أحس بمرارة الظلم ولذلك قررت ألا اسكت عن حقى

[اسراءشعبان]

قامت احدى زميلاتى فى المعهد بالذهاب الى الكمبيوتر لتعديل بيان الحالة وقالت للمسئول انها عاوزه تعدل تاريخ السريان الى 29/10/2005 قالها مينفعش تاريخ السريان هو تاريخ التثبيت قالتله ازاى امال هم ضمولنا خمس سنين على أساس ايه؟ قالها دى حاجه أدبية ومبتأثرش على ترقيه ولا أى حاجة . سألته زميلتى طيب واحنا هنترقى لمعلم أول امتى؟ رد وقال سنة 2019 قالت ازاى ده ظلم قالها احمدى ربنا انك بتشتغلى دا فيه ناس بتدور على عقد بالحصة مش لاقية . قالتله وأنا مالى دا أنا شغاله بقالى 9 سنين فين حقى؟( ولكن لا حياة لمن تناددى)
قررت أنا وهى الذهابا الى محامى ورفع قضية على الأ زهر لأنة بجد المؤسسة الوحيدة اللى ظالمة العاملين فيها وبالذات المثبتين.( يا جماعة احنا مش اتظلمنا احنا اتذلينا ) يعنى مثلا ليه زميلى فى المعهد أصغر منى بسنة واتعين بعدى بشهر واتعين بالضم يعنى دفع فلوس وأنا اتعينت بمسابقة يعنى بتقديرى والان هو اترقى لمعلم أول اسنة اللى فاتت وأنا زى مانا منتظرة الترقية فى 2019
أما اذا قارنا نفسنا بالمتعاقدين فى التربية والتعليم هنلاقى انهم اتثبتوا فى 2011 زينا ولكن اتحسب لهم أقدميه من 2008 يعنى خدوا علاوة 2008 30% يعنى مرتبهم قفز جامد عننا
واحنا المظلومين اتثبتنا من غير أقدمية ولكن (شيخ الأزهر كتر خيره عملنا ضم المدة السابقة للتعين) فرحنا وقولنا الحمد لله حقوقنا هترجع و هنترقى وفلوسنا هتزيد ( ولكن فرحة ما تمت خدها الغراب وطار)اتعاملنابمربوط الدرجة وكمان مفيش ضم للخدمة العامة ( بعتولى جواب ان فيه واحده حجبتنى معافة من الخدمة العامة جايبة امتياز ومتخرجة 2000 و أنا متخرجة 2003 طيب انا عملت خدمة وهى ماعملتش ذنبى ايه ؟ على فكرة اللى زينا فى التربية والتعليم أساسيهم وصل 300 و أخدوا مرتين علاوة تشجيعية و الكل ضم الخدمة العامة

[محمـد الشيخ على]

ضم المده اقدميه مليون فى المائه وده مذكور فى قرار الضم
اوده من عجائب الازهر زى ما يكونوا مستخسرين فى زملائنا يترقوا وياخدوا حقهم
انا بجد سعيد بقرارك اختى الفاضله واتمنى من الجميع ان يحذو حذوك
واذكر ماضاع حق وراءه مطالب

[يارب عفوك]

انتوا فين ياجماعه اخيرا حد اتكلم فى الموضوع دا انا معرفتش المصيبه دى غير من اسبوعين ان الضم شكلى فقط وطبعا سألنا وبحثنا فالاخ مصطفى محمود قال انهم بعثوا شكوى للأزهر وينتظر الرد ولم أجد احد يهتم او يفكر بأفكار تخرجنا من مستنقع الظلم فانا مثلك تماما ولى زميله عملت بعدى بسنه بالضم وليس بالتعاقد اللعين وحقوقها الماليه والادبية والترقيات وكله زى الفل يعنى تشتغل بعدى وتترقى قبلى والمرتب كمان اكتر منى
ياناس انتوا فين - انا معاكى هرفع قضيه بس الاحسن كل مجموعة ترفع لوحدها ولا الامور دى بتمشى ازاى - وحضرتك محافظة ايه

[اسراءشعبان]

المشاركة الأصلية كتبت بواسطة يارب عفوك

انتوا فين ياجماعه اخيرا حد اتكلم فى الموضوع دا انا معرفتش المصيبه دى غير من اسبوعين ان الضم شكلى فقط وطبعا سألنا وبحثنا فالاخ مصطفى محمود قال انهم بعثوا شكوى للأزهر وينتظر الرد ولم أجد احد يهتم او يفكر بأفكار تخرجنا من مستنقع الظلم فانا مثلك تماما ولى زميله عملت بعدى بسنه بالضم وليس بالتعاقد اللعين وحقوقها الماليه والادبية والترقيات وكله زى الفل يعنى تشتغل بعدى وتترقى قبلى والمرتب كمان اكتر منى
ياناس انتوا فين - انا معاكى هرفع قضيه بس الاحسن كل مجموعة ترفع لوحدها ولا الامور دى بتمشى ازاى - وحضرتك محافظة ايه

والله يا جماعة رفعتوا من روحى المعنويه أنا محافظة البحيرة واتفقت أنا وزملائى اللى زيى اننا نحضر ورقنا كله وان شاء الله نروح بكره

[محمـد الشيخ على]

المشاركة الأصلية كتبت بواسطة اسراءشعبان

والله يا جماعة رفعتوا من روحى المعنويه أنا محافظة البحيرة واتفقت أنا وزملائى اللى زيى اننا نحضر ورقنا كله وان شاء الله نروح بكره

كل الشكر لك استاذه اسراء على هذه المشاركه
وتمنياتى لك بالتوفيق ولكل زملائى المظلومين وما اكثرهم

[العشرى1020]

ياجماعة اللى له حق او حقوق لا يتركها لانه لايضيع حق وراءه مطالب طالما لك حق اطلبه ولا تترد

[سالم السوهاجي]

فعلا يا جماعة المفروض مانسكتش على الظلم ونلجأ كلنا للقضاء كما فعلت الزميلة

[محمد تونى بدر]

بالفعل كلامك ممتاز جداااااااااااااااا

[سالم السوهاجي]

فلنلجأ جميعا إلى القضاء ولن يضيع حق وراءه مطالب

[mideo]

انا ومجموعه من زملائى تعين 2005 بالفعل عملنا توكيل لمحامى وهو بصدد رفع القضيه . وبجد والله حسبنا الله ونعم الوكيل فى هذه الموسسه والموظفين بها فى المناطق الذين لايفقهون شيئا ودائما يكرهوا الخير للمثبتين حديثا وده بشوفه فى عيونهم ز واسف على هذه اللهجه لاننى بالفعل فى قمة الضيق من موضوع الظلم الوقع علينا المثيتين حديثا.

[muns_dar]

امال لية ادوا الدرجات للاداريين والعمال والفين
انها فوضى الازهر

[mohamed-sayed]

يا جماعة انا رافع قضية علي الازهر والله المحامي نفسه قرف من الازهر بيقول الازهر بتاعكوا ده غريب
غير التربية والتعليم حتي في القضايا ومحامين الازهر اللي في منطقة الدقهلية شحاتين بياخدو فلوس من المحامين اللي احنا بنجيبهم علشا يخلونا نكسب القضايا

[يارب عفوك]

المشاركة الأصلية كتبت بواسطة mohamed-sayed

يا جماعة انا رافع قضية علي الازهر والله المحامي نفسه قرف من الازهر بيقول الازهر بتاعكوا ده غريب
غير التربية والتعليم حتي في القضايا ومحامين الازهر اللي في منطقة الدقهلية شحاتين بياخدو فلوس من المحامين اللي احنا بنجيبهم علشا يخلونا نكسب القضايا

ممكن اعرف قضية حضرتك هى قضية المثبتين حديثا ولا موضوع تانى

[احمد الطيرى]

افضل شىء هو رفع القضية

[رضا ابوعمر]

الحل يا جماعه هو القضاء وما سقط حق ورائه مطالب احنا فرحنا بموضوع ضم المدة بدون قضايا بس للأسف ضحكوا علينا وجردوا لينا العلاوات ويقول لك ضم المدة ادبية زى موضوع بدل الاجازات الاعتيادية للى طلعوا معاش بدون قضايا وفى الاخر يقصوا نص الايام لحد لما خلوهم يرفعوا قضايا تانى