نقابة المعلمين الازهرية

[زياد نورالدين]

ان المعلم للشعوب حياتها ودليلها وعطاؤها المتفانى
اولا : ليه الازهر ليس له نقابة تطالب بحقوق المعلمين الازهرييين
انا اقترح ان ينفصل الازهر عن نقابة المعلمين بالتربية والتعليم وان يكون هناك نقابة مستقلة للازهر ونناشد الدكتور احمد الطيب بذلك ونبعت لديوان المظالم وكفاية سلبية بقى مش انتوا عاوزين تغيروا يلا غيروا كل النقابات الان دورها مفعل وهتعمل انتخابات فين الازهرية من ده كله نايمن ليه
وانا اقترح ان يكون للنقابة الادوار والمحوار الاساسية التالية وهى
1- المحور الخدمى 2- المحور المهنى 3- المحور الصحى 4- المحور الادبى الاخلاقى 5- المحور الثقافى والترفيهى
اولا : المحور الخدمى 1- تفعيل دور النقابة بالاتصال مع المسئولين لتخفيف العبء عن المعلمين فى وقت الازمات
2- المطالبة بزيادة المكافاة ورفعها الى 400 يوم وزيادة فئة اعمال الامتحانات العامة وتعديل بدل السفر
3-المطالبة برفع مكافاة نهاية الخدمة اسوة بالعاملين فى المصالح الاخرى
4- المطالبة بتيسير رحلات الحج والعمرة للمعلمين
5-تخفيض رسم قاعة الاحتفالات للمعلمين بنسبة 50 %
6-المطالبة بتفعيل قانون تثبيت المتعاقدين الجدد وضم خريجى كلية التربية فور تخرجهم للنقابة
7-المطالبة بتحسين اجور ومعاش المعلمين والمطالبة بمشروع اسكان المعلمين
8-رفع الاعانة عند وفاة احد الوالدين من 90 الى 300 جنيه دون التقيد بعدد ابنائهم المعلمين
9- تيسير استخراج الكارنيهات من النقابة وعمل مجموعات تقوية لابناء المعلمين واوائل الطلاب وخاصة الشهادات
11- عمل قرض حسن للمعلمين لمن يريد ان يتزوج او من يريد ان يجهز بنته
ثانيا : المحور الصحى:
1-توفير البطاقة العلاجية لكل معلم واسرته وان يكون هناك يومين اسبوعيا للكشف على المعلمين
2- تعاقد النقابة مع مستشفيات ومراكز اشعة ومعامل تحاليل وعمل خصومات كبيرة
3- المطالبة بمضاعفة الدعم المناسب لاصحاب المراض المزمنة
ثالثا: المحور الادبى:
1-مطالبة وسائل الاعلام باحترام المعلم ومهنته ومقاضاة من يمسها بسوء
2- اعادة الهيبة لنادى المعلمين بما يليق بمكانة المعلم
3- تفعيل المادة 30 من قانون النقابة بعدم امتثال المعلم امام السلطات للتحقيق الا بحضور محامى النقابة
4- وضع ضوابط بين المعلم والطالب
رابعا المحور الثقافى والترفيهى:
1- عمل موقع على شبكة الانترنت للنقابة للتواصل مع جموع المعلمين
2- تجهيز قاعة للكمبيوتر لتدريب المعلمين وابنائهم ومنحهم دورات فى كل ما هو خديد فى الكمبيوتر
3- عمل دورى ثقافى ومنتدى للموهبين وابنائهم فى الاجازات
4-عمل رحلات ترفيهية وحجز مصايف للمعلمين بشكل معلن فى المدارس وليس فى الخفاء
5-عمل مجلة دورية بمشاركة الادباء والشعراء والمفكرين من المعلمين
6-عمل دورى رياضى وعمل حفلات لتكريم الاوائل من ابناء المعلمين
خامسا الدور المهنى :
1- اقامة دورات تدريبية لرفع كفاءة المعلم فى كل الجوانب
2- تاسيس رابطة للمعلمين الجدد
3-عمل لجنة حكماء من الرواد الاوائل على المعاش لحل مشاكل المعلمين وما يتعلق باوليلء الامور
4- توفي نسخ اصلية من المناهج بمقر النقابة
5-دعم المعلم باسطوانات تعليميةمجانية لشرح المناهج

[النجدى 1980]

ياعم انت بتحلم

ربنا يكرمك

وتشوف الكلام دة على الواقع

[salama201043]

يامسهل
شوبيك لبيك
اطلب وامنى
سلام
اخوك ابو الرياضيات

[على الفيومى]

أسمع كلامك أصدقك أشوف أمورك أستعجب

[الأستاذ أحمد راشد]

انا معاااااااكم

[amir11111]

كلام جميل مقدرش اقول حاجة عنة
بس ياترى الكلام دة ممكن يتحقق

[farag72]

هو احنا اساسا موجودين فى نقابة التربية والتعليم
احنا فى نقابة معفنة اسمها التعليم والبحث العلمى وهذا مسمى فقط كان رئيسها فاروق حسنى

[مجاهد محمد فتحي]

كلام جميل!

[أ/ سعيد موسى]

تصدق لنا نقابة منفصلة عن التربية والتعليم !!!!!!
والله بقول الحقيقة انما لااعرف عنهم شىء
غير اسمع من بعض الزملاء فلان بتاع النقابه اسال نقابه ايه
يكون الرد نقابه الازهر اضحك واتعجب

[خالدابوخبازى]

الاستاذ /سعيد موسى عفوا ليس لنا نقابة وانما هى لجنة نقابية تابعة لوزارة البحث العلمى هذا ما اردت ان اوضحه وانت خير العارفين

[أ/ سعيد موسى]

المشاركة الأصلية كتبت بواسطة خالدابوخبازى

الاستاذ /سعيد موسى عفوا ليس لنا نقابة وانما هى لجنة نقابية تابعة لوزارة البحث العلمى هذا ما اردت ان اوضحه وانت خير العارفين

لجنة نقابية نقابة مشى حالك ومدقش تبع الازهر تبع البحث العلمى
كلها محصلة بعضها احنا لينا ربنا

[saad200979]

من شهر تقريبا طلب المعهد منا عدد2 صورة شخصيه حديثهوصورة لبطاقة الرقم القومى لإستخرج كرنيه للنقابه !!!!!!!


ملوحوظه انا تعين 1995/7/5


الدرجه الثانيه


معلم اول لمادة الدراسات الاجتماعيه

[أ/ سعيد موسى]

المشاركة الأصلية كتبت بواسطة saad200979

من شهر تقريبا طلب المعهد منا عدد2 صورة شخصيه حديثهوصورة لبطاقة الرقم القومى لإستخرج كرنيه للنقابه !!!!!!!


ملوحوظه انا تعين 1995/7/5


الدرجه الثانيه


معلم اول لمادة الدراسات الاجتماعيه

الصورتين وصورة البطاقة لاستخراج كارنيه التكافل وليست للنقابة

[saad200979]

المشاركة الأصلية كتبت بواسطة أ/ سعيد موسى

الصورتين وصورة البطاقة لاستخراج كارنيه التكافل وليست للنقابة

اسف استاذى العزيز ان كنت قد فهمت الخبر غلط ثم ابلغتكم به ...



اكرر اسفى اعتذارى لكم


ولكم خالص تقديرى واحترامى لتنبيهى واعلامى الخبر الصحيح

[abdonady100]

لابد من التظاهر السلمى امام المشيخة قبل نهابة شهر 6 وليكن 20 او 25 6\ 2011 لان لو شهر 6 انتهى مش خناخد فيهم حق ولا باطل....... وان مجبش الاعتصام نتيجة نطلع على منزل د\ عصام شرف... وبعد كده لو لا سمح الله مفيش جديد..... نرفع قضية عى الازهر وادارته الفاشلة,,,,, وقبل ما القضية تحكم كل واحد يكم بطريقته يولع فى نفسه ولا يعمل اى مصيبة عشان اى حد من الخونة اللى عايزين يلعوا الازهر يتحرك ويبطلوا سلبية ,,,,,, ياجماعة دى تبقى سنة سوداء على الكل لو مش تم التثبت,,,, واتقى شر الحليم اذا ...... والنبى اللى يشوف الطيب يسلم عليه.... اصل وحشنا جامد ... قال ثورة قال,,,,, رحم الله الشهداء الابرار وسامحنا من اجل صمتنا الغير مبرر.....