بعد طول مناقشه وجدال فهمت السبب

[nurahn]

انا دلوقتي فهمت ليه الاخوان المسلمين ( الشرفاء منهم ) والسلفين ( الشرفاء منهم) والليبرالين والعلمانين ( الشرفاء منهم ) مختلفين وكل واحد فيهم ماسك عصاية للتاني وعاوز يطوح ضرب فيه عشان يقنعه بافكارهم
والموضوع كله ميستاهلش لان ببساطه الاختلاف كللللللللللللله اختلاف مسميات فقطططططططط
انا كواحده عاوزه دوله مدنيه ذات مرجعيه اسلاميه ( طب متيجوا نحللها )
يعني انا عاوزه دوله بتحكمها شريعة الاسلام وفي نفس الوقت يكون فيها حريات للاقليه عشان منديش فرصه لدوله اوروبيه تقولك مصر ارهابيه فنضرب اقتصادنا بالسياحه او تقولك مصر اخوانيه او مصر السلفيه وظلم الاقليات الدينيه وتحرير الاقليات وحماية بطرس وجاك عشان احمد ومصطفي مبهدلنهم
عاوزه دوله متقولش اللبس هو الزي الاسلامي لان في مسيحيات اذا كانوا كافرين بالدين فازاي يطبقوا شريعته ولكن تحط مباديء للبس ( لبس الشريعه الاسلاميه برده) طب ماهي هي يا جدعان انا مسمعتش ان في ايام الخلافه كانت الكافرات بيجبروا علي لبسنا مثلا !! بالعكس ده احنا غيرنا لبسنا عشان منكنش زيهم
زي مابرده الرسول عليه الصلاة والسلام قال من تشبه بقوم فهو منهم يعني مش هنلبس زي الكفار يعني هنسبلهم الحرية في تصرفاتهم وعبادتهم
هيرد عليا واحد ويقولي لا اله الا الله طب ماهي دي الشريعه الاسلاميه وهو ده الي احنا هنطبقه
هقوله عليك نووووووووووووور
الموضوع كله مسمياااااااااااااااااااااااااااات وبس
انا بقول دوله مدنيه ذات مرجعية اسلاميه طب وهي تختلف عن ايه عن الدوله الاسلاميه
الاجابه مفيش لان الدوله الاسلاميه بتدي الحريات وتعمل كل الي بيطالبوا بيه اصحاب الدوله المدنيه صح ؟
كلها اختلافات في الاسامي لكن مفيش مسلم بيقول لا منطبفش شريعة الله
ومفيش اخواني هيقول لا احنا بشر ولما نغلط في تطبيق حاجه في الشريعه يبقي كلنا بشر وكلنا بنغلط
انت مش بتطبق بشريعتك انت كل خطوة هتعملها هتبقي بشريعة الله يعني انت هتلغي نفسك وحكمك هيكوووووووون كلللللللللللللللللللللللللللللللللللللللللله حكم الله وبس عشان انا مش عاوزه واحد ملوش لازمه يجي يقولي هو دينكم بيقول كده هو دينكم علمكم كده بعد محاكم يتكلم باسم الله ويعمل غلطات متتعملش ومش عاوزه حد يقولي لا مكلنا بشر وكلنا بنغلط تمام انا معاك بس تغلط لما تكون بتفكر وبتعمل خطوات من عقلك لكن انت دلوقتي هتكون واحد دارس كل كبيره وصغيرة في الدين ومش هتتصرف تصرف غير وعندك دليل عليه من القران او السنه صح؟؟

الملخص بقي
كلنا اختلافنا ولكن كلنا محترمناش راي بعض وكلنا متناقشناش وكلنا قضناها اتهامات ولو كنا اتقاشنا لكنا عرفنا اننا مش مختلفين
لكن محدش فينا فكر يقرب لوجهة نظر التاني انا لما فكرت شويه وقريت موضوع استاذ غاربله عن الدوله المدنيه بقيت بضحك طب ماهي دي الدوله الاسلاميه الي اتكلم عنها عضو من الاعضاء فموضوع ما هي الشريعه الاسلاميه
طب هو احنا مختلفين علي ايه بقي ؟؟؟؟؟؟؟؟؟؟؟؟؟ مسميات وبسسسسسس
وعالعموم انا اسفه لكل واحد انا غلط فيه ومسامحه كل واحد قالي كلمة متتقلش ورمضان كريم

[إسلامى عزتى]

الحمد لله
هو فيه فعلا اختلاف مسميات
بس مظنش ان الليبرالين عايزين يطبقوا الشرعة ،،مش كده
يعنى عمرو حمزاوى مثلا هيبقى عايز يطبق الشريعة؟
هم عايزين مبادئ بس يعنى امانة عدل لكن مش عايزين ربا لا خمور لا وكده

رمضان كريم

[nurahn]

لا طبعا انا مبتكلمش علي اليبرالين اياهم ولا اكيد العلمانين عاوزين كده ويمكن ده السبب الي انا عشانه كنت بتعصب لما حد يقولي او يقول لاي واحد تاني انت علماني او ليبرالي
بالنسبه للاستاذ عمرو حمزاوي هو ليه رايه هو حر فيه وقد تبين الرشد من الغي يعني المسلمه الي هتتجوز من مسيحي دي ماهي عرفه ان ده حرام بنص كتاب الله مفيهاش جدال هو كده بيلغي كمان الدوله المدنيه ذات المرجعيه الاسلاميه بل بيلغي كمان الشريعه لان مينفعش حاجه ربنا قال عليها حرام فعشان انا اكسب 3 4 اقول لا مش حرام دي مفيهاش جدال ولكن زي ما عمرو حمزاوي نموذج مش تمام ففي في الاخوان برده من قال ان جواز الاخواني بغير الاخوانيه حرام واستدل علي ذلك بقول الله اتستبدلون الذي هو ادني بالذي هو خير لكم يعني هو اليي مش اخواني ده مش مسلم مثلا !! فدي اخطاء فرديه مينفعش ننسبها للجماعات الي هما بينتموا ليها
وشكرا للمرور :D

[صوت الامة]

يا اختى الاخوان المسلمين يريدون تطبيق نفس الدولة التى تتحدثين عنها
وهى الدولة المدينة ذات المرجعية الاسلامية
الى باختصارالشعب المصدر الرئيسى للسلطات
والشريعة الاسلامية هى المصدر الرئيسى للتشريع
دة مش معناة ا نهم لا يريدون الدولة الاسلامية ولكن صعب الان
تطبيقها لان الشعب مش مستعد ليها الان ان شاء الله هتيجى هتيجى
ولكن كل شئ تدريجيا وكما قال احد قادة الاخو ان
انهم لن يطبقو الدولة الاسلامية الا لما يكون
عدد المطالبين بيها اد الى طلعو فى الميدان يوم 25 يناير !!
تصحيح للمعلومة الاستاذ صبحى صالح لم يقل ان من تزوج بغير الاخوانية حرام !

[maths city teacher]

كل واحد دماغه صح والباقى غلط فعلا كقايه مناقشات فى الموضوع ده محدش حيقتنع بوجهه النظر الاخرى

[رمضان شاهين]

دعكم من الخلاف ولا تنظروا للى فات