أه وأه علي الضرائب

[FRANKENSTEIN]

أه وأه علي الضرائب



لما تعرف أن حجم الضرائب اللي بتخده الدولة كل سنه 6 مليار جنيه للضرائب العامة و18 مليار جنيه لضرائب المبيعات ودي طبعا إحصائية من مصلحة الضرائب العامة .

هل هتسأل أمال فين الخدمات اللي بتتعمل في الدولة بالمبالغ دي .. هل هتشك أن الفلوس دي بتخش في كروش الموظفين الكبار .. هل هتسمع لإعلانات الضرائب اللي بتزن علي ودنك كل دقيقة والتانية في كل القنوات الفضائية والأرضية وبتنصحك أنك تدفع الضرائب اللي عليك للدولة عشان تحسن من مستواك المعيشي .

أنا لما جواب من مصلحة الضرائب علي المهن الحرة .. زوجتي العزيزة .. اعتقدت أني مالتي مليونير ومش عاوز أقول .. كفاية أنكم تعرفوا أن الضرائب جتلي حوالي 35 ألف جنية مصرية .

بابتسامه غريبة لم أعتادها من قبل .. قالت لي زوجتي ..

- أنت بتقبض كام في الشهر يا حبيبي..

نظرت لها في لامبالاه وقالت

- ما انتي عارفة كل حاحة يا حياتي .. ده من سلقط لملقط لقباض الأروح .. يعني الفلوس بتكون عندك في النهاية واني اللي باخد مصروفي زي أي رجل مصري يعرف مقدار نفسة جيدا .

هنا أبتسمت وقال

- مش قاصدي علي المصاريف العادية لأ المصاريف السرية .

نظرت لها في زهول مقترن بحالة من حالات الغباء الحاد .. وانا أفكر هل تعتقد زوجتي العزيزة أني لي حساب في سويسرا مثلا .. او ان مرتبي الشهري .. يعد بالألفات .. ولكني عزمت الأمر علي المواجه المباشرة .

- اية اللي وراكي .. لخصي وهاتي من الاخر

- اصل جواب الضرايب جالك النهادرة يا حبيبي وعليك ضرايب 35 الف جنية

- يا خبر اسود .. ليه هو انا بتاجر في العملة ولاد الكلاب ..



بالطبع أنهلت بالشتائم علي الدولة .. وعلي الضرائب .. عندما وجدت أن هذا الرقم تقدير جزافي من الضرائب وعليا بالطعن في زمن محدد.

تقدير جزافي ولاد الرفضي .. طب والنبي لأفضح أبوهم ..

بلاش كلام .. تعالوا نتكلم بالإحصاءات اللي نشرتها جريدة الأهرام مثلا .

البطالة : 29% من القادرين على العمل..حوالي 5 مليون شاب

الانتحار : 3 اّلاف محاولة سنوياً

حوادث الطرق : 6 آلاف قتيل سنويا و 23 الف مصاب

الأُمية ( الحالية) : 26% من الشعب المصري

الأُمية ( المستقبلية) : 7% من الأطفال لا يدخلون المدارس بسبب

الفقر ..غير الهاربين بعد الدخول

التعليم : دروس خصوصية ، كتب خارجية ، جامعات خاصة للربح فقط

عمالة الأطفال : نصف مليون طفل

أطفال الشوارع : تقرير الأمم المتحدة : 100 ألف طفل

عشوائيات : 45% من الشعب يسكن العشوائيات.. 35 منطقة عشوائية بالقاهرة فقط

موظف الحكومة : تحت خط الفقر ويؤخذ منه ضرائب ( ستة جنيهات متوسط دخل الموظف يومياً )

وفي الأحوال الصحية

السرطان : تضاعف 8 مرات ..أعلى نسبة في العالم

ال***ة الصدرية :20 % من الحالات شباب تحت الأربعين

البلهارسيا : أعلى نسبة في العالم

السكر : ‏7‏ ملايين .. ‏10 %‏ تقريبا من عدد السكان

إلتهاب كبدي : 13 مليون.. 20 % من الشعب

فشل كلوي : أعلى نسبة في العالم

شلل الأطفال : موجود في 6 دول في العالم فقط منهم مصر واخيرا بعد معاناه اتخلصنا منه

الإكتئاب : ‏20‏ مليون مواطن

أمراض نفسية ( أخرى) : ‏6‏ ملايين

التدخين : 80% من البالغين مدخنين

التلوث : أعلى نسبة في العالم...تلوث للهواء ومياه الشرب

والتدهور في التربة والمناطق الساحلية..خسائر 30 مليار جنيه

الانفاق الحكومي: 10 دولار فقط للفرد سنوياً



الأزمــــــــــــــات

فساد ,تعليم

إسكان

زواج

بطالة

صحة

أخلاق، ضمير،

مرور

مياه نظيفة،

صرف صحي،

البناء على الأرض الزراعية،

تصحر،

زحام

غلاء,

انخفاض احتياطي النقد



هترجعوا تسألوا تاني أمال فلوس الضرائب بتروح فين .. رغم التقديرات الجزافية اللي بتقوم بيها مصلحة الضرائب .. والمواطن المصري مختوم .. وده من أنواع ثلاثه بيمتاز بيهم الشعب المصري

قسم مختوم وقسم محسور وقسم تبقى له بيطلع في الروح



القسم المختوم: من الطبيعي أي يكون له خاتم(حد ختمه يعنى)،أمال هيتختموا لوحدهم!!.ما يزيد عن الخمسون عاماً وهم ينتظرون الفرج ويتابعون الأخبار والأحلام الورديه فى شغف..ييجى معاد النشره....افتح التلفزيون يبنى...ياه ه محادثات...الموصلات هتبقي فاضية ..شقة لكل مواطن .. مش هيكون فيه بطالة



قسم محسور: ده بقى ضمن قائمة الولوله والعويل والصويت وامجاد ياعرب أمجاد...وزمااان لما يعيني الجنيه المصرى الغرقان حاليا بيشترى كام دولار كده ...وأهو كله باصص لمصر..ومصر فاتحه صدرها طبعاً..واخواننا العرب راميين الحمل، وسواءا داخل مصر أو خارجها فالكل محسور لحالها.

وأهى دى الفئه العظمي- القسم المتحسر!!-



قسم فاضله نفس: أهو عمال يعافر..موجه تجيبه وتانيه توديه...لسه الزمان مقسمش ضهره.

لم يعد قادراً على الدفاع سوى بالكلمات وبجانبها بعض الحجاره والعمليات الإستشهاديه...ومش بيصدق التصريحات الورديه..وعارف اللى فيها..وفاهم للحقيقه المخزيه.









ياسر حماية

[أحمد2025]

هههههههههههههههههههههههه

[midoragab]

عشان بس تعرفوا ان الحكومة بتاعتنا مظلومة هتعمل ايه و لا ايه يا حرااااااااااام

[The_Relativistic200]

امممممممممممم
والله الضرايب دى معنديش فكرة عنها خالص
كل اللى فاكره
ان الحاج متولى دفع 5 مليون جنيه تقدير جزافى بس

الموضوع بقى كبير يا عم
18مليار ايه
دول جزء ضئيل من دخل الدولة ولا نقطة فى كوباية ميّه

مصادر وموارد كتير لكن حراميه بقى ولاد ال**(حذف من الرقابة)
مش عارف ميسرقوش
عقدة السرقة مدوخاهم بعيد عنك
وبعدين البلاوى دى مش هم السبب فيها
ولا احنا نمنا وقومنا لقيناها
ومن الاخر
مفيش فايدة
مشكور يا بسام على الموضوع
سلملى بقى على كبتن ماجد

[FRANKENSTEIN]

هههههههههههههههههههه
شكرا ع مروركم وخصوصا خالد