|
||||
|
||||
ربنا معاكم يارب وينور بصيرتكم
اقتباس:
والله انا بالأقلام الي باخدها السنادي مع كل قلم بصلح حاجه في طريقه مذاكرتي وكده بجد هتفيدني قدام فمش نهايه المطاف ابداً.. وشدي حيلك وربنا يحفظك اقتباس:
"الحب في زمن الكوليرا" اقتباس:
ايام اقتباس:
ربنا يوفقك يارب
__________________
Dr.Mohamed Mostafa Elkady
Benha Faculty of Medicine |
العلامات المرجعية |
الكلمات الدلالية (Tags) |
امتحان |
|
|