موبايلك تاب ولا لسه؟؟؟

[أم عمار قائد الأحرار]

السلام عليكم ورحمة الله
موبايلك تاب ولا لسه؟؟؟
ايوه طبعا انا اقصد الكلام كويس اوى..
كتير الاقى واحد او واحده محجبه فى الشارع وتشوف شكلهم تحترمهم ..ماشاء الله راجل شكله محترم..ماشاء الله الاخت متدينه..وأول ماموبايلها ترن..بسسسسسس
بدات المصيبه..موسيقى ايه واغانى ايه واصوات ايه..اعوذ بالله
طب وانتى يااختى مش عارفه ان الاغانى حرام..مش بس سبتى الحرام لنفسك لا بدخليه ودن اخت او اخ مش بيسمع بالعافيه ليه؟؟؟؟ بتشيلى جبل ذنوب ليه..انتى قد الذنوب دى كلها؟؟؟
اتقى الله يااختى وغير رنتك..اتقى الله يااخى وغير رنتك


بلاش الموضوع ده
ايه اخبار الفيديو اللى فى موبايلك؟؟؟
لسه مهتم تحط فيديوهات من اللى ملهاش لازمه دى؟؟؟
هتستفاد ايه من فلان لعيب الكوره وهو بيتكلم فى كذا ..او الاخت المغنيه وهى بتهزر وتقول كذا
او الاخ النجم فى المكان الفلانى
استفدت ايه بالله؟؟؟؟


طب بلاش بردو
أسم بلوتوثك ايه؟؟؟؟؟؟؟؟
وبتبعت منه ايه؟؟؟؟
طب ماهو قدامك فرصه جميله انك تاخد حسنه باسم بلوتوثك وتخليه ذكر بدل ماتكتب الروش او الاميره او الملك او اى اسم من اللى ملهومش لزمه دول
واللى بتبعته لصحابك بالبلتوث..اوعى تكون بتبعت الجون الاخير للنجم الاعب كذا..ولا مقطع من اغنيه كذا..ولا حتى من فيلم كذا
اتقى الله يااخى...
اتقى الله يااختى
غير كل ده بسرعه
يااختى ايه اللى بتعمليه فى موبايلك ده
ده لو نطق ..زمانه هايقولك حرام عليكى..انتى مش حمل الذنوب دى كلها

واوعى تشوف صحبتك عامله رنه حرام ولا فيديو حرام وتستكتى
اوعى تلاقى منكر ومتغيروش؟؟؟


اقول قولى هذا واستغفر الله لى ولكم
وجزاكم الله خيرا

[prof_maher mohamed]

شكرا على الموضوع الرائع
ولله الحمد موبايلى تائب من زمان لانى مش بحب سماع الاغانى
اللهم بلغنا رمضان

[™Myth D™]

موضوع اكثر من رائع شكرا لحضرتك

[eng mostafa mahmoud]

بارك الله فيكى

[زهرة الياسمين]

بارك الله فيك يا أختى ونفع بك

سلمت يمناك وأسأل الله ان يجعلها فى ميزان حسناتك

[صوت الامة]

جزاكم الله خيرا على الموضوع الجميل
ربنا يبارك فيكم

[أم عمار قائد الأحرار]

نورتم الموضوع

وجزاكم الله خير ع المرور الطيب